بفكرني :)

كنت نويت اكتب عن سنن نبوية منسية .. ساعات بنفتكرها وساعات كتير بننساها بس شغلتني حاجة مهمة بس شكلي مهتمة الظاهر اكتر من اللازم .. ما علينا

اولها السلام والتحية

تصافح مش قبلات واحضان :(

*******

---------وعن أنس رضي الله عنه قال : {كنا اذا صعدنا كبرنا واذا نزلنا سبحنا} رواه البخاري -----------------

عرفتها من كام سنة بالصدفة وانا بدور علي حاجة في السنن النبوية الشريفة و من وقتها بفتكرها الحمد لله

يعني طالع او نازل سلم او كوبري او مطلع او منزل او اي حاجة فيها ارتفاع او انخفاض عن مستوي الارض .. علشان تفتكر ان الله اكبر فوقك مهما عليت ومهما طلعت لفوق .. فالله اكبر .. و لو نازل و هدفك توصل الارض تسبيح سبحان الله

ساعات لما بفكر فيها كده بلاقي الله اكبر تتحس انها بتدي دفعه و بتقوي .. فيها قوة .. وسبحان الله هادئة و فيها سلام كده ((ما هداني اليه عقلي لحد دلوقتي))

********

-------------- الجلوس عند الشرب : عن أنس رضي الله عنه ، عن النبي صلى الله عليه وسلم : (( أنه نهى أن يشرب الرجل قائمًا )) [ رواه مسلم: 5275] --------------

-----عن أبي سعيد الخدري رضي الله عنه أن النبي صلى الله عليه وسلم زجر عن الشرب قائماً " رواه مسلم . وعن أنس وقتادة رضي الله عنهما عن النبي صلى الله عليه وسلم : " أنه نهي أن يشرب الرجل قائماً " ، قال قتادة : فقلنا فالأكل ؟ فقال : ذاك أشر وأخبث " رواه مسلم والترمذي وقال صحيح غريب .------

دي كنت قريت عنها زمان انها ثبت علميا انك لما تشرب الماء وانت واقف المية هتنزل في المعدة مرة واحدة و بيعمل صدمة للمعدة و مع مرور الوقت بيعمل عسر هضم .. و الاكل واقفا بيعمل نفس الحكاية و المفروض ان الاكل والشرب حالة بيستمتع فيها الانسان بنعم الله من مأكل ومشرب و المفروض انها يكون فيها هدوء و سكينة ((مع الاسف انا اول اللي مش بعمل كده .. بس لما باجي اشرب وبفتكر بقعد علي اقرب حاجة بسرعة واكمل شرب .. مش علشان حاجة غير اني بفكر انها سنة ومش عايزة اخالفها ...انما الاكل واقف او ماشي دي بصراحة قدر الاستطاعة علشان الاستعجال ..الله يهدينا ))

********

---------المضمضة من اللبن: عن ابن عباس رضي الله عنه ،أن رسول الله ـ صلى الله عليه وسلم ـ شرب لبنًا فمضمض، وقال: (( إن له دسمًا )) [ متفق عليه:798- 5609 ]--------

ولو ان لبن الايام دي المعبأ مفيهوش لا دسم ولا طعم ولا غيره .. اكيد ايامهم كان اللبن بخيره مش متاخد منه كل خيره :(

----- لبس النعل باليمين : عن أبي هريرة ـ رضي الله عنه ـ قـال: قـال رسـول الله صلى الله عليه وسلم : (( إذا انتعل أحدكم فليبدأ باليمنى ، وإذا خلع فليبدأ بالشمال، ولينعلهما جميعًا، أو ليخلعهما جميعًا )) [ متفق عليه:5855 - 5495 ].--------

موصلتش لسبب معين اكتر من اننا نبتدي باليمين في كل حاجة حتي ارتداء الحذاء ...

اللهم ذكرنا بما نسينا وانفعنا بما علمتنا

نسيتها دي معلش

دي كمان مهمة اوي :

وضع اليد على موضع الألم ، مع الدعاء:

عن عثمان بن أبي العاص رضي الله عنه ، أنه شكا إلى رسول الله ـ صلى الله عليه وسلم ـ وجعًا، يجده في جسده مُنذ أسلم ، فقال له رسول الله صلى الله عليه وسلم : (( ضع يدك على الذي يألم من جسدك، وقل: باسم الله ، ثلاثًا ، وقل سبع مرات: أعوذُ بالله وقدرتهِ من شَر ما أجد وأُحَاذر )) [ رواه مسلم: 5737 ]