كل الايام لحد قبل الامتحان بيوم بيبقي مش فارق معايا لا تليفزيون و لا راديو و لا ادور علي حد ارغي معاه ولا انام ولا اكل ولا اي حاجة من دي بتفرق معايا جت جت مجاتش خلاص
لحد قبل الامتحان بيوم لما بنوي اقعد اذاكر ...
كل حاجة بتحلو وقتها
اي حاجة تخليني اقوم من قدام الورق بتبقي ممتعه جدا
الكلام دا غالبا مش عندي انا بس
بس اصلها دلوقتي شكلها وحش اوي
يعني الواحد كبير كده و بيهرب من المذاكرة
محدش بيصدقني لما اقول مليش نفس اذاكر
مهي نفس والله فعلا
واحد عايز ينام و مش جايله نوم
هيعمل ايه يعني .. هيفضل مستني لما يجيله نوم
هو مثال مش اد كده صحيح علشان انا عارفة لو مذاكرتش و رحت امتحن يبقي شكلي وحش اوي
العلم والتعلم في حد ذاته حاجة كويسة و ساعات الواحد بيتعلم حاجة بيفرح انه اتعلمها و عرفها
العلم نور صحيح بينور الطريق قدامنا
بس المهم اللي يتعلم حاجة يستفيد بيها
اللهم اني اعوذ بك من علم لا ينفع
واسالك علما نافعا
بخصوص علما نافعا دي لي وجهة نظر كده هعرضها كمان شوية:)
هناك 3 تعليقات:
السلام عليكم
ما شاء الله تبارك الله هو على مزاجك .. ؟..!! ^_^
لا يا ستي ركزي في مذاكرتك وسيبي كل حاجه وخلي بالك هي ايام من عمر الواحد بس ممكن تقدمه سنين :)
كوني متفائله دايماً .. وربنا ان شاء الله راح يكون في عونك .. والانسان القوي هو اللي يقدر يكيف نفسه مع اي وضع لانه بالأساس شخصيته تتقبل اي مكان وممكن تتقبل الوضع الجديد سواء كان امتحانات او عمل صعب او معيشه في مكان غير مكانه او اي وضع مهما كان .. اعطيك مثال على نفسي .. انا لو تحطيني في جزيره ما فيها احد الا انا.. راح اتعايش مع المكان واقتنع فيه لانه قدري .. واكيد عشان اتقبل اي شيء او اي وضع لازم اني ابتسم له واتقبله بشكل مبدئي .
ارجع واقول ركزي .
في امان الله
وعليكم السلام ورحمة الله وبركاته
عارفة انه مش بمزاجي :(
بس لعلمك انا كمان بعرف اتأقلم مع وضعي و ظروفي ... اينعم ممكن ابرطم شوية بس مش اكتر من كلام و كتير مش بقوله خالص.. بسلم امري لله لحد ما ربنا يأذن بوضع جديد
ادعيلي باه ربنا يعديهم علي خير :)
يوم الجمعه اول يوم .. افتكروني :)
إرسال تعليق