يجري ايه لو الحلم اللي تحلمه يجي بالظبط علي مقاس تفصيلك ان مزادش مينقصش ؟
يجري ايه لو جبت قماش متين و عاجبك لونه وشكله ونقشته و كل حاجة فيه حلوة
يجري ايه لو فردت القماش وعلمت علي القماش بمقاساتك
يجري ايه لو حاولت تجمع القطع جنب بعضها احتياطي
يمكن القماش ميكفيش اوي بس هتتدبر
يجري ايه لو جمعت قطع صغيرة صغيرة جنب بعضها و كنت حرفي كفاية انك تظبطهم ميبانوش انهم تجميع مش قطعة واحدة ..حبة صبر
يجري ايه لو غمضت عنيك وشفت الحلم متفصل بالظبط زي ما انت عايزه ؟
يجري انك تفرح بحلمك
يجري انك تفتح عنيك وعلي وشك ابتسامة رضا
يجري انك في احتمال تحقق الحلم وتطلع شاطر
يجري انك تعرف تكون من القليلين اللي حلموا وظبطوا حلمهم علي واقعهم وعاشوا حلمهم واقع
قادر ربنا علي كل شيء
هناك 18 تعليقًا:
مش هيجرى حاجة بس متفصليش بره فصلي لنفسك وكل حاجة هتتظبط ولو اتزنقتي في المازورة عشان المقاسات يبقى قوليلي او تعالي انا افصلك
ان شاء الله :)
حسبي الله
عليه توكلنا
وهو علي كل شيء قدير
لو أنا فاهمةصح
مايجراش حاجة
:) ان شاء الله تكوني فاهمة صح :)
يحصل كل خير طبعا:)
ولكن خلق الانسان عجولا
ان شاء الله خير :)
صدق الله العظيم
هو فعلا كده
عجولا
الصبر نعمة :)
بالعكس
دي هي المتعه الحقيقيه
علشان نحس بطعم اللي بنعمله
بالصبر والامل في الله
نعمل كتييييير
أميره الصعيد
الحلم بشيء نتمني حدوثه وخصوصا لو حاجة حلوة بتلاقيكي بتغمضي عنيكي وتحلمي بيها وانتي علي وشك ابتسامة صافية و في القلب رجاء ان يعينك الله علي تحقيق حلمك :)
يعني زي ما قلتي : متعة فعلا
والله المستعان ان شاء الله وخير معين :)
نورتي :)
السلام عليكم ورحمة الله وبركاته
حياكى الله وبياكى أختى الكريمة
طيب يلا توكلى على الله وابتدى تفصيل وورينا كدة بس لا تحيدى عن الدرب الذى يرضى الله ورسوله عليه الصلاة والسلام واصبرى ولا تتعجلى وتذكرى انك ستحصدين ما ستزرعين
وفقكى الله لما يحب ويرضى
ويجرى ايه لما نرضى بالمتاح ونقنع نفسنا بأن ده رزقنا ؟
ماهو يمكن !
ازيك أليس يارب تكونى بخير
اقولك : ربنا يراضيكى
from Egypt
وعليكم السلام ورحمة الله وبركاته
وبالتوفيق ان شاء الله
الباشمهندس ابو حازم
وعليكم السلام ورحمة الله وبركاته
حااااااااااضر بس ادعيلي ربنا ييسر الحال
دريم
من غير ما اتفلسف
انتي بتحبي تغيري في تنظيم اثاث بيتك .. يجري ايه لو غمضتي عنيكي و فكرتي تجيبي كرسي مريح من اللي فيه كل حاجة بتتحرك دا تبقي قاعدة منعمة مرتاحة ناسية الدنيا واللي فيها وانتي عليه .. هو دا عدم رضا بالمقسوم؟ ولا ممكن نعتبره محاولة اننا نحلم بحاجة تخلي حياتنا احسن
وليه لا طالما نقدر نحققها ومش مستحيلة ولا فيها بنتعدي علي حقوق حد ولا طالبين حاجة في معصية الله ..
يجري ايه لو اعترفنا ان المتاح مفروض علينا وان ربنا خلقنا مسيرين في حاجات ومخيرين في حاجات والحتة اللي مخيرين فيها ممكن نختار ونحلم و نتمني غير المتاح .. هو انا كده ابقي معترضة علي القضاء او مش من الراضيين ؟
ما هو يمكن دي .. افهم منها اللي اقدر فعلا احققه من الحلم .. ودي عايزة توكل علي الله واجتهاد و صبر وعزيمة وارادة وتمسك بالحلم .. ويمكن حاجات تانية كتيرة .. بس مازال ممكن :)
الحمد لله رب العالمين .. بخير يا ام اميرة:)
وارد عليكي انا واقولك اللهي يراضيكي انتي وذريتك دنيا واخرة يارب :)
فعلا
قادر ربنا على كل شيء
ربنا يوفقنا دايما لرضاه وطاعتة ويغفرلنا ذنوبنا
MaNoOoSh
ونعم بالله القدير ولا يكتر عليه شيء :)
بس احنا نخلص النية لله و ننوي نعمل حاجة مرضاته و نبعد عن معصيته والله المستعان :)
نورتي وتقبل الله منا ومنكم
ازيك اليس
ربنا يجعل لك نصيب من دعاءك
بس انتى فهمتينى غلط او انا اللى بعتمد على احساس المتلقى !
اللى قصدته : ليس فالامكان افضل مما كان ولا يمكن انا سلمت بدرى وما بقاش عندى قوة ولا جهد للمعافرة .. مش عارفة بس اكيد ما قصدتش انه عدم رضا لمعطيات ربنا .. حاشا
وارجع تانى واقولك ربنا يراضيكى
ربنا يدينا العافية والارادة و يجعله لينا خير ان شاء الله :)
لو مكنتش فهمت انك تقصدي كده مكنتش جاوبت كده
ساعات بتكوني بتقولي لنفسك كلام عن طريقك رد علي اللي قدامك :)
اعتبريني بكلمني فيكي :)
بحب انا دعوة الله يراضيكي دي اوي :)
ربنا يتقبل دعائك ولك بمثل ان شاء الله :)
حمد الله علي سلامتك و ربنا يصبركم و يصبر والدتك ويخليكم لبعض
لما يجي وقت جواكي حاجة متعلقة بيها وعايزة تعمليها .. هتلاقي نفسك بتقولي في الامكان احسن مما كان :)
بسم الله الرحمن الرحيم ( إنى قريب أجيب دعوة الداع إذا دعانى ) هذا هو قول رب العزه ما يجراش أننا نحلم ونمشى بما يرضى الله خليكى فى طريقك وربنا اللى اودعتى ودائعك كلها عنده عمره ما هيسيبك .... وأعتقد أنى أمامك مثال حى ليه 10 سنين سبت شغلى الاصلى وحلمت كتير وقدمت كتير وعندما قلت كفايه كده ولحمد لله على كل حال ربك وربى قلى تعالى هنا رايح فين تعالى اهو مجالك اللى كنت فيه وبتحلم ترجعله من اكتر من 10 سنين ورينا شاطرتك وانا الان قاب قوسين او ادنى ولو جات خير وبركه ماجاتش الحمد لله على كل حال وياريت تشوفى كل التفاصيل كتبتها عند أبو حازم وعاوز أسمع رأيك وبقولهالك يا بنتى أنتى استودعتى كل ماتملكى عند رب العزه أطمنى يا بنتى الطيبه .
بجد مش هعرف اقول الا ان ربنا كريم
و ان شاء الله كل قضائه خير
الحمد لله رب العالمين
احلمى حته لو متحققش حلمك استمرى فى الاحلام
لو بطلنا نحلم نموت
تقبلى مرورى
إرسال تعليق