كلمة طيبة و فعل مفيهوش أذية لحد
العقل بيقول ان رد الفعل لازم يكون بردة كلمة طيبة و فعل مفيهوش أذية لحد
الحياة الدنيا ليها رأي أخر
قالتلك
اوعي تصدق ان الخير دايما رد فعله خير
اوعي تصدق انك اد ما هتدي هتاخد
صدق بس في عدل ربنا
انه يمهل ولا يهمل
وكما تدين .. تدان
هناك 13 تعليقًا:
داين تدان
عندك حق
صح والله
اعرفى ان ربنا اسمه الحق
فمن يعمل مثقال ذرة خيرا يرى ومن يعمل مثقال ذرة شرا يرى
احسن حاجة بجد انك ماتنتظريش الخير غير من ربنا وبس
صح كلامك
سلام عليكم
ربنا كريم بس كلامك ده كبيييييييير اوى على سنك الصغير ده يا بنتى لكن الدنيا علمتنى انه هو ده اللى بتقوليه بيحصل .. لكن برضه فيه خير والله ويمكن ناس هاتكتشفى انه يادوب كانت بينك وبينهم الكلمه الطيبه وبس لكن تكتشفى معدنهم الحقيقى من موقف او تصرف دول ربنا يكرمهم .
احنا بخير روحت بمحمد لدكتور تانى ورغم اشعة الرنين قال تشخيص تانى وانه قطع فى وتر الكتف وممكن يخف بتمارين رياضيه معينه قله يعملها وبعد امتحانات الترم التانى هايقرر هيحتاج تدخل بالمنظار ولا لا وان شاء الله هسافر معاه يوم السبت وهاقعد معاه اسبوعين لمتابعته .
وبعدين ارجع اخد احمد لكشف دورى ومش هيبان الحل مع التأمين غير فى 14 مارس بأذن الله .... وكل اللى يجيبه ربنا كويس .
ياريت ماتنسيش تسلميلى على سيف لانى والله بفتقده جداااا .
مدحت
كل واحد بيتعامل بأصله..
اللي خيّر من جوه..هتلاقي رد فعله خير عموما...
و اللي سئ من جوه..دا بأه لا يعجبه العجب و لا الصوم ف رجب..
و بما أن أرضاء الناس غاية لا تدرك...ف أكيد هيضل في ناس مش راضيين على اللي احنا عملناه..و هتختلف ردود افعالهم على حسب ما هما ايه من جوه...
في مقوله لسه افتكرتها...تعجبني "وايد"..
"من عاش ليرضي الناس..مات و لم يرضي أحدا"..عشان كده..نرضي ربنا والوالدين..و الباقي نسيبه لأصله
:)
تحياتي
جنون عاقل
فعلا كما تدين تدان
ياريت كل الناس تعرف كده يارييييييييت
و الله معاكى حق فعلا
ربنا اسمه الحق
المدونة جميلة أوى و أسمحيلى أبقى زبونة دايمة :))
سبحان الله العدل ..
والله لو تعشمنا فى الدنيا او البشر ما سنجد غير كل قسوة ..
ولكن الله اللطيف الذى يلطف بعباده حتى وان قست الدنيا ..
تذكرة خفيفة لكنها جميلة حبيبتى أليس ..
دُمتِ بخير ..
معلش انا هبتدي من كابتني العزيز :)
هي الغيرة كارثة اه بس الكابتن علي راسه بطحة ولا ايه ؟؟
الكلام مش عليك يا سيف .. طب الناس تقول علينا ايه دلوقتي :)
والله الكلام مش عليك :(
حمد الله علي السلامة طيب :)
----------------------------
كلامك جميل يا لجين .. الله هو اللطيف الخبير وهو الذي يعلم ما تخفي الصدور و النوايا التي في القلوب
---------------------
انا و دماغي
شرفتينا :) كان نفسي تيجي علي كلمتين الطف معلش .. المرة الجاية :)
---------------------
زووووجة
يا رييييت بتاعتك دي وراها ايه ؟؟
---------------------
مايبي :)
فكرتني والله .. امي دايما تقول الجملة دي .. كل واحد بيعمل بأصله .. وليكم حق فعلا .. الكريم كريم في افعاله .. و الخسيس فعله كله كده .. ربنا يكفينا شره
صدقت والله
ووايد نورتنا :)
------------------
وعليكم السلام ورحمة الله وبركاته
مين دا اللي صغير يا عمي الله يرضي عليك .. مش احنا كبرنا وشيبنا قبل اوانا :)
حكاية ان العشرة بتبين الكويس من الوحش دي متفقة معاك فيها جداااااا
كمان بتعرف معادن الناس وقت الشدة .. اكتر منها وقت الفرح
ربنا يباركلك فيهم ويشفيهم يااااارب هما والسامعين يا رب و يرد الغايب ويفرح قلب كل حزين يارب
---------------------
الله يصح بدنك يا دريم :)
شرفتينا:)
---------------------
ونعم الحق .. ساعات يا اختي الواحد بيقف حيران في بني البشر دول والله .. صحيح اللي خلقهم بس هو اعلم بيهم :)
علي فكرة انا قريت البوست الاخير بتاعت يجي 4 ولا 5 مرات و اقف قدامه حتي مش قادرة اكتبلك لا تعليق .. اسئلتك صعبة اوي انتي متوصية من بتوع الثانوية العامة :)
مش تعملي حاجة مناسبة للطالب الغلبان اللي زي حالاتي :)
منورانا دايما:)
---------------
والله حكاية داين تدان دي حقيقة واقعة .. فكرتني بمثل سمعته من واحدة زمان بيقول اللي يعمله الفقي في البنية يلتقي ..
ربنا يمهل ولا يهمل
نورت يا محمد
فعلاً ربنا هو العدل بس بردو عامل الناس بمثل ما تحب ان يعاملوك به
صدقتي والله يا باربي جيرل :)
ربنا يرزقنا بناس زي دول :)
نورتينا
eee
إرسال تعليق