ادعولها ربنا يعافيها ويرجعها البيت بصحة وعافية
بقالها يومين في المستشفي علشان "الصفرا"
يارب يعافيكي يا بنتي
نورتي الدنيا يا نونو
يا تري هيسموكي ايه يا نونو
ربنا يحميكي ويبارك فيكي انتي واخواتك يا نونو
بحبك يا نونو والله
بس بردة بحب اخوكي الكبير خالص علشان اول فرحتي
وبحب اخوكي الكبير نص نص علشان كنت فاكراه اخر فرحتي
وبحبك يا نونو علشان انتي البنوتة اللي هتنور البيت بتاعها زي ما نورت دنيتنا
يا تري يا نونو لما تكبري
هتطلعي هادية ولمضة زي سليم
و لا شقية ودماغ زي سيف
يا تري يا نونو هتخليني العب معاكي بالعروسة
ولا هتقولي عمتك عجزت علي لعب العيال
يارب يحميكي يا نونو
يا رب يخليكي لينا يا فرحة القلب
واسمعي كلام سيف يا نونو لما بيقولك مش تعيطي يا نونو
واسمعي كلام سليم يا نونو لما بيقولك انا اخوكي الكبير يا نونو
يارب يخليلك مامتك اللي تعبت فيكي اوي
يارب يخليلك باباكي اللي لو يطول يجيبلك نجمة من السما تعلقيها في سلسلتك النونو
يارب يخليلك اخوكي الكبير واخوكي النص نص واشوفك زينة بنات المسلمين
يارب يحميكي يا نونو
نورتي الدنيا والله يا حبيبة قلبي
( النونو اسمها : سيرين )
كتبوها سيرينا ..
****
بسم الله ما شاء الله
لا قوة الا بالله
وسبحان من رتب دخولكم الدنيا في نفس اليوم :)
سلـيــــــــــم 13-02-2004
سيـف الدين 13-03-2006
انتي يا نونو 13-10-2009
******
سليم
سيف الدين
سيرين
سيرينا سيرينا ..بحبك بردة
الله يحميهم واطفال المسلمين اجمعين
هناك 50 تعليقًا:
مبروك
ألـســــلام عليكم
ماشاءالله ماشاءالله ماشاءالله تــبــارك الله
ربنا يحميها ويصلحها ياااااااارب ويخليها لابوها وامها وعمتها وجدتها :)
مبروك بس لازم تبلغينا بإسمها اول ما يقررو :)
في أمـــان الله
السلام عليكم ورحمة الله وبركاته
حياكى الله وبياكى اختى الكريمة
ربنا يبارك فيها ويجعلها من إمائه الصالحات ويجعلها قرة عين اعلها اجمعين .
ورزقكى الله الذرية الصالحة إن شاء الله
بسم الله ماشاء الله لاقوة الا بالله
ربنا يبارك فيها
ويجعلها ابنة بارة وذخرا لوالديها وللاسلام
مبروووووووووووك
الم مبروك يا اليس
وبعدين البنت لعمتها يا ماما هاتطلع زييييييييييك
مبروك وربنا يخلي
الف مليون مبرك
بسم الله ماشاء الله
ربنا يفرحكوا بيها
وعقبالك انتى كمان
رينا يكرمك ويوفقك الى ما يحبه ويرضاه
تحياتى
الف مبروك وربنا يحميها ويارب وأن شاء ضؤ امل ربنا يفرحكم بيها .
مدحت
ماشاء الله والله اكبر
ربنا يحميها ياحبيبتى ويبارك لكم فيها
وعقبال يارب مانباركلك قريب:)
ربنا يقر اعينكم بها وان شاء الله ابارك لك عما قريب بس على شرط تسميها دعاء
سبحان الله..
الله يبارك فيهم و يطرح فيهم البركة و يجعلهم من الذرية الصالحة و من السعداء الموفقين..
و يصلحهم..و يصلح على ايديهم
تحياتي
السلام عليكم ورحمة الله وبركاته
غير معرف
شكر الله لك .. كتر خيرك
علي محمد
وعليكم السلام ورحمة الله وبركاته
اللهم امين ربنا يتقبل دعائك
سموها سيرين :)
اديني بلغت اهو
ابو حازم
وعليك السلام ورحمة الله وبركاته
حيانا واياكم ان شاء الله
تقبل الله دعائك وعقبالك ياااااااااااااااااا رب اشوفك هتعمل ايه مع بنتك :)
لقد خلقنا الله احرارا
الله يبارك فيكي يارب وعقبالك يا اختي :)
وربنا يطمنا عليكي و يوسع رزقك ويثبتك علي الحق دايما
أم العيال
الله يباركلك في اولادك
بعد الشر عليها اما تطلع لعمتها واحنا ناقصين .. خليها تطلع حد كويس الله يرضي عليها وعليكم وعلينا يارب
همس الاحباب
اهو بقي عندنا نونو اصغر من النونو بتاعتكم ب اسبوع تقريبا :) يتربوا في عزكم يارب وربنا يجعلهم نبته صالحة يجازيكم عنهم خير جميعا ان شاء الله
نورت يا استاذ خالد
عم مدحت
الله يبارك لك ويحفظلك اولادك وعقبال ما تشوف اولادهم وتفرح بيهم قريب ان شاء الله
موناليزا
الله يباركلك يارب .. شفتي اهي طلعت شبه سليم :) بس علي بنوتة .. مؤقتا يعني مهي اكيد هتغير الشكل كذا مرة :)
عقبال ما ربنا يفرح قلبك ويقر عينك بالذرية الصالحة عاجلا غير آجلا ان شاء الله :)
دريم
سبق السيف العزل يا اختي :)
جيتي متأخرة باه .. لو بدرتي شوية كنت قولتلهم عليه .. بس هو ابوها داخل دماغه الاسم بتاعها و نلف نلف ويرجعوله تاني :) اهي تكمل امبراطورية س :)
عقبال بناتك يارب .. تفرحي بيهم ويباركلك فيهم ربنا
راشد
اللهم امين
ربنا يتقبل دعائك .. ويرزقك يارب عن قريب بالزوجة الصالحة والذرية الطيبة و يعينك علي طاعته :)
بس مؤقتا خلينا في الشهادة دلوقتي .. ربنا ينجحك في كل خير
أشكركم جميعا .. ربنا يبارك لكم وفيكم
ربنا يبارك فيها
:)
مجاهد
اللهم امين يا رب العالمين .. وفيك
وبطل لعب باه وسيبها مفتوحة :)
السلام عليكم ورحمة الله وبركاتة ,,,
ماشاء الله ماشاء الله ماشاء الله
ربنا يحميها ويبارك فيكى ويجعلها من الصالحات القانتات الحافظات للغيب اللهم امين ... ومعلش متاخرة بس والله كنت مشغول ولسة داخل المدونة اليوم ولما عرفت فرحت جدا وقولت انا متاخر بس اختى اليس هتقبل عذرى ان شاء الله ..
اخوكى فى الله
انا قلتلك انا واحدة مش واحد
وكمان عاوزه اتكلم معاكي في حاجات مهمه لو سامحتي الف مبروك
اوك يا هالة
شوفي عايزة تتكلمي ازاي وفين وبعد اد ايه وامتي واللي وصلك لهنا اعتقد سهل يوصلك لتليفوني ان مكانش العنوان .. علي كل حال .. أشكرك علي المباركة
طهر فؤادك
الله يباركلك في اهل بيتك .. وربنا يعينك ويتقبل دعائك ان شاء الله لها ولكل المسلمين
السلام عليكم ورحمة الله وبركاته...
ماشاء الله تبارك الله ...
يارب يبارك فيها يارب هي وإخواتها ويصلحهم ويهديهم ويسخرهم لوالديهم وعمتهم كمان...
....
بصي البنات عموما بيسبوكي تلعبي معاهم لغايت ما تكرهي اللعب أساسا
هذا من واقع خبره
....
في امان الله
نهار
وعليكم السلام ورحمة الله وبركاته
يارب اللهم امين
ربنا يبارك فيكي ويتقبل دعائك
اما بخصوص اللعب .. مع الاطفال اعيل مني مش هتلاقي .. الا لو الطفل نفسه غلس .. ولما بقفل كده بيقولولي يعني هتعملي عقلك بعقله .. بقولهم اه :)
ربنا يرجعها بيتها بالسلامة يا رب ويعافيها يااااااااااااااارب
الله يحفظك من كل سوء
الف مبروك
السلام عليكم
الف الف الف مبروك
وبسم الله ما شاء الله
ربنا يخليهملكم جميعا
ويكبرهم في رضا ربنا
محمد حمدي
الله يبارك فيك وعقبالك ان شاء الله .. ربنا يرزقك الذرية الصالحة ويفرحك بيهم ومعاهم
سمسم/ سما
وعليكم السلام ورحمة الله وبركاته
الله يبارك فيكي يا اختي ويعزك وعقبالك ان شاء الله
الله يشفيها
الصفرا كانت لسه جيالى من شهرين
جاتلى انا على كبر
لكن الحمد لله شفيت منها
---------------------
سبها مفتوحه وبطل لعب
---------------------
انا اليومين دولت متلخبط هو مش يومين بقالى كام اسبوع كده
إدعيلى
لا تنسينى من دعائك الصالح
مبروك ...وربنا يخليهلكم ويحميها هى واخواتها يارب
وعلى فكرة حلو اوى اسم سيرين
شفقة
سلام عليكم انا حاسة ان كلامك في حاجة
كدة مش عارفاها بس ماشي انا وصلت هنا عن طريق مذكرات سيف اللي سابها امانه عندي اوصلها ليكي هي وحاجات كتيرة وفي حاجات تانية كمان انتي لكي الحق فيها واول ما هنعرف اولنا من اخرنا هابلغك بس للعلم انا معنديش ول عنوان ولا تليفون ولا حاجة خالص غير اسم المدونة علشان المذكرات مش مكتوب فيها غير اسم المدونة وبس وغير كدة معنديش كلام تاني شكرا علي ردك والف سلامة علي البيبي
مجاهد
ربنا يعافيك مما ابتلاك و يتم عليك الصحة ويرزقك تمام العافية
متخافش بدعيلك بس انت اجتهد وربنا لا يضيع اجر من احسن عملا
عقبالك يا رب عن قريب :)
وبردة بطل لعب ..ملوش علاقة دا .. سكوتك مقلق الا لو انت مستفيد منه ومش باين انك كسبان حاجة من وراه .. اتكلم يمكن تلاقيلها فرج من عند الله !!
شفقة
الله يبارك فيكي وفي اهل بيتك
غيروا الاسم من سيرين ل سيرينا بس هو نطقه مش زي مهو بيقرأ بالعربي كده .. الاسم إيطالي وله تشكيل مش عارفة اكتبه بحيث ينطق صح زي ما هما يقصدوا :)
هالة
ممكن تراسليني علي الايميل دا
ahmnkyadonia@gmail.com
اذا في حاجة تحبي تتكلمي فيها
سلام عليكم
بنتى الغاليه و الطيبه و تحت كلمة الطيبه دى حطى 100 خط ... عمك النهارده الساعه 9 صباحا كمل 54 سنه ويارب سيرنا تكون خفت من الصفرا وخرجت ... الاسبوع اللى فات كان فيه حاجات ان شاء الله ربنا يتممها كلها خير وتتم خلال الاسبوع اللى هيبدأ بكره ....ويارب تكون سيرين فاتحة خير وأمل لبنتى الغاليه اليس يااارب ... عشان خاطرى خدى بالك من نفسك اغتقد انك انتى مش ناقصه ويارب يكون خير .
عمك مدحت
وعليكم السلام ورحمة الله وبركاته
كل سنة وحضرتك طيب و ربنا يديلك العمر في الخير ان شاء الله .. وابقي بشرني بخير ان شاء الله لما يحصل .. و متقلقش يعني انا مش قولتلك ياما دقت علي الراس طبول .. ربنا المستعان علي ما تصفون .. فاهمة اللي بتقوله!!
مره تانيه
تصورى ما فيش مخلوق فى البيت افتكر اليوم ده ولما قلتلهم ... ردوا اه صحيح كل سنه وانته طيب يا بابا ادى اللى اخدناه منهم وادى اخر تعبنا فيهم .
يا سيدي ربنا يخليهملك يارب ويباركلك فيهم .. من ورا قلبك الزعلة دي .. وبعدين مش عايزين يكبروك يعني :)
ربنا يباركلكم
ابقي طمن ابو حازم عليك لحسن بيحقد عليا لما بتكلمني ومش بتكلمه :) :)
بصى يا بنتى وطبعا انتى عارفه غلاوة بنتى عندى :-
أولا :- انا اخدت موافقة اللجنه العليا فى القاهره على صرف اعادة صرف علاج أحمد ولمدة 7 شهور المشكله انى هروح بالقرار دهه للدكتور اللى اوقف العلاج وربنا يستر ما يقرفنيش .
ثانيا :- محمد عمل مقابله فى شركة سيمكس والحمد لله بدأ كشف طبى باقى بس موافقة يحصل عليها ويستلم الشغل معانا فى اسيوط صحيح مش فى مجال تخصصه والشغل ورادى لكن هو لسه 20 سنه و7 شهور يعنى ان شاء الله يتمرس فى المجال الجديد ده وربنا يكرمه والله يابنتى كان بياخد يوميا 4 ساعات فى المواصلات فى القاهره .
دعـــــــــــــــواتك
عمك مدحت
بسم الله ما شاء الله لا قوة الا بالله
خبرين احلي من بعض
ربنا يتمها علي خير ان شاء الله وعقبال اللي في النص اما نتطمن عليها هي كمان ان شاء الله
توكل علي الله و ربنا مفيش اكرم منه
الله أكبر
سمعت من أحد الشيوخ أنه صلى الله عليه وسلم عندما كان يسمع شيئا سارا يكبر الله .
الله
ربنا يخليها يارب ويحفظها
ويخليهم كلهم ليكى يارب
وبسم الله ما شاء الله عليها
بنت قلبي
عقبالك يارب ان شاء الله :)
ربنا ييسرلك حالك ويرضي عنك ويرضيكي ان شاء الله
ابو حازم
الله اكبر كبيرا والحمد لله كثيرا
يارب يديم عليك الفرحة ويباركلك في اهل بيتك
الف مبروك
وان شاء الله هاتقوم بالسلامة
الموضوع سهل بإذن الله
سبهللة
الحمد لله رب العالمين علي كل قضائه
الله يباركلك ويبارك فيكي وفي اهل بيتك ويخليلك اولادك ويفرحك بيهم ومعاهم دايما يارب .. ربنا كريم
نورتي يا باشمهندسة
ما شاء الله
ربنا يبارك لكم فيها
فتحت المدونه من تانى
:)
وكسرت جدار الصمت
Lady E
الله يبارك فيكي وعقبال ما نفرح بيكي ان شاء الله :)
مجاهد
انا اصلا كنت فتحاها ونلت نصيبي من الوجع:)
حمد الله علي السلامة وربنا يصلحلك الحال يارب
سلام عليكم
أرجو من الله أن يكون عوداا حميداا بإذن
الله ... تم وصلة النت من ربع ساعه .
بشرينا..رجعت البنت بالسلامة؟؟
الله يسعدها و يسعدكم..
و مايسلطش عليكم شيطان انس او جن ابدا
:)
غبر معرف
وعليكم السلام ورحمة الله وبركاته
التلات نقط دول مش غراب عليا بس عموما حمد الله علي سلامتك وسلامته
راشد
الحمد لله رب العالمين بخير
نورت بيتها من يومين تلاتة الحمد لله رب العالمين
لسه شوية ضعفانة ولونها تعبان حبة بس الحمد لله رضا
ربنا يتقبل دعائك ان شاء الله ولك بمثله
"هتطلعي هادية ولمضة زي سليم
و لا شقية ودماغ زي سيف"
أكيد هتطلع هادية و شقية ، لمضة و دماغ ..جينات بقى
ألف مليون مبروك و آسف لو أزعجتك بأي حال من الأحوال ، و يا رب أشوفك دايماً بتكتبي بوستات تفرحك ، ألف سلامة عليها من الصفرا و ترجع لكم من المستشفر بيضا بإذن الله
سيرينا إسم رائع جدا جدا
لكن ما ينفعش تقوليلي اسمها سيرينا إيه ؟
بس علشا لو جيت أتقدم للقمر اللي في الصورة
----------------
ولد تحت الصفر
ربنا يباركلم فيها يااااااااارب
ماشاء الله لاقوه الا بالله
ربنا يخليها ليكم يارب يارب يارب
ويابركلكم فيها هى واخواتها يارب وينبتها نباتا حسنا
بوركتم فى المولد ورزقتم بره
رجل تحت الصفر
الله يبارك فيك يارب :)
وبعدين انا كده هضطر انزل اجيب بوكس فايلز كبيرة علشان اشيل فيها طلبات العرسان :) :) :)
ما شاء الله يعني خطابها كتير وهي تستاهل يعني دي كفاية انها اخت سليم وسيف:) شخصية مميزة ان شاء الله
ربنا يحفظك ونفرح بيك ان شاء الله :)
والحمد لله نورت بيت باباها .. الحمد لله رب العالمين
كيارا
الله يكرمك يارب .. عقبالك يا رب :)
جيجي
الله يبارك فيكي يارب
ويارب يتقبل منك دعائك ويرزقك انتي كمان من فضله :)
شرفتم و أنستم :)
انا مش بضايقك
ولا بنقل المناقشة عندك ولا حاجة
لكن فعلا انا هفضل زعلانة
لغاية ماتقول لى بالتفصيل
ايه اللى زعلك
ولو انا
مع انى مش فاهمة ازاى
حقك على ياستى ماتزعليش
لقد خلقنا الله احرارا
:) محصلش حاجة دا احنا بنتناقش و نيتنا خير ان شاء الله :)
يلا
جمعانا علي الخير دايما يا Miss :)
اللهم بارك
اللهم اجعلهم ذرية صالحة
مبروك على قدوم سيرينا وشفاها الله وعفاها
وربنا يبارك فيكى يااجمل عمة
تحياتى
أم مالك
بجد مش عارفة اقول لحضرتك ايه .. فرحت بدخلتك عليا :) اوي :)
عندي اخ صغنن عني حبة" ابو حازم " بيعز حضرتك معزة كبيرة اوي اوي اوي فنقل حبك ليا تلقائيا :) ربنا يديم المعروف يارب
ويارب يتم شفائك علي خير ويرزقك تمام العافية و يباركلك في اسرتك واهلك والمسلمين اجمعين
الحمد لله رب العالمين
سيرينا خرجت من المستشفي من كام يوم و بخير اللهم لك الحمد والشكر
والعمة الشريرة علي رأي مامتهم تشرفت بطلتك علينا :)
ربنا يعزك :)
إرسال تعليق