الجمعة، 22 أغسطس 2008

واثقة فيك ياربي

معنديش حاجة في دنيتي ابكي عليها لو كنت مكانه

معنديش حد ابكي عليه غيره

هو عنده كتيييير اوي صدمهم مرضه

واحد ملحد هو معتقد انه مفيش رب لهذا الكون علي عكسه تماما لما عرف اللي حصله بيقوله فين ربك لما انت تكون احسن واحد في الدنيا في نظر الناس دي كلها ليه ربك يعمل فيك كده و قعد يبكي

ربي وربك قدر دا علينا لحكمة هو وحده يعملها و ملناش يد ولا نقدر نقول غير اللهم لك الحمد علي ما قضيت والهمنا الصبر و نسالك الرضا بقضائك

يارب انت عادل و كل افعالك فينا خير


ان كان الملحد سال ليه قدرت علي انسان زي دا يحصله كده

المسلم بيقولك اللهم لك الحمد علي قضائك و يأمل في عفوك و اللهم ارهم قدرتك في شفائه يارب

اقسمت عليك الا تريني فيه مكروه

انت وحدك ياربي القادر علي ان تشفيه و تعافيه

اللهم انا لجأنا اليك ورفعنا ايدينا بالدعاء كما امرتنا فاستجب يا ربي كما وعدتنا ووعدك حق

اللهم اني اسالك ان تشفيه شفاءا لا يغادر سقما وان تعافيه في بدنه و سمعه وبصره و دينه ياربي

اللهم اجعله من الصابرين المخلصين و اجعله من عبادك الفائزين برضاك في الدنيا والاخرة و اجمع شملنا برحمتك الواسعه

يااااااااارب

توكلنا عليك وما لنا رب سواك انت ولينا في الدنيا والاخرة اللهم تولي امرنا و اشفي سيف بحق قولك ادعوني استجب لكم و انك تجيب دعوة الداعي اذا دعاك و تستحي من العبد ان رفع يده اليك داعيا

اللهم تقبل و عافيه مما ابتليته يارب

هناك 7 تعليقات:

Unknown يقول...

بإذن الله ربنا هيكون معاكم وهيشفيه ويريح قلبك المشغول عليه
سدئيني رحمة ربنا واسعة قوي
كل ودي

Unknown يقول...

رمضان كريم وربنا يتم شفاه على خير وتفرحي بشفاه يارب يارب يارب أوعدك هأفضل أدعيلو لحد ما أسمع منك خبر حلو عنه
كل عام وأنتما بألف خير وصحة وسلامة

Saudi Romantic يقول...

السلام عليكم

اللهم رب الناس، مذهب البأس اشف أنت الشافي،
لا شافي إلا أنت ، شفاء لا يغادر سقماً

أسأل الله العظيم، رب العرش العظيم، أن يشفي اخينا سيف .. لكن انت ما طمنتينا عليه اخباره ايه ان شاء الله صحته ومعنوياته كويسه .. ؟ .. على فكره هو سيف طفل والا راجل كبير والا شاب .. عرفينيا عليه حتى لو باختصار .. وعلى فكره هو بيتعالج فين في مصر والا برا .. ؟

عموماً جزاك الله خير على اهتمامك فيه والدعاء له .. والله اني ادعيله من قلبي مع اني ما اعرفه ..ربنا يشفيه بإذنه تعالى .

في امان الله

أميرة يقول...

اللهم امين

انا قلت كل حاجة عنه يمكن انت ماخدتش بالك

سيف دا نموذج لاحسن شاب مسلم ممكن تشوفه في وسط الغرب بكل ما فيه

نموذج للشاب المتمسك بدينه و عنده طاعه ربه فوق اي حاجة في الدنيا علشان كده ربنا كرمه و جعله من احسن 5 طيارين في قارة اوروبا بالرغم من صغر سنه

30 سنة و هو منور الدنيا واللي فيها و احسبه علي خير ولا ازكي علي الله احدا

اما عن العلاج فمفيش جديد اهو بياخد كل يوم الحقن الكيميائي و طبعا اعراضه الجانبية ظاهره عليه و الالم بيزداد شراسة كل يوم عن اللي قبله الله يعفو عنه و يجعله في ميزان حسناته

اما عن النفسية فهو اسوء ما يكون .. كل العيون اللي حوليه من الاجانب زمايله واصحابه الناس اللي عاش معاهم سنين كله حيوية و نشاط و كان مثال لكل حاجة حلوة و نموذج مشرف للشاب المسلم المتمسك بتعاليم دينه في وسط ناس معندهاش دين اصلا ولا بتفكر فيه

نفسيته في النازل كل يوم وهو حاسس ان الناس بتبصله دلوقتي نظرات شفقة علشان هما سمعوا كلام الدكاترة و انه حياته خلاص انتهت بس ميعرفوش ان لينا الله وهو قادر علي كل شيء

الله الذي لا اله الا هو .. هو ولينا وقادر ان يتولي امره و ان يعافيه مما ابتلاه

لما سمعت منه القصة اللي حكيتها هنا كان في تجمع تكريم ليه في المطار النهاردة الصبح كل الناس الدموع في عيونها والحزن في قلوبها و كل دا بياثر عليه اوي ربنا قادر يصبره

صعبان عليه انه خلاص مش هيقدر يطير تاني و كان الطيران دا اغلي حاجة بيحبها قولتله ربنا بيحبك اوي يا سيف علشان كده ابتلاك في الحاجة اللي بتحبها و مستني يشوف هتصبر وتقول الحمد لله من قلبك ولا هتعترض علي قضاء ربنا

قالي الحمد لله ربنا عادل و ان كانت دي ارادته انا راضي بس غصب عني الاحساس اللي بحسه وهما بيبصولي اني خلاص حياتي خلصت

يارب يا سميع يارب انت اقرب الينا من حبل الوريد وتعلم ما تخفي الصدور وتعلم شكوانا اليك

نشكوي اليك مصابنا يارب اشفيه و خفف المه يارب اتوسل اليك يا رب صبره وقويه و اعفو عنه يا رب

ahmed_k يقول...

يقول رسول الله عليه الصلاة والسلام
(عجبت لأمر المؤمن كلله خير
إن أصابته سراء شكر فكان خيرا له
وإن أصابته ضراء صبر فكان خيرا له)

فالمؤمن لا يشك أبدا في رحمة الله به
وهو ارحم بعبده من الوالدة بولدها
فالمؤمن يعلم موقنا ان في مرضه غسل وتنقية له فيحمد ويشكر الله

الهمكم الله الصبر علي المحنه
واليكثر من قوله تعالي
(ربي أني مسني الضر وانت أرحم الراحمين)

شفاه الله وعافاه وجميع مرضى المسلمين

في أمان الله

(المهاجر الى الله) يقول...

الهم اشف انت الشاف واغفر انت الغفور وارحم انت الرحيم فمن يعفو ان لم تعفو ومن يشفى ان لم تشفى .
اللهم اقض على كل ملحد متكبر عنيد يرى نعمك تحيط به ولا يعترف بوجودك اللهم خلصنا منهم وطهر الدنيا من شرورهم.

كلام حسام يقول...

ربنا معاكي يارب يا اليس

اللهم اني استودعك قلبي فلا تجعل فيه أحدا غيرك

وأستودعك لا إله إلا الله فلقني إياها عند الموت

وأستودعك نفسي فلا تجعلني أخطو خطوة إلا في مرضاتك

وأستودعك كل شيء رزقتني إياه فاحفظه لي من شر خلقك أجمعين

يامن لاتضيع عنده الودائع