الأحد، 25 مايو، 2008

افتكرت ذكريات طفولة انا والكتكوت

انا عارفة اني بقول كلام فاضي لحد دلوقتي

بس والله افتكرت حاجة حلوة

تجربة عملتها انا واخويا زمان

كان في علي شباك الحمام في بيت جدتي وهو من البيوت بتاعت زمان اللي يرمح فيها الخيل دي

المهم كان في علي الشباك حمامة و جوزها بيعملوا عشة علي السور بتاعه و بتبيض دايما بيضتين و دايما بيقع واحدة تحت تتكسر
يعني انا شفت من الحمامة دي الله يرحمها اكيد ماتت يعني شفت منها اجيال والله كانت ايام جميلة من بعيد لبعيد اكمني بخاف من اي حاجة بتتحرك :)


المهم مرة طقت في دماغي اعمل حاجة انا واخويا
جبنا بيضة عادية من التلاجة و كانت الام بعيدة عن البيضة اللي راقدة عليها
حطينا البيضة دي جنب دي

رجعت الام ورقدت عليها عادي بيتهيالي مكانتش معترضة يعني اكمنها بيضة كبيرة و مش بتاعتها


بس قلب الام باه تقولوا ايه

هيييييييييه


المهم بعد كام يوم
البيضة ابتدت تبقي هشة واتقشرت منها حتة
كان وقتها الاب هو اللي راقد علي البيضة مش الام

شوية وشوية لقيت كائن حي جوة البيضة

تخيلوا قعدت جنبهم اتفرج

هما الحمامة الاب والام كانوا عارفيني يعني مش بيعترضوا علي قربي منهم يعني واني بتفرج عليهم ... هتقولوا عليا عيلة مش مشكلة يعني مجاتش علي دي هتسمعوا مني العجب بس اصبروا

المهم

طلع من البيضة كتكوت سبحان من ان اراد شيئا ان يقول له كن فبيكون

من بيضة في الرف في التلاجة كانت ممكن تبقي فطار اي حد من العيلة لكائن حي بامر الله ... سبحانك يا اللهي

اللي حضر فقس البيضة دي الاب

هو اللي عرف الكتكوت و حبه اوي كان كتكوت لونه اصفر و جمييييل و سبحان الله القوي

اد ايه كان صغيف و كاشش ف نفسه كده و سبحان الله زي ما تقولوا ربنا نزل حبه ف قلب الحمامة الاب

المهم شوية و جت الحمام الام

طبعاهي متعرفش مين الكائن الغريب دا
الاول كانت مش عايزاه
و من بعيد وقفت تبصله و تكلم جوزها

اكيد بتقوله مين دا ولاابن مين دا اللي لقيته ف بيتنا

كانت بنتهم فقست باه وقتها بردة و طلعت زغلولة صغنونة

طبعا عارفين يعني ان الحمام بياكل ولاده في بقهم اقصد منقارهم يعني:)

يعني الام او الاب يجيبوا الاكل و الصغنن بيفتح بقه و الاكل بيدخله فيه

انما الكتكوت بتاعي بيعرف ياكل لوحده
فضل الاب و الام سبحان الله محتارين عايزين ياكلوه وهو صعيف كده

يجوا جنبه علشان يفتح بقه مش بيفتحه

:( كان صعبان عليا مهو لازم ياكل يعني

نعمل ايه نعمل ايه

المهم ماما قالتلي طيب هنسلق بيضة و نحطله الصفار ياكل منه

تاني يوم الكتكوت كان بانله منظر كده كان اصفر جميييييييييييييييييييل حلو حلاوة بجد سبحان من صوره

اخده اخويا لما الاب والام طاروا

و حطينا قدامه صفار البيضة المسلوقة
قعد ينقر فيهم شوية

و قعد يمشي شوية كان جميل بجد اوي

و كنت فرحانة بيه فرحة ما بعدها فرحة سبحانك ياربي

بس قدر الله وما شاء فعل

اخويا رجعه جنب الحمامة الصغيرة :(

تاني يوم كان وقع من فوق الظاهر قام مشي ولا ايه معرفش باه :'(

الله يرحمه:(

كل نفس ذائقة الموت صدقت يا ربي


مش عارفة حبيت احكيها يارب مكونش تقلت عليكم :)

‏هناك 4 تعليقات:

غير معرف يقول...

لعلمك ممكن يكون ناس كتير قرت الكلام ده وقالت عليه هايف لانهم مش فاهمين معناه بس صدقينى سبحان الله الله يصنع المعجزات .. انتى احلى حاجه فى حياتى :: تيــــــــــكا

أليس في بلاد العجائب يقول...

ربنا يحميك و يرزقك الرضا في الدنيا والاخرة :)

صبرني يارب يقول...

هههههههههههههههه

حمامه وجوزها ... ههههههههههههههههههه

ربنا ما يحرمك منه


ممكن احقد عليكى عشان انتى عملتي كده ؟؟؟

اصل انا سوده من جوه انتى عارفه .
ماليش ذكرايات كتير مع الكائنات الحيه بصراحه بس انا زيك كده باخاف من اي حاجه فيهاالروح . فضيحه صح ؟

أليس في بلاد العجائب يقول...

علي فكرة حواديتي مع الكائنات الحية لسه مخلصتش بس اما افوق هحكيلك علي احلي ذكري ف حياتي كلها مع .....

خليها مفاجاة :)

اللهم اني استودعك قلبي فلا تجعل فيه أحدا غيرك

وأستودعك لا إله إلا الله فلقني إياها عند الموت

وأستودعك نفسي فلا تجعلني أخطو خطوة إلا في مرضاتك

وأستودعك كل شيء رزقتني إياه فاحفظه لي من شر خلقك أجمعين

يامن لاتضيع عنده الودائع