مش شرط يكون فقير او يتيم او مشرد علشان يحس نفس احساسه
بس ممكن احساسه دا يتقلب 180 درجة مئوية
لو لقي حد يطبطب عليه
مش مهم حتي يقوله مالك
كفاية يطبطب عليه
تفرق اوي
بس يلاقي ..
اذا لقيت حد محتاجك تطبطب عليه
متبخلش بيها
يمكن بعد شوية تقول يا ريتني عملتها..
وفر علي نفسك نظرة لوم ولا دمعة تشوفها في عنيه
دا كان كل اللي يهمه تعمله
بس تطبطب عليه
و لو بنية صدقه حتي
هناك 13 تعليقًا:
السلام عليكم
انا عجبتني المعادله :)
2 x طب + ة = طب طبه
بس يهمني اعرف اسباب هذي المعادله والفكره ؟
في امان الله
فعلا الطبطبة مش عارفة ليه مهمة؟
فعلا الطبطبة بتخفف من الهموم و الاحزان
و مش شرط يكون فقير و لا محتاج ولا مريض
حتى عكس كل دول برضه بيحتاجوا للطبطبة ساعات
و بتفرق معاهم
تحياتي
جزاكى الله خيرا وربنا يكرمك يارب
احيانا بتبقى الطبطبة والحناية لانسان ..
اغلى عنده من اى مال ..
والغريب انه لا ..
بالرغم من بساطتها وعمق أثرها ..
أليس الحبيبة جزاكِ الله خير على اللافتة الطيبة ..
دُمتِ بخير ..
معاكى حق جدا
تعرفى من ضمن حاجات كتير اتعلمتها من أزمتى ان لما يكون فيه حد حزين او تعبان ومهما كان سِنه لازم نقف جنبه حتى ولو بكلمة حلوة تطمنه لانها هتفرق معاه جامد وسبحان الله حتى دى كمان موجودة فى الاسلام واحنا مأمورين بيها
" من فرج عن مسلم كربة من كربات الدنيا فرج الله عنه بها كربه من كربات يوم القيامة"
الحمدلله بجد اننا مسلمين وان اى حاجة حلوة بنعملها بناخد عليها ثواب حتى لو كانت مجرد طبطبة
على فكرة انا بحبك اوى
كلمات تحوى فى طياتها الكثير مع قلتها..اسأل الله أن يلهمنا الحنان على الآخرين
وعليكم السلام ورحمة الله وبركاته يا علي
المعني في بطن الشاعر يا علي
لما تلاقيها قولي :)
----------------------------
عندك حق يا مفروسة
الناس كلها اللي فوق واللي تحت بيحتاجوا حد يطبطب عليهم ولو بنظرة حتي او كلمة طيبة
ودايما الحاجات المهمة تلاقيها عزيزة في الدنيا دي وغالية و حاليا شاحة من الاسواق:(
-------------------------
ايوشه
ربنا يكرمك يارب ويفرح قلبك :)
----------------------------
يا حبيبي مالك داخل مشمر ايديك و داخل علي خناقة ليه بس :)
دا انا طيبة والله ولا بهش ولا بنش :(
وبعدين ليه مش فاضيين يطبطبوا يعني ؟؟
امال فاضيين يزعلوا بعض يعني؟؟ مهو لو فهموا بعضهم وحسوا ببعض اكيد هيراعوا بعض و هيبقي في حتي ولو لحظة واحدة يحنوا فيها علي بعض
ولو علي الكفالة بيتهيألي اللي عايشين في بيت واحد ساعات بيفشلوا يكفلوا اللي عايشين معاهم
اما الكفالة اللي ذكرها رسول الله صلي الله عليه وسلم يا ريت الناس تقدر تعملها لان في كتيييييييير اوي ايتام في الدنيا وحتي ايتام وهما مع اهلهم
وبعدين اليتيم اللي بتتكلم عليه انا موارييش ولا قدامي غيره .. يعني قاعداله ال24 ساعة .. انكر بااااه :(
ربنا يخليك لي يارب وميحرمنيش منك
اول مرة اقرا تعليقك افتكرتك تقصد بالنقط الولاد و تاني مرة تقريبا فهمت تقصد ايه ..
نزل كمامك باه يا حبيبي علشان التلج اللي عندك .. لحسن تبرد :)
وعليك السلام ورحمة الله وبركاته
------------------------
والله يا لجين صدقتي
الطبطبة في رايي انا اغلي من اموال الدنيا كلها وعلشان كده بقت عزيزة اوي في الزمن دا وناس كتيرة بتبخل بيها علي بعضها
ربنا يجازينا واياكم يارب ويسعد قلبك برضاه :)
---------------------
موناليزا
الاول انا كمان بحبك لوجه الله :)
وبعدين ليكي حق في كل اللي قلتيه
انا بيصعب عليا اوي حزن اي حد حتي لو معرفهوش و كتير ببكي علي بكاء اللي قدامي وبيبقي نفسي اعمله اي حاجة علشان يبقي مبسوط
والحمد لله علي اننا مسلمين لاننا غرقانين في نعم ربنا ورحمته .. الحمد لله رب العالمين
ربنا يفرج كروب المسلمين اجمعين و يملأ قلوبنا حنية ورفق علي بعض
محمد الدخاخني
ربنا يتقبل دعائك .. مفيش حد مهما كبر او صغر يستغني عن حاجته لاحساسه بقرب حد منه يحن عليه ولو بنظرة حنية
ربنا معاك
نورتنا
طب طب ة ...
تصدقين كنت ناسيها... ذكركِ الله و إيانا بالشهادة...
في ناس بتكون محتاجتها بس مش عارفه تبين للناس الثانية ازاي..
و في ناس...زي ما تكلمنا عنهم من كم موضوع في مدونة اختنا موناليزا...مش عايزين يوروا الناس انهم محتاجين حاجه ....
و الأجمل من الطبطبة بس..لما تيجي الطبطبة لحد من النوعين اللي فوق..يعني ما يكونوش متوقعينها...
طبطبة...عايز اكتب عن الطبطبة...قريب ان شاء الله....
تحياتو...
جنون عاقل
ياااااه يا راشد
حلوة اوي دي "ذكرك الله وايانا بالشهادة" يارب اللهم امين والمسلمين اجمعين يااااااارب :)
في ناس بتبقي هتموت وحد يقرب منها يقولهامالك ولا يطبطب عليها وفي نفس الوقت عاملة لروحها هالة حولين نفسها مكتوب عليها ممنوع الاقتراب
ورينا باه يا باشمهندس ابداعك :)
ان شاء الله هتكتب حاجة حلوة
الا صحيح مش انت تطلع "قريب" دي :)اول مرة اخد بالي .."ألم يأن أوانك تقرب باه .. تأخرت :) "
عندك حق جدااا
الطبطبه دى لها مفعول السحر
وساعات كتير بتغنى عن مليون كلمة
وبتكون احسن من اى شىء مادى
عجبتنى جداا
ذكرك الله وايانا بالشهادة
حلوة قوى يا ماى بى
يارب نتذكر كلنا
تحياتى
نورتينا يا دكتورة :)
كلامك صحيح .. الطبطبة دي ميغنيش عنها في نظري مال الدنيا كله .. بس مين يفهم دا
في زمن زي اللي احنا فيه ..
إرسال تعليق