الاثنين، 12 نوفمبر 2012

العدل

وقعت في هوة سحيقة ما بين ايماني بمعتقد وجود عدل علي الأرض وما بين الظلم المستشري بين جنباتها

البشوات بيقولوا عليها مثالية .. ازاي البحث عن العدل في الارض والمطالبة بيه بقت مثالية تسخروا منها؟

اكيد ربنا مخلقش الارض ورفع عنها العدل .. اكيد موجود في صور ما باشكال ما حتي لو مشفنهاش 

بس والنبي متقوليش انه مش موجود .. انا معتقدة فيه حتي لو معيشتوش او مشفتوش في اللي حوليا 

اكيد علشان ربنا العدل .. هينزل علي الارض اشكال من صفاته سبحانه 

اكيد بشكل ما في ولو اجزاء بسيطة مشتقة من العدل زي ما في لسه شوية رحمة فاضلين 

اينعم بتتضاءل فعلا بين البشر بس محدش يستجري يقول ان مفيش رحمة في الارض 

يمكن اللي اقصده عدل البشر مع البشر .. بس دا كمان مش شاكه فيه بنسبة ما 

لسه في ناس شوية حاسة انها علي الاقل ظالمة غيرها ( اعتقد )

اكيد والله لسه في احساس بان وجود العدل دا مش وهم ولا تطلع للمثالية 

"اعدلوا هو اقرب للتقوي"

وليسقط الظالمون في قعر الجحيم

هناك تعليقان (2):

غير معرف يقول...

اكيد العدل موجود مش وهم الايمان بيه مش مثالية العدالة المطلقة هي المثالية وهي لم توجد بعد زي الظلم المطلق هي كفين ميزان لازم يبقوا مع بعض ولولا وجود الظلم ما وجد العدل الشئ وضده هما اللي بيخلقوا الشعور بالشئ اصلاً زي الملح والسكر الحلو والمر النحيف والتخين لان بغير وجود مفهوم الضد مش هنحس بالمفهوم نفسه. ده غير ان الظلم مش كتير برضه قوي في عدالة موجودة مش لازم تتمثل في العدالة الداخلية البشرية عدالة السماء اقرب واوقع ودلالتها موجودة في الفترة القصيرة اللي فاتت وفي التاريخ كله بس القصة ان في مسببات دايماً يعني مبتحصلش الحاجة مرة واحدة وبدون سبب . طول ما ايمانا موجود وطول ما ضميرنا لسه بيعاتبنا طول ما لسه في حاجات حلوة فينا وربنا يرزقنا باللي يعدل فينا يارب ويبعد عنا احساس الظلم ويبعدنا عن الظلم ولا نكون من الظالمين
مرار العسل

غير معرف يقول...

سلام عليكم
أكيد يا بنتى العدل موجود وربنا قادر على كل شئ مين عارف ربنا يديكى الصحة وطول العمر .. وتجدى ربنا أكرمنا بحاكم عادل صحيح انه حلم أن هذا الحاكم يكون مثل الفاروق عمر لكن مين عارف ربنا قادر على كل شيئ ... ربنا يكرم البلد دى إن شاء الله .
مدحت

اللهم اني استودعك قلبي فلا تجعل فيه أحدا غيرك

وأستودعك لا إله إلا الله فلقني إياها عند الموت

وأستودعك نفسي فلا تجعلني أخطو خطوة إلا في مرضاتك

وأستودعك كل شيء رزقتني إياه فاحفظه لي من شر خلقك أجمعين

يامن لاتضيع عنده الودائع