تعليق علي ذكري بهائية ... هل لقي عندي كراهية ؟؟

 Autoscriptor يقول...

ممكن فعلاً نلاقي كمية كبيرة من الكراهية في مكان واحد زي صفحتك دي؟ ربنا يعينكم على عقولكم.

30 مارس,2009 09:18 ص

حد عاقل محايد يقولي انا ذكرت ايه فيه كراهية علشان المعلق اللي باعتلي التعليق دا علي التدوينة اللي قبل قبل اللي فاتت بعنوان ذكري بهائية 

طب لو علي التدوينة اللي فاتت كنت قلت ماشي  يمكن شاف كراهية 

انما التانية بحكي ذكري حصلت معايا 

واه هكره اللي يفتري علي الله كذبا 

هكرهه اه بس هدعي ربنا يهديه 

ولحد ما ربنا يهديه فهو مكروه

 بس ياريت بجد لو كاتب التعليق دخل هنا مرة تانية يقولي ايه اللي شافه في الحكاية بيقول اننا فينا كراهية  دي و !! ولمين يعني

دي حتي المدونة دي تقريبا خاصة جدا ولا عمري غلطت فيها في حد ولا حد غلط فيا عليها الحمد لله 

باستثناء تعليقك اللي مفهمتش سببه ايه

بهائية 2 بس مش ذكري .. واقع معلن

لا و الله كده كتير و مش قليل ولا يستهان بيه

مش عارفة تابعتم حلقة الحقيقة لوائل الابراشي علي دريم 2 اللي اتذاعت من شوية ولا لا ؟

كانت تاني عن البهائية بمناسبة احتفال بعيد عندهم اسمه النيروز

علشان الناس اللي بتقول دول قلة قليلة 

لو قلة قليلة ميظهروش بالشكل دا في حديقة الميريلاند و يدعوا التليفزيون علشان يصوروا الاحتفال

اسر كتيرة و اطفال و شباب و كبار 

الجديد باه 

ضيف غير الدكتورة بتاعت كل مرة 

الضيف من سوهاج .. من الصعيد الجواني

و الله والله والله  انا حاسة ان دماغي وقعت مني 

مش قادرة اتخيل ازاي حد  كده

حملات تنصير واستهونا بيها و عمالة تتوغل في افقر المناطق و بيستعملوا المادة في الاغراء و ليهم نجاحات كتيرة و لنا انتكاسات اسوء لاننا حتي مش عارفين نحافظ علي اخواتنا ودينهم .. طب نقول ايه لربنا مع دول؟؟؟!!!!!

المصيبة ف دول 

اللي ظهروا علي السطح

وفرضوا سلطتهم 

فرضوا نفسهم علي المجتمع المصري .. مش فجأة 

عارفين يعني ايه يخرجوا للشوارع ويعلي صوتهم بعد ما كانوا  في جحورهم زي الثعابين

بالموسيقي والاغاني  و الناس بتتفرج عليهم وبتشاركهم الفرح !!!!!!!

مصيبة  والله العظيم .. مصيبة لينا مش ليهم

هما الله يهديهم .. انما احنا

 

هل مش هنتسأل عليهم ؟؟

هل مش هنتحاسب عليهم ؟؟؟؟؟؟؟؟

حد يفهمني احنا ليه بقينا كده ؟؟

ليه سمحنا ليهم ؟؟

في ضيف في البرنامج صحفي قال ان المحكمة الادارية اللي ادتهم حكم بانهم يضعوا ( - ) امام الديانة    .. قال ان وزارة الداخلية وهي المعنية بالاختصاص و هي اللي المفروض تقدم اعتراض منها علي الجماعة دي و علي القضية   ..........  ولا عزاء لا عزاء لا عزاء .. محدش اعترض .. حسبنا الله ونعم الوكيل

العيد دا بيجي كل سنة يوم 21 مارس .. حد سمع عنه قبل كده؟؟؟؟؟؟؟؟؟ 

ليه مع عيد الام .. صدفة ؟؟ 

واحد بيقول في التسجيل" انه كويس انه جاي مع عيد الام علشان مصر كلها تحتفل بيه "

حسبنا الله ونعم الوكيل . . 

فيها شباب  و اطفال و كل الاعمار  و ادي الصعيد حتي فيه  منهم ... 

 اللي اتفرج علي الحلقة او هيعرف يتفرج عليها في الاعادة ( مش عارفة امتي لاني فتحتها بالصدفة ) بس هيشوف مهازل ..

بالظبط كان واحد بيلطشك بالقلم علي وشك .. 

بيلطش كل مسلم  .. 

علشان يفوق  .. 

علشان يعرف انه عارف اي حاجة

ملهي والدنيا لاهياه  وانا اولهم

ملهي في شغله ولا عياله ولا مشاكله و همومه

ومن ورا الغيبة اللي احنا فيها .. او ان احنا بقينا مغيبين بفعل فاعل والله اعلي واعلم .. من ورا كل دا .. بيجرا في ظهرنا في الخفاء  ما لا يحمد عقباه

انا بكتب وانا بتفرج .. الراجل الصعيدي بيقول :"يا ايها الذين آمنوا ان جاءكم فاسق بنبأ فتبينوا..  الاحتفال بنفضي نفسنا فيه بالعافية .. شوية عيال بيجروا و يلعبوا ف يوم .."

دا راجل كبير في السن .. و طلع في بلد في سوهاج مشهورة ان فيها اعداد كبيرة منها ... اجيال يا مسلمين .. اجيال راحت و اجيال لسه بتتربي !!!!!!!

الدكتورة دي باه بتاعت الجامعة .. بتقول السم في العسل .. امورة و عايزة العدل بس مش طالبة اي حاجة سياسية و لا اي حاجة خااااااالص يا حرام .. بس طالبة  انهم مش يعترفوا بفكرهم  .. هي بس طالبة بحقهم المدني فقط لا غير 

يا حرام  مش بتعمل دعوة  ولا بتعلن عن فكرهم  .!!

بيحتفلوا في الميريلاند .. كاكبر حديقة في مصر الجديدة و ليها مرتادين كتير و في يوم السبت اجازة ناس كتير و في عيد الام . . يعني اعلان ببلاش كده  !!!!!!!

حسبي الله ونعم الوكيل 

انا مذنبة   وانتم مذنبون  ومش عارفة هنقول ايه لربنا عن اللي عملناه في روحنا 

********

تحديث لمن يحب متابعة اعادة الحلقة اللي بتكلم عليها

غدا الاحد 4 عصرا و الثلاثاء 2 صباحا  

بتوقيت القاهرة

*******

تحديث  ثاني بس مؤلم حبتين 

الظاهر حد قرأ التدوينة و دعي عليا  :)

قدر الله وما شاء فعل و تم بحمد الله وفضل منه ونعمة 

اني اتكسرت :)

دعواتكم

ذكري بهائية

بقالي يومين مستفزة من خبر قريته علي مصراوي بخصوص (-) مكان الديانة

مش علشانهم

بس بخصوص الخبر واللي قرأته في الخبر عن اول واحد يحصل علي بطاقة الرقم القومي مكتوب فيها (-) في خانة الديانة علي اعتباره انه معتنق حاجة غير الاسلام او المسيحية او اليهودية

بصراحة اول ما بيجي سيرة البهائية بفتكر موقف بيتهيألي مش هقدر انساه ابدا



من 5 سنين تقريبا او 6 يمكن



في يوم الصبح بدري قالوا فلان توفاه الله - كان شخص من ذوي المناصب المهمة في محل العمل و له سلطات واسعة و كلمته مسموعة و مؤثرة .. المهم





انا علاقتي بيه كانت لسه يا دوب علي اد كام كلمة كده بما انه ليه دخل نوعا ما في شغلي .. وكنت في مكتب فيه اكتر من فرد و كان بيتكلم معاهم ..



كل اللي عملته طلبتله الرحمة و قلت اللي اعرفه عنه انه كان راجل محترم في تعاملاته و مشفتش او سمعت عنه حاجة وحشة الفترة اللي فاتت و لما بسمعه وهو بيتكلم ألفاظه مهذبة و كنت حساه ابن ناس





كنت يادوب بقالي سنة يمكن ولا سنتين .. وبطبعي علاقاتي قليلة ان مكانتش منعدمة .. فمكنتش في موقع اني علي صلة بيه فازعل عليه اوي زي اللي قعدوا يبكوا من ألم فراق زميل و صديق .. كان عندي واحدة زميلتي مكتبها قريب من مكتبه كانت مفلوقة من البكاء و صعبان عليها ولاده الصغيرين وهو كان سنة مش كبير خالص



المهم اتفقوا فين يا جماعة المدفن و الجنازة امتي .. علشان الرجالة يروحوا يحضروا صلاة الجنازة و عملية الدفن منها ثواب وواجب و منها لانه زي ما قلت من الشخصيات ذات المناصب العليا - مدير كبير



كان معايا زميل في المكتب - الله يمسيه بالخير - نزل مع الرجالة اللي راحوا و كانوا نازلين مش عارفين الوصفة بتاعت فين هيصلوا عليه



المهم اتفقوا انهم هيروحوا علي المدافن و يصلوا عليه هناك





علي قولهم يعني داخوا السبع دوخات و كانوا كتير بالعربيات لحد ما وصلوا لمكان غريب كده محدش منهم كان يعرفه



لقوا مكان كبير اوي محاط بسور عالي اوي و عليه زهور و بوابة كبيرة و استغربوا حتي السواقين انهم ميعرفوش المكان دا قبل كده !!





المهم اكتشفوا ان دي المدافن بتاعت عائلته - علي اد علمهم وقتها -



راحوا هناك مكانوش فاهمين حاجة .. المدافن شكلها غريب و الناس اللي هناك وشوشها كلها اغرب



زميلي بيقولي "مفيش ولا واحدة كانت هناك محجبة و الناس كلها شكلها غريب و المكان كان حدائق و زهور و شكله حلو اوي من جواه "



قعدوا وهما ماشيين جوة يبصوا علي اسماء الناس المدفونين هناك .. لاحظوا ان المكان فيه اسماء يهود علي نصاري علي مسلمين علي شواهد قبور شكلها غير المعتاد



لما جم يصلوا عليه صلاة الجنازة .. وهما بيبصوا لبعض مش عارفين هيحصل ايه



المفروض المسلم بيكون في كفن علي خشبة و الكفن عادة لونه ابيض



لقوا ان الجثمان في تابوت - زي اليهود و النصاري - بس في كفن جوة التابوت بس ملفوف و مربوط عليه شرايط ملونة الوان كتيرة



في اللحظة دي بيقولي فعلا قلقوا و كانوا عايزين يخرجوا من المكان دا



لقوا والده بيتلو تراتيل غريبة عنهم طبعا



بالعربية



و من كتاب شكله غريب بالنسبة ليهم



حد منهم تجرأ يسأل واحد من الحضور - من اهل المتوفي - فقاله انهم بهائيين





وهما كلهم بدون استثناء - الرجالة اللي راحوا و رئيس مجلس الادارة و كل الناس كلهم محدش منهم يعرف يعني ايه بهائيين دي



ورجعوا مناظرهم غريبة من هناك



كانهم مصدومين



زميلي دا بيقولي الحكاية دي .. وانا كمان اول مرة اعرف دي ايه دي



طبعا كانت حدوتة كبيرة اوي يومها



الكل مستغرب و الكل مش فاهم حاجة خالص



مين دول



الراجل دا ايه

مسلم ولا كافر



زميلته اللي كانت بتبكي بحرقة قالولها متعيطيش عليه احنا مش عارفينله ملة حتي !!

قالت مسلم

ازاي لا

انا صحيح مشفتوش السنين دي كلها بيصلي

بس عادي ما في مسلمين كتير مش بيصلوا

بس كنت بشوفه بيصوم

و اخلاقه عاليه

و محترم

و لي معايا ذكريات كتيرة جميلة



قالولها

اللي حصل كله

واتصدمت

مفهمتش زينا كلنا



كانت تجربة غريبة جدا يومها - الواحد مكانش عارف يقول الله يرحمه ولا يقول ايه !!



قعدت اعمل بحث علي النت علي معني الكلمة دي يومها

واكتشفت حاجات يشيب لها الولدان



و من يومها والاسم دا مرتبط معايا بمعلومات كتيرة عنهم وكلها معلومات " ملعونااااااااات "



بعد الحادثة دي سنتين تلاتة ابتدينا نسمع برة عن حاجة اسمها بهائية في وسائل الاعلام .. لم اهتم .. اللي عرفته زمان يكفيني





بس الخبر اللي قريته في مصراوي خلاني افتكر كل الاحداث دي



لسبب واحد بس



الطالب اللي حصل علي البطاقة فيها (-) في خانة الديانة



يبقي



ابن

الراجل صاحب الحكاية دي !!

-----------------------



اللهم لا تجعل فتنتنا في ديننا

خشوع 

=

بدون عنوان

ساعات كتيرة بقف كده ورا زجاج البلكونة

بحاول ابص للدنيا مرة من نفسي لفوق

اقصد اني ابص للسماء

سواء عايزة ادعي ربنا

او عايزة ابص علي الدنيا

مجرد نظرة مختلسة من ورا زجاج البلكونة

علشان" جار" غير محترم..  بيختلس هو النظر علي الرايح والجاي

هو مش لينا حق نبص علي الدنيا زي بقية الناس بدون ما حد يأذينا ؟!!

***************

لم عزاله و حاله و كل ما له في الدنيا

حطهم في شنطة كبيرة اوي

يمكن حتي اكبر منه

بس هيروح بكل دي علي فين !!

شوية تفكير كتير اوي

وصل لنتيجة واحدة

الحمل تقيل اوي انه يشيله ويدور بيه علي حتة تانية

ركن حمله و استني

و فضل مستني

ولسه مستني

يمكن اللي مستنية يجي

يمكن يغير رايه ويرجع

يمكن يفضل حاله ما بين الامل بعد الانتظار

و ما بين الخوف من الرجوع خطوات لورا

الماضي لو حاولنا نعيشه مرة تانية

مستحيل هنحبه مهما كان حلو

و المستقبل وقته مجاش

وبناءا علي ما سبق

نلم عزالنا دي كلها

و نقف علي باب المولي عز وجل

هو اللي عارف انهي فيهم احسن

وبردة علي باب الرحمن

هنستني

بس بنفس راضية كتير عن الاول

لانه مهما كان قراره وقضائه وقدره

اهون  من اي قرار بشر

**********

اللهم آمين

:،(

الوسادة الخالية

هقتبس الاسم بس

في حياة كل منا وسادة خالية جنبه .. شايفها وعارفها بس لسه خالية .. الله اعلم لامتي

حلم من زمان حلمته مجاش وقت تحقيقه و فضلت الوسادة خالية

رغبة في تحقيق حاجة و لسه وقتها مجاش وفضلت الوسادة خالية

الوسادة الخالية محفوظة بداخل قلب كل واحد .. حاجة كان نفسه اوي يعملها .. بس معملهاش و استمرت بيه الحياة

النتيجة النهائية انها حاجة في حياتنا .. مستقرة .. فاضية زي ما هي من زمن .. و يا اما تحصل .. يا متحصلش .. و الاغلب انها مش بتحصل او مش هتحصل

زي اللي كان نفسه يدخل هندسة و فرقت معاه نص درجة في الثانوية العامة و دخل تجارة و فضل حلمه انه كان نفسه يبقي مهندس
مع اني مجربتش التجربة دي بس اعتقد انها مؤلمة كفاية .. بس قدر الله و ما شاء فعل و محدش عارف الخير فين




ابقوا اعملوا backup للموبيلات بتاعتكم احتياطي حاجة تتمسح ولا يضيع لا قدر الله !!




بكرة ذكري المولد النبوي الشريف صلي الله عليه وسلم
بكرة ذكري ميلاد امي ربنا يديها الصحة - بالتقويم الهجري .. مبختة الست دي مولوده يوم ميلاد الرسول صلي الله عليه وسلم

كل عام وانتم بخير و المسلمين حالهم رايح لطريق احسن ان شاء الله







علي جنب كده

ايه اللي ممكن يتعمل علشان تضمن ان اللي قدامك بالرغم من انه المفروض يكون عارفك اوي .. بس لسه بيفهمك غلط !!

ستينكي

لحقته وهو صاحي قبل ما يكمل بيات شتوي :)

ساعات بتعدي علي الواحد حاجة بتعلق بيها وبيحبها ( حاجة مش حد)

هواية .. تجربة عاشها .. رحلة عملها .. اي حاجة سابت جواه علامة

زي الارنب بتاعي كده :( الله يرحمه

ولاد اخويا عندهم STINKY دي تيرتل برمائية (شكلها قريب اول للي في الصورة بس دا لما كبرت)

لونها اخضر كلها و اول ما جت كانت اد علبة الكبريت الصغيرة

دلوقتي ما شاء الله كبرت و بقت اد 3 صوابع جنب بعض

يعني بانتلها راس ورقبة و رقبتها فيها خطين لونهم احمر .. اللي فاهماه عنه(بما انه ذكر) انه من آكلي اللحوم .. بس كويس ان معدل نموها بطيء


بصراحة انا بخاف منه بالرغم من انه صغير كده انما بيعض

اخويا مرتبط بيه جدا و اول ما يسمع صوته يجري في البحيرة اللي عايش فيها و يجي ناحية صوته

لما يقرب منه يبقي عايز ينط منها

وهو كله علي بعضه ممكن تفتكرة ودعة مرمية في شوية مية :)


ستينكي دا الكائن الوحيد اللي ما شاء الله معمر معاهم لحد دلوقتي

جابوا سمكة (جولدن فيش) زي اللي في الافلام كانت قبل ما سيف يشرف

سليم كان يادوب سنة ونص يبصلها و عايز يدخل ايديه يجيبها

توفاها الله .. غالبا من الوحدة

بالصدفة بتعمل ثوم .. لقت دودة جوة فص ثوم كبير

جابت برطمان زجاج صغير و حطيتها فيه و خرمت الغطاء علشان يدخلها هوا


كان فرحان بيها بردة لحد ما باباه سهاهم ورماها من وراهم (الاب هو الاب .. مفيش فايدة :( مش بيراعوا ارتباط ولادهم بالحاجات دي)


شوية و قررت تجيب بغبغان من اللي بيتكلم .. بس الحقيقة انا استحرمت تمنه اوي كان ب4000 جنية .. والحمد لله الفكرة باظت لما لقيتنا شخصيات محبطة ان كنت انا ولا اخويا :)

شوية و جابت قفص فيه عصافير .. فرحوا بيه سليم وسيف بس هي اللي زهقت من صوتهم و نضافتهم .. فرقتهم


وفضل ستنكي في البيات الشتوي ال3 شهور اللي فاتوا و صحي من يومين :)


هو كلام ملوش علاقة بحاجة اكتر من اني متأكده ان ستينكي هيفضل في ذاكرة سيف وسليم لما يكبروا ان شاء الله .. زي ما الارنب في بالي دايما .. اينعم انا حصلتلي عقدة لما توفاه الله وعلشان قسوة ابويا في التعامل مع الموقف من اوله لما اكتشفه بس بردة كانت ايام جميلة


مش عايزة اقول حاجة من الحكاية دي غير .. يا ريت اللي عنده حاجة بيعملها وبيحبها ميبعدش عنها واللي عنده اولاد و ليهم حاجة بيحبوها ميبعدوهاش عنهم او يقسوا عليهم تحت مسمي مصلحتهم


في ناس كتير ناجحة وهي بتمارس هواياتها و ناس كتيرة فاشلة عمليا و الاسم انها كانت بتجيب اعلي درجات في المدرسة والجامعات


العلم اللي بيتعلموه في المدرسة محتاج اخلاق ونفس متربية ومتأسسة علي خدمة الناس والدنيا



العلم اللي في الكتب محتاج حد بيشوف التطبيق مش بس كلام في كلام و لما فجأة يلاقي نفسه في الدنيا و مطلوب منه يتعرف عليها ويتعايش كمان مع اللي فيها حلوه ومره .. يفضلوا الاتنين يلطشوا في بعض .. لا هو عارف يراضيها ولا هي عارفة هو عايز منها ايه !!





كمان متزعقوش لولادكم :( علشان النتيجة اللي انتو عايزينها هي هي هتعرفوا تجيبوها بالتفاهم وبالرفق .