إزاي توظف الشخص المناسب في المكان المناسب
حط 100 طوبة في مكان مهم في غرفة مغلقة وشباك مفتوح
وبعدين ابعت 2 أو 3 من المرشحين للوظيفة للغرفة وبعدين اقفل الباب
سيبهم لوحدهم وبعدين تعالى تاني بعد 6 ساعات وحلل موقفهم
لو قعدوا يعدوا الطوب حطهم في الحسابات
لو عدوا الطوب وبيراجعوا العد حطهم في المراجعة
لو بعتروا الطوب في الاوضة كلها يبقوا مهندسين
لو رصوا الطوب بشكل غريب في الاوضة حطهم في التخطيط
لو قعدوا يرموا الطوب على بعض حطهم في العمليات
لو ناموا حطهم في الامن
لو كسروا الطوب كله لقطع صغيرة يبقوا من مركز المعلومات
لو قعدوا مابيعملوش حاجة يبقوا في الموارد البشرية
لو قالوا انهم حاولوا بكل الطرق بس الطوب زي ماهو متحركش
يبقوا من المبيعات
لو قاعدين مستنيين باقي اليوم يبقوا في التسويق
لو قاعدين يبصوا من الشباك يبقوا في التخطيط طويل المدى
وأخيراً وليس أخراً
لو قاعدين يتكلموا مع بعض ومافيش طوبة اتحركت
يبقى تهنيهم وتحطهم في الادارة العليا
****
منقول
لعله يدخل سرورا
هناك 14 تعليقًا:
وانا مش هعد الطوب بس حاسبات غصب ع اي حد بس حلوة لو قعدوا يرغوا ومعملوش حاجة من واق الحياة وعربية الطوب هو ده فعلاً الواقع العملي في اي شركة لكل وظيفة قولتيها يا امة الله يالا خير هنشتغل يعني هنشتغل
:) اي نعم نص الحروف وقعت منك بس في بيتها
ربنا يوسع عليك يارب ويزيدك من فضله
الشغل للرجالة :)
وكلنا هذا الرجل ..
بس انا كنت هقعد العب بالطوب واعمل اشكال :) :)
وفي الاخر هيروحوني ويقولولي الحضانة الشارع اللي ورانا :)
أضحك الله سنك أبنتنا العزيزه ... بس كان نفسنا نعرف مين فيهم هايكون فى اللوجستيك ؟؟؟؟؟
اللي هيقعد يلعب زيي كده بردة
هي دي شغلانة دي :)
بس بجد بجد لو اتحطيت في الغرفة دي و معنديش بديل اعمله لمدة 6 ساعات هقعد اعمل اشكال يطلع كرسي باه كنبة او لعبة ... اي حاجة
انا في موضوع المكعبات والفك والتركيب دا انفع شوية
او هعمل سلم وانط بيه من الشباك
واهي فرصة
نريح
ونستريح
علي امل يكونوا في الدور الاول :)
حياكى الله وبياكى أختى الكريمة
تقدرى تقولى كدة الإبتسامة دى فى وقتها تماما لإنى لسه متخانق خناقة كبيرة هنا فى الشغل
أضحك الله سنك وأدام عليكى السعادة وراحة البال
دمتى فى رضوان الله
:) حلوة
أدخلت سرورا فعلا:)
لكن مقالوش ليه
لو رتب الطوب بطريقة معي
وقعد يشرج للطوب تاريخ نشأتهم
والعبر التى استفادها أجدادهم من أيام الطوب اللبن
ينفع يشتغل ايه؟
لو رتب الطوب بطريقة معينة:)
حتى دى مانفعتش تترتب
الباشمهندس
اي خدمة يا ابو حازم .. ان شاء الله تكون اخرة الحدوتة خير و ربنا يراضيك
جزاك الله خيرا علي الدعاء و جعله الله لي ولك وللمسلمين جميعا
موناليزا :)
حلوة علشان انتي قرأتيها بس :)
حفيدة عرابي :)
ربنا يسعدك يارب دايما :)
الفكرة ان الطوب دا يفرق عن الطوب اللي بيكون في الفصل :) دا ملوش حس ولا بيعمل دوشة و لا مناكفة :)
بس بردة اديكي هتفيدي اللي معاكي و تطلعي نتيجة ال دي ان ايه بتاعة الطوبة :)
ههههههههههههههههههههه
حلوة مووووووووووووووت والله
ادخلت سرور فعلا
دكتور عمرو
اضحك الله سنك
الحمد لله انها عجبتك وضحكت :)
فضفضة :)
اسعدك الله :)
ان شاء الله دايما :)
فكـــرة برضك وطريقة فعالة
هي حلوة ... وضحكتني ... وكده يعني ..:)
ولو كان الي هتعمليه زي ما قلتي ..
انم هتقعدي تلعبي بالطوب وتعملي اشكال
يبقا نتكل على الله ونشوفلك شغلانة في تويز آر أس .....:)
ساعتها ممكن يبقا ابداع حقيقي وتفيدي الجيل الجاي بخبرات واسعة في مجالك ...:)
سررت بـال 100 طوبة
.....uncle برضك ..:)
:)
الحمد لله انها عجبتك :)
لو لقيت مكان فاضي عندهم ابقي بلغني .. انا اختك بردة يعني :) مش هتستخسرها فيا :)
ربنا يسعدك يارب
إرسال تعليق