الأحد، 25 مايو 2008

أه منك يا دنيا

بسم الله الرحمن الرحيم

والله ما انا عارفة ابتدي منين ولا اقول ايه

بس وحشني جدا اني اكتب حاجة
انا من سنين بشارك في منتديات و كنت عضو فعال ف كتير منهم بس اصابني العطب باين ولا ايه

يلا مش مشكلة اهي الدنيا كل يوم بحال
لا كل يوم ايه دي كل لحظة بحال

استنوا افكر اكتب في ايه ولا ايه
انا في دماغي حجات كتيرة اوي نفسي اتكلم فيها حتي مع نفسي


واه من نفسي دي

ياربي مش عارفة ليه مش بحبها

حاولت بجد احبها و كتير بحاول اعملها حجات تقربني منها بس مش بفلح بفشل فشل ذرييييييييييييع كل مرة

ساعات اقولها لو مشيتي كويسة و بقيتي حلوة كده و هعملك حاجة بتحبيها بس هي بردة مش بتريحني

يعني بقول كلام فاضي انا عارفة

بس مؤقتا يعني لحد ما اجمع علشان انا نفسي مش عارفة في ايه

معلش اصلي لسه خارجة من امتحانات عجيبة في ظروف اعجب منها مفيش

مرة زمان من سنين قررت فجاة كده اني عايزة اعيش من غير الناس و بعيد عنهم

و عجبتني الحكاية دي و بدأت في تنفيذها علشان جت اوي علي هوايا وسمعت كلامي و بعدت اوي حتي عن كل الناس

لقيت السلوي في الدخول علي الانترنت

يومي كله مش بنطق فيه 10 ولا 20 جملة بالعافية ان مكانش اقل
ولا حد بيسمعلي صوت

وهما فاكرين دا هدوء مع اني مش هادية ولا حاجة
بس كله جوه

لما بثور بثور جوايا بصرخ جوايا بزعق جوايا بعيط جوايا بس دي بتطلع برة غصب عني يعني

ساعات بحسني مجنونة
لو حد شافني يقول العقل والهدوء بس فينه دا كله مش جوايا

اللي جوايا ولا حد يعرف هو ايه اصلا مهما كانت درجة قرابته

بس ساعات يعني ناس بتقرب مني وبتعلق بيها بتعرف شوية عني

ايه الهبل اللي بكتبه دا والله ما انا عارفة

بس غالبا شوية و همسحه علشان هو تخاريف واحدة بقالي كتير مكتبتش و لا اتكلمت

يلا استحملوني المرة دي بس اخر مرة اهبل كده

هركز في موضوع مفيد ان شاء الله ولو حتي علي المستوي الشخصي

هناك 5 تعليقات:

غير معرف يقول...

بسم الله الرحمن الرحيم
حياكى الله وبياكى أختى أليس وجعل الجنة مثواى ومثواكى
ربنا يجعل المدونة دى كلها كلام خير يفيدنا بتجاربك ويقربنا أكتر لربنا ويدينا شوية تفاؤل فى حياتنا
ومتقلقيش اختى هنصبر عليكى لغاية ما تجمعى أفكارك وتكتبلنا حاجة تفيدنا ههههههه
EgyXQ8

أميرة يقول...

EgyXQ8

نورت يا اخي:)

بما انك اول اللي دخلوا دماغي دلوقتي

يلا الله المستعان انت عارفني متفائلة من يومي ...

بس اوعي تتعدي مني ههههههه

صبرني يارب يقول...

لوستي حبيبتى

انتى تهبلي براحتك خالص ارغي يا اموره براحتك تماما

معترضه على فكرة الابتعاد عن الناس لانك لن تستطيعى ذلك بسلام .

يعنى قصاد ده هاتخسري حاجه . حاجه من الناس حاجه من نفسك اي حاجه .

هما الناس متعبين وانا ساعات بيراودنى الشعور ده وباقول ارييييييييح .

بس بارجع فى كلامي شغل عيال بقى .

ومستنيين افكارك تتجمع جوووووو اون

غير معرف يقول...

كن نفسك قبل ان تكن غيرك هذه نصيحتي لاخت غالية كلنا بداخله صراعك في القرب من البشر والبعد عنهم ولكن منا من هو واضح مع نفسه ومنهم من ليس واضح وقد رأيت من هذا النوعية الكثير اكتبي كل ما تحلمي به تتخيليه ففي الكتابة راحة نفسية وأبدية وقد جربت هذا كثيراً ولأبد ستجدين من يسمعوكي اليوم وغداوكل يوم

أميرة يقول...

?? مش عارفة مين حضرتك بس كلامك صحيح

الكتابة ساعات بتريح او بتخرج انفعال ما داخل الانسان بس هرجع واقولك مش اي حاجة ممكن تخرج بالكتابة حتي لو بتكتب لنفسك

جزاك الله خيرا علي المشاركة والتعليق :)

اللهم اني استودعك قلبي فلا تجعل فيه أحدا غيرك

وأستودعك لا إله إلا الله فلقني إياها عند الموت

وأستودعك نفسي فلا تجعلني أخطو خطوة إلا في مرضاتك

وأستودعك كل شيء رزقتني إياه فاحفظه لي من شر خلقك أجمعين

يامن لاتضيع عنده الودائع