ساعات بنستني حاجات .. نتمني انها تحصل
و ساعات حاجات بتحصل .. لا نجرأ اننا نتمناها
و ساعات قلوب بتقسي وهي مستنية..
وساعات ناس بتستني الساعة اللي لسه مجاتش
يمكن
يمكن
تجيب معاها لحظة سعادة ..
عزت في الزمن دا
الناس ما بين متفائل و متشائم
بس في النهاية كلهم زي الست دي
بيتساووا في انهم بيستنوا
لان اللي بيستنوه لسه محصلش
اللي بيتمني يحصل
واللي بيتمني ميحصلش
والكل منتظر
وكل يغني علي ليلاه
هناك 13 تعليقًا:
السلام عليكم
انا ماعندي مانع استنى تحقيق أحلامي ..
بس اهم شي اني ما أوصل لمرحلة الست دي وانا بستنى :)
في امان الله
المشكلة فى الانتظار ان كل يوم محسوب من عمرنا ويقربنا من النهاية
ملحوظة:انا نوهت على مواضيعك "بفكرنى, بفكرنى تانى" فى البوست الاخير بتاعى.(ده لو ماكانش يضايقك)
وعليكم السلام ورحمة الله وبركاته يا علي
انا عارفة انك المتفائل اللي هيسعد بالنتظار طالما نهايته حلم يحققه
ان شاء الله يتحقق كل ما تتمني بدون اي انتظار
تمني علي الله :)
----------------------
عندك حق يا اختي
كل لحظة ماشية مش راجعة بس ساعات بتتمني تعدي دي وغيرها وغيرها وانتي بتستني اللي بعدها تيجي علشان تقابلي راحتك
الكل لازم هيتنظر
زدتيني شرف بتنويهك :)
ربنا يجعل ثوابه في ميزان حسنات المسلمين اجمعين
السلام عليكم
تصورى يا بنتى ان كثرة الانتظار الواحد ممكن ينسى كان بيحلم بأيه .. يادوب بقى يستنى يشوف احلام حبايبه تتحقق يارب يكرمك ويحقق احلامكم .
مدحت
وعليكم السلام ورحمة الله وبركاته
بما اني مليش احلام كتيرة ولا قليلة يعني هو حلم او اتنين بكتيره فاكيد مش هقدر انساهم
ان شاء الله ربنا يجبر بخاطرنا وتتحقق احلامنا جميعا
السلام عليكم و رحمة الله و بركاته
سنة الدنيا...الواحد هيعمل ايه..
بس المهم ان الواحد يستغل الانتظار في فعل شئ مفيد..
احسن من القعده كده بانتظار شئ....يمكن...يصيير...
تحياتي..
على فكره الصورة فيها هدووووووووء عجيب جميل..
دا انا نفسي اخذ النسكافيه اللي بشربوه و اروح اقعد جنبها...
جنون صح...هههه
جنون عاقل
الكل منتظر
ولكن
ياترى ايه اخرة الإنتظار دا؟؟؟
أكيد لحظة السعادة جاية
دمتى بكل الود
انا مع ان فى الانتظار الثلج بيغطى
كل شئ
يعنى كل شئ بيختلف فى فتره الانتظار
علشان كدا مش بحب الانتظار ابدا
ولكن طبعا لكل منا طموح وامانى يتمنى تحقيقها ولكن توكله على الله سواء جت او لا
أليس فى بلاد العجائب من اجمل الكرتون اللى تعلقت بيه ايام زمان
دمتى طيبه
السلام عليكم
أولا دى اول زيارة ليا وان شاء الله مش الاخيرة
انادخلت عشان اسمك
كنت بحب كل يوم اقرا قصة أليس في بلاد العجائب
وكمان اصحى بدرى عشان اشوف الكرتون بتاعها
المهم
الانتظار الكل منتظر هو الانتظار مفيد في شئ لو مفيش حاجة نشتغل ليها وننتظرها
الحياة مش هيبقى ليها طعم
بس الانتظار لحد ارذل العمر زى الانسة الكتكوتة ايللي قاعدة في الشباك
صعب صعب صعب
أنا دايما بدعى ربنا انى موصلش لأرذل العمر
معلش رغيت كتير مش عادتى على فكرة هى جت كده
سلام
وعليكم السلام ورحمة الله وبركاته
تصدق انك اسم علي مسمي ..شايفاك كده المرة دي راشد فعلا لاكتر من سبب:)
مش دايما الواحد بيعرف يستغل انتظاره في عمل حاجة .. ساعات بيكون عليك بس تنتظر لان مفيش حاجة تتعمل في الفترة دي
كلامك علي الصورة خلاني افضل باصه عليها فترة طويلة و لما دققت فيها .. شفت فيها أم ابويا الله يرحمها .. كانت شكلها كده اوي .. فضلت اعصر في مخي ألاقي لي معاها ذكري لطيفة ملقتنيش فاكرة الا يوم وفاتها اللي محضرتهوش .. ابويا راجع يقول خلاص كل حاجة خلصت والدفن وكل حاجة وعمل كل دا وراجع شغله ولما رجع بليل قالنا!!!!!!!
خلتني افتكر اني كان نفسي اصلي عليها اوي مش لقربنا ..بس لانها صعبت عليا اوي لان ابنها حرمها من ان يكون في ناس كتيرة اكيد نفسها تصلي عليها و تديها الثواب دا!!
ربنا يرحم امواتنا واموات المسلمين اجمعين
انت خد النسكافية و اقعد جنبها وبالف هنا وشفا
وكلامك عين العقل مش جنون ابدا
---------------------------
اخرة الانتظار ايه ؟؟!!
سؤال وجيه جدا يا دكتور وفي محله..
بس مش عارفة الاجابة يا عمرو .. لو اعرف اخرة الانتظار يمكن كنت راجعت نفسي انتظر ولا لا .. هل النتيجة النهائية تستاهل تعب الانتظار ولا لا
بس بالنسبة لحاجة اللي انا منتظراها فلها علاقة قوية جدااااا بحسن الظن بالله :) و بناءا عليه انا علي يقين ان الانتظار اخرته خير ان شاء الله :)
------------------------------
اكيد صاحب السعادة لازم يكون منتظر لحظة سعادة :)
ربنا يديم عليك الرضا يا محمد ويسعدك دنيا و أخرة :)
-------------------------------
بسنت
هو صحيح في وقت الانتظار حاجات كتيرة ممكن تتغير بس كمان ممكن تطوعي الانتظار دا علشان يتأقلم مع المتغيرات دي
والله نعم الوكيل ومن يتوكل علي الله فهو حسبه .. يبقي اكيد اكيد هتبقي نتيجة الانتظار خير ليه .. وكل حاجة بأمر الله
اكيد ما بينا حاجات كتيرة مشتركة في الدنيا دي .. ممكن نحب نفس الحاجات وممكن نستني نفس النتائج بس واحنا بنستناها اكيد ردود افعالنا بتختلف
اسعدتني زيارتك جدا :)
------------------------------
بنوتة
وعليكم السلام ورحمة الله وبركاته
كلنا هذا الشخص :) وكلنا لينا ذكريات سواء مع الكارتون دا او مع غيره .. بس اكيد مش الكارتون بتاع دلوقتي وخصوووووووصا بن تن اللي مليان وحوش عجيبة و هابل العيال
الانتظار ساعات بيكون ممل و ساعات بتنتظري وانتي كلك لهفة لاخرة الانتظار دا هتكون ايه ..
بما ان الدنيا مش بتفضل علي حال
شوية تطلعنا فوق وشوية تنزلنا تحت .. اكيد ممكن نساعد نفسنا يكون الانتظار دا لحاجة ليها قيمة وتستاهل ..
لو ارادة ربنا يطول الانتظار .. فهدعي ربنا يديني الصبر اللي يخليني انتظر..
الكبار والصغيرين بينتظروا .. بس زي ما قلت .. كل يغني علي ليلاه
سعدت بزيارتك جدا و اتكلمي زي ما تحبي انتي مشفتيش يعني ايه رغي كتير لسه :)
نورتونا
الانتظار أنواع ..
فى منه بيكون ممل للغاية ..
وفى منه يتكون حاسة بسعادة فى وقت الانتظار لانك عارفه ماذا سيأتى بعد الانتظار ده ..
وفى منه بيكون فيه حزن .. وفى منه بيكون فيه قلق ..
ولكن بعد انتظار دوما بتكون نتيجة منتظرها الانسان تسبب لها الاطمئنان او تاتى على عكس توقعاته فتحزنه ..
ولكن اثناء انتظاره عليه انه يحقق احلام اخرى انتظارها قبل انتظاره هذا ..
أليس الحبيبة بوست خفيف لكن فيه حكمة معبرة ..
دُمتِ بخير ..
صدقتي والله يا لجين
جبتي المفيد :)
بارك الله فيكي يا أختي :)
إرسال تعليق