الاثنين، 28 يونيو، 2010

نيلنا نيلنا




سبحان الله 
ناس بتدفع ملايين علشان تسكن في بيت بيبص عليك 
واستحوذت علي ضفافك المراكب العائمة اللي بردة بيتدفع فيها فلوس كتير
و بقينا بنشوف فيك اليخوت و المراكب الشراعية دا غير المراكب المعتادة و الله يرحمه الاتوبيس النهري كان ومبقاش !!
بس لسه بنلاقيلنا مكان عندك .. 
لسه بنعرف نقف علي كوبري فوقك نشم نسمة هوا زينا زي اللي دافعين ملايين
لسه بنعرف نتمشي جنبك ولو اننا مبقيناش شايفينك 

والاجمل
لسه فيك حياة و مستحمل بالرغم من كل اللي بتقاسيه 

دي بطة سودة صغيرة  
بتسبح في النيل في "البحر الصغير"
بالرغم من الاحساس ان دي ترعة مش نيل
و امتلائها بكمية كبيرة من القاذورات ..
اول مرة اشوف كائن حي في النيل
كائن حي صاحي بيتحرك مش جثة نافقة مرمية في شطه

لقت البطة دي مكان ليها هناك ...
اصل الجزء دا مش بتمشي فيه مراكب و لا بيسكن علي شطه بشوات.. اللي بيبصوا عليه عمارات عادية و مبني كبير مليان مرضي ابتلاهم الله باعظم الامراض سوءا والمبني نفسه اغلبه آيل للانهيار.. ربنا يعافيهم


يا تري كمان كام سنة هيفضل فيك مية بتجري؟ 
ولا هنصحي الصبح في يوم نلاقيك بقيت ذكري بتقرأ في الكتب انه كان يا ما كان كان فيه زمان نعمة بتجري في ارضنا ؟؟

 يا عالم هيجرالك ايه !!
اصلنا نيّلنا نيلنا بعمايلنا


الثلاثاء، 22 يونيو، 2010

كلمات عاقلة ..



ü     الخبرة .. هي المشط الذي تعطيك إياه الحياة .. عندما تكون قد فقدتَ شعرك 
ü     قوة السلسلة تقاس بقوة اضعف حلقاتها
ü     الطفل يلهو بالحياة صغيراً دون أن تعلم الحياة سوف تلعب به كبيراً 
ü     القلوب أوعية والشفاه أقفالها والألسن مفاتيحها فليحفظ كل إنسان مفتاح سره 
ü     عندما يمدح الناس شخصاً ، قليلون يصدقون ذلك وعندما يذمونه فالجميع يصدقون
ü     لا يوجد رجل فاشل ولكن يوجد رجل بدأ من القاع وبقى فيه
ü     المال خادمٌ جيد .. لكنه سيدٌ فاسد 
ü     الألقاب ليست سوى وسام للحمقى والرجال العظام ليسوا بحاجة لغير اسمهم 
ü     ليس السخاء بان تعطينى ما أنا فى حاجة إليه اكثر منك ، بل السخاء فى أن تعطينى ما تحتاج إليه اكثر منى
ü     خير لك أن تسأل مرتين من أن تخطأ مرة واحدة 
ü     يسخر من الجروح كل من لا يعرف الألم
ü     لا تدع لسانك يشارك عينيك عند انتقاد عيوب الآخرين فلا تنس أنهم مثلك لهم عيون والسن
ü     تستغرق مناقشة المسائل التافهة وقتاً طويلاً لأن بعضنا يعرف عنها أكثر مما يعرف عن المسائل الهامة
ü     إذا بلغت القمة فوجه نظرك إلى السفح لترى من عاونك في الصعود إليها وانظر إلى السماء ليثبت الله أقدامك عليها
ü     من عاش بوجهين مات لا وجه له
ü     إذا استشارك عدوك فقدم له النصيحة، لأنه بالاستشارة قد خرج من معاداتك إلى موالاتك
ü     تكلم وأنت غاضب.. فستقول أعظم حديث تندم عليه طوال حياتك
ü     لا تجادل بليغاً ولا سفيهاً.. فالبليغ يغلبك والسفيه يؤذيك
ü     حسن الخلق يستر كثيراً من السيئات كما أن سوء الخلق يغطى كثيراً من الحسنات
ü     كن علي حذر من الكريم اذا اهنته
ü     كن علي حذر من العاقل اذا احرجته
ü     كن علي حذر من اللئيم اذا اكرمته
ü     كن علي حذر من الاحمق اذا مازحته
ü     كن علي حذر من الفاجر اذا عاشرته
ü     من وثق بالله أغناه ومن توكل عليه كفاه ومن خافه قلت مخافته ومن عرفه تمت معرفته

** تجميع متفرقات ..

الأحد، 20 يونيو، 2010

أضعف الايمان ..



عن أبي سعيد الخدري - رضي الله تعالى عنه - قال:
قال رسول الله صلى الله عليه وسلم: 
"من رأى منكم منكرًا فليغيره بيده،
 فإن لم يستطع فبلسانه،
 فإن لم يستطع فبقلبه
 وذلك أضعف الإيمان "
 أخرجه مسلم.



من فضلك أقرأ شرح الحديث هنا

الأربعاء، 16 يونيو، 2010

بتوجعينا اوي



زعلانة منك اوي
زعلانة منك عليكي
زعلانة من اوي وانتي كنتي حبيبتي
زعلانة من كل بدلة بيضا جواها قلب اسود
زعلانة من كل ايد بتتمد تنهش اللي حوليها

بيتهيألي مهمة الشيطان فيكي خلصت خلاص
مبقاش له دور
شكله خلاص هيبقي عاطل قريب


مش زعلانة من الشيطان لانه مستأذن ربنا في وسواسه

زعلانة من اللي اتوسوسله من شيطان نفسه و وغلب شره شر الشيطان

هيجي عندك ليه؟؟
مبقاش فيه حد يلزمه مساعدته خلاص
اللي بيحمي و يدافع طغي لاخر مدي
اللي بيربي و يعلم طغي لاخر مدي


زعلانة منك اوي والله
زعلانة علي الللي بايت مش لاقي لقمة ولا غطا
زعلانة من اللي داس علي رقبة الغلابة و بقينا كلنا غلابة

زعلانة علي نفسي واهلي والناس كلهم

زعلانة من كمية الشر اللي مالية القلوب دي
زعلانة من الجحود والطغيان و الكره اللي عمي الابصار

زعلانة اني بنزل من البيت الصبح وانا مش عارفة ان كنت هرجعله تاني ولا لا
زعلانة علي اللي كل يوم بينزلوا ومبيرجعوش

زعلانة منك بجد و تستاهلي اللي يجرالك

تستاهلي خيرك ميبقاش ليكي
تستاهلي يسيبوكي الي بيحبوكي

تستاهلي يتجمع فيكي كل ظالم مفتري
مش انتي اللي كبرتيهم و فتحتلهم دراعك و حضنك؟
ان انت اكرمت اللئيم تمرد
ويا عالم بكرة كمان هتعملي و يتعمل فيكي ايه

زعلانة منك اوي وانا كنت بحبك اوي اوي
وجعتينا بجد اوي اوي


الاثنين، 7 يونيو، 2010



الحمد لله علي ان الله هو ربنا
الحمد لله ان ربي عفو غفور
الحمد لله ان ربي تواب رحيم
الحمد لله ان ربي غفور شكور
الحمد لله ان جعلني مسلمة دون ان اسأله
فوجب عليا شكره علي نعمة من ملايين النعم المنعمين فيها

اللهم لك الحمد الف حمد وشكر
اني أذنب فاتوب فتقبلني باذن الله
اللهم لك الحمد الف حمد وشكر
ان بابك مفتوح ومفيش عليه حراس
اللهم لك الحمد الف حمد و شكر
احمدك علي معرفة الحق والنور والهدي وطريقهم
وان بعدنا
وان اذنبنا
وان ضللنا الطريق
بردة عارفين انك غافر الذنب قابل التوب شديد العقاب بس رحمتك وسعت كل شيء
تعفو عن المسيئين
تغفر للتائبين
والله نعمة الاحساس ان في فرصة للعفو وفي فرصة للتوبة وفي فرصة للقبول نعمة من ربنا
انعم بيها علي المسلم العاصي ولم يطرده من رحمته ان تاب واناب
وان لم يتب امهله و صبرعليه
سبحان الله العظيم
والله الدين دا نعمة
بس يتفهم صح
ويتطبق صح
لاظلم ولا جور ولا طغيان علي حق حد
لا ضعيف يكسر
ولا قوي يقهر
الحمد لله ان الظلم الي نهاية
الحمد لله ان الله رحيم عفو غفور


رمضان قرب بسرعة اوي
الايام والشهور كلها بتجري
والعمر بيعدي بسرعة جدا
اللهم ارزقنا نعمل عملا صالحا تقبله منا
اللهم ردنا اليك ردا جميلا
اللهم لك الحمد علي كل حال قضيته علينا
الحمد لله رب العالمين


كلها اسبوع كام يوم ويبدأ شهر رجب
ومن بعده شعبان
اللهم بلغنا رمضان
اللهم بلغنا رمضان
اللهم بلغنا رمضان
اللهم هذب اخلاقنا و اكفينا شرور انفسنا الامارة بالسوء
اللهم اني اعوذ بك من الرياء واعوذ بك من العجب
يارب رمضان السنة دي يرجعلنا والاسلام عزيز في قلوبنا
يارب اعز الاسلام والمسلمين
يارب الاسلام عزيز بس احنا اللي مش حاسين ولا بنحافظ عليه فسامحنا وقوينا لعزته
يارب استر المسلمين يارب احفظهم
اللهم لا تحوج مسلم لاي حد الا لك
اللهم ارحم ضعفنا فقوينا طمعا في نصرة الدين
يارب ميباتش مسلم جعان ولا عريان ولا مظلوم
يارب ميباتش مسلم ظالم ولا واكل حق حد
يارب احنا ظلمنا نفسنا والدنيا زينت الشر في عيون كتير منا
يارب ضللنا الطريق فردنا اليك
اللهم لا يبات في ارضك مسلم جائع ولا محروم الا اعطيته مسألته
يارب علمنا منخافش من بعض
يارب علمنا يبقي قلبنا علي بعض
يارب علمنا منبصش علي رزق بعض
يارب علمنا نحب بعض
يارب علمنا نحب الخير لبعض
يارب علمنا نفرح لفرح بعض
يارب علمنا ناخد بايدين بعض للحق
يارب سكة الشيطان سهلة وميسرة بس تقيلة علي القلب مبيقبلهاش
يارب ردنا اليك ردا جميعا
يارب علمنا نحب النعم اللي غرقانين فيها من فضلك
يارب علمنا نقول الحق و نسمع الحق و نعمل الحق
يارب علمنا نقسم اللقمة بينا وبين اللي مش لاقيها
يارب علمنا ندي من مالك اللي محتاجة
يارب علمنا ان المال رزقنا صحيح بس مالك انت مش مالنا
يارب علمنا ميبقاش المال سيدنا
يارب علمنا منتمناش حاجة مش بتاعتنا
يارب علمنا نرضي بنصيبنا
يارب علمنا نبقي اقوياء
يارب علمنا منسيبش حقنا
يارب علمنا نقتل الشر جوانا
يارب علمنا نطبطب علي بعض
يارب علمنا ندي من غير ما نستني ناخد
يارب علمنا نحن علي بعض
يارب علمنا نسأل علي بعض
يارب علمنا نود بعض
يارب علمنا ما ينفعنا وانفعنا بما علمتنا
يارب يسرلنا الخير
يارب ارزقنا الخير
يارب اهدنا للخير
يارب علمنا نستر بعض
يارب علمنا نساعد بعض
يارب علمنا عشان نسينا
يارب فكرنا باللي المفروض نكون عليه
يارب سامحنا عشان نسينا
يارب ملناش عذر يوم ما نقف قدامك
يارب خلينا نلحق نفسنا
فوقنا يا رب قبل ما يفوت الوقت
فوقنا يا رب لاجل نشوف الحق
فوقنا يا رب علشان منسكتش عن الحق
قوينا يا رب علي كل غاصب معتدي اخد حقنا
قوينا يارب علي كل ظالم مفتري نهبنا و خربنا
قوينا يارب لاجل ننصر الحق علي الباطل
قوينا يارب قوينا
ولا حول ولا قوة الا بالله العلي العظيم

اللهم حول حالنا لاحسن حال

يارب حسسنا اننا لسه في امل فينا
يارب متخليناش تهون علينا نفسنا اوي كده
يارب متخليناش يهون علينا اهلنا وارضنا اوي كده
يارب متخليناش يهون علينا نفسنا
يارب احيي الضمير في قلوبنا
يارب احيي الحق جوانا

يارب لا تجعلنا من المستضعفين فالمؤمن القوي خير واحب اليك من المؤمن الضعيف

قوينا و خلينا نحس من تاني

مبقاش في العمر اد اللي راح
ولا بقي في عدل اد اللي كان زمان

اللهم رحمنا برحمة من عندك تغننا بها عن رحمة من سواك

اللهم لا تسلط علينا بذنوبنا من لا يخافك فينا ولا يرحمنا
اللهم لا تسلط علينا بذنوبنا من لا يخافك فينا ولا يرحمنا
اللهم لا تحرمنا من فضلك
اللهم لا تحرمنا من فضلك
اللهم لا تحرمنا من فضلك




الأربعاء، 2 يونيو، 2010

العودة







برغم الغياب و البعد احيانا كثيرة 
فالقلب يهفو للقاء
برغم الضعف و الاخطاء 
فالقلب يهفو للقاء
اذكرك في نفسي
فتدمع عيني 
اذكرك بلساني 
فينعصر القلب
من شدة البعد
من قسوة الذنوب
من ضعف الارادة 
بلغت  من عمري ما بلغت
ولم ابلغ مرادي اليك
سعيت و سعيي سوف يُري
وما اشقاه سعي
كنت ابغي صحيفة الامس تطوي
وغدا تفرد الصحف و لن تُنسي


ربي ارزقني عودة اليك
ربي ارزقني دمعة لك
ربي ارزقني توبة اليك
ربي ارزقني محبتك في القلب
ربي اهدني فيمن تهدي اليك


اريد العودة اليك 
اعلم الطريق اليك
اتحسس الاشواك في اوله 
فاحمدك اني احسها 
فلولا رحمتك ما عرفت ان مجاهدة النفس مأجوره
واحمدك اني اذكرك
واحمدك اني اشتاق لرضاك
واحمدك ان البعد لا يطقه القلب
واحمدك ان القلب يرجو الرضا
واحمدك ان الرضا بامرك
رضيت بالله ربا 
رضيت بالاسلام دينا
رضيت بسيدي و جدي المصطفي صلي الله عليه وسلم نبينا ورسولا
رضيت الاسلام دينا عن عرفان به نعمة عظيمة 
رضيت الاسلام حياة و عمل .. توبة و عفو  .. رحمة و غفران


اللهم ارزقنا العودة اليك
وجنبنا الفواحش ما ظهر منها وما بطن
و جنبنا النفس الامارة بالسوء
وجنبنا مداخل الشيطان
وجنبنا سوء الخاتمة


اللهم ارزقنا العودة اليك ولاتردنا خائبين
اللهم ردنا اليك ردا  جميلا
اللهم انت اعلم بنا وانت الخالق العليم
اللهم ردنا الي دينك ردا جميلا
اللهم حبب الينا القرب منك
اللهم حبب الينا التقرب اليك
اللهم ارزقنا العودة اليك









اللهم اني استودعك قلبي فلا تجعل فيه أحدا غيرك

وأستودعك لا إله إلا الله فلقني إياها عند الموت

وأستودعك نفسي فلا تجعلني أخطو خطوة إلا في مرضاتك

وأستودعك كل شيء رزقتني إياه فاحفظه لي من شر خلقك أجمعين

يامن لاتضيع عنده الودائع