المية في الدنيا .. نعمة
انك تلاقي مية للشرب حلوة ونضيفة.. نعمة
انك تكون قادر تجيب لنفسك كوباية مية .. نعمة
انك تكون قادر تمسك كوباية المية .. نعمة
انك تكون قادر تبلع المية .. نعمة
انك تكون قادر تخرج المية .. نعمة
ممكن نتحرم من نعمة من النعم دي .. فندرك انها كانت نعمة .. نسينا نفتكر نحمد ربنا عليها
وزي ما بيقولوا محدش يعرف قيمة الحاجة الا لما بتروح منه
او يمكن يحس بيها لما يشوف غيره بيتمناها ومش لاقيها
ويقاس علي كده .. نعم لا تعد ولا تحصي
جربت يعني ايه يبقي نفسي اشرب ميه ومش قادرة اجيب لنفسي كوباية مية ...
فادركت بالتجربة قيمة النعمة
ودي ابسط حاجة
شوية الاسابيع اللي فاتت دي شفت فيها شوية حاجات .. الحمد لله علي نعم ربنا
فيها الانسان اللي بيقدر ظروف غيره .. و لو له حق بيحاول يستني عليه شوية
فيها الانسان اللي ميعرفش يعذر ولا يقدر ولا يقبل و له حقه .. مش مشكلته و اتسببتلي الحكاية دي في مشاكل كتيرة
الاحساس انك صعبان علي حد دا بجد مؤلم اكتر من ألم الجسد بكتير اوي
الاحساس انك مستني حد علشان يعملك حاجة انت محتاجها لانك مش قادر تعملها بردة مؤلم اوي
الاحساس انك لازم تقبل اللي يجود به الاخرين عليك حلوه ومره لانك معندكش بديل تاني في الوقت الحالي وحش اوي
الاحتياج للمال والعوزة و الدين .. ربنا يكفينا شرهم جميعا .. سيئ و في نظري بيكون مهين اوي وتقيل علي صاحبه قبل ما يكون علي الطرف الاخر
وزيهم الاحتياج لمساعدة من اقل مساعدة لاكبرها.. تقيل و بيكسر وحتي لو من حد بيعملهالك عن طيب خاطر
ربنا ما يحوج اي حد لأي حد يا رب لا قريب ولا غريب
لا ماديا و لا نفسيا ولا جسديا ولا اي حوجة من اي نوع لأي حد من خلق الله
الحمد لله رب العالمين علي ما رزقنا من خير وله الحمد علي كل قضائه
مش نجيلكم في حاجة وحشة يا رب ابدا :)
-----------------
علي جنب كده
مش هو ربنا حنين علينا ؟
امال الناس بتجيب قسوة القلب دي منين ان كان الخالق سبحانه وتعالي عفو وكريم و ودود ؟؟!!
اللي اعرفه ان الله القهار المنتقم الجبار .. بس علي الظالم والمفتري و المتجبر
البشر جابوا السواد دا منين ؟؟
كفانا الله شرهم
**************
تحديث عجيب حبة
-----------------
في حد بيدخل من تايوان حسب بتاع الزوار ما بيسجل البلد و بيسيب تعليقات في مواضيع قديمة .. الفجر جالي يجي 53 ايميل بسببه ولما جيت اترجم الكلام اللي مكتوب طلع عبارات عجيبة مفهمتش منها حاجة حسب ترجمة جوجل .. بس شفت انه علق بردة غير معرف في مدونات تانية
لو حد عنده فكرة دا ايه .. هاكر يعني ولا غلاسة ولا تفسيرها ايه
يا ريت حد يفهمني لو يعرف
وجزاكم الله خيرا و ربنا يهدي :)
هناك 14 تعليقًا:
وفى انفسكم افلا تبصرون
صدق الله العظيم
ولكننا ننشغل عن نعمه بمعاصيه
عافانا الله واياكم
صدق الله العظيم .. ومن اصدق من الله حديثا
الله يفتح عليك يا دكتور :)
الحمد لله علي نعمه وكفانا الله شر نسيانها او عصيانه
الله يجعلك نعمة من نعم الله علي خلقه :) ويعينك علي تخفيف ألم خلقه
سلام عليكم
انتى يا بنتى كنتى معايا 3 اسايع اللى فاتو؟ سبحان الله وربنل يكفيكى شر الالم او الاحتياج لاى مخلوق فى هذا العالم ؟ ربنا يكفيكى شر الالم و الواحد مش قادر يقول حتى قدام اولاده عشان مايشوفش نظرة آلم او شفقه فى عنين حد منهم ؟ وياربى لا تعرفى كم احسست بآلام سيف خلال اسبوع وكان طوال هذه الايام لايفارقنى وكم احسست بقوة ايمانه على تحمل مثل هذه الآلام ؟ يارب يشفيه ويقى ايمانه ويستره دنيا وآخره .. اسبا كتير خلتنى اكون مختفى عن مدونتك الاسابيع الاخيره ارجو المعذره زماحدش يكون زعلان منى وخاصه سيف لان تقصيرى جاوز كل الحدود اتمنى عذره وايضا اتمنى ان يسامحنى ايجى على تقصيرى يارب يكون بيجى هنا وبقوله يا ايجى عمك اضحك عليه من حوالى 3 ايام تحاملت على نفسى وجلست لارسل cv لاحدى الشركات وخلال عملى بها وصلتنى دعوه من شخص اسمه لويز وبدون ان اشعر قبلتها ووجدته يسألنى عن المقصود الطاهره فى الاسلام ووجدت نفسى استفيض واشرح بتلاقئيه او بمعنى اصح بعبط وعد كده شكرنى جداا وقالى هبعتلك برناج يساعد جداا فى شغلك وبعبط برضه سجلت فيه وطار الهوت ميل منى واكثر ما يحززنى الحجات اللى بعتهالى ياسيف محمد ندحت كان ناوى يحملها كلها على كارت ممورى معرفش يمكن لو دخلت مش هتلاقينى هتلاقى لويز خد بالك كويس اووى .
طولت ...... اعذرونى ليه فتره طويله مقصر لكن مهما كانت الاساب فأرجو المعذره .
يارب يا بنتى تكون رجلك دلوقتى سليمه خالص وانتى فى احسن حال وكفانا الله وجميع المسلمين شر المرض الذى يأتى فى اى لحظه ودون سبب ويجد الانسان نفسه لايساوى جناح بعوضه يارب يكرمك يا سيف
وترجع بالسلامه يا ابنى ... زى بعضه سامحنى الموبايل اتسرق منى برضه وفيه مشروع لشراء موبايل جديد ان شاء الله خلال اسبوع وجارى استخراج الشريحه .
ادعولى النهارده قدمت لحج القرعه .. ربنا يكرمكم جمعيا ويارب اكون من المقبولين فيها والحمد لله على كل حال .
مدحت
اعتذر لكثرة الاخطاء الاملائيه اظاهر نسيت الكتابه خلال الفتره اللى اختفيت فيها عن مدونتك يبدو او اكيد سيف لايفارقنى بدل من اقول يا ايجى محمد كان ناوى ياخد اللى بعتهولى على الكارت ممورى تاع موبايله قلت ياسيف .. ده غير اخاء كتير تانيه ... أرجو المعذره.
مدحت
يعنى ربنا يكرمك على البوست ده جدا
اثر فيا اووى اووى اوووى
الحمد لله على نعمته ويزيدنا منها يارب
جزاكى الله كل خير
يارب مايحوجنا لحد ابدا
قد ايه دعاء جميل
كان النبى عليه الصلاة والسلام يدعو دائما بهذا الدعاء"اللهم انى اعوذ بك من العجز والكسل وغلبة الدين وقهر الرجال"
خدتى بالك انه اول حاجة استعاذ بيها العجز
لانه احساس صعب اوى بجد
ربنا يشفيكِ يارب ويخفف عنك ويمتعك بصحتك ومايحوجك لحد ابدا
الحمدلله على كل نعمة..
اللهم لك الحمد و لك الشكر كما ينبغي لجلال وجهك و عظيم سلطانك..
يارب لا تردنا الى ارذل العمر..اصل العوز و الحاجة شئ مؤلم و يجرح...
اتمنى لك تمام الشفاء العاجلو الطهارة من كل ذنب..و سيف كمان
و للجميع
تحياتي
سلامتك الف سلامة يا جميل
اعذريني لعدم تواجي
فتقريبا انا مابقتش بدخل مدونات خالص من قلة الوقت
و اذا كان هناك وقت بكون تعباااااانة
طبعا نعم الله لا تعد ولا تحصي
في رواية عن ما سيحدث في يوم القيامة
(انا هحكيها من ذاكرتي)
جاء رجل الي الله سبحانه وتعالي في قت حسابه
فقال له الرجل انا كنت عابد و زاهد وكل ما امرتي به فعلته و كل ما نهينتي عنه اجتنبته فادخل الجنة بعملي
فقال له الله لا تدخل برحمتي
فجادله الرجل و قال لا بعملي
فقال الله ائتوني بالنعم التي انعمت بها عليه مثل البصر و السمع....إلخ و هي نعم كثيرة لا تعد ولا تحصي
فقال الله اوزنوها بعمله لنري هل سيرجح عمله ام لا
فأدرك الرجل نفسه و قال لا يا رب بل برحمتك ادخل الجنة
طبعا ديه مش الرواية بالضبط
انا بكتبها من الذاكرة
اللهم لك الحمد كما ينبغي لجلال وجهك و لعظيم سلطانك
ازيك اليس
دعيتلك ودعيت لجوزك وربنا يتقبل ان شاء الله
روقى يا حبيبتى ان شاء الله خير
تحياتى
عم مدحت :)
الف سلامة عليك وربنا يشفي كل مريض يارب ان شاء الله .. انا معنديش جديد .. لسه زي ما انا غير اني حاولت اعجل بفك الجبس و بوظت الدنيا والحمد لله :)
يارب ان شاء الله تفلح حكاية حج القرعة دي و ينولهالنا يارب جميعا ان شاء الله
قول يا رب .. هو سميع مجيب و قادر علي كل شيء
--------------------
ومازلت اتعلم :)
الله يفتح عليكِ ويزيدك من فضله
ربنا يسمعنا عنك كل خير ان شاء الله :)
----------------------
موناليزا
قبل ما اقرأ تعليقك كنت بقرأ حاجة راشد كاتبها كان فيها الدعاء دا و فضلت متأثرة بيه و هو فعلا سبحان الله .. يمكن اسوء الاحتياج انك تكون عايز تعمل حاجة ومش قادر و مستني غيرك يجي يعملهالك .. ربنا ما يكتبها علي حد ابدا يارب
ربنا يشفي كل مريض يارب وبردة ميحوجش حد لحد ابدا .. لا كبير ولا صغير :)
----------------
راشد
مش بقولك دعواتك بتبهرني :)
يارب اللهم لا تردنا الي ارذل العمر ولا تجعل عمرننا يفني فيما لا يرضيك عنا يارب
الله يسلمك و يسلم عمرك من كل سوء :)
---------------------
موني :) :)
نورتينا حمد الله علي سلامتك
ربنا يرجعك لينا بالسلامة يارب و يحفظلك اهل بيتك من كل سوء .. ويخليلنا مطبخك عامر دايما ان شاء الله :)
اكيد نعم ربنا لا يوفيها شكر ابدا لو شكرنا ربنا ليل ونهار بردة مش كفاية
بس ربنا كريم و هو الشكور و هو القائل سبحانه وتعالي : " لئن شكرتم لأزيدنكم "
الحمد لله رب العالمين
جميلة القصة .. لم يعي ويتعظ .. ربنا رحمته وسعت كل شيء .. بس بالعدل وبعده العفو والرحمة
الله يرحمنا برحمة منه تغننا عن رحمة من سواه
---------------------
دريم :)
نورتي يا حاجة والف حمد الله علي السلامة
يارب يتقبل منك يارب و يجعلك سبب في دعوة مقبولة لشفاء مرضانا ومرضي المسلمين
ويقعدلك الخير دا في بناتك يارب واهلك اجمعين :)
حمدا لله علي سلامتك وعقبالنا ياااااااااااااااااااا رب
السلام عليكم ورحمة الله وبركاته
حياكم الله وبياكم أخوانى واخواتى وسدد على طريق الحق خطاى وخطاكم وطبتم جميعا وطاب سعيكم وممشاكم وتبوأتم من الجنة منزلا وأسأل الله العظيم رب العرش العظيم ان يجمعنا فى الدنيا اخونا متحابين على طاعته وفى الأخرة فى دار جنته وكرامته انه ولى ذلك ومولاه والقادر عليه .
ازى حضرتك يا عمو وحشنى جدا جدا وانا اللى بتأسف لحضرتك اوى اوى على تقصيرى معاك وخصوصا عدم تمكنى من زيارتك بس دا فعلا مكنش فى إستطاعتى أبدا لان فيه شوية حاجات كتير اوى حصلت فى الفترة دى خلتنى اغير كل ترتيبى ومواعيدى ، المهم ولا يهمك فى موضوع الإيميل ومحدش بيتعلم ببلاش وان شاء الله رب العالمين كل أمر المؤمن له خير وربنا يبدلك عملا أخر خير من عملك بإذن الله تعالى ويبارك لك فى صحتك وذريتك وأولادك وكل المسلمين ان شاء الله رب العالمين .
اختى أليس شفاكى الله وعفاكى وطهور ان شاء الله يا اختى وربنا يجعله فى ميزان حسناتك ويحشرك مع الصابرين بإذن الله - بسم الله الرحمن الرحمين " إنما يوفى الصابرون أجرهم بغير حساب " صدق الله العظيم ، ويرزقك الله نعمة الصحة والعافية ويقر عينيكى بما تحبين وترضين ان شاء الله تعالى وألف سلامة عليكى مرة تانية .
وندعوا الله الشافى العظيم أن يشفى أخونا سيف ويرجعه بالسلامة ان شاء الله رب العالمين ويصبره ويجزيه خير ان شاء الله تعالى .
وبسلم على اختى موناليزا كمان ازيك اختى ادعوا الله ان تكونى بخير وعلى طاعته أدوم ان شاء الله .
ودعواتى لكل أخوانى وأخواتى الموجودين بس انا خصيت بالذكر اللى فاتوا لإنى أعرفهم ربنا يكرمكم جميعا ان شاء الله رب العالمين.
سبحانك اللهم وبحمدك أشهد أن لا إله إلا أنت أستغفرك وأتوب إليك
السلام عليكم ورحمة الله وبركاته
EgyXQ8
السلام عليكم
الله يسلمك يا بنتى الغاليه ويجبر بخاطرك يارب وبطلى استعجال فى الحاجات دى كنتى صبرتى على نفسك شويه فى فك الجبس يارب تكونى انتى و سيف بخير يارب .
ابو حازم نورت يا أمير والله المدونه بتاعة بنتى ... شوفت عمك ولويز بيضحك عليه قال ايه وانا استفيض فى شرح (الطاهره) والشروط والاسباب التى تستوجب ذلك ولا حتى على جمعه فى زمانه لغاية ماطار الميل المهم (أوعى انتى ياليس يكون لويز وصلك )وقبلها بحوالى 20 يوم اتلطش الموبيل صحيح فرحوا فيه فى البيت لانه عمره 10 سنين بس والله ماتصدق كان عزيز عليه بس فى دى عمك كان شاطر شويه اى رقم كنت اسجله برضو كنت اسجله فى دليل التليفون بحكم العاده يعنى ربنا يسهل نقبض المعاش ونشترى واحد على فكره ماعنديش وسيله ابعتلك الميل الجديد غير من هنا وطبعا بستأذن بنتى انى اكتبه بس برضه هاكتبه
med_shref15@hotmail.com بس بشرط تحاول تبعتلى كل اللى بعتهولى قبل كده ولك الاجر والثوااب عند الله والله يا أبنى (محمد مدحت ) كان ناوى يحملهم على الموبايل بتاعه وقلتله ربنا يسهل لما تخلص دراسه حمل اللى انته عاوزه ويارب حازم يكون هو وباقى الاسره الكريمه بخير ربنا يكرمك بيه .
حاجه اخيره هكتبها هنا ان ان شاء الله اول حلجه هعملها على الموبايل الجديد اللى لسه هشتريه اول حاجه هاتطلع منه لشخص غالى عندنا هنا جدااا وبنتمناله السلامه هو اكيد زعلان منى بس والله شهر مر ربنا اعملم بيه والحمد لله على كل حال ومتزعلش منى يا سيف على تقصيرى يا ابنى .... الفتره اللى فاتت دى قصرت معاك جداا بس ما حبتش ابعت رساله غير من على رقمى يارب تكون بخير.
صدعتكم زى بعضه مدونة بنتى وحشتنى جدااا ... سلام عليكم .
مدحت
السلام عليكم ورحمة الله وبركاته
ازيك يا باشمهندس
ان شاء الله تكون انت واسرتك واهلك جميعا بخير ان شاء الله :)
مشكرين علي الزيارة الطيبة دي
ربنا يتقبل منك ومنا ومن جميع المسلمين
----------------------------------
انا مفكتهوش لسه
انا فكيته و عملته تاني :(
لسه بتوجعني يعني
الحمد لله علي كل حال
وبعدين متخافش عليا من لويز . انا اصلا ممعاييش الايميل دا هههههه
الله يحفظك :)
بالنسبة للمية
فى قصة بتقول ان ملك طلب كوب ماء من خادمه
ولما جاب له المية
وقبل ما يشربها الخادم سأل الملك كم تدفع لتحصل على مثل هذا الكوب؟؟
الملك قاله ادفع نصف ملكى لاحصل على شربة ماء
ولما الخادم اداله المية وشربها
سأله وكم تدفع لكى تخرج هذا الكوب من جسمك (يتبول يعنى)
قاله ادفع نصف ملكى لكى اخرجه
فقال الخادم
أف لملك لا يساوى شربة ماء
بالنسبة لقلوب الناس القاسية
مش فىايه فى سورة البقرة
يقول المولى عز وجل
ثم قست قلوبكم بعد ذلك فهى كالحجارة او اشد قسوة وان من الحجارة لما يتفجر منه الانهار وان منها لما يشقق فيخرج منه الماء وان منها لما يهبط من خشية الله وما الله بغافل عما تعملون
صدق الله العظيم
إرسال تعليق