مرات الظابط عايزة توصل لرئيس الجمهورية تشتكيله انها زعلانة علي حال البلد
علشان المحلات رافضة تقفل 10
علشان الناس صوتها عالي في الشارع
علشان الظابط بقي ممكن يتقاله لا
وعلشان المليونيات اللي هي مش عارفة الناس بتنزل فيها ليه
وعلشان الزبالة اللي مرمية قرب بيتها
وعلشان خايفة علي جوزها الظابط وابنها الظابط
وعلشان شايفة هيبة الشرطة اهم من لقمة العيش
وعلشان شايفة الشعب دا بهايم لازم الكرباج يمشيهم
منتظر مني اشوف لها وسيلة اتصال بمرسي
معرفتش ارد اقول ايه
قلتلها انتي زعلانة ليه؟
جوزك معاكي و ابنك في حضنك و قاعدة في بيتك معززة مكرمة
حياتك لا زادت ولا قلت من سنتين اللي بتشتكي منهم
لا نقصتي ولا زيدتي
قالت زعلانة علي البلد
اضطريت اقولها ملعونة دي ارض بتاكل عيالها
لما يبقي اللي نايم في حضن مراته وولاده وهو قاتل و بسببه ام واب وزوجة و عيال ضاع منهم معيلهم و ضناهم بسبب انه حيوان وقتلهم .. لما يتعدم و ياخد جزاءه هتفرحي
لما يبقي الحرامي يقوم من مكتبه و يدخل يبارك برجله السجن مكانه الطبيعي وسط زمايله هتفرحي
لما تبطلي تقولي علي الشعب دا بهايم لازم الكرباج يمشيهم هتفرحي لانه هتشوفي فيهم اللي حفر في الصخر علشان يلاقي لقمة عيشه و من كتر حفره طلعله ضوافر يحمي بيها اللقمة دي مش لانها قوته لكن عشان عياله اللي وراه ميموتوش من الجوع
لما تحسوا كمجتمع معاه سلطة ان العسكري اللي بيشيلك الشنطة دا مكانه مش تحت خدمة مرات الظابط لانه مش سخرة و بني ادم مش ألة
لما الناس اللي مسحولة و عايشة في المجاري العفنة يقولوا لا .. اللي قالوا لا بدالهم ماتوا خلاص و هما معملوش حاجة .. لما دول ينطقوا يقولوا لا بصوت عالي وياخدوا حقهم
لما نبقي وطن بحق وفيه قانون و عدل
هي زعلانة علي البلد .. بس انا من البلد
نشنتي علي الحد الغلط تشكيله زعلك من قطيع البهائم للاسف .. سوري
هناك 11 تعليقًا:
اكيد لازم تزعل من البلد مش على البلد تزعل على سلطة مبقتش موجودة هيبة افتقدت على نفوذ قصر طوله زميلتك زعلانة من البلد زي ما انتي زعلانة هي زعلانة من وجهة نظرها على احترام افتقده جوزها وابنها في مجال عملهم ومع الناس في الشارع وهو مكنش احترام قد من خوف والمفروض تدور على الاحترام وانتي زعلانة على دم الشهيد وعلى مآسي بتتحرك بتحسيها من هنا وهناك ومن التلفزيون وغيره بتزعلي على دم الشهداء في الثورة ولكنك معرفتيش اللي قبل الثورة اللي لسه محدش طالب بحقه مزعلتيش على دم سال في تار بين عيلتين امتد لسنوات لانك متعرفيش على شباب ماتوا في المراكب عشان عايزين لقمة عيش لقوها صعبة في وسط اهلهم ارضهم جاحدة عليهم اللي يتزعل منها البلد مش يتزعل عليهاناس ماتت وهي واقفة في طابور عيش مستنية اللقمة وناس في عبارات السلام ماتت مرة واثنين بنزعل ليه لما كل ما فيها طفح ومبقاش فيها غير ركام تملى ريحته الانف وكل ما يهمنا احنا وبس محدش فكر في البلد بجد ولا حتى اللي بيحكموها اللي بيحكمها عايز يتكتب في التاريخ انه عمل وسوى مبيحكمش لهدف خالص لخدمة اهل البلد الخير ماليكي يا مصر والناس ياما بتتصدق وباما بتعمل حاجات خير والمليارات لمشاريع كتير بس بنفسد كل حاجة بلد فيها من المتناقضات الكثير كره بلا حدود وحب بلاحدود من غير منطق ولا حساب ولسه بنقول بنحبك يا مصر وزعلانين عليكي !!!!!!!!!
اتمنة يكون اختفاؤك من ساعة البوست الاخير لخير إن شاء الله
اشكرك لاهتمامك بالمتابعة ورغم عدم رغبتك في تعريف شخصك الكريم
انا علي فكرة قلت هي زعلانة عليها بس انا زعلانة منها لدرجة اللعن
مش بس اللي ذكرتهم يخلونا نلعنها .. اللي اهاليهم خلفوهم ورموهم في الشوارع وفي الملاجيء عشان مش عارفين يصرفوا عليهم وياكلوهم..اللي بيغتصبوها ومش بتلاقي في عيون اقرب ناس كل اتهام واحساس بالعار و فجاة تتبدل من مجني عليها لجانية ومذنبة...اللي بيزرع بالمبيدات مسرطنة وملقاش حد يقوله حرام .. اللي بياكل الناس لحم كلاب فاسد من سنييين .. احنا الفساد معشش في حياتنا من ساسنا لراسنا.. مش بس كره للداخلية عشان ولاد **** وسابونا لحرامية والنصابين ورجال اعمال منافية للاخلاق ينهشوا فلحمنا .. دول تحولوا من حامي لبلطجي بيحموا الحرامي ويقتلوا المجني عليه..احنا بنبقي عالمين احيانا زي الي شاف ابوه بيسرق فقرر يستر عليه اكمنه ابوه وعلشان يفضل شايف مثله الاعلي حلو اقتنع ان في محللات للسرقة وافتي لروحه بجوازها كمان ويطلع عين اللي يفكر يقول ابوك حرامي لدرجة انك صدق فعلا فبيدلفع عنه حقيقي مش افتعال !!
اللي طيب شوية بيتداس عليه بالجزم ويتقاله ما انت اللي عبيط
واللي لئيم بيتقاله برافو عرفت تجيبها من بق الاسد
كل واحد مننا عاش في حياته قصص وحكايات محدش يصدق ان في كده فالدنيا بس احنا اتربينا اننا نفوض امرنا لله عشان هنعمل ايه يعني..لو صرخت وقلت حقي هاخده هيتقالي انتي قليلة الادب متربتيش من القريب قبل الغريب..بتضطر تكتمها وتاخد حقك لو مصر بطرق غير معلنة..خصوصا لو بنت عشان ملهاش ظهر دايما غلط مهما عملت وحصلها..
زميلتي دي غلبانة جدا وجوزها برغم كل حاجة اللي اعرفه عنه انه اداري وبيتقي ربنا في بيته علي الاقل عشان كده متداس عليه فهي ورغم انها ضد كسرة الشرطة فرحت بغوران مبارك وبمجيء مرسي وهي منتخبة شفيق عشان صدقت انه لن يخون الله فينا
لو تشوف اد ايه متاثرة وهي بتقولي عايزة اوصله بجد اقوله احنا تعبنا ... علي الاقل اعصابنا تعبت من اللي بنسمعه.. قلتلها ﻻ هتكون اول من يشتكي ولا اخرهم..المهم هو عايز يعمل اصلا وﻻ ﻻ!!
ساعات الواحد بيستحمل قرف لاجل حاجة عدلة يحسبها هتيجي بعده..انما قرف علي قرف دي عيشة قرف
طولت معلش ... بس ايه اختفاؤك دي؟ دا انا نازلة رغي علي غير العادة مؤخرا
شكرا للاهتمام بالتعليق بس يريحني اكتر او اضغت تعريف لحضرتك بدلا من المجهول :)
اسمحيلي ابتدي من الاخر اظن لو كتبت اي اسم متعرفهوش او حتى تعرفيه ميفرقش لان في النهاية هو مجرد اسم ورا شاشة كل اللي بيربطك بيه افكار هتفضل ورا الشاشة
قصدي بمتغيبة انك رجعتي تكتبي وفجأة من يوم 9 مكتبتيش حاجة لحد ما ظهرتي النهاردة واتمنى متطولش الفترات بين كل حاجة وحاجة لحد ما توصل لشهور وسنين زي قبل كده !!!!!!
بالنسبة للحالة اللي بتوصيفها واللي مستمرة وهتفضل مستمرة طول ما في الكون خليقة الا ان يشاء الله بقيام الساعة الرئيس مرسي مش وحش ومش حلو وحسني مش وحش كاسر ولا نعامة وغيرهم وغيرهم من الناس اللي ممكن هتحكم وهتتحكم واسمحيلي استفيض شوية المرة دي وارغي الناس هي الحاكم الحقيقي وامتثلاها لامر الحاكم الشخصي هو جزء من الامتثال للارادة الشخصية الامتثال هنا اصبح مش موجود والرغبة اصبحت تسبق الفعل يعني انا نفسي ونفسي ونفسي طب بعمل ايه عشان اوصل للي نفسي فيه مفيش والعكس بالعكس على فكرة الشعب المصري يمكن طفحان الكوتة وكل حاجة بس فيه داء شهير يمكن موجود من ايام الفراعنة ويمكن جديد عليه الله اعلم الا وهو الطلب قبل الحاجة والهروب قبل المواجهة وعاطفي جداً الشعب ده يبكي للظالم ويتخانق اوقات مع المظلوم وهو مش مجنون هو حكم بقلبه مش بعقله . احنا كده شعب مش اي شعب الشعب الياباني في عز كارثة تسونامي بكى وزعل بس افتكر شيء مهم ان العمل اهم للبناء احنا في ناس مننا بتفضل تبكي مدى العمر ان اعرف اشخاص معلقة صور لحد عزيز مات عليهم في كل حتة تقريباً العربية اخلفية الموبايل خلفية اللاب بنبي رموز بنفضل نتحرك حواليها !!!!!
لابد من اعمال العقل قبل المشاعر عشان نقدر نوصل لحاجة وكل سباق على نفسه وندع الخلق للخالق فهو عليهم اقدر وبهم اعلم .
معلش طولت عليكي وشكراً على ردك واهتمامك بالرد
السلام عليكم ورحمة الله وبركاته
كان لازم أقول لك كل سنة وأنتى بخير وصحة وعافية يا أبنتى الطيبة .
صباح الخير يا اليس يا الله عليكى قال رسول الله عليه افضل الصلاة والسلام اذا حييتم بتحية فردوا باحسن منها او ردوها وانا شايفه ان عمو مد .... ارسل لك يعيد عليكم ابسط رد كان وانتى بخير يمكن متفتكرينيش انا دايما كنت معاكم فى روم المغتربين وبجد والله منساش ان الراجل ده ساعدنى رغم انى فى المحلة انى الاقى شغل محترم لاغية ما اتعينت ولا شافنى ولا يعرفنى وكنت دايما ولازلت اسال عنه واللى متعرفيهوش ان دخل مستشفى فى اسكندرية واجرى عملية فى القلب وكان دايما يذكرك بالخير ويلوم نفسه انه جزء من المشكلة اللى اراد الله لك ان تكونى فيها ويقول لو انى اطول هذا الرجل يعلم الله ماذا افعل به وبردو كان بيقول الله يجازى اللى كان السبب حاولت اصل عن طريقها وللاسف لم اسمع سوى كلمات تريقه او مهينه حتى من ايجى الذى كنت اعتبره مثل ابنى بجد رغم انك يبدو جداا انك متدينه واضح جداا انك بسهوله بتسدقى اى حاجه عن اى حد واضح اوى انك ظلمتى الراجل ده كان دايما يقول انا اكتر واحد انضحك عليه على الشات حتى فلوس كان بيبعت للى محتاج او محتاجه بدون ان يعرفه صحيح هو مبقيش عنده ايميل لان الغريب جداا انه لما حد يطلب منه الباس وورد كان بيديهاله ... بس تعرفى انا يمكن طلعت يعنى كويسه كنت بغيب واتصل بيه لان ربنا عوضه خير طلع عمرة مرتين وكان ناوى الحج بس ظروف عملية قلبه فى رمضان اللى فات منعته ان كنتى انتى ما ردتيش عليه انا بقوله ومن عندك كل سنه وانته طيب بمناسبة عيد الاضحى وبمناسبة انك كملت 57 سنه ومتزعلش من بنتك الطيبه غصب عنها .... متظلميش كل الناس يااليس .
ندا
لا أعرف اذا كنت أنا المقصود فى حديث الاستاذه ندا او انه مجرد تشابه فى الظروف... وفى جميع الاحوال لا اطلب نت اى انسان ان يتدخل للدفاع عنى فى اى موقف ... ولا ان يشرح ظروفى الصحيه او غيره فانا والحمد لله لم يعد عندى ايميلات سوى الخاص بالعمل ولا حساب فيس بوك او تويتر فقط اكتفى بالدخزل الى بعض المدونات ويشهد الله انى لا افهم فى الفيس بوك او تويتر ةارجو من الله ان يحسن ختامى مع خالص اعتذارى لكى أستاذ ه أ وارجو من الاستاذه تدا اذا كانت تقصدنى ارجوها لوجه الله ان لانجعل هذه المدونه مكان لاى نوع من العتاب وكل عام وانتم جميعا بخير وصحة وحفظكم الله من كل سؤ .
مدحت
التأخير لاسباب خاصة
أ/ غير معرف 1 ..
بيتهيألي اننا كنا علي معرفة؟! اعتقد ..ولو غلطانة ( وياريت اكون غلطانة) عرفني.. موضوع الشعب اللي احنا منه دا حاجة ما يعلم بيها الا الله .. لا الواحد عارف هو راضي ولا ساخط .. حتي الواحد نفسه ما بين رضا وسخط و ايمان و هواجس .. ربنا يتوب علينا ويرحمنا .. كل عام وانتم بخير
أ/غير معرف 2
وحضرتك واسرتك طيبين و بخير دايما ان شاء الله و حمد الله علي السلامة و ربنا ييسرلكم كل خير .. سلامي للاسرة
أ/ غير معرف 3 - ندا
مبدئيا "ان بعض الظن إثم" هو بعت فعلا التهنئة بالعيد يوم 25/10 و انا مكنتش متواجدة الا النهاردة فبالتالي مردتش الا النهاردة .. اشكرك ولو اني معرفش حضرتك خصوصا لما وصفتي ايجي انه ابنك فاكيد حضرتك اكبر مني و انا مش متذكرة - اسفة لطول الوقت
عموما انا مش حابة اتناقش في خير او شر حصل .. لانه لا اول مشكلة ولا اخر مشكلة و ربنا رايدلنا نعيش في الدنيا دي بمشاكلها و مش بايدينا نختار حلوها ومرها .. جايز حاجة حلوة اوي عيشتي فيها و فجاة في ثانية اتبخرت بنهاية مفتوحة لا انتي عارفة دا كويس ولا وحش بس بتقولي خلاص الحمد لله و جايز حاجة وحشة جدااا تعبتك كتير و مكنتيش عايزاها تخلص و ربنا اراد تخلص و بردة قولتي الحمد لله .. لله الامر من قبل ومن بعد .. وصدقيني لو قلتلك مهما كنتي عرفتيني انتي متعرفنيش فعلا ..
اعوذ بالله اني اظلم حد .. انا دايما برد عليه هنا لما بيتكلم الا لو فعلا ماخدتش بالي .. كون حضرتك شفتي الرد كويس او وحش دي حاجة صعب عليا اتحكم فيها.. نسأل الله العافية
أستاذ مدحت .. تعليقي قلته فوق اللي فوق دا .. كل سنة وحضرتك واسرتك بخير وفي اتم صحة وعافية وربنا يديم المعروف بين البشر
أميرة
يارب دايماً تأخيرك يكون للخير ويبعد عنك كل شر خصوصاً وسوسة الشيطان وهواجس الدنيا 2- المعرفة في حد ذاتها مش هتفرق كتير صدقيني وان شاء الله هبقا اعلق باسم مرار العسل عشان تميزي التعليق الرضا والسخط حالة نفسية تتعلق بوقت معين بتسيطر علينا فيه يا احاسيس ايجابية يا احاسيس سلبية واتمنى ربنا يكفلك الاحاسيس السعيدة دائماً ويكفلك الصبر ةالرضا مع الاحاسيس السلبية وفي النهاية كل سنة وانتي طيبة
مرار العسل
هحاول اصدق ولو اني مش مصدقة بنسبة كبيرة
عموماوانت واسرتك طيبين ان شاء الله
السلام عليكم ورحمة الله وبركاته
حياكم الله أخوانى وأخواتى جميعا وتقبل الله طاعتكم وكل عام وأنتم والمسلمين جميعا فى أحسن الأحوال
أولا : تعليقى على البوست هلخصه فى بيت الشعر دا ( بلادي وإن جارت عليَّ عزيزة *وأهلي وإن ضنوا عليَّ كرام )
ثانيا : الأخت الكريمة ندى :
قلتى فى تعليقك على لسان عمو هذه العبارة ( حاولت اصل عن طريقها وللاسف لم اسمع سوى كلمات تريقه او مهينه حتى من ايجى ) .
أختى الكريمة : الكلام دا مش صحيح ، وشكرا
جمعنى الله وإياكم فى الدنيا على طاعته وفى الأخرة فى دار كرامته انه ولى ذلك ومولاه والقادر عليه
سلامى مرة ثانية لكل اللى كنت متواصل معاهم وأختفيت بسبب ظروف عملى ودراستى ( ولتعلموا انى لم أنساكم جميعا )
السلام عليكم ورحمة الله وبركاته
كل سنه وانتم جميعا بخير ويعلم الله رب العزه ويشهد على ذلك وعلى كل كلمة اقولها سوف يحاسبنى عليها .... اى انسان منكم جميعا له احترامه الكامل و يعلم الله فى خلال السنتين اللى عرفتكم فيها اصبحتم جزء من حياتى وأسرتى ويشهد الله ايضا أنهم دايما بيسألوا عنكم أما أنا فأحمد الله تعالى على كل شيئ صحيح كنت بتمنى الشغل وأشتغلت لكن بعدت عن بيتى واولادى وانتم جزء فى حياتى يشهد الله على ذلك كل ما أرجوه أن اسمع عنكم كل خير وتحياتى للآستاذ أيجى وبطلت تكتب ليه يا أبنى .... ارجو ان تشملونى بدعواتكم و أن يحسن الله البقيه الباقيه فى هذه الدنيا أما أنتى يا أستاذه أ فحضرتك تعلمى تماما مدى التقدير والاحترام لشخصك الكريم بسهر كتير فى الشغل فأجد مدونتك دائما هيه الملاذ لقراءة كلمات طيبه ادام الله عليك الستر والصحة وراحة البال وكل سنه وانتى طيبه ويارب تكونى دبحتى الخروف السنه دى كل عام وانتم جميعا بخير .
عمكم العجوز مدحت
إرسال تعليق