انا حابة احكيلكم حكاية الصورة اللي حطاها مع اسمي :)
معلش رغي برغي باه بس اسمعوها ولا اقروها مني بالمرة :) كي تتضح الرؤية يعني
من الاول خالص باه الحكاية دي
في رمضان اللي فات في مسجد
في ليلة من ليالي رمضان وفي صلاة التراويح
كنت بصلي يومها في الصف الاول و السيدات المصلي بتاعهم مش كبير اوي يعني لو في الصف الاول يبقي حيطة في وشهم بتفصلهم عن الرجال
والحيطة ملونة نصها اللي فوق كله ابيض و من تحت لونها رمادي
كنت قايمة من السجود و لما سلمت وانا قاعدة في وضع التشهد ببص علي الحيطة لقيت رسمة علي الحيطة
اعدت اجيبها يمين شمال ( اصلي بحب اعمل الحكاية دي بحس كل حاجة مهما كان شكلها لو شفتها من زاوية تاني اكيد هطلع منها بشكل وبعمل الحركة دي حتي ساعات لو نقطة مية وقعت علي ورقة بتعمل شكل بفضل وراها لحد ما ارتاح علي انها عمل شكل معين وفهمته :) معلش انا دماغي كده و عاجباني :$ )
المهم لما عملت كده كانت في وضع اول صورة دي اللي بالجنب
سبحان الله العلي العظيم
لقيت لفظ الجلاله ( الله ) لو دققتوا هتلاقوها مكتوبة حتي برسمة الشدة اللي فوق اللام و كمان كانها تحتها خط
يااااااااااااااااااااااااااه علي الفرحة اللي فرحتها يومها بقيت فرحانة اوي بيها هي كانت صغيرة اوي صورتها و عدلتها ووريتها للي كانت جنبي و حسيت انها حاجة من ربنا فبقول لو كنت بعمل وحش انهي انذار من ربنا انه متطلع و بيقولي عيب كده:( ولو بعمل حاجة كويسة اهو ربنا بيديني حاجة تفرحني
اكمن الناس كل يوم بتصلي هناك و محدش اخد باله منها
مش عارفة هيبقي التعليق ايه بس مقدرش اقول الا سبحان الله :)
علي فكرة في من الحجات دي كذا حاجة بتحصل انا عارفة
كان في عندنا في البيت بردة لما المية بتخلي البياض يطق في الحيطة بيعمل اشكال
كان عندنا في مكان امي بتصلي فيه الفجر في رمضان بالذات كان في وضع ما بتقعد في جزء متداري من الحيطة مكتوب كلمة الله بس بشكل تاني ... سبحانك يا ربي
و جنبها بعد مدة ظهرت كلمة محمد
الكلام دا من سنين كتير :( مكنتش واعيه للموقف يعني والا كنت صورتها :( يلا قدر الله وما شاء فعل
وفي حجات تانية بس كفاية عليكم دول :)
ربنا يرزقنا واياكم رضاه
هناك 3 تعليقات:
سبحان الله يا اليس يمكن الصور اللى انتى حطاها أبلغ من الكلام لانه مهما حاول اى انسان ان يصف عظةه الله عز وجل ومهما كانت بلاغته سوف يعجز ولكن ما اعجبنى جداا هو تعبيرك اذا كنت بعمل حاجه كويسه اهو ربنا بيدينى حاجه تفرحنى واعتقد انك كه ومش محتاج انا الانسان ان افسر لكن ايمانى بالله يؤكد لى ذلك .
ياريت تستمرى ومستنين منك حاجه جميله كل صبح اتلمى زى ماانتى كده وبطبيعتك
احسن كتير من اختيار كلام كبير وانا شخصيا اعتقد انه بعد كتابة مقالتك دى بتكونى مقبله على شغلك وحياتك بكل فرحه وامل ربنا يوفقك .
عمو راجل صعيدى
الله يكرمك يا عمي :)
نورتنا
هو سبحان الله انا مش برتب حاجة هي الحدوتة بتيجي فجاة بس موضوع الصورة دا كنت عايزة اوضح هي ايه بس مش علشان اقول ان كنت وحشة ولا كويسة
لو وحشة انا اللي هشيل وزري و ان كويسة بردة هشيل وزري
وربنا يغفر لنا جميعا ما عملنا وما لم نعلم ويتولي امرنا :)
ما خدتش بالي على فكره انها صوره انتى مصوراها فاكراها مرسومه فعلا
سبحان الله طبعا
بس وانتى قاعده فىالمسجد تبصي للحيطه شمال ويمين وتصوري فيها الناس عملوا ايه طيب ؟؟؟
طلعوا يجروا بعيد ولا ايه ؟؟؟
هههههههههههههههههه
إرسال تعليق