واثقة فيك ياربي

معنديش حاجة في دنيتي ابكي عليها لو كنت مكانه

معنديش حد ابكي عليه غيره

هو عنده كتيييير اوي صدمهم مرضه

واحد ملحد هو معتقد انه مفيش رب لهذا الكون علي عكسه تماما لما عرف اللي حصله بيقوله فين ربك لما انت تكون احسن واحد في الدنيا في نظر الناس دي كلها ليه ربك يعمل فيك كده و قعد يبكي

ربي وربك قدر دا علينا لحكمة هو وحده يعملها و ملناش يد ولا نقدر نقول غير اللهم لك الحمد علي ما قضيت والهمنا الصبر و نسالك الرضا بقضائك

يارب انت عادل و كل افعالك فينا خير


ان كان الملحد سال ليه قدرت علي انسان زي دا يحصله كده

المسلم بيقولك اللهم لك الحمد علي قضائك و يأمل في عفوك و اللهم ارهم قدرتك في شفائه يارب

اقسمت عليك الا تريني فيه مكروه

انت وحدك ياربي القادر علي ان تشفيه و تعافيه

اللهم انا لجأنا اليك ورفعنا ايدينا بالدعاء كما امرتنا فاستجب يا ربي كما وعدتنا ووعدك حق

اللهم اني اسالك ان تشفيه شفاءا لا يغادر سقما وان تعافيه في بدنه و سمعه وبصره و دينه ياربي

اللهم اجعله من الصابرين المخلصين و اجعله من عبادك الفائزين برضاك في الدنيا والاخرة و اجمع شملنا برحمتك الواسعه

يااااااااارب

توكلنا عليك وما لنا رب سواك انت ولينا في الدنيا والاخرة اللهم تولي امرنا و اشفي سيف بحق قولك ادعوني استجب لكم و انك تجيب دعوة الداعي اذا دعاك و تستحي من العبد ان رفع يده اليك داعيا

اللهم تقبل و عافيه مما ابتليته يارب

مفيش فايدة

مش عارفة اذاكر باه :(

والمفروض اعمل كده

بس انا عارفة ان اخرتها هعمل كده :(

فين ايام زماااااان

طبعا ولا في دماغك المرمطة اللي هتجرالك كمان شوية :)

ألا ليت الزمان يعود يوما

بس

علشان اقوله

مش كنت تقول يا رااااااااجل :)

مش لاعبة باه هه P:

أعتذر

بعتذر عن البوست اللي فات اني حكيت الحكاية دي .. يمكن اكون انفعلت امبارح وانا شايفة ناس متحمسة تساعد

مكانش ليه لازمة اكتب البوست بس مش قادرة امسحه .. ممكن اكتب غيره كتير اوي عن حكايات مشابهه لناس حكايتهم صادقة و حقيقية مش مجرد سرد لحدوتة سمعتها من حد .. بس كله في الاخر بيكون كلام واللي بيقرا لو صعبوا عليه الولاد شوية وخلاص بعدها

زي حكاية الصحابي اللي قابل سيدنا ابو بكر و قاله انه بيكون في مجلس الرسول خاشع يحس بقرب الاجل ويتاثر بالحديث و لما يرجع بيته ممكن يضحك و يلهو مع اهله و ينسي انه كان من ساعه و احدة حاله غير كده .. كلنا هذا الرجل

بس مش كلنا بيحول كلامه لفعل .. اللي عايز يساعد بيساعد بالفعل مش بالتعاطف و الحماسة بدون وعي لحقيقة وابعاد الموضوع

انا في اكتر من مدونة قرأت عن تجمع المدونين لما راحوا يتبرعوا بالدم بناءا علي دعوة احدي المدونات .. كنت حاسة بفرحة تجمعهم في الله و لله و حبهم لبعض في الله و انهم جاءوا من اماكن كتيرة بعيدة علشان يعملوا حاجة لله حتي اللي متبرعش يومها بيتهيالي كانت ابتسامته في وجه اخيه ليها ثواب عند الله و خصوصا انهم متجمعين برضاهم والله وحده اعلم بالنوايا

اعتذر عن الحكاية اللي حكيتها بس الحقيقة ان في اصعب منها بكتير .. و ذكرها لن بفيد .. فوجب عليا الاعتذار .. بس مازلت متمسكة برايي مش كل حد يقدر يتعامل مع الاولاد دول ...

قبل ما تفكر تحط ايدك في جيبك علشان تديله اللي فيه القسمة

خلي قلبك يحس بيه حقيقي وقبل ما تديله فلوس اديله ابتسامة حنينة ,,, والله العظيم ( اقسمت بالله و ربي اعلم بنيتي ) هما بيحتاجوا الحنية و الحب اكتر من اي حاجة ف الدنيا .. لاني دي اللي مش ممكن يحسوا بيها الا لو حقيقية و طالعه من القلب

ارجو قبول اعتذاري

اسلام

الموضوع اللي فات كان وراه في ضميري حاجة بس انا الكلام اخدني لسكة اعتبرتها تمهيد للحاجة اللي نويتها في ضميري



بس كنت ناوية اركنها علي جنب شوية علي اعتبار انها لسه عليها شوية .. بعدين هقول عليها علشان مش عايزاها كلمة تتقال و تتنسي دي محتاجة حد يقدرها ويحسها...



المهم ...



البنوتة الجميلة ذات ال13 ربيعا صاحبة مدونة مصر يا .. و كاتب مصري صاحب مدونة كأني اتكلم اتكلموا في موضوع يوجع قلب اي حد بيحس و يعرف انه هيتحاسب علي اخوة المسلم اللي في الوقت اللي بيته كان مليان من خيرات الله .. اخوة المسلم بياكل من فضلاته من وسط اكوام القمامة .. هسيبكم تقرأوا الموضوعين وبعدين اسمعوا الحكايات دي ..



يمكن اطول انا لحد دلوقتي مش عارفة هحكي ايه و اسيب ايه



هحكيلكم الحدوتة من اولها خالص و ممكن حتي بالاسماء هشوف كده وانا بكتب هيحصل ايه



بالصدفة في احد المنتديات من اكتر من 4 سنين و نص واحد نزلت موضوع ... محتاجين متطوعين في مؤسسة اجتماعية ولا اقولكم ناجل الجزء دا لبعدين



المهم شاءت الظروف ان فلانة تروح مكان اختلط فيه اليتيم باللقيط باللي اهله رامينه باللي اهله مش عايزين يصرفوا عليه باللي مطرود من بيت امه علشان اتجوزت و من بيت ابوه علي اتجوز .. نماذج من البشر استحاله تجمعهم لاختلاف ظروفهم البيئية و حالاتهم الاجتماعية .. يشاء ربنا انهم يتلموا تحت سقف واحد في مؤسسة من المؤسسات الاجتماعية في احدي الاحياء ..



كانت مؤسسة بنين ..اصغر ولد كان عمره 5 سنين و اكبرهم كان 18 و في النص كل مراحل التعليم و الللي فيهم بيشتغل و اللي فيهم بيشتغل و بيدرس و اللي بيهرب من التعليم و اللي فيهم بيشرب مخدرات واللي بيشرب سجاير من اصغر لاكبر واحد واللي محتاج مساعدة و منكسر واللي نفسك تكسر رقبته و اللي طيب و عاقل و نفسه يكون كويس و اللي بالضرب ممكن يتعدل حاله



المهم كل التشكيلة دي بتتلم علي ترابيزة واحدة فطار و غدا و عشا ( بغض النظر عن انه اكل ميتاكلش في معظم الاحيان ) الا ان ربنا اراد انهم يتجمعوا



طبعا عاملين في النص شلل ( جمع شلة ) كل شلة منهم ليها ريس و معاون و حد هيموت نفسه و يبقي قريب من الريس دا .. المهم ان ورا كل واحد منهم من طارق ابو 5 سنين لحد الطقهم بتاع ثانوي و اللي في التشغيل كلهم كل واحد منهم وراه حكاية تتحكي في مجلدات و كلها خليط من اسوء حاجات ممكن يعملها بنو البشر في اخواتهم



ناخد اسلام كمثال.. اسلام في تانية اعدادي .. رجع المدرسة بطلوع الروح ..دا لوحده عايز كنسولتو محللين نفسيين علشان يعرفوا يتعاملوا معاه .. عمره 13 سنة ... شرير جداااااا .. ممثل بارع .. غلبان في بعض الاحيان ... لو عصرته هتلاقيه معجون بالكذب .. بيتنفس كذب و اونطه و بلطجة ..



اسلام دخل هناك ليه باه ... ابوه وامه عايشين ؟؟؟ اه ابوه و امه عايشين احياء يرزقون ... في يوم من الايام و ابوة برة البيت دخل اسلام لقي امه في وضع زنا مع راجل غريب .. و بمنتهي البجاحة طلبت منه يروح يشتريلهم حاجات و يرجع و اتكررت الحكاية قدام اسلام و من ناحية تانية بيشوف ابوه مع ستات تانية .. لحد ما في يوم قرر يقول لابوه علي اللي بيحصل من وراه .. ابوه طلق امه و هو كارهه اسلام طبعا .. و امه مسكته ضربته علقة موت و طردته في الشارع



عمه راح عمل محضر و حواديت كده لحد ما قرروا الاتنين يتخلوا عنه و يودعوه احد مؤسسات الرعاية الاجتماعية .. في اثناء الحواديت دي كان اسلام بيهرب من البيت و يقعد في الشارع .. حتي بعد ما دخل هناك كان علي طول بيعمل خناقات مع الولاد و بيهرب و بيرجعوه و مش عايز يروح المدرسة .. في مرة كان في حد بيروحلهم و كانوا الولاد تقريبا كلهم بيحبوه جدا والحد دا كمان كان بيحبهم جدا جدا .. عرف ان اسلام هرب مرة تانية .. زعل عليه جدا و اثر فيه انهم حاولوا معاه بكل الطرق .. كلام و تهديد و ضرب و مكافات ... كان بيهرب و يرجع لو سمع ان في متبرع جايب هدوم و لا فلوس للولاد .. بيرجع و يقعد يتمحلس و يمثل للمشرفين علشان يتحايلوا علي المدير انه يرجعه و الراجل كان بيوافق و اول ما يتلايم علي الحاجات الجديدة يجري و يهرب تاني ... المهم في يوم كان في رمضان .. والحد اللي بيحب الولاد دول كان بيصلي التراويح قريب من المؤسسة و كان بيركن عربيته عند المؤسسة ( كان معظم ايام الاسبوع هناك معاهم .. معتبر انه واحد منهم و عادي كل الناس هناك يعرفوه) المهم لما سمع حكاية اسلام و انه هرب المرة دي و ضرب مشرف و ضرب واحد زميله ( نسيت اقول الاسم الحركي ليه دا المؤسسة كان شارون .. من كتر مهو بيعمل حاجات شريرة للي معاه سموه شارون و كتير منهم كانوا بيبعدوا عن المكان الي هو فيه ) المهم الحد دا وهو بيصلي التراويح فجاة لقي اسلام قدامه .. كان ناسي انه هربان .. علي ما ساله ازيك و انت فين و قاله انا هربت من المؤسسة علشان المشرفين و المدير ووووووو وعارف ان الحد دا سهل يتضحك عليه من خيبته و اصلا علشان بيحب الولاد دول جدا و عارف انهم هما كمان بيحبوه و مش بيكذبوا عليه .. طيب تحب ترجع يا اسلام؟؟ ياريت بس استاذ فرج مش هيوافق ... ملكش دعوة انت ... انت قاعد فين .. انا قاعد مع شيخ الجامع و في ناس بيجيبوا اكل و جابولي لبس ..هما عارفين انك هربان .. سكت اسلام ومردش .. ليه بتعمل كده يا اسلام مش المؤسسة احسن من الشارع ؟؟ هتلاقي حتة تنام فيه اخر الليل بدل ما تتكوم علي اي رصيف



اصر اسلام يومها ان الشارع احسنله ... سكت الحد دا وهو مروح دخل المؤسسة و اتكلم مع مشرف من هناك و عرف اللي حصل تفصيليا و طلب منه المشرف يجي الظهر تاني يوم علشان يقابل المدير و يتحايل عليه علشان يرجع اسلام





راح الحد تاني يوم ( كان شكله وحش اصلا جدااااااااااا وهو بيتحايل علي المدير و المدير قاعد يعدد في المصايب اللي عملها اسلام في زمايله و قلة ادبه مع المشرفين .. و الحد عمال يستسمحه و علشان خاطري وانا اضمنه المرة دي ووعدني مش هيعمل كده تاني ) المهم المدير قالي انه رفض يروح المدرسة .. و مش عايز يشتغل .. وقال سياسة المؤسسة يا التعليم يا التشغيل .. معنديش حد قاعد عالة كده ( الراجل ليه حق علشان مصلحتهم )



المهم اتفقوا لو الحد قابل اسلام في المسجد هيتفق معاه انه يرجع بس علي شرط ان الحد يكون حاضر الرجوع دا ويشهد عليه .. و يومها المشرفين والاخصائي الاجتماعي اجمعوا ان الحد دا بينفخ في قربه مقطوعه .. اسلام هيفضل شارون .. انا ضامنه المرة دي يا جماعه و حرام دا مهما كان عيل و مش عارف مصلحته و ظروفه وحشة وراعوا انه شاف امه في ماساة اكيد اثرت عليه وشاف كتير في الاوقات اللي قعدها في الشارع :(



رجع اسلام المؤسسة .. راح الحد بليل علشان يشوف حصل ايه .. قالوله انهم رضيوا يوافقوا علي رجوعه بس هو معموله محضر هروب اصلا و مش هيسجلوا رجوعه دا لمدة اسبوع يختبروا فيه هيعمل ايه اسلام ..



نسيت احكيلكم اسلام بينام ازاي ..



الولاد متقسمين لاسر .. يعني حسب اعمارهم و حسب شغلهم .. كل اسرة ليها اوضة كبيرة اوي ( زي العنبر ) و كل واحد ليه سريره و دولابه و هدومه وهو مسئول عن غسيلها و تنظيفها و تنظيف الاوضة من وظيفة الدادة .. يعني بس ياخدوا بالهم من حاجاتهم وبس .. اسلام كان يرفض رفضا باتا الحمام ( مش بيستحموا الا لو المشرفين اخدوه و رموه في المية ) بيلبس الهدوم عليه لحد ما يتضرب علشان يقلعها لان هدومه لو بتتكلم هتشتكي من كمية القذارة اللي عليها .. بياخد الهدوم الجديدة و يحوشها مش عايز يلبسها بس بيستميت في انه يحصل علي الجديد دايما .. ويوم ما اتقابلوا في المسجد كان لابس جديد اكمن الشيخ اقنعه انه لازم يكون شكله كويس والناس هتساعده مش هتقرف منه .. اسلام ليه سرير ..... الولاد كلهم ليهم سراير .. اسلام بيسيب السرير زي ما هو بينام تحت السرير



ضربوه و فهموه بالذوق وبالضرب بالمحايلة و بالحوار و بكل الاشكال .. انت بني ادم ولازم تنام فوق السرير مش تحته .. ودا ابداااااااااااااااا هو بيحب ينام علي الارض و مش بس علي الارض وخلاص .. لا بينام تحت السرير في يزنق نفسه .. اتعود علي كده



نقول خلاص اسلام رجع المؤسسة و مشكلته اتحلت ؟؟ يااااااااااااا ريت ... ممرش اسبوع الا و المدير بعت جاب الحد اللي اتوسطله .. قاله بص ... وافقت يرجع علشان خاطرك اوك ... انما المدرسة مش عايز يروح و مضيته علي كده انه هو اللي ممتنع عن المدرسة علشان دا نصاب و مش بعيد يرجع يقول اني انا اللي بعذبه و منعته من التعليم .. قلتله تشتغل يا اسلام قال موافق.... راح يشتغل اول يوم عدي حلوة و مره ... مفاتش اليوم التاني الا و كان ضارب الاوسطة بتاعه في راسه ........... ليييييييييييييييييييييييه ؟؟؟؟؟؟؟؟؟ عملت في الراجل كده ليه ؟؟؟ اصله شتمني ... احكيلي حصل ايه طيب ... بقولك شتمني .. كنتو بتعموا ايه طيب .. كان بيعملني اعمل حاجة في الشغل ..... وانا مفياش دماغ بيقولي فهمت قلتله مش فايقلك .. راح شاتمني رحت ضاربه و مشيت و سيبتله المحل... راح المدير واتحايل علي الراجل و باس الايادي .. ورجع اسلام بعد يومين... بيزوغ و لا بيرجع المؤسسة ولا بيروح المحل ...قوليلي اعمله اييييييييييييييييييه ... المدير بيقول للحد:( معلش ومش معلش و هكلمه ووعدني و مش هيعمل كد تاني ...و اسلام نجح للمرة المليون يثبت الحد دا و خلاهم يغيروا الشغلانة ... العيد قرب... المشرف قال للحد في يوم علي فكرة انا اهو وانت اهو اسلام مستني هدوم العيد و العيدية و هيطفش تاني .. يا راجل الله يسترها و يهديه ان شاء الله مش هيحصل .. و تحققت النبوءة ... جه العيد و اسلام هرب ....



فاتت شهور لحد ما واحد قابله من الولاد قريب من المؤسسة .. قاله انت فين قاله دي امي اخدتني وانا كويس.. رجع الولد قال للمدير والمشرفين و للحد ... اللي نسيت احكيه انه في الاول لما رجع اسلام .. بيكلموا امه علشان تيجي تشوفله حل تكلمه او تديهم عنوان ابوه يجي يستلمه .. امه قالتلهم انا مش امه انا خالته و مليش علاقة بيه و ابوه قالهم سلموه للقسم انا مش عايزه





اسلام بيختفي و بيظهر .. ساعات بيكون لابس حلو ونضيف و يقول انا عند اهلي و ساعات بيقول انا ضايع و في الشارع والله اعلم هو فين دلوقتي و بيعمل ايه ...



اسلام نموذج ممكن احكيلكم علي عشرات النماذج غيره .. مش كلهم شريرين .. فيهم نماذج ناجحة وفي بارقة امل في بعضهم



و للحديث بقية مع بارقة امل ان شاء الله :)

زكاة واجب ادائها

انا قلت اني لي وجهة نظر ما في موضوع العلم اللي بنتعلمه

واحدة واحدة وعلي اد فهمي وعلي اد عقلي ما موديني ..

انا بزكي عن مالي زي ما ربنا امرني باني بطلع منه نسبة معينة زكاة ان مر عليها الحول ..

و بزكي عن جسمي لما بصلي الضحي كل يوم ..

باقي فيا حاجة مش بدفع زكاة فيها ..

عقلي ..

مهو اكيد مش فاضي اوي يعني و مهما كان درجة علمي ايه او اللي اتعلمته وصلني لحد فين .. بردة في حاجة اتعلمتها في حياتي و في حاجة استفدت منها ..

لحد كده كويس :)

و علي فكرة لو انا بردة متعملتش في مدارس ولا جامعات و امية و جاهلة .. بردة اتعلمت حاجة في الدنيا دي ..

علي اد فهمي كده ..

انا بتعلم ليه؟؟؟

بتعلم علي استفيد و اتنور و استوعب الدنيا من حوليا ووووووو

كل الحاجات اللي ممكن اعددها من هنا الي ما لا نهاية كفوائد من التعليم علي راسي و مش هقدر اجادل فيها .. ماشي ...هيحصلي كل دا .. كويس ...و ماله... و ميضرش .....بالعكس يفيد...

بس هيوصلني اني بردة بتكلم علي نفسي .. انا اللي مستفيدة و بس.. اه عملي بيعود بالنفع علي غيري بس في الدرجة الاولي انا صاحبة الاستفادة الاولي ..

حاجة كمان .. انا اتعلمت اد ايه من عمري و اتعلمت ايه و استفدت من ايه فيه و راكنة ايه جوايا مستفدتش بيه؟؟؟

اتعلمت طول عمري من اول ما اتولدت .. اتعلمت اكل و اشرب و البس و امشي ..

شوية و اتعملت اقرا و اكتب والعب و انزل و اطلع و اروح و اجي و احتك بالناس وووو و .......

ملايين الاشياء اللي منها حاجات حتي مش بنحط في بالنا اننا اتعلمناها ..

دا طبعا غير العلم الرسمي .. في المدرسة و الجامعه و ان كان في بعد كده ..

اشتغلت .. كويس نعمة من عند ربنا .. بستخدم ايه باه في المرحلة الاخيرة دي من اللي اتعلمته سنين عمري كلها ؟؟

نقول 30 ولا 40 % دا قمة التفاؤل في الحسبة دي .. النسبة دي هي اللي بستعملها في الشغل و الحياة عموما في ال24 ساعة من اليوم في المرحلة العمرية اللي عايشاها دلوقتي..

كل الرغي اللي فوق دا علشان اوصل للشوية اللي مدفونين جوانا اللي عفا عليهم التراب و اتنسوا من قلة استخدامهم ..

نحن نتبع سنة المصطفي صلي الله عليه وسلم .. مظبوط؟ .. طيب هو قال ان اذا مات ابن ادم انقطع عمله الا من ثلاث ، منهم الصدقة الجارية و علم ينتفع به ..

الصدقة الجارية .. علم ينتفع به

عندي وجهة نظر تجمع الاتنين مع بعضهم في خطوة واحدة و مرتبطة بالرغي اللي قلته

ايه اللي ممكن يجرا في الدنيا لو انا قابلت ولد صغير بيضرب قطة في الشارع مثلا .. و بالحسني كده فهمته ان كده حرام و انها حيوان بيحس و يتألم زيك و ما الي ذلك من نصائح .. و يشاء الله ان الولد يدخل الكلام قلبه و عقله و يفتكره و يطبقه في حياته ولو صادف موقف زي موقفه دا ينصحه نفس النصيحة و هكذا

انا في ظني اني عملت حسنة و الحسنة تناقلها واحد ومن واحد لواحد .. و الدال علي الخير كفاعله .. و علمت انسان حاجة و العلم دا لم يقف عنده انما علمه لحد تاني و هكذا..

بالظبط دا اللي عايزة اوصله .. احنا اتعلمنا حاجات كتيرة اوي و مبقيناش بنستعمل منها حاجات كتيرة وفي غيرنا ممكن نساعده و نعمله اللي اتعملناه .. ليها طريقين

اما اعمله علي اعتبار اني لست بحابس علم و اني زكيت عن العلم اللي اتعملته في حياتي و بعمله لحد تاني علشان يستفيد منه و هو يعلمه لغيره من بعدي ( و دي بتحصل مع الاب و الام لما بيعلموا اولادهم كمثال )

بس الاولي اشوف اللي محتاج العلم دا فعلا .. لو علم من علوم الدنيا يدرس في مكان ما .. ليه مشوفش حد من الطلبة فيه لو محتاج مساعدتي .. ليه معملهاش لوجه الله اني بساعد انسان محتاج مساعدة و في نفس الوقت تعتبر صدقة جارية و كمان زكاة بوفيها عن العلم اللي اتعملته ولم يتوقف عند حدودي فقط.. الحد دا ممكن يبقي قريب ولا صديق و لا زميل .. دا حتي اللي بتعمله حاجة اتعملتها في الشغل بيتهيالي لو احتسبت عند الله انك بتتصدق بالعلم دا و بتساعد اخوك و حاجات كتيرة اوي ممكن تحتسبها لما تعمل الموضوع دا .. تخيل الثواب جايلك من مجرد كلمة قلتها لحد بس احتسبت عند الله نية طيبة :)

الطريق التاني و بجد احلي حاجة ممكن تعملها و تستفيد من ثوابها ان شاء الله ... المؤسسات الاجتماعية و دور التربية و ملاجيء الايتام والاسرة الفقيرة و المتوسطة .. كل دول فيهم اولاد في سن التعليم .. ممكن يجرا ايه في حياتك لو ساعه واحدة في الاسبوع رحت ذاكرت لحد محتاج علمك دا او علمته حاجة او حتي نصحته نصيحة و تكون محتسب عند الله اجرك عليها

انا مش بقول كلام و خلاص علي فكرة .. الكلام دا في شباب كتيرة بينفذه بالفعل .. بس ناس كتيرة اوي لسه محتاجة .. والمشكلة احنا اللي مش فاهمين اننا محتاجينلهم .. اداء زكاة عن العلم دي ليها اثر في النفس ميقدرش يحس بيه الا اللي بيعملها و جربها..

انا بس حبيت اقول حاجة جوايا و الله اعلم بالنوايا

واتمني اكون عرفت اوصل الفكرة :)

4-3-2-1-0

كل الايام لحد قبل الامتحان بيوم بيبقي مش فارق معايا لا تليفزيون و لا راديو و لا ادور علي حد ارغي معاه ولا انام ولا اكل ولا اي حاجة من دي بتفرق معايا جت جت مجاتش خلاص

لحد قبل الامتحان بيوم لما بنوي اقعد اذاكر ...

كل حاجة بتحلو وقتها

اي حاجة تخليني اقوم من قدام الورق بتبقي ممتعه جدا

الكلام دا غالبا مش عندي انا بس

بس اصلها دلوقتي شكلها وحش اوي

يعني الواحد كبير كده و بيهرب من المذاكرة

محدش بيصدقني لما اقول مليش نفس اذاكر

مهي نفس والله فعلا

واحد عايز ينام و مش جايله نوم

هيعمل ايه يعني .. هيفضل مستني لما يجيله نوم

هو مثال مش اد كده صحيح علشان انا عارفة لو مذاكرتش و رحت امتحن يبقي شكلي وحش اوي

العلم والتعلم في حد ذاته حاجة كويسة و ساعات الواحد بيتعلم حاجة بيفرح انه اتعلمها و عرفها

العلم نور صحيح بينور الطريق قدامنا

بس المهم اللي يتعلم حاجة يستفيد بيها

اللهم اني اعوذ بك من علم لا ينفع

واسالك علما نافعا

بخصوص علما نافعا دي لي وجهة نظر كده هعرضها كمان شوية:)

السادسة .. الرحمة

سااااادس مرة

حرااااااااااااااااااااااااااام

العلم ... ليه تمن .. وانا ماااااااااااااااااالي انا

الله يسامح اللي كان السبب

سبحان من خلقكم الوان واصناف لا حصر لها

حبيبتي

...

اللي مأنساني من شهر 10 لشهر 3

...

......ز....

6 شهور منورة حياتي 24 ساعة

زززززز...

7 سنين وانتي ملزماااااااااااااااني

.

....

.

حتي يا ربي يوم ما اقول هرتاح منك شهر واحد بس في السنة وابعد عن سيرتك

.

............

الاقي روحي متدبسة في حبك من تاني :(

..

.......ز.

انا عملتلك ايه بس يا مدوخااااااااااااااااني شتا و صيف

.

.......

ياااااااااااا رب هونها يااااااااااااااااااا رب

.

...........

يارب اجعلها اخر تغيير

...

...

لفيت لفيت ووقعت في الحمرا امو تاج اخضر

...............

................

ارزاااااااااااااااااق وامري لله صاحب الامر :)

:'(

باظ عنوان و موضوع الرسالة للمرة الرابعة



كابووووووووووووووووووووووووووس



يا ربي خلصني منها يااااااااااااااااااااااااااااارب

:( يا رب :(

Moment of Truth

لحظة صدق Moment of Truth برنامج امريكي باين .. بالصدفة اتكعلبت فيه مرة ولا مرتين قبل كده و النهاردة بردة

**

عندهم في البرنامج دا بيوجهوا اسئلة زي من سيربح المليون بس واضح ان الاسئلة العامة مبقتش بتثير اهتمامهم .. قالوا ندخل اكتر في الخصوصيات .. بس الشوية اللي اتفرجت عليه فيهم .. مش متخيلة ان حد ممكن يعمل في روحه كده (( معظم الاجابات للاسئلة المحرجة بطريقة مقرفة جداااااا .. كشف لستر ربنا )) يعني بيفضحوا روحهم قدام العالم .. علاقات مشبوهه و حاجات تخرب البيوت ان كان في بيوت اصلا..

***

استوقفتني الحكاية دي .. مش علشان كشف ستر ربنا بس .. بس لحاجة تانية .. مش احنا لينا وقفة امام الجبار .. يوم نعرض عليه ( لطفك بينا يا ربي) .. مش احنا هنقف قدام ربنا قدام كل خلق الله .. ياااااااااه مين لو اتصور الموقف دا ممكن يستحمله .. مش عايزة اتصورها حتي .. اقف قدام ربنا .. بلاش دي .. هل ممكن اقف قدام اهلي و يتفرجوا علي صحيفتي ؟؟ حتي اهلي مش هقدر .. مهو اكيد في حاجات كتيرة مش هتعجبهم .. لما انا عارفة اصلا انا عملت ايه و معملتش ايه .. استحمل كشف الستر دا قدام مين ؟؟

***

طب ادور علي حد في الدنيا دي ممكن استحمل يجرالي كده معاه؟؟

***

بيتهيالي مهما حد كان قريب من حد بردة بتفضل حاجات مينفعش حد يعرفها .. مش يمكن عملت حاجة في يوم قررت اني معملهاش تاني .. ذنب و تبت الي الله عنه .. فكرة جاتلي و استغفرت ربنا عليها .. مليون حاجة و ملايين الذنوب بنعملها حتي من غير ما بناخد بالنا احيان كتيرة ..

***

مش احنا لما بنستغفر ربنا بنستغفره عما علمنا وما لا نعلم ... مين اللي يعلمهم كلهم علي بعضهم .. ربنا .. هو وحده الي يعرفهم كللللللللللللللهم .. الصغيرة والكبيرة .. الي فاكراها دلوقتي و اللي نسيتها ..

***

مفيش بني ادم بيتهيالي غبي لدرجة انه لو افتكر ذنب عمله ميستغفرش ربنا عليه .. كده تبقي النتيجة اللي وصلتلها .. مفيش حد اقدر اتكلم معاه عن كل دا و مبقاش كشفت ستر الله الا الله .. مهي النتيجة الوحيدة المعقولة و اللي هداني اليها تفكيري دلوقتي .. بس بردة انطق اقوله ايه بس مهو عارف و عالم و هو اقرب الي من حبل الوريد ويعلم ما تخفي الصدور .. وهو الله ... هو اللي هقف قدامه و هيحاسبني قدام الناس كلها .. مش من باب اولي استسمحه دلوقتي .. لازمتها ايه استني الفضيحة قدام خلق الله :(

***

يارب سترك و عفوك قبل عدلك

***

من رمضان اللي فات و ادي رمضان الجديد هيهل علينا اهو كمان كام يوم ان شاء الله ( اللهم بلغنا رمضان وانت راض عنا )

***

عملت ايه باه انا في الدنيا .. دي سنة كاملة .. والله ما حسيت بيها .. الايام بتمر و الدنيا دي بحسها بتلطشني بالقلم بتتوهني كتير .. بفوق من القلم دا بردة مش مستسلماله ..

***

بس بردة مش عارفة دماغي دي هتوديني علي فين و اخرتي ايه :(

***

ربنا يكفيني شر نفسي و يحسن خاتمتي و يغفر لي ما عملت وما نسيت و ذنبي كله .. بالعفو ياربي قبل العدل

تجديد اماني

اللهم ارزقني هذا المكان

فوق الارض

او تحتها

.....

هل مرت عليك لحظات شعرت فيها انك وحيد؟؟

هل مررت انا بلحظات اكتر من دي ؟؟
معتقدش

احساس محستش باكتر منه من ضمن احاسيس عمري كله

الوحدة اصلها مش وجود ف الفضا ..

ممكن تكون في الزحمة ولوحدك ..

بس المصيبة تبقي مع حد بتحبه وتحس انك وحيد ..

اروح منك فين بس و تسيبيني في حالي ..

انا تعبت :(

لحظات ضعف

قالَ تَعالى
إنْ تُعَذِّبْهُمْ فَإنَّهُمْ عِبَادُكَ وَ إنْ تَغْفِرْ لَهُمْ فَإنَّكَ أنْتَ العَزيزُ الحَكيمُ
سورة المائدة الآية 18
~.~.~

السلام عليكم ورحمة الله وبركاته

هل تمر بك لحظــات ضعــــف

وتشعر انك وحيد

والعالم كله حولك!!!!

فيخيل إليك أن قواك قد خارت !

وأنه لم يَعُدْ بك قدرة على المجاهدة .

.والصبر ومواصلة العمل ..

فلا تستسلم لهذا الخاطر ..

فإن للنفوس إقبالاً وإدباراً ..

فلعل ذلك الإدبار يعقب إقبالاً !

وقد تشعر أحياناً بإحباط ..

وقلة ثقة، وشعور بالنقص ..

وأنك لا تصلح لشيء من الأعمال ..

فلا تستسلم لهذا الشعور ..

واستحضر بأن الإخفاق ليس عاراً إذا بذلت جهدك بإخلاص ..

وتذكر بأن المرء لا يعد مخفقاً حتى يتقبل الهزيمة ..

ويتخلى عن المحاولة ..فحاول مرة بعد مرة ..

وأعد الكرة بعد الكرة ..

وستصل إلى مبتغاك -بإذن الله-.

وقد يعتريك شعور بالزهو والإعجاب ..

فتشعر بأنك نسيج وحدك ..

وقريع دهرك؛

فلا تحتاج إلى ناصحٍ أو مشير !

فإذا مر بك ذلك الخاطر فلا تستسلم له ..

ولا تركن إلى ما أوتيت من ذكاء، وعلم..

وانظر إلى ما فيك من نقص ..

وضعف حتى تتعادل كفتا الميزان لديك !

وقد تهجم عليك الهموم ..

وتتوالى عليك الغموم ..

فيخيل إليك أنها ستلازمك طول عمرك ..

فتظن أن أيامك المقبلة سود لا بياض فيها ..

فلا تستسلم لهذا الخاطر ..

ولا تحسبن الشر لا خير بعده ..

أو أنه ضربه لازب لا تزول ..

فإن مع العسر يسراً، إن مع العسر يسراً.

وقد تتحرى الصواب ..

وتحرص كل الحرص على ألا تخطئ في حق أحد..

ثم لا تلبث أن تقع في الهفوة والهفوة ..

فلا تظنن أن ذلك يبعدك عن الكمال،

والسعي إليه ..

فمن الذي؟

وأي الرجال؟

وقد تقع في الذنب إثر الذنب ..

فيلقي الشيطان في رُوعك أن الخير منك بعيد ..

وأنك ممن كتبت عليه الشقاوة ..

فلا تستسلم لهذا الإلقاء الشيطاني ..

واستحضر بأن كل ابن آدم خطاء ..

وخير الخطائين التوابون ..

وإِنَّ الَّذِينَ اتَّقَوْا إِذَا مَسَّهُمْ طَائِفٌ مِنْ الشَّيْطَانِ تَذَكَّرُوا فَإِذَا هُمْ مُبْصِرُونَ ..

وبذلك تنقشع عنك غياهب اليأس

((منقــــــول بس يارب افهم :( من نفس الموقع السابق ))

<(لذة ترك المعصية)>

بسم الله الرحمن الرحيم

..

كثير منا للأسف ذاق لذة المعصية في غفلة أصابت قلبه و كثير منا قد من الله عليه بإستشعار لذة الطاعة و الانس باللهو

لكن هل جربت هذة اللذة ؟؟

لذة ترك المعاصي كلنا نعلم ان عصرنا هذا مليء بالفتن بل اكاد أجزم ان كل دقيقة تمر علينا بها من الفتن ما يختبر بها الله عبده المؤمن فإذا عرضت عليك المعصية و الفتن فأستشعر هذة اللذة لذة ترك المعاصيو كأن لسان حالك يصرخ و يقول

__

يا ربي انت تعلم أن لهذة المعصية لذة عاجلة

.

و لكني تركتها لك وحدك ،

.

فلا أحد يراني إلا أنت ،

.

و لا يطلع علي أحد إلا أنت

.

يارب طهر قلب ،

.

أفتح لي أبواب رحمتك ،

.

اغفر لي،

.

ليس لي الا انت ،

.

لقد أتعبتني ذنوبي ،

.

لقد أبعدتني عنك ذنوبي

.

سئمت البعد عنك ،

.

أريد القرب منك ،

.

اريدك انت وحدك ،

.

لا أريد إلا رضاك

.

فوالله الذي لا اله الا هو سيقذف الله في قلبك نور و طمأنينة و لذة لا تعادلها لذة اخري كنت تفكر في الحصول عليه بالمعصية كيف اصل اليها ؟

=============================

تذكر : إن النفس لأمارة بالسوء فإن عصتك في الطاعة فاعصها أنت عن المعصية !! ، ولا شيء أولى بأن تمسكه من نفسك ولا شيء أولى بأن تقيّده من لسانك وعينك، فهما بحاجة الي لجام شديد لكي تسيطر عليهما

تذكر : أتعصى الله وترجو رحمته أفتعصي اللهَ وترجُ جنتَه، وتذكرَ أنك إلى اللهِ قادم ... فكما تدين تدان والجزاء من جنس العمل، ولا يظلمُ ربك أحدا.

تذكر : كم من شهوة ساعة أورثت ذلا طويلا، وكم من ذنب حرم قيام الليل سنين، وكم من نظرة حرمت صاحبها نور البصيرة، ويكفي هنا قول وهيب ابن الورد حين سئل: ايجد لذة الطاعة من يعصي؟ قال: لا.. ولا من هم. فأعظم عقوبات المعاصي حرمان لذة الطاعات وإن غفل عنها المرء لقلة بصيرته وضعف إيمانه أو لفساد قلبه.. قال ابن الجوزي : "قال بعض أحبار بني إسرائيل : يا رب كم أعصيك ولا تعاقبني ؟ فقيل له : كم أعاقبك وأنت لا تدري، أليس قد حرمتك حلاوة مناجاتي؟

تذكر :مراقبة الله إذا همت نفسك بالمعصية فذكرها بالله ، فإن لم ترجع فذكرها بالرجال ، فإن لم ترتدع فذكرها بالفضيحة إذا علم الناس ، فإن لم ترجع فاعلم أنك في تلك الساعة قد انقلبت إلى حيوان

تذكر :أقوال السلف في المعاصي قال ابن عباس : إن للسيئة سواداً في الوجه وظلمة في القلب ووهناً ونقصاً في الرزق وبغضة في قلوب الخلق وقال الفضيل بن عياض : بقدر ما يصغر الذنب عندك يعظم عند الله وبقدر ما يعظم عندك يصغر عند الله

وقال الإمام أحمد : سمعت بلال بن سعيد يقول لا تنظر إلى صغر الخطيئة ولكن انظر إلى عظم من عصيت وقال يحيى بن معاذ الرازي : عجبت من رجل يقول فى دعائه اللهم لا تشمت بي الأعداء ثم هو يشمت بنفسه كل عدو فقيل له كيف ذلك ؟ قال يعصى الله ويشمت به في القيامة كل عدو قال أحد الصالحين : ركب الله الملائكة من عقل بلا شهوة وركب البهائم من شهوة بلا عقل وركب ابن آدم من كليهما فمن غلب عقله على شهوته فهو خير من الملائكة ومن غلبت شهوته على عقله فهو شر من البهائم.

..

وأخيرا: عليك بالدعاء فهو سبيل الراغبين، ووسيلة الطالبين، الشفيع الذي لا يرد، والسهم الذي لا يطيش..

فمتى فتح لك منه باب فقد أراد الله بك خيرا كثيرا..

فارفع يديك لمولاك واضرع إلى ربك بقلب خاشع وطرف دامع وجبهة ساجدة، مع قصد وتوجه وتحرق وتشوق

وتعلق بالذي لا يخيب مؤمله ولا يرد سائله أن يمن عليك بلذة العبادات

ويملأ بها قلبك ونفسك وروحك

فهو الذي يجيب المضطر إذا دعاه..

وفي المسند: كان من دعاء النبي صلى الله عليه وسلم: "اللهم حبب إلينا الإيمان وزينه في قلوبنا، وكره إلينا الكفر والفسوق والعصيان، واجعلنا من الراشدين".

..

(( منقــــــــــــــــــــــــــــــــــــول من هذا الموقع ))

فيلم محبش اشوفه

بالصدفة دخلت احدي المدونات لاجد احد البوستات عن احد افلام هذا الصيف..

الفيلم انا شفته علي النت مرة و نص .. شفته اول مرة وكنت عيانة مش مركزة و قرفت منه جدا و شفته النص مرة التانية دي علشان قلت جايز غبية و مفهمتش الكلام الفظيع اللي بيتقال عليه دا .. قرفت اكتر و مكملتش ..

انا عايزة افهم يعني هستفيد ايه انا وانا بروج لحاجة اصلا حرام .. وعلي لسان البطل لما قال اصحابي بعدوا عني و مش بيرضوا حتي ادفع تمن كوباية الشاي لحد فيهم علشان بيقولوا فلوسي حرام.. بيقولها عادي جدا ولا كانها فيها حاجة .. اصل دي مش حد بيشتغل في مكان فيه شك ان ايراده مش حلال صافي .. دا واحد بيشتغل في صالة قمار .. انهي عقلية دي اللي هتعمل عبيطة و تقول الفلوس فيها حلال .. بأمارة ايه يعني ..

بجد حاجة استفزازية .. انا استفدت ايه دلوقتي .. انا بتكلم وانا واعية للموقف مش مجرد متعصبة و لا منغلقة ولا بقول اي كلام .. انا دراسة دراما و ادب و عارفة كويس اللي بتكلم عليه .. هو الفن و الافلام دي مش هدفها عكس صورة عن الواقع و الارتقاء و السمو بالنفس البشرية .. حل المشاكل المعاصرة و استحضار الماضي للمعاشهوش .. و حجات كتيرة كلها حلوة .. مشفتش مرة حاجة من القصص ولا الروايات العالمية منفصله عن البلد اللي حصلت فيها زي ما بيحصل عندنا ..

مين الناس دي.. لو موجودين في وسطنا فهما قلة .. المنحرفين كتير اه بس قلة في وسط الناس اللي اكتر منهم .. انا هستفيد ايه لما اوري الشاب اللي ميعرفش صالة القمار دي ازاي بيلعبوه و يتفرج علي انواع الالعاب و اشكالها .. كام واحد وزه شيطانه ووسوس له انه يروح يشوفها علي حقيقتها هتطلع عاملة ازاي... ذنبهم في رقبة مين .. صناع الفن ؟؟

لما درست قصة دكتور فاوست اللي باع نفسه للشيطان و مضي بالدم علي عهد انه عبد له و هينفذله كل طلباته مكانتش القصة بتبين التفاصيل المقرفة دي .. مهي دي القصة اللي بتمحكوا فيها .. وان البطل في الفيلم دا باع نفسه للشيطان زي دكتور فاوست ..

علي راي اللي قال .. ودا اسمه فن يا رااااجل :(

حاولت ادور علي حاجة واحدة مفيدة ممكن يطلع بيها اي حد من الفيلم بلاش انا علشان انا معقدة و دماغي وحشة و مش بفهم في الحاجات دي .. اي بني ادم كبير و عاقل و بيفهم ... ممكن يطلع بايه بالله عليكم؟؟؟؟؟؟؟؟؟؟

انا عمري ما فكرت اكتب علي فيلم بس المدح والتعظيم اللي قريته في البوست اللي اتكلمت عليه بدون ذكر اسماء بجد مستفز لدرجة كبيرة اوي .. انهي عقول تقبل ان يتم اللعب عليها بالاسلوب دا .. و في الاخر يقولوا دا عن الدنيا و الحياة واللي فيها .. هي الدنيا تستاهل تتذم صحيح بس مش لدرجة اني افصلها صالة قمار علشان اجيب البشر اللي فيها و اصنفهم

ولا حول ولا قوة الا بالله

امتي وازاي ..

مين عارف هيجي امتي

هقدر اسبقه والحق

ولا هيسبقني واضيع

مش هيستناني ..

بس ممكن استناه