الأحد، 21 فبراير، 2010

؟





سألت نفسي كتير
مرستش يوم علي بر!!
انا اللي فيا الخير ؟
ولا اللي فيا الشر؟
مليان عيوب ؟
ولاخالي من الذنوب ؟
ولا ايه؟؟


كلام حلو و سؤال وجيه
بس الاجابة في منتهي الصعوبة

جوانا شر ؟
اكيد
جوانا خير؟
ممكن

بنغلّب مين فيهم علي مين؟


بتعرف تعد ؟؟

عد مين اللي غالب ؟؟

انا و شيطاني

غلبني كام مرة ؟
غلبته كام مرة ؟
غيظته كام مرة ؟
ضايقني كام مرة ؟
حبتني امتي ؟
كرهتني بكرهي ليه؟
بخاف مني؟
ولا بخاف عليا؟
مني وعليا مني وعليا
خاف مين منه ومني؟

ساعات تلاقي اقرب الناس منك خايفين عليك فيخافوا منك حتي وهما مش واخدين بالهم انهم خافوا منك بدل ما بيخافوا عليك....


*****

ايه في الدنيا اللي ممكن يطمن ؟؟؟

ربنا قال " ألا بذكر الله تطمئن القلوب" وصدق الله العظيم

*****

ان تدخلني ربي الجنة
هذا اقصي ما اتمني
وتهب لي الدرجات العليا
يا ذا المنة
يا ربي
لا حول ولا قوة الا بك
يا ذا القوة يا مولي
فاصرف وابعد عني الذلة
يا ذا المنة
يالا هنائي حين الاقي في الجنة صاحبي ورفاقي
فرحين بنعم الخلاق
يا ذا المنة
يا ربي
واذا مت الهي اجعل لي في قبري نورا واغفرلي
واحشرني مع خير الرسل
يا ذا المنة
يا ربي





الأربعاء، 10 فبراير، 2010

يجري ايه؟؟







يجري ايه لو الحلم اللي تحلمه يجي بالظبط علي مقاس تفصيلك ان مزادش مينقصش ؟

يجري ايه لو جبت قماش متين و عاجبك لونه وشكله ونقشته و كل حاجة فيه حلوة

يجري ايه لو فردت القماش وعلمت علي القماش بمقاساتك

يجري ايه لو حاولت تجمع القطع جنب بعضها احتياطي

يمكن القماش ميكفيش اوي بس هتتدبر

يجري ايه لو جمعت قطع صغيرة صغيرة جنب بعضها و كنت حرفي كفاية انك تظبطهم ميبانوش انهم تجميع مش قطعة واحدة ..حبة صبر

يجري ايه لو غمضت عنيك وشفت الحلم متفصل بالظبط زي ما انت عايزه ؟



يجري انك تفرح بحلمك

يجري انك تفتح عنيك وعلي وشك ابتسامة رضا

يجري انك في احتمال تحقق الحلم وتطلع شاطر

يجري انك تعرف تكون من القليلين اللي حلموا وظبطوا حلمهم علي واقعهم وعاشوا حلمهم واقع


قادر ربنا علي كل شيء



الأربعاء، 3 فبراير، 2010

13/2




فاضل 10 ننام ونقوم

نلاقي 5 راحت باي

6 جت مكانها

:)






عارف انت

كنت ومازلت

في القلب

الاول

لانك اول فرح

بجد بجد

وجودك في الدنيا

احلي من احلي حاجة حصلت

ربنا يحفظك ويحميك








اللهم اني استودعك قلبي فلا تجعل فيه أحدا غيرك

وأستودعك لا إله إلا الله فلقني إياها عند الموت

وأستودعك نفسي فلا تجعلني أخطو خطوة إلا في مرضاتك

وأستودعك كل شيء رزقتني إياه فاحفظه لي من شر خلقك أجمعين

يامن لاتضيع عنده الودائع