السلام عليكم ورحمة الله وبركاته
ممكن مساعدة لو حد يعرف يساعدني
الاكسبلورر بيعملي ايرور باشكال مختلفة علي مواقع مختلفة و خصوصا المدونة دي (احتمال معترض اني بكتب ..يمكن)
المهم يعني اني مش عارفة اعمل ابلود لاي حاجة :(
الكلام دا بالدي اس ال
الغريب باه
اني لما ركبت كونكت كارد فودافون .. اتحملت الحاجة هوا
مش عارفة دا مشكلة النت نفسه ولا ايه
وبعدين في بيت و شغل مش نافع نفس الحكاية
حد يعرفلها حل
الايرور اللي بيطلع زي دول
-IG-Analytics is undefined
Error: Access is denied
Error :"undefined" is null or not an object
والبشوات بتوع الاي تي اللي عندي في الشغل افتوا ان دا عيب من الاكسبلورر و التاني قالي دي حاجة نزلت غلط
بس الكونكت كارد حملها
يبقي العيب فين :(
هناك 18 تعليقًا:
السلام عليكم
يا خبر ابيض ..
هو انت مش راضيه تحملي الفاير فوكس ليه..؟
والله انه اجمد من الإكسبلورر ...
واعتقد ان الرسايل دي بتبقى عطل من الشركه المزوده وغالباً هي مشكله في نفس الشركه يخص البروكسي بتاعها .. مش عارف الشركه بتاعتكم زي عندنا والا لا ؟ بس عندنا ممكن اتصل بيهم واطلب منهم بروكسي رقمي واحطه في المكان المخصص له وكله يبقى تمام ان شاء الله .. هذا احتمال كبير والله اعلم
وبعدين حلوه بتاعت الكونكت دي ..طيب ياسريع :)
مع تمنياتي لجهازك بالشفاء العاجل ان شاء الله
في امان الله
وعليكم السلام ورحمة الله وبركاته
مهو في البيت غير في الشغل يا علي ومش عايز يحمل وهو هو نفسه اللي بيحمل بالموبيل كونكت :(
ما نابني الا غرامة تحميل عالكارت ومسكب لفودافون :(
هتجنن انا مش شغال دي اس ال ليه وشغال عالموبيل كونكت
مش هو هو نفس الاكسبلورر ونفس الجهاز ونفس النستخدم ونفس الصورة اللي بتترفع:(
دا غير رفع ضغطي :(
اصحي تلعبي في الجهاز خليه زي ماهوه ..وانتظري كم ساعه وان شاء الله يرجع لوحده دي مشكلة بروكسي من الشركه نفسها والدليل انه شغال عالكونكت ومش راضي عالدي اس ال .. متلعبيش فيه استني شويه وحيرجع ان شاء الله بتحصل كثير
في امان الله
مش هو هو نفس الاكسبلورر ونفس الجهاز ونفس النستخدم ونفس الصورة اللي بتترفع:(
المتصفح سليم وانا مسؤل عن الكلام ده والعطل في الشركه مش في الجهاز
ما انا لعبت بالفعل :) وبتاع الايتي لعبله شوية هو كمان ونزلي اكسبلورر سفاري بتاع أبل والتاني كان عايز ينزلي جوجل
وبعدين دي بقالها كام يوم كده:(
اشمعني طيب في المدونة دي و باقي المدونات لا :(
هو استقصاد علشان اقفلها يعني :(
ربنا يسهل احنا عملنا اللي علينا وقبل ده كله الباقي على ربنا :)
شوفي اذا الجهاز بتاعك مفرقعش خلال اربع ساعات نبقا عدينا مرحلة الخطر :)
لا مش دي اللي هتفرقعه
الحمد لله رب العالمين هو اصيل وابن ناس
(بسم الله ما شاء الله الله اكبر) من غير حسد يعني
عملت فيه عمايل اسوء من كده بكتير
بس فعلا عايزة اعرف ليه بيعمل الايرورز دي :(
اعملي استعاده للنظام بس خلي بالك اذا ماجبتش فايده الاستعاده تراجعي عنها .. زماشاء الله تبارك الله والله امر على جهازك وحصوه في عين اللي مايصلي على النبي عليه الصلاة والسلام :)
اللهم صلي وسلم وبارك عليه وعلي آله وصحبه وسلم تسليما كثيرا
دا اللي هو اسمه ايه باه يا علي (من غير احراج هو restore لايه؟!!)
إسم الله عليكي يا اليس system restore وعادي احرجينا على راحتك ماتاخديش في بالك :)
ما انا كنت بشبه انها دي
بس الصراحة انا مش اد عملة زي دي
اولا لان لو حاجة اتمسحت هتبهدل اخر بهدلة ومعنديش استعداد الحقيقة .. خليه متلصم
علي راي المثل "حمارتك العارجة تغنيك عن سؤال اللئيم"
مش كفاية اضطريت أسألهم النهاردة:(
هههههههههههههههههههههههههههههههههههه
لو حد دخل وقرأ تعليقاتنل هنا حفتكرك تقصديني بكلامك ده
علي راي المثل "حمارتك العارجة تغنيك عن سؤال اللئيم"
مش كفاية اضطريت أسألهم النهاردة:(
هههههههههههههههههههههههههههههههه
مش عليك يا سيدي
دا اللي اضطريت أسالهم و افتوي زي فتاوي الفضائيات :(
ربنا ما يوريك من عينة البشر اللي بيروحوا اشغالهم علشان يفطروا و يتغدوا و يتسنكحوا في الكوريدورات فوق وتحت ويروحوا بيوتهم اخر الليل
كتر خيرك يا علي علي محاولة المساعدة
ما ينكر الجميل الا الخسيس او قليل الاصل :(
ولست انا هذا الشخص .. ولا ذاك
ومين سمعك
أنا عن نفسي إنهارده كنت حتشل بسبب الكمبيوتر
لأني مش هاين علي أفش غلي فيه وأكسره
فلو عرفتي حل قوليلي
أنا بأفضل أني أغير نسخة الويندوز كل فتره بتعمل زي مسكنات
وأهي ماشيه
خالص تحياتي
والله يا احمد انا مش بفهم في الحاجات دي
انا بفضل صابرة و الصم فيه علشان لو خرب محدش هيرحم :(
واللي مضرورة في كل الاحوال
اما نشوف اخرتها هيتعدل ولا ايه
انا بحاول اقتنع برأي علي .. لان الدي اس ال هنا و هناك بتاع تي اي داتا
فبكرة ان شاء الله هجرب من جهاز تاني كده واشوف هيحصل ايه
اصل كده العيب في الكونكشن مش الاكسبلورر .. او يعني علي اد فهمي و لغاية ما حد من أهل الخبرة يفتينا :(
ابقي جيبله حاجة حلوة يا احمد يمكن عايز شوية مراعية :)
مهما اغيب عن هنا هرجع واقولك انك اول صديقة لي في التدوين
وبعدين هو لازم اكسبلور ما تستخدمي اي متصفح تاني فيه كتير وشغالين كويس
فاير فوكس اوبرا او حتي متصفح جوجل الجديد
ازيك يا حسام
ان شاء الله تكون بخير..
هو انا اصلي دماغي (...) طالما مستفزة من حاجة مش هعرف اسيبها لبديل تاني الا لو فقدت كل امل فيها
ابقي سلملي علي شملولي بن سحلولي :)
بردة القديم له رونق خاص
إرسال تعليق