في ناس خطر انهم يقعدوا لوحدهم
دماغهم بتحدفهم لحاجات عجيبة وغريبة
ساعات كئيبة و ساعات مريبة
بردة اللمة حلوة
تلاقي حد يطبطب عليك
تلاقي حد يسال عليك
تلاقي نفس جنبك
تلاقي حد تشوره وتشور عليه
تلاقي حد يفهم سكوتك
تلاقي حد
واكيد مش هيبقي اي حد
حد يقبلك
حلوك ومرك
واللي هيبقلك
هيرضي يستحملك
وساعتها مش هيبقي حد
هيبقي قريب
قريب بين غرباء!!
المشكلة في كل دا ..
فرضا كنت انت الحد دا .. مثلا يعني
هو مش من حق الحد دا يلاقي حد يكونله حد زي ما هو حد لك؟
اكيد من حقه
علشان كل حاجة بتزيد عند حد بتنقص من حد تاني
و اد ما بتاخد لازم تدي
بس وظيفة صعبة عموما
و شروطها صعبة
مش اي حد يستحملها
ومش اي تلاقيه مناسب ليها
وظائف خالية عند ناس كتير
بس اللي يقدر يقدم وينجح مش كتير
***********
الرؤي والاحلام ...
علم و له تأويل
مين فيه الصح
ترهيب ولا ترغيب
رسايل ولا اضغاث احلام
رؤيا ولا كابوس
من نفسك ولا من الشيطان
ولا رسالة من الله
مين يقدر يأولها صح؟
اخد منها بشارة ولا انذار
اطنشها ولا استناها
الله وحده العليم
هناك 10 تعليقات:
السلام عليكم ورحمة الله وبركاته
هيه حيره فعلا ... صدقينى يا بنتى كل واحد فى العالم ده بتجيلوه اللحظات اللى بتتكلمى عليهادى وبغض النظر عن السن او الخبره فى الحياه ... بس انا ليه عندك سؤال لو كان الانسان بتيجى عليه لحظات بيكون نفسه يتكلم مع ابنه او بنته او الانسان اللى له مكانه خاصه فى قلبه , لكن اللى بيحصل انه بيحس ان دول مش معاه خالص , ورغم انه عارف أنه ممكن جدااا تكون عندهم ظروف تمنعهم او اسباب بتخليهم مش قادرين يردوا عليه بكلمه او يقفوا جنبه , دى بتأثر فى الانسان بطريقه لا يمكن تخيلها لانه بيحس بتجاهل شديد منهم
, انا شخصيا مقتنع تماما ان الشخص حاجه من الاتنين يا اما بكلمه طيبه يعتذر عن التعليق برد بسيط واكيد التانى هايفهم ان ابنه او بنته او صديقه فيهحاجه مدايقهم , يا أما يتجاهله مرتين او تلاته او حتى اربعه او لا ينشر له اى تعليق ( وأنا شخصيا أعتقد أن عدم نشر التعليق اسهل وايسر لا نه زى ما بيقول المثل بيقطع عرق ويسيح دمه او زى ما بيقول الشباب بيجيب من الآخر ) فى هذه الحاله هيفهم انه غير مرغوب فيه وكفايه عليه يقرأ ولا يعلق .
ربنا يحبب فيكى خلقه وتكونى من اللى كل الناس جنبها فأنت تستحقى ذلك واكثر منه .
السلام عليكم ورحمة الله وبركاتة
اذيك ياااختى اليس اخبارك اية
ربنا يكرمك يارب والمسلمين على البوست الجميل دة والكلمات البسيطة الى بتوصل القلب ...
وفينك من زمان :)
فعلا أمور واقعيه فكل من يريد له أنيسا يجب أن يكون هو أنيس غيره
فبقدر العطاء ينال الأخذ ,
والرؤيه من أسرار البشر ولكن تأويلها له علم خاص وهبه الله لأناس مميزين في هذا المضمار وقد يندر وجودهم شيئا ما ولكنهم لا تخلوا منهم أمتنا أبدا
والرؤيه لا يجب أن تروى إلا لعالم (فإن الرؤى معلقة على جناح طير فإن عبرت وقعت )
تقبلي خالص تحياتي
متفق معك قلبا وقالبا فيما تقولين
وكلنا يمر بتك اللحظات والافكار
جزاكى الله خيرا
ايه اخبار حضرتك
ربنا يطمنا عليكى دائما
تحياتى
راجل صعيدي
وعليكم السلام ورحمة الله وبركاته
الله اعلم بظروف كل واحد و ان شاء الله ييسر الحال للاحسن
مش فاهمة حضرتك بتقصد ايه بباقي التعليق بس افضل احسن الظن
طهر فؤادك
وعليكم السلام ورحمة الله وبركاته
ازيك يا حاج محمد وازي الاسرة والاولاد .. ان شاء الله تكونوا بخير
ربنا يعزك ..تسلم
ahmed_k
حمد الله علي السلامة
نفسي الاقي حد قريب يكون موثوق فيه من الناس اللي بتحكي عليهم دول بجد
ربنا ييسر الحال ان شاء الله ويجعله خير
همس الاحباب
ازيك وازي البنات ان شاء الله يكونوا بخير وفي احسن حال
تسلم علي سؤالك ..ربنا يديم المعروف ويرضي عنا جميعا
سلام عليكم ورحمة الله وبركاته
اولا طبعا لازم تحسنى الظن وعلى فكره اتارى الواحد كان فى نعمه بين البيت والاولاد ومشاكلهم طيب ادينى قعدت لوحدى تعرفى لو رجعت من الشغل بدرى هيجيلى اكتئاب لكن بسهر فيه وبرجع على النوم .... يارب بس انتى تكونى بخير .. طمنينى عليكى والله ومقصر مع ايجى ومكسوف منه شوفت البوست الرائع بتاع الزكاه لكن تخيلى بقى انى مش قادر اعلق عليه شوفتى عمك بعد ماكان ينام يصحى على الكمبيوتر جرى له ايه .... دعواتك يا بنتى الكبيره الغاليه ودايما ارجوكى احسنى الظن بعمك لان فعلا انتى بنتى والله .
طبعا الكبيره فى قيمتك وفى اخلاقك وفى احترام الكل ليكى انته لسه طبعا طالعه للدنيا يمكن شوفتى منها شوية حاجات صغيرين لكن لسه بدرى عليكى اووووووووووووووووووووى ... يارب يفرح فلبك .
ربنا يعينك و يرجعك ليهم بالسلامة ان شاء الله و تفرح بيهم ومعاهم دايما بإذن الله
مشفتش منها حاجات صغيرين
شفت منها حاجات كبيرة
بس اعرف كويس اوي ان في اكبر منهم بكتير وفي اللي شاف اكتر واقسي واصعب
بس بردة في اللي شاف اهون و اقل و احسن
الحمد لله علي كل حال
السلام عليكــــم أولا ...
ثانيا في ناس وناس،،، في ناس لما تقعد مع نفسها تتفنن ازاي تعكنن على مزاج نفسها، وتجيب وتطلع وتنزل،، لحد ما توصل لاكتشاف غريب،،، أنه أكتر بني آدم مظلوم ومضطهد في الدنيا و...إلخ لحد ما راسه تصدعه ويقوم ينام
بس في ناس بيبقا صحي ليها انها تقعد مع نفسيها...:) زي نيوتن
كان قاعد في أمان الله يشكي حاله للشجرة وقلبت بعديها بقوانين الجاذبية الي صدعنا بيها في الثانوية ..:)
الإنسان مخلوق اجتماعي بطبعه، في ناس ربنا كرمها بسعة البال وانهم بيستحملو وزي ما بيقولو يا جبل ما يهدك ريح ، ودول وظيفتهم انهم يهونو على غيرهم الي بتتعبه نسمة معدية جمبهم
المهم أنه زي ما قلتي الأخذ والعطاء بنفس المقدار عشان يبقا ليها طعم
والمكسب الحقيقي زي ما قلتي
أن الواحد يلاقي الي يقبله بحلوه بمره
بهبله وذكاءه، بخفة دمه وببواخته
بس الصح أن الإنسان دايما يبص للي أقل منه في الدنيا
والي أعلى منه في الدين
كده هيستريح جـــــــــدا
عشان يعرف في الدنيا هو قد ايه مستريح بالنسبة لغيره،، وعشان يعرف قد ايه هو مقصر في حق ربه عليه، ومبيشكرهوش على نعمه
طبعا العبارة الي فاتت دي سمعتها على لسان داعية إسلامي مش فاكره...
بس ثبتت في مخي من ساعتها
الخلاصة : ربنا يرزقنا وإياكي بقلب نضيف مخلص لله، يعينه على الحياة ،، وما تقعديش لوحدك كتير خصوصا في الضلمة وبعد فيلم رعب ...:)
uncle / The White Knight
ميدووز :)
وعليكم السلام ورحمة الله وبركاته
عارف انت النوع الاولاني دا :)
ايوة كده خليك انت مع العلماء والعباقرة علشان تتعدي منهم :)
ربنا يكملك بعقلك يارب ويزيدك من فضله :)
ويارب يتقبل دعائك ويجعلك نصيب منه ان شاء الله
اسعدتني تعليقاتك جدا
طول عمرك عاقل و رزين . ربنا يحميك
ومبشوفش افلام رعب انا اللي مش رعب مبحبهاش اصلا . خصوصا اي حاجة فيها اي كائن بيتحرك مش بني ادم :)
إرسال تعليق