الوسادة الخالية
هقتبس الاسم بس
في حياة كل منا وسادة خالية جنبه .. شايفها وعارفها بس لسه خالية .. الله اعلم لامتي
حلم من زمان حلمته مجاش وقت تحقيقه و فضلت الوسادة خالية
رغبة في تحقيق حاجة و لسه وقتها مجاش وفضلت الوسادة خالية
الوسادة الخالية محفوظة بداخل قلب كل واحد .. حاجة كان نفسه اوي يعملها .. بس معملهاش و استمرت بيه الحياة
النتيجة النهائية انها حاجة في حياتنا .. مستقرة .. فاضية زي ما هي من زمن .. و يا اما تحصل .. يا متحصلش .. و الاغلب انها مش بتحصل او مش هتحصل
زي اللي كان نفسه يدخل هندسة و فرقت معاه نص درجة في الثانوية العامة و دخل تجارة و فضل حلمه انه كان نفسه يبقي مهندس
مع اني مجربتش التجربة دي بس اعتقد انها مؤلمة كفاية .. بس قدر الله و ما شاء فعل و محدش عارف الخير فين
ابقوا اعملوا backup للموبيلات بتاعتكم احتياطي حاجة تتمسح ولا يضيع لا قدر الله !!
بكرة ذكري المولد النبوي الشريف صلي الله عليه وسلم
بكرة ذكري ميلاد امي ربنا يديها الصحة - بالتقويم الهجري .. مبختة الست دي مولوده يوم ميلاد الرسول صلي الله عليه وسلم
كل عام وانتم بخير و المسلمين حالهم رايح لطريق احسن ان شاء الله
علي جنب كده
ايه اللي ممكن يتعمل علشان تضمن ان اللي قدامك بالرغم من انه المفروض يكون عارفك اوي .. بس لسه بيفهمك غلط !!
هناك 16 تعليقًا:
انا الوساده الخاليه ليه كان نفسي اجيب ولاد كتير اوي لكن الحمد الله علي فاطمه
تحياتي ليكي ياليس جدا
وواحشاني أوي
ازيك اليس
بالنسبة لحكاية الوسادة الخالية والاحلام اللى ما اتحققتش فد حكاية كبيرة مفاداها ,, ما كل ما يتمناه المرء يدركه ولعله خير .
كل سنة ومامتك طيبة وربنا يخليهالك ويديلها الصحة وكل سنة وانتى والامة الاسلامية بخير بمناسبة المولد النبوى الشريف
نيجى بقى للى على جنب واقولك ما يمكن الغلط يكون منك .. يعنى انتى بتعبرى غلط وبتعتمدى على ان اللى قدامك فاهمك وعارفك !
احيانا بنعبر غلط عن اللى احنا عايزين نقوله وكتير بنتصرف برضه غلط واحنا فاهمين احنا بنعمل ايه بالظبط
ومع الاسف ما بنعملش ساعات حساب اللى قدامنا وانه ممكن يكون مش مظبوط والاستقبال عنده مغلوش لسبب او لاخر
قصره .. دى حاجة ما تزعلكيش ,, خصوصا لو كان اللى فهمك غلط مهم عندك
فهميه بالراحة واشرحى انتى عايزة تقولى ايه
سلاموز
حواء
ربنا يرزقك باللي فيه الخير ليكي ولينا ويرضينا بيه ان شاء الله
ربنا يباركلك في بنوتك و تفرحي بيها يارب ومعاها
:) وذاكري كويس باه .. مش عايزين دلع علشان نخلص :)
------------
دريم
خلتيني اعيط من ردك علشان بردة مش عارفة اعمل ايه :(
كل سنة وانتي وعائلتك و كل اللي بتحبيهم بخير يارب وفي احسن حال
هقولك حاجة
انا بتصرف بغباوة اه و بعمل حاجات غبية و بطريقة غبية كتير اه
بس كتير والله ببقي بعمل الحاجة بحسن نية و من غير ما اكون متخيلة ان رد الفعل عليها هيبقي وحش :( ومش هتلاقي اكتر مني حد بيراعي شعور اللي قدامه علشان عارفة كويس معني ان حد ميراعيش اللي قدامه بيكون احساسه عامل ازاي
بس الاكيد اللي متفقة معاكي فيه
انه اكيد العيب فيا في كل الاحوال
الحمد لله علي كل حال و متشكرة علي النصيحة .. تتردلك في الافراح ان شاء الله:)
يالهووووووووووووووى
دة انا على كدة عندى ييجى خمستلاف وسادة خالية
هههههههههههههههههه
كل سنة ووالدتك طيبة وربنا يديها الصحة ويسعدكم دايما
تعرفه نفسك أكتر
كذا موضوع مع بعض:)
اولا الوسادة الخالية فى حياتى كان نفسى اوى يكون لى شقيقة(أخت يعنى:)) وبما أن ده ماحصلش وسادتى دلؤتى بحلم يبقى لى فيها ابنة
(ربنا يرزقنى واياكى بالذرية الطيبة قولى آمين:))
ثانيا: كل سنة ومامتك بخير وبصحة وسلامى ليها كتير وعقبال110 سنة
وكل سنة وانتوا كلكم طيبين بمناسبة مولد خير الانام
ثالثا: سؤال صعب
بس خلينا زى ماالاسلام بيقول"تجنبوا الشبهات"
يعنى ضعى نفسك دائما مكان الشخص اللى ممكن يفهمك غلط وشوفيه لو هو عمل كده هتفهميه ازاى حتى لو كنتى عارفاه كويس
ربنا يهيئلك كل الخير يارب
السلام عليكم ورحمة الله وبركاته
اكيد كل انسان فى حياته وسادات مش وسادة واحدة بس الحمدلله
كل سنة وانتى طيبة وكل سنة ووالدتك بالصحة والسلامة يارب
كل سنه وانتم طيبين
طيب قومي بقى هزى نفسك كده وعلى مدنونة الطبيخ تبعي وطلعي تورتايه من هناك ولا اي حاجه حلوه اعمليها لست الحبايب
وبعدين قعدت ادور على وسايد جنبي ما لقيتش فى الاول
وبعدين لقيت دسته مركونه على جنب كده فاضيه ؟؟؟
كان نفسي اتعلم سباحه
وكان نفسي اركب خيل
ونفسي اجيب عيال كتير بس مش قادره ياختي صحتي واعصاااااااابي باظوا
ونفسي اغمض عينى وافتحها الاقينى عايشه فى بلدي بس وهى بلد محترمه ونضيفه ومنظمه .
وبعدين بقى
لسه فى كتير
طب لما افتكر حاجه تانيه هاجي اقولها
انتى مختفيه وما بتساليش ليه يا حلوه
اجي اعورك ولا ايه
كل عام وانتِ بخير
وكل عام ووالدِتك بخير
وسادة خاليه !! تعبير غريب بالنسبة لي...
ماعلينا...
رأيي انه دايما راح يكون للأنسان وسائد خالية..لكن مدى اهميتها تختلف من شخص لأخر..و كمان المفروض الوسائد الخاليه ماتكونش وسادة رئيسيه...لأ...تكون من دي اللي بتتوزع على جنب السرير و لا الكنب...يعني مش مهم كثير لو تأخر مليها او تمت فاضيه مده طويلة..
مثال...
أنا نفسي اتعلم لغة الاشاره...كثير كثير..لكن لسه الوسادة فاضيه..و مش مهم كثير لو طولت و هي فاضيه..هو دا اللي كنت اقصده..
==
"ايه اللي ممكن يتعمل علشان تضمن ان اللي قدامك بالرغم من انه المفروض يكون عارفك اوي .. بس لسه بيفهمك غلط !! "
الحل انه نقوله عن اللي جوانا من مشاعر او افكار..نفهمه الصح و نشاركه بمشاعرنا و نقوله انت فهمت غلط.. يعني..مهو ف النهايه هو انسان..و مهما كان قربه من انسان اخر هو مابيقدرش يقرا العقول..
تحياتي
بالنسبة للوسادة الخالية ..
ففى حاجات بس عارفه انها هاتتحق ان شاء الله ...
انما فى حاجة انى نفسى اعيش فى منطقة معينة فترة من الزمن بس حاسة انها مش هاتحقق ..
مع انى سافرت كتير بس حاسة انه مش هايتحقق ..
وكل سنة وانتى طيبة ووالدتك بخير ..
فعلا ما شاء الله على اليوم اللى والدتك ولدت فيه كفاية انها مع اشرف الخلق ..
وبالنسبة للى مش فاهمنى فانا مع التوضيح لاخر المطاف ..
اللى اودمى بالرغم انه فهمنى كويس وبيفهمنى غلط اوضح له برده اكون كده عملت اللى عليا ويكون ربنا شاهد على كلامى ..
وفى ناس بتيأس وتقولك لا ما هو على طول يفهمنى غلط بس انا حتى لو كده احب توضيح اللى اقصده علشان يفهمنى ..
دمت بخير حبيبتى اليس ..
انا كتبت رد قبل كده بس مش عارفة اتنشر ولا لا ..
عامة التكرار بيعلم الشطار D:
أليس
شكلى هاجى اشدلك ودانك
مانوش
كل سنة وانتي طيبة وربنا يحققلك كل اللي بتتمنيه
----------------
محمد غاليه
هو علي اعتبار اني بشنب يعني :)
بس حاضر نعرفه ولو انه عارف :)
--------------------------------
موناليزتي :)
انا كمان كان نفسي يبقالي اخت اوي .. ولا حتي أخ بس يكون قريب .. ميبعدش اوي كده:(
ربنا يرزقنا جميعا بالذرية الصالحة يااااااارب
والله كنت لسه بقوله عايزة بيبي مليش دعوة :)
كل سنة وانتي طيبة يارب و كل احلامك حقيقة و دايما في سعادة يارب دنيا واخرة
والله مظلومة :(
بس مسامحة :)
ربنا يهيئلنا جميعا الخير يارب ويرضينا بيه
--------------------------
ايوشه
وعليكم السلام ورحمة الله وبركاته
الحمد لله علي كل حال
كل سنة وانتي طيبة و كل اللي بتحبيهم في سعادة دنيا و اخرة ان شاء الله :)
---------------------
ام العيال
كل سنة وانتي والجيران بخير :)
وساداتك كتير دي معروفة .. بس خيل و سباحة .. ناقص تقوليلي اتعلم ضرب النار ..
ربنا يباركلك في اولادك ويفرح قلبك بيهم ان شاءالله
وبخصوص البلد .. علي حالها دا بردة احسن من غيرها و بنحبها بردة .. ربنا يصلح حالها وحالنا
مش مختفية .. انا لسه كنت بقول لحواء عليكي .. انك بتحمدي ربنا ليل ونهار اكيد علي اختراع الانفزبل بتاع الماسنجر :)
انا مش ناقصة تعوير وربنا انا متعورة لوحدي و اعتبر في عداد المرضي بقالي اسبوعين اهو :(
-----------------------------
جعلوني مريضا نفسيا
كل سنة وانت و كل احبائك بخير يارب وفي احسن حال
شرفتنا بزيارتك
----------------------------
العاقل بتاع الكهربا :)
من امتي انت شفت مني حاجة عادية .. اهي حاجات بتنط في راسي و بتطلع عليكم :)
فيلسوف من يومك يا راشد :) بس مش ساعات بتضايقنا انها فاضية او بيسيطر علينا فكرة ازاي متكونش خالية
الله المستعان
كويس اللي قلته بس الوضع بيختلف حبة عندنا :)
ربنا يسعدك يا راشد و نفرح بيك عن قريب ان شاء الله :)
لجين الطيبة :)
عارفة ساعات لما تتمني حاجة اوي من ربنا و تتأخر ولا يحصل حاجة غيرها .. خلي عندك يقين ان اللي حصل دا احسن حاجة ممكن تحصل ليكي انتي بالذات في الوقت دا بالشكل دا .. و نقول الحمد لله علي قضائه :)
كل سنة وانتي طيبة يارب و ان شاء الله السنة الجاية نقولك اسرتك تزيد فرد او فردين او تلاتة .. زي ما ربنا يريد :) علشان ابقي العب معاهم :)
يمكن الصفحة هنجت منك .. مفيش الا الرد دا.. معلش ربنا يباركلك وتنورينا دايما يارب
--------------------------
درييييييييييييم
والله ما فيا حاجة تتشد انا متبهدلة اخر بهدلة
وان كان علشان اللي سيف كتبه والله اعتذرتله و اتاسفتله و استرضيته وصالحته و عملت قرد علشان ميزعلش مني :)
وهو والله قلبه طيب .. اينعم اتبهدلت بس هو كله علي راسي و اغلي ما في حياتي ربنا يحميه يارب و يخليه لي يااااااااااااااااااااااااارب
ولو في حاجة تانية عايزة تشدي وداني عليها .. استني لما اخلص الكعب الداير اللي علي الدكاترة اليومين دول و ابقي سليمة كده واجيلك تشدي علي رواقة :)
--------------------------
علي جنب كده بردة
ربنا يخليكم لينا ويسعد قلوبكم يارب ويقرب البعيد ياااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا رب يا كريم
إرسال تعليق