واحد غبي كل الناس بتقول له يا حمار ، فقام في مرة قال لهم
بلاش كلمة حمار دي سموني حاجة تانية
فسموه جحش...
.فراح لمراته فرحان بيقول لها مش الناس خلاص سموني جحش ..
قالت له وهي غضبانة.....
اتنيل ما انت بكره تكبر وتبقي حمار تاني
واحد ندل جيرانه خبطوا عليه بالليل وقالوله ماتشربش مياه من الخزانات لانها ملوثة
دخل ينام فمراته بتسأله فى ايه ؟
قالها مافيش حاجة اشربي مياه و نامى
مره طالبه مشاغبه المدرس اشتكاها للمدير
المدير بعتلها قال لها "عملتى ايه؟"
قالتله "ولا حاجه رميت ورده من الشباك"
قال "بس كده؟"
قالتله "اه"
بعد شويه لقى طالبه مدغدغه ومكسره
سالها "ايه الى عمل فيكى كده؟"
قالت له "انا ورده الى اترميت من الشباك"
واحد ماشى ورا وحدة
قالها الحلوة وراها مشوار
قالتلة لا وراها حمار
واحد مسطول خبط شرطى بالعربية فااتصل 122
و قالهم احب ابلغكم انكم بقيتم 121
واحد سافر امريكا واصحابه نصحوه ياخد معاه 3 زلع مش علشان الاكل الامريكانى مش حلال بس نبهوه يسمى قبل ما ياكل احسن الشيطان ياكل معاه.
اول شهر اكل اول زلعة بس نسى يسمى،
تانى شهر برضه نسى يسمى،
ثالث شهر طلع له الشيطان قال له:"ابوس ايدك سمى، صدرى اتحرق!"
واحد عنده كتكوت مفترس ،
كل ما يدخله قفص الفراخ يروح الكتكوت واكلهم ،
وفي قفص القرود ياكلهم
وفي قفص القطط ياكلهم ،
راح راميه في الصحرا .
صعب عليه الكتكوت وراح يشوفه بعد تلات أيام
لقى الكتكوت مرمي عالأرض والنسور بتحوم حواليه ،
الراجل قاله : يا حبيبي إنت مت ؟
قام الكتكوت وقال له : يخرب بيتك بوظت الكمين
قال لها : يمكن مكنش غني .. ولا عندي عربية ولا فيلا ولا مزرعة ولا شركه ولا فلوس زي محسن صاحبي
ولكني أعشقك واحبك ..
فضمته ودمعت عيناها وقالت : إن كنت بتحبني بجد .....
عرفني على محســـــن
عملوا مسابقة لتعجيز الكمبيوتر كل ما حد يسأله سؤال يجاوب عليه فى اقل من دقيقة
جه واحد بلدياتنا حط ورقة فيها السؤال بتاعه
الكمبيوتر اتحرق وطلع دخان
قالوا له : سؤالك كان ايه
بلدياتنا : جلت له ابو جردان جبل ما يخلف جردان كان اسمه ايه؟
جماعة بيحششوا ...
فجت كبسه...
كل واحد اسـتخبه في شوال
جه الظابط
ضرب الشوال الاول برجله
خرج واحد منهم و اعد يكاكي وعمل نفسه فرخه
ضرب التاني خرج واعد يدن وعمل نفسه ديك
ضرب التالت مخرجش
ضربه تاني مخرجش
ضربه جامد المره دي خرج وقال له شوال بطاطس بطاااااااطس انت مابتفهمش
مره كان في اتنين مساطيل قاعدين بيحششوا
فواحد بيقول للتاني انا شايفك اتنين
فالتاني بيقوله لا انا الي شايفك تلاته
فقلها الاول لا انا الي شايفك اتنين
المهم قاله خلاص احنا نروح لكبير المساطيل
فقال خلاص نروح لكبير المساطيل
فراحوا وعرضوا عليه المشكله.
فقالهم خلاص اصحاب المشكله يقعدوا على جنب والباقي ده كله يروح
واحد سكران فتح التلاجه وبص للجلي ...
وجده بيرتعش ..
قاله : متخفش ..
هاخد عصير
مره واحد مسطول اوى راجع بيتهم الساعه اتنين بليل
فاخته فتحت له الباب
قام ضربها بالقلم على وشها
طــــــــاخ
وقالها كنتى فين لحد دلوقتى
ايه الفرق بين الاسبوع وموس الحلاقة والصحراء؟؟؟؟؟؟؟؟؟؟؟؟
الاسبوع فيه حد ،
والموس فيه حدين ،
والصحراء ما فيهاش حد
تايه بيسأل واحد ماشى فى الشارع
اية اسرع طريق اروح بيه للمستشفى ؟؟
قاله غمض عينك
وعدى الشارع
اتنين مساطيل حبوا يسرقوا عماره
فقالوا لبعض احنا ناخد العمارة بعيد ونسرقها برحتنا ،
فقلعوا الهدوم وقعدوا يزقوا فى العمارة يزقوا ،
جه واحد من وراهم وسرق الهدوم ،
فواحد منهم بص ورا ملقاش الهدوم
فقال له كفاية كدة احنا بعدنا اوى
واحد ندل فتح مصنع بيبسي
كتب على كل علبة :
رج جيدا قبل الفتح
بلديات فتح محل انابيب غاز ..
فجّر اسطوانتين فى وسط البلد ..
دعاية
ثعبان نظره ضعيف
يوم ما حب واحده.....
طلعت خرطوم
مره كتكوت معلق سلسله على هيئه اومليت
راح صاحبه ساله ايه الصوره دى
قاله دى صوره اخويا الشهيد
شرطي صعيدي في الخدمة لقى قرد في الشارع
وداه للضابط المسؤول عنه وقاله : يا باشا انا لقيت قرد أوديه على فين ؟
قال الضابط : على حديقة الحيوانات
غاب الشرطي الصعيدي ساعتين ورجع هو والقرد ،
الضابط بيسأله ايه الي رجعك ؟
قاله يا باشا وديته على حديقة الحيوانات ،
تحب أخده دلوقتي أفسحه في الملاهي؟
واحدة ست جالها وجع الولادة
اتصلت بامها جت أمها اتصلت بالدكتور ،
الدكتور دخل يولّدها جاب العيل ومسكه من رجليه وضربه صرخ الطفل فاطمئن الدكتور ،
وبص لقي عيل تاني مسكه من رجليه وضربه فصرخ الطفل فاطمئن الدكتور ،
بعد كده الدكتور غسل ايده ومشي ..
الست قالت لامها انا حاسه بحاجة بتتحرك!
كشفت الأم لقيت عيل بيبص
وبيقول هو الراجل الغِتِت اللي بيضرب العيال مشي ولا لسه
مره دكتور عظام مشى بليل
الكلاب طلعت تجرى وراه
مره دكتور مجانين دخل على العيانين بتوعه العنبر لقاهم معلقين واحد مكان النجفه بيلفوا حوليه وبيغنوا النور جه النور جه
ولقى مجنون قاعد ساكت لوحده
فقله الدكتور انت مش فرحان زييهم بالنور ليه
قاله يادكتور طيب دوول مجانين حد يعمل كده برده
قاله كويس يعني انت عاقل
قاله طبعا
قاله طيب ليه مش خليتهم ينزلوه
رد عليه المجنون كده برده يا دكتور يعني ننزله ونقعد في الضالمه
مرة واحد غبي ماشى فى الشارع
قال يارب يااااارب احط ايدى في جيبى الاقى 10جنيه يااااارب،
حط ايده في جيبه لاقاه مخروم رجع يدور عليها لتكون وقعت
مرة واحد راح يخطب واحده،
باباها قال له بس البنت لسة بتدرس،
قال له خلاص اجلها في الفسحه
حمار لايعجبه حاله ولا أسمه
فجلس الى صديقه الكلب وقال سأغير أسمى ليصبح سمكة
فقال له جميل ولكن هل تعرف العوم
قال له لا
فرد عليه : تبقى حمار
أهدى رجل خطيبته ببغاء
وفى اليوم التالى سألها كيف هو الببغاء ؟
فرددت عليه طعمه اطيب من طعم الدجاج بكتير.
واحد قاعد على قهوة وكل ماتفوت واحدة حلوة يعيط ..
فسألة زميله بتعيط ليه رغم انها حلوة..؟
قال له انا مش بعيط على دى ..
انا بعيط على اللى فى البيت.
واحد مسطول بيسأل واحد مسطول ثاني: اسم دولة أوروبية لو حطيت على أخر حرف فيها نقطة تصير اسم عالم ذرة
التاني قاله أنا غلب حماري
الأول قاله: الدولة هي قطر ولما تحط نقطة حتصير قطز
أم التاني قاله هو قطز عالم ذرة؟؟؟؟؟
فرد عليه الأول يعني هي قطر دولة أوروبية؟؟؟؟
البوليس عمل كبسة على شوية شمامين
و لفت نظره ان فيهم عيل صغير قوي واخد ركن لواحده وعمال يسحب ,
فقام مقرب منه و سأله: و الشمام الصغير اسمه ايه؟
قام الواد رد عليه و قاله : كنتلوب يا باشا.
واحد قاعد في أمان الله بيقرا الجرنان،
وفجأة جت مراته وضربته بغطا الحلة فوق دماغه .. طرررررخ!!!
الزوج: "فيه ايه يا بنت الحلال؟ ليه كدا؟؟؟"
الزوجه:"ايه الورقه اللي في جيب بدلتك ومكتوب عليها "سوسو"؟؟"
الزوج: "يا بنت الحلال، ده أسم الحصان اللى بنشجعه في السباق!"
الزوجه صدقته وراحت لحالها...
بعد اسبوع،
الزوج قاعد في أمان الله يقرا الجرنان،
وفجأة جت مراته وضربته بغطا الحلة على راسه !!
الزوج: "خير يابنت الحلال في ايه تاني؟؟"
الزوجه:"حصانك على التليفون
واحد و هو بيموت بص لمراته بصه كلها رومانسيه
و قالها : انا لما اترفدت كنتي معايا ،
و لما عييت وقفتي جنبي،
ولما فلست برضوا كنتي معايا ،
و دلوقتى لسا جنبي ،
مسك ايدها بحنيه
و قالها : مش عارف ليه حاسس انك نحس
واحد مشغول اتجوز واحدة مشغولة
خلفوا ولد مش فاضلهم
واحده بلدياتنا قالت لجوزها قولى كلمه حلوه ،
قال لها بسبوسه
قالت له يا اخى قولى كلمه تهزنى ،
قال لها مرجيحه
قالت له قولى كلمه احس فيها انى مراتك
قال لها انتى طالق
مسطول راح المحكمه القاضى بيسأله انت متجوز مين؟
قاله متجوز واحده ست
القاضى:انت بتهرج هو فى حد بيتجوز واحد راجل
المسطول:اه اختى
*******************
يا رب ترسم بسمة في قلبك
*******************
يا رب ترسم بسمة في قلبك
هناك 20 تعليقًا:
السلام عليكم
جزاكي الله خيرا ياأليس علي هذه البسمه
وعجبني جدا النكته بتاعت حصانك علي التليفون
وعليكم السلام ورحمة الله وبركاته :)
ربنا يسعدك :)
ولا يمسكك غطاء حلة بالشكل دا ابدا :)
هههههههههههههههههه
ربنا يكرمك يارب
:) واياكم يا دكتور
أضحك الله سنك ..
فى كذا حاجة ضحكتنى ..
جزاكِ الله خير حبيبتى إليس على رسم البسمة ..
دُمتِ بخير ..
هههههههههههههههههههه
ربنا يسعد أيامك دايما
دمتى بكل الود
ههههههههههههههههههههههههههههههههههههههههههههههههههههههههه
ربنا يسعدك و يشرح صدرك يارب...
طيب نكته ثانية..
واحد أحول سجل ف الجيش... حطوه ف القصف العشوائي...
تحياتي
جنون عاقل
الحمد لله ان في حاجة منهم رسمت البسمة علي الوجه :)
بس نفسي تترسم في القلب :)
المرة الجاية باه
:) ربنا يكرمك بجد
أضحك الله سنك يا أليس...
دمتي بخير
ههههههههههه
أضحك الله سنك وضرسك
والفك كلله يا رب
بما انكم شكلكم عجبتكم الحكاية دي
هعملها جزء تاني بس اما افضي :)
ربنا يسعد قلوبنا جميعا ويرضي عنا :)
السلام عليكم
ربنا يسعدك يا اليس ههههههههههههههه
والله كل نكته احلى من الثانيه
في امان الله
وعليكم السلام ورحمة الله وبركاته
يا رب واياكم والمسلمين اجمعين يسعدنا جميعا ربنا
ههههههههه
ربنا يكرمك ويجازيكى خير
كلهم حلوين
تسلم ايدك
هههههههههههههههههههههههههههههههههههههههههههههههههههههههههههههههههههههه تدفعى كام واجولك اسم ابو جردان كان ايه جبل ما يخلف قردان .
يااااااااااااااااارب يسعد ايامك ويفرح قلبك يا غاليه وحشتونا والله .
مدحت
نورتي يا سالي :)
الله يسلمك ويسلم المسلمين جميعا من كل سوء :)
---------
حمد الله علي السلامة .. طمني عملتوا ايه .. معلش انا متمرمطة اليومين دول بطلع من الشغل علي بيت اخويا واروح بليل ابقي زي الفرخة الدايخة من هدت الحيل مع الشباب :)
ان شاء الله تكونوا جميعا بخير :)
كلهم اجمل من بعض
جزاك الله خيرا
جزانا واياكم والمسلمين ان شاء الله يا عاشقة :)
نورتينا
إرسال تعليق