الأربعاء، 18 مارس 2009

ذكري بهائية

بقالي يومين مستفزة من خبر قريته علي مصراوي بخصوص (-) مكان الديانة


مش علشانهم
بس بخصوص الخبر واللي قرأته في الخبر عن اول واحد يحصل علي بطاقة الرقم القومي مكتوب فيها (-) في خانة الديانة علي اعتباره انه معتنق حاجة غير الاسلام او المسيحية او اليهودية



بصراحة اول ما بيجي سيرة البهائية بفتكر موقف بيتهيألي مش هقدر انساه ابدا



من 5 سنين تقريبا او 6 يمكن



في يوم الصبح بدري قالوا فلان توفاه الله - كان شخص من ذوي المناصب المهمة في محل العمل و له سلطات واسعة و كلمته مسموعة و مؤثرة .. المهم





انا علاقتي بيه كانت لسه يا دوب علي اد كام كلمة كده بما انه ليه دخل نوعا ما في شغلي .. وكنت في مكتب فيه اكتر من فرد و كان بيتكلم معاهم ..



كل اللي عملته طلبتله الرحمة و قلت اللي اعرفه عنه انه كان راجل محترم في تعاملاته و مشفتش او سمعت عنه حاجة وحشة الفترة اللي فاتت و لما بسمعه وهو بيتكلم ألفاظه مهذبة و كنت حساه ابن ناس





كنت يادوب بقالي سنة يمكن ولا سنتين .. وبطبعي علاقاتي قليلة ان مكانتش منعدمة .. فمكنتش في موقع اني علي صلة بيه فازعل عليه اوي زي اللي قعدوا يبكوا من ألم فراق زميل و صديق .. كان عندي واحدة زميلتي مكتبها قريب من مكتبه كانت مفلوقة من البكاء و صعبان عليها ولاده الصغيرين وهو كان سنة مش كبير خالص



المهم اتفقوا فين يا جماعة المدفن و الجنازة امتي .. علشان الرجالة يروحوا يحضروا صلاة الجنازة و عملية الدفن منها ثواب وواجب و منها لانه زي ما قلت من الشخصيات ذات المناصب العليا - مدير كبير



كان معايا زميل في المكتب - الله يمسيه بالخير - نزل مع الرجالة اللي راحوا و كانوا نازلين مش عارفين الوصفة بتاعت فين هيصلوا عليه



المهم اتفقوا انهم هيروحوا علي المدافن و يصلوا عليه هناك





علي قولهم يعني داخوا السبع دوخات و كانوا كتير بالعربيات لحد ما وصلوا لمكان غريب كده محدش منهم كان يعرفه



لقوا مكان كبير اوي محاط بسور عالي اوي و عليه زهور و بوابة كبيرة و استغربوا حتي السواقين انهم ميعرفوش المكان دا قبل كده !!





المهم اكتشفوا ان دي المدافن بتاعت عائلته - علي اد علمهم وقتها -



راحوا هناك مكانوش فاهمين حاجة .. المدافن شكلها غريب و الناس اللي هناك وشوشها كلها اغرب



زميلي بيقولي "مفيش ولا واحدة كانت هناك محجبة و الناس كلها شكلها غريب و المكان كان حدائق و زهور و شكله حلو اوي من جواه "



قعدوا وهما ماشيين جوة يبصوا علي اسماء الناس المدفونين هناك .. لاحظوا ان المكان فيه اسماء يهود علي نصاري علي مسلمين علي شواهد قبور شكلها غير المعتاد



لما جم يصلوا عليه صلاة الجنازة .. وهما بيبصوا لبعض مش عارفين هيحصل ايه



المفروض المسلم بيكون في كفن علي خشبة و الكفن عادة لونه ابيض



لقوا ان الجثمان في تابوت - زي اليهود و النصاري - بس في كفن جوة التابوت بس ملفوف و مربوط عليه شرايط ملونة الوان كتيرة



في اللحظة دي بيقولي فعلا قلقوا و كانوا عايزين يخرجوا من المكان دا



لقوا والده بيتلو تراتيل غريبة عنهم طبعا



بالعربية



و من كتاب شكله غريب بالنسبة ليهم



حد منهم تجرأ يسأل واحد من الحضور - من اهل المتوفي - فقاله انهم بهائيين





وهما كلهم بدون استثناء - الرجالة اللي راحوا و رئيس مجلس الادارة و كل الناس كلهم محدش منهم يعرف يعني ايه بهائيين دي



ورجعوا مناظرهم غريبة من هناك



كانهم مصدومين



زميلي دا بيقولي الحكاية دي .. وانا كمان اول مرة اعرف دي ايه دي



طبعا كانت حدوتة كبيرة اوي يومها



الكل مستغرب و الكل مش فاهم حاجة خالص



مين دول



الراجل دا ايه

مسلم ولا كافر



زميلته اللي كانت بتبكي بحرقة قالولها متعيطيش عليه احنا مش عارفينله ملة حتي !!

قالت مسلم

ازاي لا

انا صحيح مشفتوش السنين دي كلها بيصلي

بس عادي ما في مسلمين كتير مش بيصلوا

بس كنت بشوفه بيصوم

و اخلاقه عاليه

و محترم

و لي معايا ذكريات كتيرة جميلة



قالولها

اللي حصل كله

واتصدمت

مفهمتش زينا كلنا



كانت تجربة غريبة جدا يومها - الواحد مكانش عارف يقول الله يرحمه ولا يقول ايه !!



قعدت اعمل بحث علي النت علي معني الكلمة دي يومها

واكتشفت حاجات يشيب لها الولدان



و من يومها والاسم دا مرتبط معايا بمعلومات كتيرة عنهم وكلها معلومات " ملعونااااااااات "



بعد الحادثة دي سنتين تلاتة ابتدينا نسمع برة عن حاجة اسمها بهائية في وسائل الاعلام .. لم اهتم .. اللي عرفته زمان يكفيني





بس الخبر اللي قريته في مصراوي خلاني افتكر كل الاحداث دي



لسبب واحد بس



الطالب اللي حصل علي البطاقة فيها (-) في خانة الديانة



يبقي



ابن



الراجل صاحب الحكاية دي !!



-----------------------



اللهم لا تجعل فتنتنا في ديننا







هناك 29 تعليقًا:

صبرني يارب يقول...

ايه ده ؟


انتى بتتكلمي جد ؟


يعنى فعلا في حد اخد بطاقه فيها خانة الديانه فاضيه ؟؟؟

يعنى اقروا الموضوع ده فعلا ؟؟؟


لا ما يكتبوا بهائيين احسن ايه المشكله ؟؟؟

على الاقل نعرفهم

يغورا يا ستى

أميرة يقول...

بنقول خانة الديانة

هي دي ديانة يا ام العيال ؟؟؟؟؟؟

ايوة اخدها فعلا

وفي حكم من المحكمة بان دا يحصل

اللي متعرفيهوش و فهمته امبارح من الخبر وفيديو كان معاه ان دول حقوقهم المدنية واقفة

لا شهادات ميلاد و وفاة و لا بطاقات بتصدر خالص
علشان رافضين يتكتب فيها مسلم او مسيحي او يهودي
ومصرين يحطوا فيها بهائي

و دي مش من الديانات السماوية الثلاثة


علشان كده القاضي قال علامة او - بين قوسين


الله يعافينا

غير معرف يقول...

كيف تربح الاف الدولارات من الانترنت

كيف تبدأ مشوار الربح من الانترنت هذا

لكي تربح من الانترنت لابد وان تتعلم أشياء كثيرة عن المهنة التي تود العمل بها فكي تكون طبيب لابد من دراسة الطب ولكي تكون مهندس لابد من دراسة الهندسة هذه طبيعة الحال كذلك الحال مع الربح من الانترنت فباعتبارك ستخوض مجالا جديد بالنسبة لك فلابد من التعلم المستمر لهذه المهنة الجديدة المشوقة السهلة جدا واليك شرح جيد جدا في كيفية أن تبدأ في الربح من الانترنت والحصول على وظائف وتعلم التجارة الالكترونية وسهولة الحصول على وظيفة ثابتة


كيف تربح الاف الدولارات من الانترنت

كيف تربح اموال وأنت على الأنترنت

أبدا ألان اربح من الانترنت وتعلم التجارة الالكترونية اعرف أنواع الربح من الانترنت

لجين أبو الدهب يقول...

لا حول ولا قوة الا بالله ..

والله ياليس قلبى اتقبض من قصتك ..

انا للاسف سمعت الخبر فى التلفزيون اول امبارح ان خلاص البهائية بقى معترف بيها وان بقى مكتوب فى البطاقة زى ما بتقولى مكان فارغ ..

بجد حسبنا الله ونعم الوكيل ..

الناس دى هتقابل ربنا ازاى ..

هتقابله ازاى !!!

غير معرف يقول...

حبيتي علشان اوافر عليكي الاسئلة وعلشان اصدقنا انا هاقولكم المعتقدات البهائية بس قبل كل دة عاوز اقولك بحبك ودية عقدتي انا وبموت فيكي








1. الإيمان بحلول الله في بعض خلقه، وأن الله قد حلَّ في "الباب" و"البهاء".


2. الإيمان بتناسخ الكائنات، وأن الثواب والعقاب يقع على الأرواح فقط.


3. الاعتقاد بأن جميع الأديان صحيحة، وأن التوراة والإنجيل غير محرَّفين، ويرون ضرورة توحيد جميع الأديان في دين واحد هو البهائية.


4. يقولون بنبوة بوذا وكنفوشيوس وبراهما وزرادشت وأمثالهم من حكماء الهند والصين والفرس.


5. يؤمنون - موافقة للنصارى - بصلب المسيح.


6. ينكرون معجزات الأنبياء وحقيقة الملائكة والجن كما ينكرون الجنة والنار .


7. يحرمون الحجاب على المرأة، ويحللون المتعة، ويدعون إلى شيوعية النساء والأموال.


8. يقولون إن دين الباب ناسخ لشريعة محمد صلى الله عليه وسلم.


9. يؤولون القيامة بظهور البهاء، أما قبلتهم فهي إلى البهجة بعكا بفلسطين بدلاً من المسجد الحرام.


10. الصلاة عندهم تؤدى في اليوم ثلاث مرات في اليوم، كل صلاة ثلاث ركعات، صبحا وظهرا ومساء، والوضوء لها بماء الورد، وإن لم يوجد فيكتفون بالبسملة "بسم الله الأطهر الأطهر" خمس مرات .


11. لا يجوزون الصلاة جماعة إلا عند الصلاة على الميت.


12. يقدّس البهائيون العدد تسعة عشر، ويجعلون عدد أشهر السنة تسعة عشر شهرا، عدد كل شهر تسعة عشر يوما.


13. يصوم البهائيون شهرا بهائيا واحدا هو شهر العلا ويبدأ من 2 إلى 21 مارس وهو آخر الشهور البهائية، وفيه يجب الامتناع عن تناول الطعام من الشروق إلى الغروب، ويعقب شهر صومهم عيد النيروز.


14. يحرم البهائيون الجهاد وحمل السلاح وإشهاره ضد الكفار الأعداء خدمة للمصالح الاستعمارية .


15. ينكرون أن محمداً - خاتم النبيين - مدعين استمرار الوحي بعده.


16. يبطلون الحج إلى مكة، ولهذا كان حجهم إلى حيث دفن "بهاء الله" في البهجة بعكا بفلسطين.

والله العظيم بحبوا يا ناس
والسلام علي من اتبع الهدي

أميرة يقول...

معلش يا لجين :(

الله يعافينا

انا مكنتش اقصد اضايقك :(

بس انا اتصدمت لما قرأت الاسم اول امبارح وكنت بقول يااااااااه هما دول لسه كده ؟؟

-------------------------------

يا سيف باه انا عماله المح ومش عايزة اصرح :) تيجي راصصهملي كده :)

علي فكرة يا اغلي الغاليين هما من جواهم بردة فئات كده

ويقال علي ما فاكرة

انهم ظهروا كطائفة منبثقة من الطائفة الاسماعيلية من الشيعة

و ليهم كتير معتقدات موافقة لمتعقدات الشيعة

طبعا انت اكيد ورد عليك اشكال والوان من البشر

بس اللي حكيته دا كان لاني كمان قرأت من احد المعلقين علي الخبر ان في واحدة ارتدت عن الاسلام و اعتنقت الفكر البهائي لما تزوجت واحد بهائي واهلها مكانوش يعرفوا انه كده و فاكرينه مسلم و اثر عليها و خلاها تسيب دينها


يعني من الاخر دول اسوء من اليهود

سوس بينجر في العضم

والفيديو اللي كان معروض علي مصراوي لمحامي مصري بهائي بيقول ان معاه اوراق تثبت انه مسيحي و اوراق انه مسلم واوراق انه من غير ديانة معروفة !!!!!

وفي واحدة استاذة جامعية في كلية !!!

وغيرهم

و مش قليلين علي فكرة

و دول زي اللي بيقدم السم في العسل زي ما انت كتبت كده

عايزين يدمجوا الديانات الثلاثة في اختراع جديد

و علي فكرة هما منغلقين علي نفسهم جدا
بيتجوزوا من بعضهم
و نادرا لما بينشقوا علي العرف دا و يتجوزوا من برة الا لو مقتنعين انهم يقدروا يستقطبوا الطرف الاخر دا لمعتقداتهم


الله يهديهم و يهدينا

كنا ناقصينهم !!!!!!

وبردة ليهم مساعدات دولية بتجيلهم و ليهم دول كبيرة بتناصرهم تحت مسمي حرية الاديان والعقييييييدة

الله يهدي ويكفينا شرهم اجمعين

موناليزا يقول...

صورة الموضوع ابلغ رد فعلا
اللهم اذا اردت بقوم فتنة فاقبضنا اليك غير مفتونين

أميرة يقول...

يارب اللهم امين

اللهم ان اردت فتنة في عبادك
فاقبضنا اليك غير مفتونين و احشرنا في زمرة عبادك الصالحين ياااااااااااااااااااااارب العالمين

ربنا يبارك فيكي يا اختي :)

jonoon 3aqel يقول...

اللهم نعوذ بك من فتنة المال..و فتنة المحيا و الممات و شر فتنة المسيح الدجال..
اللهم لا تفتنا في ديننا و لا في أهلنا..
اللهم و أدم علينا نعمك..و حمدك و شكرك..


الاخبار على موود تاني اليوم :)..
دمتم بخير و سعادة و طاعة

تحياتي

Mony يقول...

لا حول ولا قوة الا باله


الحمد لله رب العالمين علي نعمة الاسلام

ربنا يحسن خاتمتنا و يميتنا علي الاسلام


انا قريت كتير للفكر الباهئي ده
بدون اي تحيز و الله


و لقيت ان لو الواحد شغل عقله بس هيعرف ان الكلام ده هجص و مالوش اي اساس


ربنا يهديهم ويهدينا

و يرزقنا طريق الصواب
و يرزقنا الصراط المستقيم

مسدس صغير يقول...

البهائيين اخطر على الاسلام من اليهود
البهائيين كفرهم العلماء بلا استثناء.
تستطيع ان تقول بملئ الفم للبهائى انه كافر
المشكلة الكبرى انهم غير معلنين فلربما تعيش مع واحد عمرا ولا تعرف انه بهائى.
مثل هذه الحكاية عن زميلك فى العمل.
يعيشون على مبدأ " اذا خلو حلو "
يعنى اما بيبقو لوحدهم بيعملو اللى هما عايزينه
نسأل الله ان يثبت قلوبنا على دينه والا يجعل مصيبتنا فى ديننا.

غير معرف يقول...

سلام عليكم
من امبارح شاغل نفسى بموضوعك ده مش عشان انى معرفوش بس كنت مش عاوز اتكلم فيه .. لغاية ما نورنا الكابتن هنا وشرح بأستفاضه والحمد لله ان كل اللى بيدخلوا هنا يعرفوا دينهم وربنا كويس .. اول معرفتى بالبهائيه كانت سنة 1980 وكنت ايامها بشتغل فى مجمع الالمنيوم بنجع حمادى وهو طبعا ضخم جداا كان فيه اكتر من 12 الف عامل وفى يوم كنت مشرف على برنامج تدريبى كنت لسه اخصائى تدريب وعمرى كان 25 سنه..
ولو تفتكرى ( طبعا مش هاتفتكرى ) كان ايامها الجامعات الاسلاميه لها ذراع طويله فى كل مكان .. وسمعت وانا فى القاعه خناق وهيصه كبيره وكان تقريبا وقت آذان الضهر .. وخرجنا كان زميل لنا الشيخ ... بيتخانق مع احد الزملاء وكان أ / عبد الجواد بيحاولى يهدى الامور مافيش فايده المهم ان الشيخ ... اكتشف ان زميلنا ده بهائى ومراته اللى معانا فى نفس المكتب زيه وكان على ما اذكر من احدى محافظات الوجه البحرى ..اخدوه بعد ما قام عدد كبير من اللى اكبر منى فى السن ( 40 فيما فوق )بالواجب معاه اخدوه للامن
وتانى يوم عرفت انه غادر نجع حمادى هو ومراته واولاده ... دى كانت اول مره اسمع عن بهائى وبعدها سمعت عن الحكم اللى صدر ضد ( بيكار ) اللى كان له كاريكاتير مشهور فى اخر صفحه فى الاخبار كل يوم جمعه ... بعد كده بدأت احاول اشترى كتب ايامها عشان اعرف ايه هيه
البهائيه دى وفضلت لغاية ما عرفت تقريبا كل حاجه عنها وربنا يحفظ شبابنا من افكارهم المسممومه فهم يساعدوا اى شاب منهم على الزواج وكثير منهم يشغل مناصب كبيره بخلاف المعاونات .. يارب ارحمنا واحمى اولادنا واعتقد اننا حاليا اصبحنا كما قال رسول الله صلى الله عليه وسلم القابض على دينه كالقابض على جمرة من نار .
ربنا يكرمك ويجبر بخاطرك وبصراحه انا مع سيف لازم يعرف الشباب مين هما دول وربنا يقدرنا ونحافظ على اولادنا .. تعرفى انى مع الحكم اللى صدر (-) لانهم موجودين فى المجتمع وممكن الراجل يزوج ابنه او بنته لحد منهم لكن لو جاله واحد وفى خانة الديانه مكتوب كده اعتقد انه ممكن يضربه با ... بدل ما تحصل كارثه بعد كده .
مدحت

أميرة يقول...

اللهم امين

ربنا يتقبل منكم ومنا يا راشد و يكفينا كل سوء يارب

--------------------------------------
موني

هتعرف الحق لو قلبك فيه نور الحق
انما الزمن دا ملوث
متعرفيش فيه الابيض من الاسود من كتر الضباب اللي مخيم علي الدنيا

و زي ما حكيت بمنتهي الامانة ان النموذج اللي اتعاملت معاه و سمعت عنه منهم كان مثال للانسان الكويس في اخلاقه و تعاملاته داخل نطاق العمل .. يعني مش مركب وش وحش و بيقول قدام الناس انا وحش .. دي الفتنة ودي المشكلة

ربنا يلطف بينا منهم و من غيرهم

----------------------

مسدس صغير

انت ليك حق في كل اللي قلته

و فعلا دا اللي حاصل انك مش بتعرفهم
يعني لا هما شكل المسلمين و لا شكل النصاري ولا شكل اليهودي

و كمان اسوء و اشد عداءا

الفيديو اللي اتفرجت عليه مع الخبر كان فيه ناس لو شفت الراجل المحامي بيتكلم ازاي
بيوقر الاسلام و مبيقول سيدنا محمد عليه الصلاة و السلام و لا اله الا الله محمد رسول الله و الكلام الناعم اللي بيسرب السم في وسط العسل

و بما اننا عندنا عدد طائل من الشباب اللي دماغهم مهوية سواء مسلمين و لا مسيحين و نصاري مفيش في دماغهم ابسط تعاليم الدين و لا ليهم اهل يعرفوهم الحق فين .. فدول صيدة سهله اوي

كمان سهل تنخدع فيههم و تفتكرهم شخص متدين و طبعا معاه كل ما يثبت انه مسلم مثلا او مسيحي .. رسمي يعني

انما الاصل اللي في القلب .. ميستاهلش حتي -

الله يعافينا ويكفينا شرهم

أميرة يقول...

وعليكم السلام ورحمة الله وبركاته

الحكاية اللي حضرتك حكيتها دي واردة تحصل بس بنسبة قليلة جدا انهم ينكشف امرهم لشدة حرصهم

بس دلوقتي اتمطعوا و بقالهم حس و عين يظهروا و يقولوا احنا هنا

المصيبة والكارثة الحقيقية انهم يلاقوا اللي يسمعهم

ولد في المدرسة .. متعلم الدرس كويس .. سهل يستقطب غيره
وفي الجامعة
و في البطالة اللي ملازمة شباب كتير

و التانييين مستواياتهم الاجتماعية كويسة .. يعني معاهم المال اللي هو فتنتنا في الزمن دا

يعني الخطر مش بس من حملات التنصير و التهويد .. لا دا في اللي اسوء من كده

اللي عايش معاك و بياكل معاك من طبق واحد و هو اشد عداوة من اليهود

انا شفت مرة بالصدفة مدونات ليهم و كلامهم الناعم

لليهودي انهم زيهم و اقرب لافكارهم
للمسيحي انهم زيهم و ايمانهم بنفس الفكر المسيحي
وللمسلم يروح معاه لابعد حدود الكلام في الله و قدراته و عظمته

كمان اللي فهمته انهم بيتجمعوا في احد المساجد يوم معين في الاسبوع علشان بيصلوا بشكل معين

اللهم يهديهم يارب

الواحد كل اما بيعيش يوم زيادة بيكتشف ان حواليه طوائف و معتقدات و افكار بالنسبة لينا شاذة و غير مقبوله حتي بالعقل من غير حكم القلب .. انما يشاء الله ان يضل من يشاء و يهدي من يشاء


الله يعافينا يارب و يهديهم ويهدينا للحق

Gannah يقول...

ازيك يا اليس؟؟
مصر بقت بلاد العجايب
بس عارفه فعلا كده احسن علشان فعلا نعرفهم
لكن المشكلة ان دى تجر وراها حاجات تانية ودى المصيبة
مش عارفه هنلاقيها منهم ولا من المد الشيعى ولا منين؟؟
الناس محتاجة فعلا تتعلم الاسلام الصحيح وخاصة الناس البسيطة والا وقعوا فريسة لكل هذه الفئات
على فكرة مرة شفت عند الصباغ لينك لمدونة صاحبتها استاذه جامعة وبتعلن وبكل صراحة انها بهائية وكمان بتطالب بحقوقهم اللى معرفش تبقى ايه؟؟
ربنا يرحمنا
تحياتى

أميرة يقول...

غالبا يا جنة هي نفسها الاستاذة اللي ظهرت مع وائل الابراشي مع المحامي بعد الحكم !!!

ازيك انتي يا حاجة :) يا رب تكوني بخير

ان كان علي التعريف بيهم هتلاقي وسائل كتيرة المشكلة معرفتهم هما نفسهم و تمييزهم لان دول يعاملوا معاملة مختلفة عن معاملتنا لاهل الكتاب

اللهم يكفينا شرهم ما علمنا منه وما لم نعلم


بس واضح كده انهم ليهم تواجد في دول عربية اخري و تواجد بكثرة و خصوصا انهم ليهم افكار علي مزاج الشيعة !!

mahasen saber يقول...

ربنا يلطف بينا

ويثبت كل واحد على دينه

انا اعترف بالديانات الثلاث انما صنع البشر ده كفر طبعا

mahasen saber يقول...

ربنا يلطف بينا

ويثبت كل واحد على دينه

انا اعترف بالديانات الثلاث انما صنع البشر ده كفر طبعا

مجاهد يقول...

رحمتك يا الله
إحفظنا من شر الفتن
-----------------
رسالتك يا أليس
لم تدهشنى إنما أيقظت بداخلى الرعب مرة أخرى
خوف إن يزداد نفوذهم فى بلد الأزهر
-----------------
الحقيقة كلمة بهائى سمعت بها وأنا فى الجامعة
طالب فى كلية علوم
يصرح لزملاءه أنه بهائى وإثبات الشخصيه الوحيد لديه هو جواز السفر
كان فى هذا الوقت لاتصدر لهم بطاقات شخصيه إلا لمن يدين بالأسلام أو المسيحيه أو اليهوديه
طبعا الموقف ده أثار سخريتنا
وكنت مندهش ماهذه الفئه
هل هذا الشخص حاله نادره او قد يكون له اصول خارج البلاد
لم أكن أعلم أن الموقف معقد
ألا بعدما وفعت فى يدى مجلة تشرح الفكر البهائى...ومحاولاتهم أن يكون لهم كيان فى مصر
يدور بعقلى سؤال
هل هم فئة قليلة على هامش المجتمع؟
ام هم فئة بالعدد الذى لايستهان به فتعمل فى صمت وهدووووووء؟

مجاهد يقول...

"أه منك يادنيا"
أه من عناء يطول
أه من صبر مر
أه من عجز

غير معرف يقول...

سلام عليكم
اخباركم ايه ماتزعلوش لتقصيرى وعلى فكره قريت تقريبا كل حاجه عن البهائيه من اول الاحسائى لغاية وقتنا هذا .
المهم يارب يا سيف تكون كويس وشد حيلك بقى عاوزينك معانا والله وعلى فكره صاحبك اللى كان بيفكر يتجوز من هولندا نجح التيرم الاول بجيد مرتفع اوى والحمد لله .. ومشكلة احمد ياألبيس اتحلت مؤقتا والله المستعان يارب يكرمكمك ويجبر بخاطركم يا اعز الابناء.
مدحت

أميرة يقول...

ربنا يلطف بينا جميعا يا ام عبد الرحمن

الله وحده يعلم مدي الموضوع دا ايه ولا اخدوا مين في سكتهم

الله يهدي


-----------------

مجاهد

اللي باين كده انهم مش قليلين خالص ولا حاجة يستهان بها

وزي ما في حملات تبشير .. من البداهه يكون في حملات تتحول للاعتقاد بالتخاريف دي .. و المصيبة ان اللي جواهم اجوف تجاه الدين مش قليلين

الله يلطف و يرحمنا جميعا من كل فتنة و اي سوء

تعرف ان "اه منك يا دنيا " ليها تأويلات كتيرة :) مش بس الآه المرة اللي قلت عليها .. الله يوفقك وايانا لما يحب ويرضي

----------

وعليكم السلام ورحمة الله وبركاته

الف مبروك لمحمد .. عقبال السامعين والباقيين يارب :)
الحمد لله ان مشكلة احمد اتحلت ولو مؤقتا .. لما تخلص يفرجها ربنا من عنده ان شاء الله

اما بخصوص سيف والله لو اعرف هقول:( :(

ان شاء الله لو يقدر يدخل يطمنا كلنا :(

shaimaa rady يقول...
أزال المؤلف هذا التعليق.
shaimaa rady يقول...

انافعلا سمعت الخبر
وقبل خبر البطاقة بحوالي سنتين، سمعت تفاصيل عن الديانة دي من الشيخ محمد حسان

بس مقدرش اقول غير لا حولة ولا قوة إلا بالله...

ربنا يغفر للجميع، لان الله اعلم بحالهم ده اسمة اية، كفر ولا اية بالتحديد..

عموما اهو ارحم من غيرة اللي اعتنق الديانة المسيحية، بعد ما كان مسلم، ولما تسمعي كلامة تتصدمي علي جرئتة علي الكلام المبالغ فيه علي قباحة الديانة الأسلامية..
ربنا يعافينا...
يا مقلب القلوب ثبت قلبي علي دينك

أميرة يقول...

نورتينا يا شيمو :)

بس قولك ان دا ارحم من الردة لديانة تانية معتقدش انه عادل

لانها مش محصلة اي حاجة هما حاولوا يعملوا كوكتيل من الديانات الثلاثة باضافة شوية تخاريف وادعاءات من عندهم و نسب روح الله - والعياذ بالله لا شريك له - لواحد من بني البشر و حاجات كتيرة اوي لا يعقلها جاهل حتي !!!

الله يلطف ويثبتنا جميعا علي دينه الحق

سعدت بمشاركتك :)

عاشــــــ النقاب ـقــــة"نونو" يقول...

اللهم لا تفتنا في ديننا واعزنا بالاسلام واعلو رايته يارب العالمين
وحسبنا الله ونعم الوكيل
ما ينفعش نقول على غيرمسلم الله يرحمه بس نقدر نقول البقاء لله
ومين عارف يمكن يكون ربنا نور بصيرته قبل ما يتوفى
دنيا عجيبة صحيح
وحشاني
تحياتي

أميرة يقول...

نورتينا يا نونو :)

ان جيتي للحق ساعتها مكانش الواحد عارف ينطق باي حاجة خالص غير لا حول ولا قوة الا بالله ..


الله يهديهم وايانا للحق باذن الله

انتي كمان غيبتي كتير :) حمد الله علي سلامتك

غير معرف يقول...

ممكن فعلاً نلاقي كمية كبيرة من الكراهية في مكان واحد زي صفحتك دي؟ ربنا يعينكم على عقولكم.

muslim يقول...

الى كل ملعون كافر تابع للكلب الكافر بهاء حفيد مسيلمة الكذاب
مهما حذفتم مشاركاتى سوف اظهر لكم من جديد
انى قلتها لكم بكل صراحة انكم تدسون السم فى العسل وتقولون انكم تؤمنون برسل الله وبالاسلام وبان القران كتاب الله وقوله وهو ليس ماتضمرون فى قلوبكم المريضة بل انكم تتظاهرون بذلك كى تستطيعو استدراج البسطاء والمغفلين لكى تضعو كلبكم البهاء فى منزلة رسل الله وحاشا لله ان يرفع هذا الكلب البهاء والخنزير الباب عينه الى مقامهم
ان الكلب الحقير الكافر الخنزير الميرزا الكلب البهاء قد الف كلاما على نغمة كتب الله مع بعض التحوير واستقى من الهام شيطانه النجس ان يستقطب المنحرفين سلوكيا وضعاف الايمان او التافهين اللذين لا يستطيعون ان يكونو مميزين فى مجتمعهم ويبحثون عن اى شىء لكى يكونو بؤرة اهتمام ومتابعة مثل بعض المرضى النفسيين اللذين يصل بهم الهوس الى ان يقتلو النفس التى حرم الله الا بالحق لمجرد انهم سوف يظهرون فى الجرائد ووسائل الاعلام فهم يتولد فيهم شعور بان حياتهم بلاقيمة وانهم بلا حيثية فيفضل هذا السلوك الجنونى عوضا عن تحقيق ذاته بطريقة محترمة لانه فاقد ما يؤهله مثل هذا الفلاح الامى اللذى احضرتموه وقال انه بهائى وان كنت اشك انه اصلا يستطيع كتابة سطر بلا اخطاء املائية فاين فى نجعه القاصى تجلت له نار الكلب البهاء وقارن بين الاديان وامن بهذا الخنزير وفجاة اصبح له مال لا احد يعلم من اين ولكنه منكم يا اذناب الصهاينة وان اللذى لقب نفسه بنفسه بهاء الله وحاشا ان يكون خنزير مثله بهاءا لله بل هو نقمة من الله وجندى من جنود ابليس والمضحك فعليا انه اسمى نفسه بنفسه البهاء والظاهر انه راى هذه الكلمة فى الانجيل فجائت على هواه واسمى بها نفسه ثم صاح ناهقا كالحمار النتن ان اسمه موجود فى الكتب السماوية ههههه ولكن فات الكلب ان من لديه ذرة عقل يقول له ولكنك اولا من اسميت نفسك البهاء ايها الميرزا القذر وثانيا ان الانجيل مترجم عن الارامية وكلمة بهاء اساسا كلمة وضعية للمترجم وممكن ان يترجمها مترجم اخر بنور او سناء او جلال فهى راجعة للمترجم والغريب هو هذا التبجح العفن من النفس المريضة ولكن الله اصر على ان يفضحكم غباؤكم وتنهقون ان هذا مالم يحدث مع الرسل من قبل ؟ اى بجاحة واى فسوق ايها الانجاس؟ طيب ماكان يخليه بنفس اسم الميرزا الحمار ويورينا فى انهى مستنقع نتانة مكتوب مانا اروح اسمى نفسى مثلا دلوقتى بعد ما كبرت اسمى نفسى مثلا نعيم واقول اسمى فى القران والانجيل حتى شوفو هههههههه او اسمى نفسى طه واقول اسمى فى القران يلعن ابو نجاسة قلوبكم يا كفرة لكن فرائسكم معدمون وكافرون فى نفس الوقت وكانو صيدا سهلا لانهم الفريسة التى تبحث بنفسها عن الصياد فبالمال وبحب ان يشعر انه محور حديث فعل ذلك فكان خرابا على اهله لانه قاصر العقل بالطبع. ان فكرتكم ببساطة هى مع الصهيونية ولا تقولون عمر اسرائيل اقصر من عمر البهائية فهذا كذب ببساطة وليس من قبيل الصدفة فان من ادلة ادانة الكلب البهاء وادانتكم ان الصهيونية نشطت فى نفس القرن اللذى ظهر فيه كلبكم البهاء والتمهيد الى 1948 بدا باكثر من مائة عام قبلها على العلن وقبلها باكثر فى السر وكان من هدفها اختراق المجتمعات الاسلامية والمسيحية والاختراق عن طريق الدين اشد خطرا لانه ببساطة من يبيع دينه يبيع وطنه بسهولة اكبر لان الولاء لله ثم الوطن فهى خطتكم الخبيثة يا انجاس لان كل بهائى هو عميل سواء كان نشطا ام كامنا كالمرض الخبيث فى انتظار تنشيطه.
ان كنتم كما تدعون ايها الكافرون تؤمنون بقران الله فكيف اذا كفرتم وامنتم بدين اخر؟
ان القران اللذى تدعون للحمقى والمغفلين انكم تؤمنون به انتم فى الحقيقة كافرون به كلاب سوداء قلوبكم خبيثة نواياكم
ان كنتم تؤمنون حقا ايها الكلاب احفاد الكذاب مسيلمة فان الله عز وجل قال فى كتابه الحكيم ان الدين عند الله الاسلام ومن يبتغ غير الاسلام دينا فلن يقبل منه وهو فى الاخرة من الخاسرين فان كنتم حقا تؤمنون بالقران كما تدعون فانتم باعترافكم كافرون مرتدون خاسرون الدنيا والاخرة ايها الكلاب احفاد مسيلمة الكذاب يا اهل الكفر والشرك ايه الكلام الاهبل ده قال ابن الهوى وديار العشق وانكم بلغتم اللى ما بلغوش اهل العلم والبصيرة طبعا شىء طبيعى لان اهل العلم والبصيرة مش مغفلين زبكم ههههههههههه
والمنطق النتن النجس ان من معجزات الكلب البهاء رسول النجاسة انه خلى الناس تؤمن بيه هههههههههه طيب ما القس جيم جونز خلى اتباعه يؤمنو بيه ولدرجة اقنعهم ينتحرو جماعيا بارادتهم وشوفو قوة التاثير اللى اضعاف تاثير الكلب البهاء فيكم لانى ماعتقدش هتسمعو كلامه فى دى فهل يبقى معنى ذلك ان جيم جونز رسول؟ اقنع 918 شخص فيهم اساتذة جامعة على الانتحار الطوعى فهل معنى ده ان ايمانهم به معجزة الهية؟ يا مرضى يا مختلين؟ وغيره وغيره مسيلمة الكذاب امن بيه الاف والقرامطة تبعهم الاف وراسبوتين وحتى الهندوس اساتذة جامعة وعلماء ومتقدمين فى الكمبيوتر والطاقة النووية ومع ذلك بيعبدو البقرة فهل دى معجزة الهية للبقرة وغيره وغيره
وبعدين ليا سؤال محيرنى مش لانى محتار انا فيه لا انا محتار لانكم اغبياء وبتصرو على الغباء ببساطة انتم مؤمنين زى ما بتقولو يا كفرة يا كذابين بالاديان السابقة طيب خلينا معاكم فى الهبل شوية الاديان السابقة السماوية حطت الجنة والنار يعنى شىء مسلم بيه ومفروض انكم مؤمنين بكدة لانكم حسب كلامكم اللى لا يعكس حقيقة قلوبكم دى اديان سماوية مصدقة طيب ببساطة كدة يعنى انتم معترفين ان فى اليهودية والمسيحية والاسلام المذنب نار وصاحب العمل الطيب جنة ...كويس ؟
طيب انتم ياكفرة يا ملاعين بتنكرو وجود الجنة والنار والبعث المادى والعذاب المادى واوعى كلب كافر منكم يقول احنا قلنا عذاب روحى لان فى الاديان كلها وخاتمها الاسلام العذاب مادى وبالدليل قوله تعالى كلما نضجت جلودهم ابدلناهم غيرها وماعتقدش الارواح ليها جلد هههههههههههه
لسه الكلام ماخلصش فى النقطة دى يا كفرة ....فدلوقتى الاسلام والمسيحية واليهودية فيها بعث وعذاب مادى وانتم معترفين بده...وفى دين الكلب الكافر الكاذب البهاء مافيش طيب ازاى؟ هو ربنا استغفر الله فى الدورة الاولى عامل عذاب وفى التانية خلاص الجنة والنار كومبليت واللى لحق مكان لحق واللى مالحقش خلاص مش هيلاقى مكان يقعد فيه؟ ههههههههههههههه
والكلب الحقير البهاء ميرزا النتن ببساطة عمل حركة تدل على انانيته و تغفيل من يتبعوه قال ان مافيش رسول الا بعد الف سنة تانى من ظهوره ههههههههه وهو ربنا استغفر الله مزبطها بستوب ووتش ان كل كام سنة بالزبط ييجى رسول اعوذ بالله من غضب الله؟ طيب ليه بيقفلها على اى كذاب جاى من بعده ما يسيب كله يعيش ولا اقول لكم و يقفلها ليه ماييجى نصاب ابن كلب تانى ويسمى نفسه بدل بهاء سناء ولا علاء ولا يمكن تيجى شرشوحة منكم تسمى نفسها ولاء وتقول انا جيت اهو بس ماتنسوش بعد الف سنة بالزبط وانا حاسبهم اوعى تحمرقو وتغالطو لابهدلكم لو جه يوم بدرى عن الالف همرمطه ولو اتاخر همسح بيه الارض لان مش معقولة من اولها وييجى متاخر ههههههههه ولو حد بقى فكر ييجى قبل الالف سنة ليها حل بسيط وهو انه يقول معلش حصل تعديل فى الدورة بتاعة الرسل لان البهاء طلع واخد منشطات فشطبوه من الدورة وهنبتدى من جديد هههههههههههههههه
وبعدين ياولاد دين الكلب البهاءهوريلكم تانى نفاقكم وقلبكم الاسود واظهاركم غير ما تضمرون انتم بتقولو بتؤمنو بالاسلام وبرسالة محمد عليه الصلاة والسلام وفى نفس الوقت بتؤمنو بالانجيل والتوراه طيب ماشى خلينا معاكم تانى للاخر انتم بتؤمنو بصلب المسيح طيب ده فى الانجيل الحالى المحرف الكلام ده وفى القران انكر الله تعالى صلب المسيح وقال وماقتلوه وماصلبوه ولكن شبه لهم فكيف يا كفرة ياولاد دين الكلب البهاء يستقيم ايمانكم بالنقيضين؟ وهو رب العزة بيقول كلام عكس بعضه؟ انتم مجرد كلاب انجاس وحاولتو تاخدو من عدم التصادم مع الديانات السماوية وسيلة لانفاذ تعاليمكم المسمومة الناتجة عن الكلب البهاء والكلب عبد البهاء والكلب الباب ومش عارف اى انسان ذو عقل وليس مريضا نفسيا ازاى يفكر يتبعكم؟ مش شايف التضاد الرهيب ده فى كلامكم ؟ يعنى احنا بنؤمن بالانجيل وشىء طبيعى ان الانجيل ما يحتويه اصلا من صلب المسيح فى صورته الحالية كلام مش مزبوط لان ببساطة الجزء الخاص بصلب المسيح كلام بشر لان مش معقول يكون كلام الله وهو المسيح كان وقتها بيملى واحد هو بيعمل ايه والامه فوق الصليب مثلا؟ ولا كان مين بيكتب عنه وهو مصلوب؟ ومين روى حكاية المجدلية والعذراء وقت ماكان مفروض المسيح مصلوب ومدفون؟ طبعا واضح انه كلام وضعى لم يقله المسيح وانما اضافه بعض البشر بسوء قصد او بحسن نية عندما شبه لهم فكيف اذا تقولون انتم بصلب المسيح وهو كلام اساسا لم يصدر عن رب العزة ولم يقله المسيح ذاته وفى نفس الوقت انكرها القران انكارا قطعيا وهو كلام العزيز الحكيم لكنكم اخذتم الاعتراف بالصلب وبالاسلام وسيلة رخيصة للنفاق لاصحاب الديانات السماوية لكى تكتسبو مودتهم لشر فى قلوبكم ايها الانجاس فكيف يؤمن انسان ذو عقل بالضدين معا وايهما يتبع ام انكم مع المسيحى توافقونه ومع اليهودى توافقونه ومع المسلم توافقونه فالمهم هو ان تفتحو بابا للحوار والتالف وهو مالاينخدع به من فى قلبه ايمان ايها الانجاس الملاعين
ان الدين عند الله الاسلام ومن يبتغ غير الاسلام دينا فلن يقبل منه وهو فى الاخرة من الخاسرين ولعنة الله عليكم اجمعين الى يوم الدين

اللهم اني استودعك قلبي فلا تجعل فيه أحدا غيرك

وأستودعك لا إله إلا الله فلقني إياها عند الموت

وأستودعك نفسي فلا تجعلني أخطو خطوة إلا في مرضاتك

وأستودعك كل شيء رزقتني إياه فاحفظه لي من شر خلقك أجمعين

يامن لاتضيع عنده الودائع