ضحكت فقالوا ألا تحتشم
بكيت فقالوا ألا تبتسم
بسمت فقالوا يرائى بها
عبست فقالوا بدا ما كتم
صمت فقالوا كليل اللسان
نطقت فقالوا كثير الكلام
حلمت فقالوا صنيع الجبان
ولو كان مقتدرا لانتقم
بسلت فقالوا لطيش به
وما كان مجترئا لو حكم
يقولون شذ
اذا قلت لا
وإمعة حين وافقتهم
فأيقنت أنى مهما أردت
رضا الناس
لابد من أن أذم
------------------------
يوووووووووووووه
ملهاش حل دي
اللي فوق دا منقول بس اللي جاي لا
هي : فلانة تخنت اوي
هي : فلانة خست اوي
هي : ايه التكتيفة دي .. الدنيا حر
هي: ايه اللفة دي .. ما في مليون طريقة جديدة حلوة واسمه حجاب بردة
هي : خليكي كده متاكل حقك علشان عاملة زي الشاويش ..
هي : مفيش مدير مبيحبش الرقة والحنية علي شوية دلع بس باحترام مبقولكيش اعملي حاجة غلط .. بس ابتسامة حلوة .. صباح الخير بطريقة لطيفة ..
هي : ليه حق طبعا يطحنك كده
هي : شفتي اكس بياخد كام .. بيركب عربية نوعها ايه..
هي : ما كل البنات بيلبسوا بادي نص كم ويلبسوا عليه كم .. عادي يعني
هي : ...
هي : ....
الجديد باه
ان هو دخل الساحة دي
هو بقي بيقول زي هي تمام
أل يعني كانت ناقصاه
انا طول عمري اقول الفضا وحش
هناك 11 تعليقًا:
السلام عليكم ورحمة الله وبركاته
حياكم الله وبياكم أخوانى وأخواتى وسدد على طريق الحق خطاى وخطاكم
قال رسول الله صلى الله عليه وسلم
من التمس رضا الله بسخط الناس ، كفاه الله مؤنة الناس ، و من التمس رضا الناس بسخط الله ، وكله الله إلى الناس
الراوي: عائشة المحدث: الألباني - المصدر: صحيح الجامع - الصفحة أو الرقم: 6097
خلاصة الدرجة: صحيح
صدق رسول الله صلي الله عليه وسلم
ولا احلي من كده كلام يتقال :)
جزاك الله خيرا يا ابو حازم
جنون
و فضا بردة
علشان لو عنده او عندها حاجة تشغلهم مكانش يتتبع اخبار الناس و يهتم بكل تفصيلة صغيرة و كبيرة وخصوصا اللي تتعبه اوي لحد ما يعرفها .. تلاقيه في منتهي السعادة و علي وجهه نظرات الظفر
دا غلب دا
ربنا يهدي ويشغل الناس بما ينفع الناس
طوبى لمن شغله عيبه عن عيوب الناس
يا سلام ..حكم
علي صوتك حبة علشان يسمعوك .. او حتي يتكسفوا و يعرفوا ان لكل واحد مشكلته
اللي بيته من أزاز .. يقعد في حتة متدارية :)
لا مايغيرش فى الصالة
لا بس يبقي عارف اني في حد حشري اكيد واقف من ورا الشباك بيبص عليه :)
ههههههه
عجبتنى أوى الحتة اللى منقولة اللى فوق..عشان كدة الواحد يعمل اللى هو عايزه و الحاجة الوحيدة اللى يعمل حسابها هو ربنا عز و جل و بسسسسس
و على فكرة هو دخل من زماااااااان
ربنا يستر على ولايانا و رجلتنا :)
أرضاء النــــاس
من عاشر المستحيلات
أنا ودماغي
ليكي حق في كلامك .. بس المشكلة ان الناس فعلا مش بيسيبوا مجال لحد يعمل اللي هو عايزة .. دا الاسوء كمان لما تلاقي اللي قريبين منك كمان بيضيقوا عليكي ارضاءا لناس ملهمش اي دخل ولا مصلحة في اي حاجة في حياتك !!
المهم انك ضحكتي :)
بس " هو " بقي شكله وحش اوي لما تدخل ... مش دوره ولا مقامه و بقي وحش اوي
ربنا يسترنا جميعا يارب كبار وصغيرين :)
norahaty
ههههه هما عملوا مستحيلات جديدة من ورايا :) :)
يلا مهو ابو بلاش كتر منه :)
نورتونا :)
إرسال تعليق