السبت، 28 مارس 2009

بهائية 2 بس مش ذكري .. واقع معلن


لا و الله كده كتير و مش قليل ولا يستهان بيه

مش عارفة تابعتم حلقة الحقيقة لوائل الابراشي علي دريم 2 اللي اتذاعت من شوية ولا لا ؟

كانت تاني عن البهائية بمناسبة احتفال بعيد عندهم اسمه النيروز

علشان الناس اللي بتقول دول قلة قليلة 

لو قلة قليلة ميظهروش بالشكل دا في حديقة الميريلاند و يدعوا التليفزيون علشان يصوروا الاحتفال

اسر كتيرة و اطفال و شباب و كبار 

الجديد باه 

ضيف غير الدكتورة بتاعت كل مرة 

الضيف من سوهاج .. من الصعيد الجواني

و الله والله والله  انا حاسة ان دماغي وقعت مني 

مش قادرة اتخيل ازاي حد  كده

حملات تنصير واستهونا بيها و عمالة تتوغل في افقر المناطق و بيستعملوا المادة في الاغراء و ليهم نجاحات كتيرة و لنا انتكاسات اسوء لاننا حتي مش عارفين نحافظ علي اخواتنا ودينهم .. طب نقول ايه لربنا مع دول؟؟؟!!!!!


المصيبة ف دول 

اللي ظهروا علي السطح

وفرضوا سلطتهم 

فرضوا نفسهم علي المجتمع المصري .. مش فجأة 

عارفين يعني ايه يخرجوا للشوارع ويعلي صوتهم بعد ما كانوا  في جحورهم زي الثعابين

بالموسيقي والاغاني  و الناس بتتفرج عليهم وبتشاركهم الفرح !!!!!!!

مصيبة  والله العظيم .. مصيبة لينا مش ليهم

هما الله يهديهم .. انما احنا
 
هل مش هنتسأل عليهم ؟؟


هل مش هنتحاسب عليهم ؟؟؟؟؟؟؟؟

حد يفهمني احنا ليه بقينا كده ؟؟

ليه سمحنا ليهم ؟؟

في ضيف في البرنامج صحفي قال ان المحكمة الادارية اللي ادتهم حكم بانهم يضعوا ( - ) امام الديانة    .. قال ان وزارة الداخلية وهي المعنية بالاختصاص و هي اللي المفروض تقدم اعتراض منها علي الجماعة دي و علي القضية   ..........  ولا عزاء لا عزاء لا عزاء .. محدش اعترض .. حسبنا الله ونعم الوكيل

العيد دا بيجي كل سنة يوم 21 مارس .. حد سمع عنه قبل كده؟؟؟؟؟؟؟؟؟ 

ليه مع عيد الام .. صدفة ؟؟ 

واحد بيقول في التسجيل" انه كويس انه جاي مع عيد الام علشان مصر كلها تحتفل بيه "

حسبنا الله ونعم الوكيل . . 

فيها شباب  و اطفال و كل الاعمار  و ادي الصعيد حتي فيه  منهم ... 

 اللي اتفرج علي الحلقة او هيعرف يتفرج عليها في الاعادة ( مش عارفة امتي لاني فتحتها بالصدفة ) بس هيشوف مهازل ..

بالظبط كان واحد بيلطشك بالقلم علي وشك .. 
بيلطش كل مسلم  .. 

علشان يفوق  .. 

علشان يعرف انه عارف اي حاجة

ملهي والدنيا لاهياه  وانا اولهم


ملهي في شغله ولا عياله ولا مشاكله و همومه


ومن ورا الغيبة اللي احنا فيها .. او ان احنا بقينا مغيبين بفعل فاعل والله اعلي واعلم .. من ورا كل دا .. بيجرا في ظهرنا في الخفاء  ما لا يحمد عقباه

انا بكتب وانا بتفرج .. الراجل الصعيدي بيقول :"يا ايها الذين آمنوا ان جاءكم فاسق بنبأ فتبينوا..  الاحتفال بنفضي نفسنا فيه بالعافية .. شوية عيال بيجروا و يلعبوا ف يوم .."
دا راجل كبير في السن .. و طلع في بلد في سوهاج مشهورة ان فيها اعداد كبيرة منها ... اجيال يا مسلمين .. اجيال راحت و اجيال لسه بتتربي !!!!!!!

الدكتورة دي باه بتاعت الجامعة .. بتقول السم في العسل .. امورة و عايزة العدل بس مش طالبة اي حاجة سياسية و لا اي حاجة خااااااالص يا حرام .. بس طالبة  انهم مش يعترفوا بفكرهم  .. هي بس طالبة بحقهم المدني فقط لا غير 
يا حرام  مش بتعمل دعوة  ولا بتعلن عن فكرهم  .!!

بيحتفلوا في الميريلاند .. كاكبر حديقة في مصر الجديدة و ليها مرتادين كتير و في يوم السبت اجازة ناس كتير و في عيد الام . . يعني اعلان ببلاش كده  !!!!!!!


حسبي الله ونعم الوكيل 

انا مذنبة   وانتم مذنبون  ومش عارفة هنقول ايه لربنا عن اللي عملناه في روحنا 

********

تحديث لمن يحب متابعة اعادة الحلقة اللي بتكلم عليها

غدا الاحد 4 عصرا و الثلاثاء 2 صباحا  
بتوقيت القاهرة


*******

تحديث  ثاني بس مؤلم حبتين 

الظاهر حد قرأ التدوينة و دعي عليا  :)

قدر الله وما شاء فعل و تم بحمد الله وفضل منه ونعمة 

اني اتكسرت :)

دعواتكم

هناك 21 تعليقًا:

غير معرف يقول...

السلام عليكم
لا حول ولا قوة الا بالله ماتستغربيش يا بنتى انا قلتلك ان سنة 1980 كان معانا موظف كبير فى مركز التدريب فى مجمع الالمنيوم ولم يكتشفه الا زميل يعرف ربنا كويس وكان حافظ القرآن وكان بيتناقش معاه عادى وقت صلاة الضهر وعرفه .
وبعدين دول كانوا مختفيين لكن المفاجأه اللى تقوليها انهم احتفلوا فى الميرلاند يعنى ازاى سابوهم مش فاهم ؟ والله يا بنتى انا قريت ان علامات القيامه الصغرى بدأت من فتره طويله اللهم توفنا مسلمين مؤمنين وارحم كل ابناء بلدنا لانهم للاسف لايتلقوا ما يكفى لتمسكهم بدينهم .. وهنا زى بعضه هطول عليكى شويه لى صديق طام معايا فى الشركه وهو مهندس صحيح اصغر منى بحوالى 10 سنوات لكن كان صديق عزيز ويعرف معنى كلمة الايمان بالله من حوالى شهرين توفاها الله بدون مقدمات ترك 4 ابناء اكبرم فى 3 اهدادى وحافظ القرآن كله ودخل مسابقات كتير والثانيه فى ولى اعدادى تحفظ 20 جزء والثالثه 3 ايتدائى تحفظ 12 جزء والاخير فى كجى تو يحفظ ثلاثة اجزاء .. اصرت وزوجته ان تراها وكنا فى المستشفى وكان اصرا غريب وافق ابيه شوفى اللى حصل قبلت وجهه وظلت تقراْ القرآن بصوت مسموع لاكثر من ساعه وكل الموجودين متسمرين فى مكانهم لم يجراْ انسان ان يقول لها كفايه ولم تنزل لها دمعه وفى النهايه قالت ربى هذه وديعتك عادت اليك لم يخالفك يوما ولم يؤذنى يوما كان محبا لك ولدينك لم يقصر فى حقى ولا فى حق اولاده فتولاه برحمتك ياربى .. بعد كلماتها هذه غطت وجهه وقامت من جواره ولم تنزل دمعه من عينيها رغم بكاء الجميع فقط هيه ووالده شوفتى الايمان يا بنتى .
انا اسف يمكن بعدت عن الموضوع لكن هنقول ايه يابنتى انا قريت خبر ولا اعرف مدى صحته واتمنى من الله ان يكون غير صحيح ان الحزب الوطنى يدرس الغاء خانة الديانه فى البطاقات يارب يكون خبر كاذب .. ويارب توفنا مسلمين ويارب احمى ابناء بلدنا من شر انفسهم.
يارب يا سيف يابنى ترجع لنا بالسلامه ويحميكى ويصونك يا اغلى الابناء
مدحت

blue-wave يقول...

فعلا
كلنا مذنبون
ازاى سكتنا لحد ما بقوا كدا؟
وازاى تجرأوا كدا؟
احنا دولة اسلاميه احنا؟

رحلتنا في الحياة يقول...

لا حول ولا قوة الا بالله
مش بهائيين وبس وكما ن ملحدين وافكار غريبة وكل يوم بتزيد واحنا مش حاسين بالخطر

mohamed ghalia يقول...

ربنا يهدى
معاكى حق كلنا مقصرين

موناليزا يقول...

انا مش عارفة ارد
============
انا نوهت على موضوعك بفكرنى رابع فى موضوعى الاخير

Mony يقول...

انا لله و انا اليه راجعون

طيب ايه الحل يا اليس

ديه من امارات الساعة و الله
في قول النبي صلى الله عليه وسلم في الحديث الصحيح‏:‏
‏(‏بدأ الإسلام غريبًا، وسيعود غريبًا كما بدأ، فَطُوبي للغرباء‏!‏‏)‏‏.


طيب انا قرأت حاجة مش ممكن اتصور انها تحصل


قرأت ان في اخر الزمان ستهدم الكعبة علي يد رجل حبشي
و ده نص الحديث من الرسول صلي الله عليه و سلم
فقد ورد في صحيحي البخاري ومسلم أنه صلى الله عليه وسلم قال: "يخرب الكعبة ذو السويقتين من الحبشة".
و قال:
"استمتعوا من هذا البيت، فإنه قد هدم مرتين، ويرفع في الثالثة" صححه الألباني في صحيح الجامع.

انا لما عرفت الكلام ده عيطت و الله
و بدعي ربنا اني مكونش موجودة في الوقت ده
و ان ربنا يردني اليه ردا جميلا بعيد عن الفتن اللي اكيد هنسأل عنها


ربنا يسترها و الله
و الله المستعان

مسدس صغير يقول...

ذهبت جماعة من جماعات التنصير لاحد الدول الافريقية المعدمة وبعد مجهودات جبارة فى عملية تنصيرهم وتصفية الناس الى 30 شخص وهم اشد من تنصر.
فلما سألوهم ماذا تتمنون ان نحققه لكم؟؟؟
قالو ان نحج بيت الله..


يا جماعة متخافوش على هذا الدين . دى جماعات الدين اخد عليها بتظهر فترة من الزمن ثم تختفى.
مثل القدرية والجهمية وغيرها وكلها جماعات واندثرت.
وليس لنا الا ان نقول حسبنا الله ونعم الوكيل هو نعم المولى ونعم النصير..

احييكى على البوست الرائع وجزاكم الله خيرا.

mahasen saber يقول...

بكره احتفالتهم هتبقى رسميه وهتشوفى
بدعوى حقوق الانسان

انا اعرف ان الديانات السماويه ثلاث وختامها الاسلام

انما الاستعباط الانسانى ده لا

ربنا يلطف بينا

المهم اخبار سيف ايه يا ربيكون بالف خير

غير معرف يقول...

سلام عليكم
الف سلامه يابنتى .. انتى كل الناس بتدعيلك هو ممكن يكون بس حسدك زى بعضه استحملى الالم شويه ويارب تخفى بسرعه سلميلى على اطيب راجل الشهم الاصيل اللى انا مقصر معاه الف سلامه ليكى مره تانيه وتالته ورابعه وميه يا اغلى الابناء.
عمك مدحت

jonoon 3aqel يقول...

السلام عليكم

لا حول و لا قوة الا بالله العلي العظيم

لا عذر لدينا...
و لا كلام لنقول

اللهم اغفر لنا تقصيرنا

جزاك الله خير

حواء يقول...

الف سلامه عليكي ياليس
الف سلامه عليكي حبيبتي
شفاكي الله وعفاكي
اول متدخلي ابقي طمنينا

لجين أبو الدهب يقول...

لا حول ولا قوة الا بالله ..

حسبنا الله ونعم الوكيل ..

انا فعلا اتفاجئت بكلامك ياأليس ..

تبقى كارثة بجد لو بيزيدوا وبالاعداد دى ..

هحاول اشوف الحلقة النهاردة ان شاء الله ..

وسلامتك الف سلامة ياجميل ..

شفاكِ الله وعفاكِ ..

دمتِ بخير ..

Gannah يقول...

سلامتك يا بنتى مالك؟؟
ايه اللى حصل؟؟
طمنينا عليكى
طب انا وانت وغيرنا ملهيين...الازهر والناس اللى وظيفتها الدعوة بيعملوا ايه وبيواجهوا الناس اللى زى الدكتوره دى ازاى؟؟
واحدة صاحبتى بتقولى انهم نشطيين جداا فى المدارس وبيدعوا غيرهم
يعنى مش كفاية هما لا كمان عايزيين غيرهم من المسلمين
طب هل كل اب وام عارفين الكلام ده؟؟
هل احنا بنعلم اولادنا الدين صح؟؟
يعنى عندهم حصانه ولا احنا نايميين؟؟
وياترى امتى هنصحى؟؟
بصى انا لله وانا اليه راجعون
طمنينى
شفاك الله وعفاكِ
تحياتى

ahmed_k يقول...

ألف سلامه عليكي يا أليس
بس دي مش بسبب البوست ولا حد دعى عليكي ولا حاجه من كده
ده قضاء وقدر وتصادف موضوع البوست
لكنه لا دخل له فألف سلامه عليكي
وطهورا بإذن الله
بالنسبه للبهائيه ولسه يا ما حنشوف
طالما الأزهر نحى دوره وأصبح مجموعة من الموظفين لم يحملوا هم الدعوه كرساله
فالفكر يحارب بفكر
فكيف ذلك والناس فاضيه لا تعرف عن دينها ولا القشور
أنا ساعات بقابل ناس من نوعية المهم أن قلبي أبيض وبأكتشف أن مش بس قلبهم الأبيض ده كمان عقولهم بيضا
لا يحملون أقل القليل من الوعي الديني
وبالطفل هم أكثر الناس تأثرا بتلك الأفكار

نسأل الله العفو والعافيه
وأن لا يؤاخذنا بما فعل السفهاء منا

في أمان الله

ومازلتُ أتعلم يقول...

ااه
لا حول ولا قوة الا بالله
احنا ازاى نسكت كده
ازاى
ربنا يرحمنا من الناس العجيبة ديه

مجاهد يقول...

حسبى الله ونعم الوكيل

أميرة يقول...

السلام عليكم ورحمة الله وبركاته

اولا انا الحمد لله رب العالمين :)

اينعم موجعين شويتين و الادوية سخيفة والرقدة مش اد كده .. بس بردة الحمد لله انها مكانتش اكبر من كده :)

و بارك الله فيكم علي سؤالكم واهتمامكم

ربنا يديم المعروف بينا جميعا يا رب :)

قولوا آمين :)

-----------------------

انا اتفرجت علي الاعادة النهاردة العصر بس مش اوي علشان كم التليفونات من البشر اللي بتعيد المريض:) اهي حسنات ان شاء الله في ميزان الجميع الحمد لله

المهم اني استفزيت بردة زي امبارح بس حسبت بغباوة تفكير البشر دول

هما بيفكروا ازاي؟؟

بس فكرة اني ممكن اكون معاشرة ناس من دول و بقسم لقمتي معاهم دي ضايقتني اوي و شغلاني من امبارح

طب الناس اللي عايشة برة مش بردة ممكن تعاشر الملحدين والكفرة و تتقامس اللقمة معاهم؟؟ ولا وقتها هتبعد و تقول بردة لا الله هو الغني عن دي لقمة !!!
مجربتش علشان اقول .. ممكن سيف يقولنا او راشد اهم الاتنين متغربين في بلاد اجنبية


مسدس قال اننا المفروض منخافش منهم .. بس انا معترضة .. لا نخاف ونخاف اوي ان مكنتش تخاف علي نفسك خاف علي اخواتك و اهلك و اصحابك وجيرانك .. الناس دي بتتوغل و شوكتهم قويت

وزي الصحفي ما بيقول السنة اللي فاتت ابتدوا يعلنوا عن وجود العيد
والسنة اللي بعدها اتحفلوا بيه في العلن
والسنة اللي بعدها صوروها قدام العالم كله
بكرة يطلعلهم قرار جمهوري بجعله عيد رسمي !!! مش بعيدة ابدا واحنا بالحال دا

قلبي انشرح من الزوجة اللي ذكرها عمي مدحت و وفائها وصبرها عند وفاة زوجها .. ما شاء الله علي الاولاد والعشرة الطيبة .. ربنا يرزقنا نكون خير مثال لاسرة مسلمة


بكرة ان احياني الله افكركم لما شوكتهم تقوي و يبقي ليهم نواب كمان في مجلس الشعب و بعد بكرة وزير في الحكومة !!!

------------------------

احمد :) انا اكيد مقصدتش المعني دا .. الحمد لله رب العالمين والله انا في وسط الالم و لحد دلوقتي بقول يارب بس ميكونش اللي حصلي دا بذنب انا عملته وخايفة جدا يكون دا السبب والله .. يارب ميكونش دا السبب يارب

--------------------------

انا متشكرة ليكم جميعا علي المشاركة وعلي السؤال و علي الاهتمام و علي الاخوة الطيبة دي :)


سيف ان شاء الله يبقي احسن .. لاتنسونا من دعائكم فالله هو الشافي وهو نعم المجيب :)




جزاكم الله خيرا

jonoon 3aqel يقول...

"طب الناس اللي عايشة برة مش بردة ممكن تعاشر الملحدين والكفرة و تتقامس اللقمة معاهم؟؟ ولا وقتها هتبعد و تقول بردة لا الله هو الغني عن دي لقمة !!! "

حالتين اثنين:
1- الناس اللي بنشوفهم برا..و معانا ف الجامعه و لا لما نخلص معاملة لحاجه..و حتى لما تتقرب العلاقه و يصيير واحد منهم من اصحابنا..الحالة دي عاديه...ما بتحسسش منها..بالعكس..اخذها فرصه عشان يشوفوا مثال المسلم العربي "ان شاء الله " يكون مثال حسن...و ف نفس الوقت لو لي حاجه عندهم استفيد..
بمعنى اخر..معاملة عادية..اكون حاطط ف بالي اني لازم اعطيهم صوره حسنه عن الاسلام...غير عن ده..كله عادي..اخذ و عطى...


2-
دي بأ اللي ما بينزلوش لي من زور....
اللي بيحاولوا يدعوك للمسيحيه..ما بتصيرش كثير..لكن لما تصيير تكون مزعجة حقا...لأن البعض بتلاقيه عارف و حافظ من القرآن و يجي يقول مش انتوا ف دينكم كذا و كذا...يعني بيحاولوا يشككوك...
الله يثبتنا على دينيه...

و ماتشوفيش شر..اجر و عافيه ان شاء الله

حواء يقول...

لاحول ولا قوة إلا بالله
شفاكي الله وعفاكي
ربنا يشفيكي يارب
ابقي طمنينا باستمرار

أميرة يقول...

انا بقول زيك كده يا راشد

الله يعافيك :)


----------

حواء

تسلمي علي سؤالك :)
لنا حديث بس كمان شوية

el-sherif khalaf يقول...

أستغرب من دعم الملحدين و العلمانيين و اليهود و النصارى للبهائيين

أستغرب من وجود دعم خارجى

هؤلاء خونة و أعداء لمصر
و لا يستحقون العيش فيها ما داموا يطلبون دعما خارجيا " ليس لإنهم مرتدين .. لكن للدعم الغربى و الصهيونى لهم "

اللهم اني استودعك قلبي فلا تجعل فيه أحدا غيرك

وأستودعك لا إله إلا الله فلقني إياها عند الموت

وأستودعك نفسي فلا تجعلني أخطو خطوة إلا في مرضاتك

وأستودعك كل شيء رزقتني إياه فاحفظه لي من شر خلقك أجمعين

يامن لاتضيع عنده الودائع