الثلاثاء، 19 يناير 2010

Rules



*******









No Comment

هناك 101 من التعليقات:

حـــواديت يقول...

هههههههههههه

طب وربنا بضحك من قلبى بجد ولانك كاتبه فى اخر البوست لا تعليق

بس مش ده طبعا السبب الى خلانى اكتب هنا .. السبب هو

((( هكتبها واعلقها قدام عنيا علشان انا بنسي كتير بقالي مدة طويلة

The BOSS is always right as he is always the BOSS )))

على فكرة
انا كتبت بالانجلش وبعدين مسحت تان وقلت لنفسى لاااااا انا هكتب بالعربى
انا بالعربى وعقلى بيفكر بالعربى وبيترجم الاشارات بالعربى حتى لو الحكمه او المثل الى كتبته هو بالانجلش وكوميدى وضحكنى من قلبى بجد بالتحديد

((ودلوقتى انا عرفت البوص الكبير بتاعنا كلنا ليه دايما صح ))


Rule NO # ....
if ... refer to ... ))
ههههه وراجع الشكل او انظر النوذج صفحة 17

)))


كلام سليم جدا جدا كمان
كلام عظيم
بس ده فى حاله واحده بس (
لو البوص ده مش بشر ))

يا اليس حبيت افكر نفسى قدامك بحاجه

وحاجة مهمة اوى كمان

عن ، أنس بن مالك ، قال : قال رسول الله صلى الله عليه وسلم : " كل ابن آدم خطاء وخير الخطائين التوابون " *

السلام عليك يا سيدى رسول الله صاحب الحق والشفاعة

راجل صعيدى يقول...

هههههههه والله فكرتينى بنفسى كنت للأسف دايما أعتقد أنى صح ويمكن ده لانى أتعلمت التدريب على يد أستاذ فى مصنع من أكبر مصانع مصر وفيه حوالى 12 الف عامل فطبعا لما جيت أسيوط كنت أول واحد يدخل أدارة التدريب وبوظيفة مدير تدريب وبالتالى كل اللى أتعينوا بعدى كانوا موظفين ولكن للأسف كنت دكتاتور وانا دايما اللى صح وماكنتش احب حد منهم يناقشنى .. بس بينى وبينك والله لما كنت بقعد مع نفسى والاقى أن رأى غير صح كنت بنفذه وكمان كنت بقوله انته صح .... ربنا يوفقك ونشوفك مديره أد الدنيا يا طيبه ... على فكره عمرى ما حطيت رجليه على المكتب غير لما بتكون الساعه وصلت مثلا 7 او 8 بالليل ومافيش حد حتى الموظفين يكونوا روحوا بيوتهم وأنا كمان أكون هلكت من التعب ... والله زمان يا اليس .. الا ليت الشباب يعود يوما فأخبره بما فعل المشيب .. مع خالص تحياتى .

راجل صعيدى يقول...

الى الاخ ( حواديت )
لا تعليق .....................ولكن هناك دعاء يقول ( اللهم لا تؤخذنا بما فعله السفهاء منا وأعفو عنا وأرحمنا أنت مولنا فأنصرنا على القوم الظالمين ) الحديث الذى ذكرته المقصود به أن يكون الانسان يتعمد الخطأ فى حق الله وليس التعنت فى فى فرض أسلوب عمل أو أتخاذ قرار يرى هو أنه صواب ويفيد العمل .... وبالنسبه للدعاء الذى ذكرته فى أول حديثى لفأنا لا أعرف لماذا ذكرته وكل ما أرجوه هو أن أكون أنا مخطأ مش عارف ليه أنته بتفكرنى بشخص ما ؟؟؟؟؟؟؟

حـــواديت يقول...

السلام عليكم ورحمه الله

حضرة الاستاذ:/ مدحت
المحترم
تحية طيبه وبعد

اولا احب ان اشكرك على اعتبارى اخ لك فما اجمل وارقى معانى الاخوة ان كانت صادقة
ولو لاحظت فى مدخلاتنا السابقة عندما كنت اتحدث بنقاط خاصة فى مجال العمل مع الدكتوره اليس انى قد استخدمت عبارات واضحة جدا فالجزء الذى يخص الحديث عن سيادتكم ( منها على سيبل المثال الاخ الاكبر لنا حضرة الاستاذ ) واكثر من مرة واعتقد ان ذلك هو اقل تقدير لمن هو اكبر سنا ولم اكن ابالغ فهذا هو ما علمنى ابى (رحمه الله عليه وعلى كل المسلمين) وربانى عليه .. وكما ربانى وعلمنى السوق ومجال التجاره ايضا ان احترام كيان الاشخاص من حولى هو جزء من احترامى لنفسك ومكانتى حتى تظل عاليه ما بين الناس

اما بعد فهذة المرة فقد وجهت الرساله لى انا تحديدا باستخدام النداء او بمعن ادق باستخدام (الى )
ثم بعد النداء لا تعليق و ....

وبالرغم من انى لا اعرف لا تعليق على ايه بالضبط وما هو مكان الـ.....
ولكن اود اشكرك على تذكيرى (انا تحديدا) وتنبيهى لهذاالدعاء
حتى وان كنت لا تعرف لماذا ذكرته كما ورد على لسان شخصكم الكريم

ويشهد الله انى لا اعلم ايضا ماهو الرجاء الذى تتمنى ان تكون مخطاء فيه ؟ ارجو التوضيح لو مكن

اما بخصوص الشخص الى انا بفكر بيه فيارب يكون الشخص ده مكانه عندك رفيع وغالى او على الاقل موضوع فى مقام الناس المحترمين

وشكرا جزيلا لك على توضيحك وتفسيرك للحديث النبوى وما المقصود بالخطاء والانسان الخطاء واسمح لى ايضا ان لم اكن اثقل عليك ان تقول لى فى كتاب او مصدر يوجد هذا التفسير ؟ جزاكم الله كل خير

والان لك منى شكر خاص على شىء جديد بعد هذا الحوار لانك اوحيت لى الان بالحديث المفصل عن الفرق ما بين المدير العربى والمدير الاجنبى وخاصه فى نقاط التعنت تحديدا والصفات الشخصيه لهم والفرق بينهما

حيث انى انا ايضا قد تعاملت مع مدراء اجانب ولكن سنوات وليس (13 شهر) ومن جنسيات مختلفه ومتعدده داخل مصر وخارجها
_______

الى الاخ ( حواديت )
لا تعليق .....................ولكن هناك دعاء يقول ( اللهم لا تؤخذنا بما فعله السفهاء منا وأعفو عنا وأرحمنا أنت مولنا فأنصرنا على القوم الظالمين ) الحديث الذى ذكرته المقصود به أن يكون الانسان يتعمد الخطأ فى حق الله وليس التعنت فى فى فرض أسلوب عمل أو أتخاذ قرار يرى هو أنه صواب ويفيد العمل .... وبالنسبه للدعاء الذى ذكرته فى أول حديثى لفأنا لا أعرف لماذا ذكرته وكل ما أرجوه هو أن أكون أنا مخطأ مش عارف ليه أنته بتفكرنى بشخص ما ؟؟؟؟؟؟؟

_______

حـــواديت يقول...

اخى الاكبر الاستاذ :/ مدحت

حياك

فى انتظار ردكم الكريم على ما ورد من نقاط واستفسارات قد تم طرحها


واسمح لى ان اضيف اليهم نقطة جديدة هنا هذا التعليق

بناء على ماسبق من كلام قد تفضلت سيادتكم بالقول
(( الحديث الذى ذكرته المقصود به أن يكون الانسان يتعمد الخطأ فى حق الله ))

والحديث النبوى لسيد الخلق صل الله عليه وسلم يقول ( كل ابن ادم )
فهل معنى هذا ان كل ابن ادم او الانسان كما ذكرت يتعمد الخطاء فى حق الله ؟؟

ارجو التوضيح لهذه النقطة ايضا بالاضافه لما سبق طرحه من استفسارات
واين وجدت هذا التفسير وفى اى مرجع او عند من لفقهاء العلم ؟
شكرا مقدما وجزاك الله خيرا لتصحيح معلومتنا

أميرة يقول...

هو في ايه ؟؟

أميرة يقول...

لا بجد في ايه؟؟ مش فاهمة حاجة من كلامكم و المرة دي بيتهيألي انه العيب مش مني يعني انا مركزة اهو قرأته اكتر من مرة وبردة مش فاهمة

بس شكلها كده قالبة سوء فهم لحاجة ..

حـــواديت يقول...

والله يا اخى لم استطع الصبر ( رغم ان هذا على عكس طبيعتى ) ووجدت عقلى مشغول جدا بكل كتاب للصالحين او بكل مكان يمكنى ان ابحث فيه عن تفسير لهذا الحديث خاصه بعد ان وجدت سؤال جديد يطرح نفسه فى عقلى
ان كان ( كل ابن ادم ) او فى رواية اخرى ( كل بنى ادم ) فهل معنى هذا ان الكلام ايضا يشمل الانبياء والرسل والصالحين ومن رحمه ربى واصطفاه ؟؟؟

بجد سؤال غريب لى ومحير !!!
حوالت البحث لتفسير منطقى واجابة لما يدور فى عقلى فوجدت هذة الوصله فاحببت ان اطرحا هنا الى ان يا تى ردكم الكريم
( ملحوظة لم اطرح هذا الموضوع لمجرد للنقاش والجدل )ولكن ادهشنى ما لديك من تفسير


http://www.ghrib.net/vb/showthread.php?t=21586


والان الى ياتى ردك الكريم بتفسير ماهو غامض على عقلى اسمح لى الاستاذن للراحه والنوم لانى فى حاله اجهاد شديد جسدى وعقلى من سكه سفر من ظهر يوم امس لظهر اليوم

وفقنا الله واياكم ورزقنا صالح الاعمال

حـــواديت يقول...

يا اختى الغالية اليس اعزك الله

فيه كل خير باذن الله

انا كنت بحاول اوصل لك المعنى بكل بساطة ووضوح ان مش لازم دايما يكون الى قدام هو الى صح لمجرد انه مدير او صاحب سلطه على ارزاق الناس لقيت موجه لى الرد الى انتى شيفاه ده (

سامحينى ان كنت ضايقتك بوجودى فى مدونتك

أميرة يقول...

مهو علشان كده بقول في حاجة اتفهمت غلط اكيد

لعله خير ان شاء الله

اما موضوع المدير دا .. فلا تعليق ..

قالولك زمان اربط الحمار مطرح ما يعوز صاحبه

المصيبة ان صاحبه فاكر ان في حمار اصلا يتربط !!!!!!

حـــواديت يقول...

هههههههه
ههههههههههه
تقصدى ان المثل بيقووول اربط الحمار مطرح ما اخوه يحب
طب مش هنام بقى )))
ضحكت ياليس بعد المثل ده ونسيت
طب سيبك من المدير ان صح او غلط وما علينا مين رابط مين وبرضو مش مهم طبق السلطه ))

اما بقى بخصوص الرمان
ف لسه فيه رمان (( خام)) فى بعض تلاجات التخزين
وكيلو التلاجات الخام دلوقتى يااليس واقع بحوالى 4.5 جنيه مصرى وفاضل كميات قليله جدا جدا كانو مخزننها الجماعه بتوع البدارى - اسيوط فى تلاجات بحرى هنا
مع انى النهارده الصبح لما كنت فىاسيوط سمعت ان عمده من عمد البدارى لسه شايل كام طن فى منطقه اسمها ساحل سليم بس ده مجرد سمع

عموما انا كان بدايه واصل شغلى زمان من الرمان يعنى لو احتجتى معاى سكته

أميرة يقول...

لا حدوتة الحمار دي كبيرة بردة فخليها مرة تانية



انا بسألك علي الرمان علشان اتكعبلت الصبح في معلومة ان المفروض يعني ان دا مش وقته ان اللي مخزنه يبقي شايل مصيبة لانه جودته بتقل مع الوقت وكمان سعره دلوقتي قليل اوي وخصوصا مع الجودة القليلة...

انا عارفه انه له سكك كتيرة بس بصراحة كمواصفات فنية بيتهيألي اللي ملوش في السكة دي ميخاطرش ويمشي فيها

التخصص في الحاصلات البستانية بجد بيفرق بدل ما تلاقي روحك في كل حاجة او اي حاجة ولا حققت حاجة في اي حاجة .. كمزارع ومصدر .. لو مصدر بس وعارف اولها واخرها فين هتجيب البضاعة مفروزة ومعبأة وما عليك الا النقل والشحن .. بس بردة يكون عن علم ... مش مودينا ورا الا حاضر وتمام يا افندم ولا دا فاهم ولا دا فاهم


شفت حد يشتري محصول من غير ما يحلله ولا يعرف هيبيعه لمين وفين و تقولي مطرح ما يعوز اخوه ... دي مهزلة

حـــواديت يقول...

(( شفت حد يشتري محصول من غير ما يحلله ولا يعرف هيبيعه لمين وفين و تقولي مطرح ما يعوز اخوه ... دي مهزلة))

_____

اه شفت ))
وشفت بعينى كمان محدش قالى
بالمناسبة الرمان من الحاصلات التى بتفقد نسبة كبيرة اوى من وزنها جوة التلاجات ممكن لو عمليه التخرين فى التلاجات طولت وعلى درجه تبريد اعلى حتى لو درجه او اتنين فى خلال شهور معدوده يقل الوزن لنسبه ممكن توصل للتلت .. وحضرت مشلكه كبيرة بعينى من حوالى سنتين كده لناس كانت مخزنة غلط فى التلاجات لدرجه ان فرق انكماش بس فى الاوزان عمل فرق فلوس حوالى 180 الف جنيه ومازالت المشكله دى قايمه ما بينهم حتى الان وكل طرف فيهم بيرمىالغلط على الطرف التان علشان يحاول يطلع باقل الخساير حتى لو حساب ضميرة

اما بقى حكايه حد بيشترى زرعه من غير يعرف هيبع لمين ولا ازاى وامته دى (سوالك )... فكان فيه واحد زمان ولولا اننا على العام كنت زكرت اسمه هنا بس اعرفه شخصيا واكن له جواى تقدير واحترام الراجل ده يا اليس كان بيشترى كل زرع الرمان على الشجر قبل الموسم (( بنظام البيع كلاله )) عارفه يعنى ايه كل الزرع
وبالنسبه تجاره الرمان فى مصر علشان متركزه حوالين البدارى واسيوط فكان لغايه كام سنه من قريب اوى ليها نظام مخصوص
لدرجه انى كنت اسمع عن الراجل ده زمان حكاوى كده مش شبه احتكاريه وبس حكايات قريبه من حديد عز ))
دلوقتى لو تشوفى حاله وهو مش لا قى حق الدخان حتى بعد ما كل حاجه عربيته اصبحت الحكاية مجرد زكريات

حـــواديت يقول...

يعنى بتعبير اوضح كده او حسبه تانيه عند هو مش مهم يشترى قد ايه ولا هيبع لمين ولا هيصدر قد ايه ولا حتى صدقينى مهم عندو هيتفضل اخر الموسم زرع قد ايه
كان كل المهم عندو ان البيع والشراء فى السلع دى فى السوق ( حتى الفرز كمان) تتم عن طريقه هو
هو بس ولا ينفع يكون غيرو فى زمنه
هو وبس الى يمسك سعر فى السوق
سعدته وبس الى يحدد ويقول الحاجه دى بكره بكام ))
ومش فاكر قبل ما يقع ابنه بيقولى بابا سجل مصدريه رقم كام وستين فى مصر
بابا يعنى الرمان
بابا كاناول المصدرين الى اتعاملو مع الشرباتلى
لو شوفيته يا اليس دلوقتى يصعب عليكى والله تيجى عليه حتى فى حق كوبايه الشاى
سبحان الحى القيوم مقسم الارزاق امنت بالله

أميرة يقول...

السلام عليكم ورحمة الله وبركاته

لا حول ولا قوة الا بالله العلي العظيم .. سبحان المعز المذل

يا رب لا تكتبها عليناابدا .. "من جار علي شبابه ،جارت عليه شيخوخته"

اخرة التجبر والطغيان اكيد وحشة .. اللهم لا شماتة .. مش الراجل دا وبس .. في زيه كتير عرف سكة فلوس كتيرة اوي في السوق دا و كانت اخرته زيه كده .. بس لو الناس تاخد عظة و تتعظ من اللي سبقوها واللي بتقابلهم في حياتهم .. ربنا يسترها معانا ويلطف بينا يارب


الا حضرتك كنت تقصد ايه بحكاية مسك سجل مصدرين علشان بصراحة مفهمتش الا ان يبقي عندي واحد باسمي بس لقيت الكلام مش راكب كده بردة !!

أميرة يقول...

أقصوصة :

معلش أخرت ردك .. معذرة :)
ربنا يوفقك ولا يرزق بمدير بيطبق المثل دا ابدا .. ولا يأمر عليكي ظالم :)

أميرة يقول...

حواديت


علي فكرة محدش بيشوف نفسه غلطان .. خصوصا في قرارات العمل .. كل واحد بيتمسك برأيه ومعتبر نفسه هو الوحيد اللي فاهم و يا تنفذله رأيه يا تشوفلك حتة تانية تنفذ فيها افكارك !!

راجل صعيدى يقول...

السلام عليكم ورحمة الله وبركاته,,,
الاخ الاستاذ حواديت ده لو سنك فوق 38 والابن الاستاذ حواديت ده لو سنك أقل من 38 .... أنا لا أدعى العلم ولك أستفتيت قلبى فالتوبه تكون فقط فى حالة معصية رب العزه وعلى هذا رديت عليك ..و انا لا أرغب هنا أن نطيل الحديث فى جدل ليس مكانه هذه المدونه التى لها فى نفسى مكانه خاصه جدااا .. فإذا كنت ترى أنى مخطئ فى كلام معين كتبته فلك أعتذارى ... وكفى الله المؤمنين شر القتال ... ولى ملحوظه خاصه بشغلك وفقك الله فى تجارة الرمان ومدام بتذهب الى البدارى فى أسيوط فأعتقد أنك تذهب الى جزيرة البدارى وآل شعيب أرجو من الله أن تجمعنا الصدفه هناك وعندها أتشرف أن أقوم مع سيادتكم بالواجب خالص تقديرى وأعتذارى .
مدحت

حـــواديت يقول...

السلام عليكم ورحمة الله وبركاته,,,

((( الاخ الاستاذ حواديت ده لو سنك فوق 38 والابن الاستاذ حواديت ده لو سنك أقل من 38 .... أنا لا أدعى العلم ولك أستفتيت قلبى فالتوبه تكون فقط فى حالة معصية رب العزه وعلى هذا رديت عليك ..و انا لا أرغب هنا أن نطيل الحديث فى جدل ليس مكانه هذه المدونه التى لها فى نفسى مكانه خاصه جدااا .. فإذا كنت ترى أنى مخطئ فى كلام معين كتبته فلك أعتذارى ... وكفى الله المؤمنين شر القتال ... ولى ملحوظه خاصه بشغلك وفقك الله فى تجارة الرمان ومدام بتذهب الى البدارى فى أسيوط فأعتقد أنك تذهب الى جزيرة البدارى وآل شعيب أرجو من الله أن تجمعنا الصدفه هناك وعندها أتشرف أن أقوم مع سيادتكم بالواجب خالص تقديرى وأعتذارى .
مدحت )))

_________


وعليكم السلام والرحمه والاكرام

الله الله على الكلام الحلو ده يا عم مدحت الى لازم النفوس تصفى وتروق بعد ما تسمعه وتخلى حتى العتاب من بعده مالوش لزوم ودمه تقيل كمان )))

يمكن انا بس استغربت معنى النداء والكلام كده مش اكتر معلش سامحنى عندى انا دى .

ومع ان فى بدايه تعارفى كنت اقول لك حضرة الاستاذ الاخ الاكبر لنا ...
فدلوقتى اسمح لى ان اقول الاخ الاكبر بعقلى والاب بسنى ولا حرج فى هذا لاسباب شخصيه بى اتذكرها دائما وهى ان احترام الكبير واجب وجزء من احترامى لنفسى
( همسه فى اذنك اخى الكريم فى السنوات الاخيرة وجدت معظم اصدقائى الحقيقين متوسط اعمارهم فى سن الخمسين تقريبا )
والله اعلم بما كان يدور فى نيى عندما اردت ان اذكر نفسى امام اليس بهذا الحديث النبوى الشريف كنوع من الصبر على الامور
وصدقنى يسعدنى ويشرفنى ان ادخل كل بيت من بيوت ال شعيب ويشرفنى ان اكون ضيفا فيه او كما يقولون الناس فى البلد (الشعيبة).. هذا شرف لى يا ال الكرم . وبعيدا عن التجاره وامور البيع والشراء كم كان يعجبنى جدا السلوك الشخصى لاحد كبار الناس فى هذاالبيت وتمنيت ان يعطينى ربى صفات الكرم والجود مثل هذا الشخص (مجرد امنيه)
اما الان يا اخى الكريم فانا لا اعمل فى تجاره الرمان حتى لو معاى سكتها وكما ذكرت لاختى اليس فى اول كلامنا سابقا انى اعمل فقط بنظام الطيران وبكميات قليلة جدا كمان والحمد لله على كل حال .
ودلوقتى فعلا حسيت انى كسبت اخ وصديق
دمتم سالمين

حـــواديت يقول...

اختى اليس اعزك الله
بعد السلام والتحية


(( حواديت
علي فكرة محدش بيشوف نفسه غلطان .. خصوصا في قرارات العمل .. كل واحد بيتمسك برأيه ومعتبر نفسه هو الوحيد اللي فاهم و يا تنفذله رأيه يا تشوفلك حتة تانية تنفذ فيها افكارك !! ))

____

ده صحيح فعلا وزى ما المثل بيقول كل واحد دماغه مريحاه )) .. ومع اختلاف طبعايع الناس وانواعها وعقولها فيه فعلا بعض بتراجع نفسها لما تحس انها غلطانه وده على ما اعتقد انه بيكون نوع من انواع القوه للنفس ومواجهتها
عموما مش ده الى يهمنى انه يشوف نفسه غلطان ولا او حتى يراجع نفسه ولا يصر على التعنت وما هو عليه من معامله واسلوب لموظفينه ... المهم والى انا كنت اقصده فى اول كلامى الطرف الى قدامه ( فى الحاله دى المغلوب على امره طبعا ) الموظف او المرؤس حتى لو كان الرد اجبارى وسمعا وطاعا للتعليمات والاوامر بس لازم وقتها يتذكر ان المدير ده بشر مهما كانت خيرته وتجاربه فى مجال العمل او الحياه
بالعكس والله يا اليس فى بعض المواقف بيصعبو على كمان وبلتمس له جواى الف عزر وعزر واقول لنفسى اكيد المعامله دى بتكون نتيجة ضغوط خصوصا لو المدير او صاحب القرار ده هو نفسه صاحب راس المال ..


______________


((( الا حضرتك كنت تقصد ايه بحكاية مسك سجل مصدرين علشان بصراحة مفهمتش الا ان يبقي عندي واحد باسمي بس لقيت الكلام مش راكب كده بردة !! )))


وليه بس مش راكب ؟؟ هو ده فعلا المقصود بامساك سجل المصدرين انه يكون باسمك الشخصى او باسم شركتك او المكتب

والمصطلح ده مستخدم مثلا فى المجال المحاسبى او المحاسبة عندما يقولون ( امساك الدفاتر ) كتعبير مجازى يدل على عمليات التسجيل المحاسيبه فى دفتر اليوميه ودفتر الاستاذ ... الى ميزان المراجعه والميزانيه العمومية

اما عن سجل المصدرين اكرمك الله فبعد استكمال الاجراءات وما يلزم فيكون الشخص قد امن نفسه من بعض حيل التلاعب وحمايه راس المال على سبيل المثال فتح الاعتماد المستندى مثلا المعزز
ومزايا اخرى عديدة ... وبالمناسبه يا اليس الى ضيعنى بجد ان كنت بشتغل بسجل غيرى لان السجل موجود وتحت امرى

وسامحينى لو مكنش عندى قدره على توصيل المعلومه )

أميرة يقول...

لو قلت اني فهمت قصدك اوي ابقي مش بقول الحقيقة ...

دلوقتي اللي فاهماه انت تقصد اعمل سجل مصدرين باسمي انا .. خاص بشخصي انا .. تقصد اعمل بيزنس خاص لي يعني ولا انا كده فهمت غلط بردة؟

ولو دا اللي تقصده .. يبقي انت اخدت فكرة عني غلط خالص :) انا لا لي في تجارة ولا اعرف اسلك فيها اصلا .. وهبقي اول الي هيقعدوا علي الرصيف وايدهم علي خدهم :)

بارك الله في القليل .. وربنا يديمها نعمة

أميرة يقول...

واذا كان قصدك علي مكان عملي .. فعندهم اكيد

راجل صعيدى يقول...

الابنه الطيبه,,,
أستميحكى عذرا فى الرد على الابن حواديت الحمد لله على كل شئ والحمد لله أن سؤ التفاهم لا يستمر فى هذا المكان سوى لحظات .
كنت أتمنى فعلا أن أتشرف بمقابلتك فى البدارى بس واضح أنك تعرف العائله أكثر منى ( بس أنته مجامل شويه لكن الف شكر ) ومين عارف يمكن تطلع فى مخك تبعت عربيه تلاجه الموسم اللى جاى ويكون لى شرف استقبالك وفقك الله لما يحبه ويرضاه .
عمك مدحت

حـــواديت يقول...

((( دلوقتي اللي فاهماه انت تقصد اعمل سجل مصدرين باسمي انا .. خاص بشخصي انا .. تقصد اعمل بيزنس خاص لي يعني ولا انا كده فهمت غلط بردة؟

ولو دا اللي تقصده .. يبقي انت اخدت فكرة عني غلط خالص :) انا لا لي في تجارة ولا اعرف اسلك فيها اصلا .. وهبقي اول الي هيقعدوا علي الرصيف وايدهم علي خدهم :)
)))

_______

يااااااااااااه
اهو انت كده بتاكدى لى انى فاااااااشل
فاشل فاشل فاشل فى توصيل المعلومه من اول مرة ولا حتى تان مره ))))

ياليس شوفى الكلمه دى اتقالت امته وفىاى وقت فى الحديث بينى وبينك رجاء مراجعه الكلام
هو فعلا الى كان مقصود باسمك ولما عرفت وفهمت من اول مره انك معندكيش رغبه فى كده خلاص مات الكلام
ولما انت سالتينى تان النهارده يعنى ايه امسك سجل مصدرين كررت الكلام من اول وجديد مع انى فهمت خلاص انك معندكيش اى رغبه فى انك تعملى شغلك لحسابك ولا حتى كشريك مع حد
مش ده كان كلامك برضو ؟؟

حـــواديت يقول...

(( الابن حواديت الحمد لله على كل شئ والحمد لله أن سؤ التفاهم لا يستمر فى هذا المكان سوى لحظات .
كنت أتمنى فعلا أن أتشرف بمقابلتك فى البدارى بس واضح أنك تعرف العائله أكثر منى ( بس أنته مجامل شويه لكن الف شكر ) ومين عارف يمكن تطلع فى مخك تبعت عربيه تلاجه الموسم اللى جاى ويكون لى شرف استقبالك وفقك الله لما يحبه ويرضاه ))

________

انا فعلا اعرف ناس من العيله واكتر حاجه حسيتها من معاملتهم انهم فعلا ال كرم
بالمناسبة .. لو على براد واحد او العربه التلاجه فدى مش لازمة انى ابعتها البدارى عندى الحاج حسين تمام هنا وجنبى برضو فى القاهره والزرعه بتاعته بتتخزن فى تلاجات بحرى
اما عن الشغل فى موسم الرمان لما اتعلمت الشغله دى كنت مع صديق بياجر كام فدان كده فىارض الجزيره
وصدقن مش كلام مجامله ال شعيب لهم مكانه فى قلبى ربنا يديم المعروف والحب

حـــواديت يقول...

اخوانى الكرام

عندما كنت مهتما بالعمل والتجاره فى سوق المال ( او ما يطلق عليه الكابيتل ماركت ) ... فقد وجدت احد الاشخاص يكتب من وجه نظره الشخصية الفرق ما بين المدير العربى والمدير الاجنبى
هى مجرد كلمات فى محور الموضوع على سبيل روح الدعابه والمرح والبسمة التى احيانا قد نفتقدها مع ضغوط الحياه
فقد وجدتها هنا قد تدعو للابتسامه فاسمحو لى بنقلها والاقتباس :--


الفرق بين المدير الغربي و المدير العربي

المدير الغربى : يسعى لتثبيت قدم الشركة
المدير العربى : يسعى لتثبيت قدمه في الشركة

المدير الغربى : يحترم آدمية الموظف
المدير العربى: لا يعرف يعني ايه آدمية

المدير الغربى: يبدأ كلامه بجملة "أنا اعتقد"
المدير العربى: يبدأ كلامه بجملة "أنا قررت"


المدير الغربى: تتفانى في العمل يرقيك
المدير العربى: تتفانى في مدحه يرقيك

المدير الغربى: يضع لك خطة تتناسب مع قدراتك
المدير العربى: يضع لك خطة تتناسب مع خيالــــــــــــــــــــــــــــــــــــــــه

المدير الغربى: يثق فيك
المدير العربى: يثق في نفسه

المدير اجنبي: يتحدث معك بصراحة
المدير العربى: يتحدث معك بوقاحة

المدير الغربى: مسموح لك أن تشكيه
المدير العربى: مسموح لك أن تمدح فيه

المدير الغربى: يناقشك إذا طلبت الاستقالة
المدير العربى: يدفعك إلى الاستقالة


المدير الغربى: يعاملك حسب حالتك النفسية
المدير العربى: يعاملك حسب حالته المزاجية

المدير الغربى: يقول لك "Good Morning"
المدير العربى: يقول لك "انت جيت؟"

المدير الغربى : يفضل أن يمدحك أمام الاخرين
المدير العربى: يفضل أن تمدحه أمام الآخرين

المدير الغربى : يوم حلو .. يوم مر
المدير العربى : يوم مر .. يوم أمر


المدير الغربى : يراقبك
المدير العربى: يتجسس عليك

المدير الغربى: يطور أفكارك وينسبها لك
المدير العربى: يسرق افكارك وينسبها لنفسه

المدير الغربى : تطلب منه إجازة
المدير العربى: تترجى منه إجازة

المدير الغربى : يهنئك بالعيد
المدير العربى : يطلب منك العمل في العيد

المدير الغربى: يرى مستقبلك واعد
المدير العربى: يرى مستقبلك في ايده

المدير الغربى: يمسك أعصابه إذا اختلفت معه
المدير العربى: يمسك في زمارة رقبتك لو فكرت في الاختلاف

المدير الغربى: ينتظر سماع رأيك في العمل
المدير العربى: ينتظر سماع رأيك فيه

المدير الغربى: يثير أفكارك
المدير العربى: يثير أعصابك

المدير الغربى : يناقشك بالصوت
المدير العربى: يناقشك بالسوط

المدير الغربى : يريدك أن تقول "انا اقترح"
المدير العربى: يريدك أن تقول "انا أؤيد"

المدير الغربى: بيجيب مكاسب من أجلك
المدير العربى: بيجيب أجلك


المدير الغربى : كلمته زي السيف
المدير العربى: كلمته زي الزفت

المدير الغربى: يعاملك باللتي هي أحسن
المدير العربى: يعاملك باللتي هي في رجله




منقول مع تحياتي

أميرة يقول...

صح

أميرة يقول...

معلش انا مشفتش ردك عليا الا دلوقتي

ارجو المعذرة .. ومن غير مراجعة الكلام .. اكيد انت مركز احسن مني

حـــواديت يقول...

هههههههه
صح لسانك يااليس
يارب دايما بالف صحه وعافيه
اضحكى الدنيا حلوة مهما كان فيها
ويارب تكونو مسامحينى لو صدر منى اى كلمه كده

ملحوظه هامه:
كان سبب دخولى هنا فى الاول هو تفسير منطقى لموضوع الاسعار ده وبعد لما اتعاملت معاكم حسيت ان مكانى هنا
يارب ما اكون ضيف تقيل عليكم

رزقم الله بكل خير وحب وسعاده

أميرة يقول...

معنديش دليل بصراحة علي حلاوتها وعندي ادلة كتير علي وحاشتها .. بس الحمد لله علي نعمه التي لا تعد ولا تحصي

خد راحتك

حـــواديت يقول...

(( معلش انا مشفتش ردك عليا الا دلوقتي

ارجو المعذرة .. ومن غير مراجعة الكلام .. اكيد انت مركز احسن مني ))

___

من غير اعزار ومن غير مراجعه للكلام كمان ... معاكى الف عزر وعزر وليكى منى مليون تحية ...
اما حكايه مركز اكتر دى فاحب اكرر الاذهايمر المزمن خلص على واكل منى طبقات ))

حـــواديت يقول...

((( معنديش دليل بصراحة علي حلاوتها وعندي ادلة كتير علي وحاشتها .. بس الحمد لله علي نعمه التي لا تعد ولا تحصي

خد راحتك ))))

_______

تسمحى لى اختلف معاك المره دى ؟
المره دى وبس )
انا بقى عندى الف دليل علىحلاوتها مهما كانت فيها من قسوة فى بعض الاحيان

اكبر دليل هو وجود ناس تحب الخير تحب تساعد وتخدم لوجه الله .. ومش هقولك مين دوول طبعا )))

دليل كمان احلى واجمل ناس قلبوبها بتصفى وتروق بكلمه حلوه او كلمه طيبه
ناس قررت ترحب بى كضيف فى ارضها وبلادها لانى ضيف وهما مش عاوزين منى حاجه

لا لسه حلوه ياليس
وهيفضل فيها خير
وهيفضل الخير وفى لغايه يوم الدين حتى لو كان الوحش اكتر وهوالى ظاهر فى الزمن ده
بس برضو حلوه وحلوه اوى كمان

واختلاف الراى لا يفسد للود قضية

أميرة يقول...

يمكن

حـــواديت يقول...

الخير فينا وفى امتنا الى يوم الدين يا طيبة

وطالما بتقولى يمكن ولسه مصممه فاسمحى لى بقى بسوال مهم اوى
قررى تساعدى حد متعرفوش ليه ؟؟؟

لو لقيت الاجابه من جواكى بدور حوالين حب الخير ومساعده الناس فاسحبى يمكن دى ياريت

وخلينا نطلع خطوة لقدام بنفوس صافيه
الا قولى لى بمناسبه حلقه البحص او ورشة العمل تحبى نبدىء بايه ؟ الانكوترميز مثلا ؟ ولا UCP 600
فى دوره الاعتماد المستندية واعتمادات الجهوز ؟
ولا مثلا بتقديم صور حيه لمستندات وشهادات المنشاء والفروق بينهم ومزايا كل منهم ؟

أميرة يقول...

مش انا اللي هحدد اكيد

لو الحاجة اللي هتحددها عندي عنها معلومة اكيد مش هتأخر ان شاء الله

حـــواديت يقول...

(( مش انا اللي هحدد اكيد

لو الحاجة اللي هتحددها عندي عنها معلومة اكيد مش هتأخر ان شاء الله ))

____

اها فهمت
مع انك مسحبتيش يمكن دى ) ومع انى قصدت بورشه العمل او حلقه البحث شىء تان غير ان تكون عندك او عندى او عند اى حد حتى يقدر يفيد ويساعد ويوضح
وبما ان الامور لسه مش واضحه اوى فاسمحى لى بقتراح فى النقطة دى

من دلوقتى لبليل باذن الله لو ربنا يسير الامور واراد هكون صممت وعملت مكان مستقل عبارة عن قسم بداخله عده تصنيفات فرعيه وليه خريطة عامه تقدر تتعرف عليها عناكب البحث بسهوله زى جوجل مثلا
ويكون جوه التصنيفات دى او الاقسام الفرعيه كل قسم من اقسام علوم التصدير دى موجود فيها بعض المستندات او الخطوات والاجزاء العلميه مرفوعه وجاهزة للفحص والنقاش والتداول ما بين اصحاب الخبرات
مين عارف يمكن تبدء الورشه دى بشىء صغير او شخصين مثلا ومع الوقت والاخلاص فى توصيل المعلومة بشفافيه (على قدر الامكان) تلاقىها اصبحت كيان واتكونت فيها مجموعات ؟
محدش عارف الخير فين بس كده اعتقد وبعد الكلام ده ده بدايه الاوان لاول خطوة
الله كريم وهو المستعان على كل الامور
وميرسى على ذوقك

أميرة يقول...

ان شاء الله تطلع حاجة كويسة :)

ومين عارف يمكن لو فوقت يوما ما استغل اللي هيتحط فيها في الرسالة واهي تبقي جت مصلحة :)


حكاية يمكن دي اليومين دول مضلمة معايا فمش هشوفها غير يمكن... الله المستعان عليها و تتعدل ان شاء الله

هو ردودي تبان سخيفة انا عارفة بس مش قصدي ارد كده لو شفتها كده .. بس بردة في الخدمة عند الاستطاعة

حـــواديت يقول...

((( ان شاء الله تطلع حاجة كويسة :)

ومين عارف يمكن لو فوقت يوما ما استغل اللي هيتحط فيها في الرسالة واهي تبقي جت مصلحة :)


هنبدئها مصلحه من اولها بقى هههه
طب انوى انتى بس وشدى حيلك كده والى فيه الخير يكتبه ربنا
اما مساعدتك فوصلت من زمان يا اطيب الناس
________

((( حكاية يمكن دي اليومين دول مضلمة معايا فمش هشوفها غير يمكن... الله المستعان عليها و تتعدل ان شاء الله )))

المرة دى اترددت وانا بكتب السطرين دوول وقعدت اقول لنفسى يا واد مبتقاش حشرى وتتدخل فى الى ملكش فيه
وقبل ما اكتب قعدت اقول لنفسى اقول؟ لا مش هقول !! لا هقوول

عندى كلمتين كده بعيد عن الموضوع مجرد خواطر بدور فى دماغى يعنى مش اكتر ولا اقل بس هقول بقى ورزقى على الله ))

حكايه يمكن مضلمه معاكى اليومين دوول
ومش هشوفها غير يمكن !!! دايما النظاره السودا لما الواحد بيبص بيها بيشوف كل حاجه بالوان قاتمه اوى وساعات مش واضحه كمان ومع الوقت بتاثر على حالته النفسيه .. ايه الكلام الغريب الى بقوله ده
انا عارف انك حد بيحب ربنا اوى فعلشان خاطر ربنا يا طيبه بلاش النظاره السودا دى مبيجيش من وراه فرحه ولا بدخل نور ابدا ابدا
يا اليس فيه مثل معروف بيقول الى يشوف بلاوى الناس تهون عليه ...
مع انه مثل صعب حبتين بس فعلا هى دى الحقيه وهى دى الحياه . ايه بتقسى علينا شويه؟ بتحرمنا من ناس بنحبهم؟ بتالمنا وتجمع وتفرق؟ بتملانا اوجاع مع السنين والزمن؟ بنتغش فىالى حوالينا؟
كل ده معقول؟ وايه يعنى مش مهم برضو مش مهم مهما عملت فينا مهما حطت علينا برضو مصمم اننا نضحك ونطلع لها لسانا كمان ههههه مفهاش اى حاجه تستاهل طولها زى عرضها ومتفرقش فيها اى حاجه غير حدود الله
عارفه زمان حد من المدونين القدام الى هما محترفين كتابه بشل منظم واحترافى كان عندو رغبه شديده جدا انه يكتب حكايتى حتى لو باسامى مستعاره للاشخاص بس مكنتش حابب الموضوع ده خالص (
لدرجه ان كان من القريبين منى وقتها فى ظروف معينه يقولى طب بتقدر تستحمل كل ده ازاى كنت ارد والثقه مليانى وعلى ملامح ابتسامه هاديه واقول لو جابو مدفع علشان يضربو بيه جبل عالى وشديد برضو مش هيتهد يادوب بس يقدر يكسر منه شويه حجاره او يوقع شويه فتات فاعتبرت ان قسوة الحياه فينا هى المدفع وحكمه وقضاء الله هى الجبل مع فارق التشبيه طبعا
وحمدت ربنا الف مره وكنت اقول سبحان الذى يغير ولا يتغير سبحان الحى القيوم الى يبدل ما فىالقلوب ويملاها خير وحب ورحمه من عنده
وزى ما بقولك كده كل واحد فينا كناس فاكر ان هو بس الى عندو اقوى المشاكل والالم ولما يدور حواليه لو هو عاقل هيقول الحمد على حكمته فى خلقه وفىالكون من حوالينااا . ولما بنسلم بقضاء الله بنضحك من قلوبنا وبنرتاح اوى من جوانا

ودلوقتى بقى اقعد اشتغل انا وابعد ولا ايه؟ اكيد بعد تشجيعك وكلامك الحلو ده هتكون بشاير لحاجة حلوه ))

أميرة يقول...

الحمد لله رب العالمين الف حمد وشكر لله .. مش بشتكي انا .. انا بس ببرطم

جزاك الله خيرا مرة تانية علي التذكرة.. ومتخافش مش لابساها سودة ولا حاجة بس اخدت عليها وخدت عليا بس انا مش مجمعة اوي اليومين دول

هو الكلام ساعات لونه اسود وهو كاروهات من دا علي دا .. ربنا يصلح احوالنا جميعا

ومتشكرة علي المساندة .. و ان شاء الله تطلع شغل كويس ينتفع بيه الناس

راجل صعيدى يقول...

يارب خير ,,,,
كتبت أربع تعليقات عندك وما سمعتش رد منك ... خير أن شاء الله .

أميرة يقول...

هنغالط في العد كده من اول النهار؟؟

هو تعليق واحد اهو اللي لي .. و معلش مردتش امبارح كده مكنتش مركزة اني مردتش لسه ..

معرفش اكون المدير دا بصراحة .. منفعش بمعني ادق .. مش هيهون عليا اعمل كده في موظف تحت ايدي .. معاملة سيئة من اجل انه يفضل فاكر اني مديرته وابقي نسخة من المدير العربي زي ما ذكره حواديت كده !!

مش هعرف ابقي كده حتي لو حاولت .. هفشل .. ومش هقدر ولا هستحمل واحد يدعي عليا في يوم لو اخدت قرار يظلمه او معرفتش اجيبله حقه مغتصب منه ..
علشان ذقت طعم الظلم مقدرش اقعد مكان الظالم

هو له حساباته وانا مش هكون هو ابدا وهو يتحمل يقف قدام ربنا وهو واكل حقي .. بس انا مقدرش اتحمل مجرد خاطر يخطر علي بالي عن وقفة زي دي.. ربنا يكفيني شر دا كرسي

Gannah يقول...
أزال أحد مشرفي المدونة هذا التعليق.
راجل صعيدى يقول...

صباح الخير وكل حاجه كويسه فى الدنيا دى ..
اولا يا بنتى انا قلت انى كنت متعنت فى التمسك بقرار او رأى فى تنفيذ العمل بطريقه ارى انها صحيحه وتصب فى مصلحة العمل لان فارق الخبره بينى وبين اى موظف آخر فى الاداره حوالى 17 سنه .. ثانيا حاشا لله أن أظلم احد أو تلاقينى كنت اشيل قرش واحد من حافزه الشهرى غير لما أجيبه وأقوله انا شلت عشان حصل منك كذا خطأ فى الشغل ولم اكن اقول معرفش يمكن رئيس القطاع اللى عملها او رئيس الشركه فأنا جربت الظلم عشان كده اعتقد والحمد لله رب العالمين ما ضلمتش موظف لا فى تقرير اداء ولا فى حافز شهرى لأن كانت عندى الشجاعه الادبيه انى اواجهم ... وزى ما كتبت كان ممكن واحد يقترح رأى وأرفضه لكن عندما كنت اقعد مع نفسى الاقى انه كان صح فارجع عن كلامى .
مش معنى كده أنى مثالى فالكمال لله وحده بالعكس كنت عصبى جدااا وصوتى عالى للاسف فى الشغل ...... وأخيرا انا عارف انك مدووشه فى شغلك بس حبيت انكشك شويه ربنا يكرمك يابنتى .

أميرة يقول...

جنة

حمد الله علي سلامتك يا دكتورة

سامحيني اني مسحت التعليق .. طولتي الغيبة انتي و مجاتش فرصة افهمك حاجات مش فاهماها .. بجد متزعليش اني مسحته بس عندي عذري وعذر قوي

بخصوص تعليقك في الجريدة .. فاكرة اننا اتكلمنا مرة عن كتابتك لتدوينة في الموضوع دا بدون الاشارة للمجموعة ؟ و فاكرة مخاوفك وقتها ؟
اذا كنتي قدرتي تتخطي المخاوف اللي كانت في بالك وقتها .. فانا اول المشجعين :)
وان فكرتك انا دلوقتي بالمخاوف دي .. فعايزة اقولك ان الفترة اللي انتي غبتي فيها دي انا زادت قناعتي بالموضوع دا اضعاف ما كانت .. وبعد ما نشر الموضوعين اللي علقتي انتي عليهم .. و بعد ما شفت تعليق الدكاترة عليه .. بجد حسيت احساسهم انهم اد ايه محتاجين يد العون من كل الناس .. انتي الوحيدة اللي هتفهمي انا اقصد ايه .. وكان ليكي رسالة خاصة هناك ياريت لو تقريها وتردي لو تحبي..

في كل الاحوال .. انتي عارفة اني اونلاين علي طول :) اي وقت عدي يعني :) ليكي وحشة يا دكتورة .. ربنا يديم المعروف يارب

أميرة يقول...

الله يسعد صباحك

بردة مازلت عند رأيي الي قلته من شوية .. مسئولية و تحمل شروطها مش مناسب لشخص زيي ..

لو انت حسيت بالموظف اللي تحت ايديك .. اكيد هتحاول تجيب حقه .. دا لو يهمك الموظف دا انه ياخد حقه و يشتغل وهو مرضي و مرتاح .. دا لو حسيت بيه

لو محستش باه هيبقي الوضع هو اللي انا اتكلمت عليه .. وربنا يكفينا ما في هذا الوضع دا من سوء !!

حـــواديت يقول...

السلام على من اتبع الهدى
سلامٌٌ سلامُُ

فى اول ايام الشباب كنت بحلم بالمدينه الفاضلة بتاعت افلاطون العالم المثالى لان للاسف جواى ومازل صراع نفسى شديد سميته جوه خيالى ( حقوق الناس ) ...
وفىالعالم بتاعنا احنا اااااه من الناس ومن ظلم الناس للناس فى حقوق الناس وحقهم فى تعبهم وشقاهم

روحت لطشت اسف قصدى اقتبست من الجيران السطرين بتوع المدير العربى والمدير الغربى دووول علشان نقراهم سوا بصوت عالى ده على اعتبارها طبعا نوع من الدعباه او الكومديا الساخره حتى لو السطور دى فيها جزء ملموس من الواقع وموجود .. بس للاسف مش كل الناس بتكون رودود افعالها فىالمواقف دى زى بعض يعنى مثلا مثلا يعنى)) واحد مجنون زى حالاتى لما المدير بتاعه الصبحيه يقوله ( انت جيت يا منيل ) ممكن يكون ردى عليه لا يتوقعه على الاطلاق ومش بالكلام وبس ده حتى لو كنت بجرى على يتامى او كوووم عيال (( والف حمد وشكر ليك يارب انى لا متجوز ولا ناوى ولا حتى عندى عيال)) ... هييييه ادى حال الدنيا وفى الشعب الفرعونى ده ( -الى ميخافش غير من المفترى والقادر والجبار- ) اعرف اخو واحد صاحبى ودى حصلت بجد راجل موظف حكومة محترم المدير بتاعه وصله في يوم من كتر الى شافه منه انه قفل عليه مكتبه بالمفتاح وكان عاوز يضربه بالنار هههههه والاغرب والاغرب من كده كمان ان بعد الصلح فى محضر الشرطة ( لما اقنعو المدير ان الصلح خير علشان مفيش شهود وكان الباب مقفول ) ان بقى المدير ده لما يتكلم مع الموظف يقوله ساعتك او حضرتك يا استاذ فلان ممكن لو معندكش مانع وبعدين يبدء فى الكلام... والمدير مع الموظف ده بالذات بقت طباعه كالمدير الاجنبى تمام ولو شفتم الموظف ده بشكله وطوله وملامح الاطفال الى مرسومه على وجهه بالكتير يعنى تدوله شوكلاتيه وتقولو له روح يا حبيبى العب مع الاطفال
عجبى عليكى يا دنيااااا

أميرة يقول...

وعليكم السلام ورحمة الله وبركاته

لو بنتق الله حق التقوي هنبقي في المدينة الفاضلة في الارض اللي خلقنا الله لإعمارها!!

بس بما اننا بيننا من لا يتق الله .. عادي باه تلاقي مدير زي دا وغيره وغيره ..و مش لازم مدير

اقولك حقيقة بجد شفتها في اكتر من حد

البشوات اللي لسه متخرجين ومتعينين علشان باباه مين ومامته في منصب ايه .. عندي كام نموذج كده معدوش علي تربية ان في كبير تحترمه .. ولو اكبر من بسنة او في مستوي الوظيفةو في ادب في الحوار و ان سكوت صاحب الحق مؤقتا عن حقه مش معناه انه سايبهولك .. بس الصغير دا شوية غبي .. فاكر روحه طالع كتف الكبير كده عادي من غير ما يقع .. اكيد هيقع ووقعته ساعتها مش هتبقي لطيفة .. بس العيب بصراحة علي الكبير اللي معلمهوش .. والمدير اللي سايبله السايب في السايب ..

نموذج المدير اللي بيمسح بموظفه الارض دا موجود في كل حتة وعندي منهم كتير
الناس بتسكتلهم علشان مضطرين يستحملوا الذل لاجل لقمة العيش علشان في بيت مفتوح لو النهاردة ثار لكرامته و ساب الشغل .. بكرة مش هيقول يا ريتني استحملت ولو حتي لحد ما الاقي بديل .. يمكن زي ما بتقول علشان مش متزوج او وراك مسئولية بيت تصرفك تجاه المدير غير المحترم هيبقي تصرف غير تصرف اللي عنده مسئولية .. مش لازم علي فكرة اغلط فيه علشان احسسه انه صغير اووووي و ميستاهلش حتي كلمة صباح الخير .. في مليون طريقة تخليه يلزم حدوده و لا يتعداها تحت اي ظرف .. اغلط عاقبني .. وملكش عندي الا الادب والاحترام و شغلي يتعمل في ميعاده ويتقفل تمام .. غير كده ملكش فيه
دا اللي المفروض يمشي المركب .. بس لو وصلت لحد انه هيتعدي الحدود ولو بنظرة مش بس كلمة او فعل.. لا معلش تغور اللقمة اللي جاية باهانة .. وبردة بتكلم من برة .. لا ورايا مسئولية بيت ولا عيلة .. علشان قاعدة في بيت ابويا وبيتصرف عليا بردة مهما كنت بصرف علي نفسي... بجد الله الغني واللي يتكسر قدام حد بيعيش معاه اكتر من 18 ساعة في اليوم .. عمره ما هيعرف يرفع عينه في عين حد


نرجع بردة .. ان الاصل له عامل كبييييييييييييير .. اللي اصله (....) هيفضل كده وابن الناس بيعرف يعامل الناس باحترام وياخد منهم اللي هو عايزه وزيادة و من غير ما يكون ليها علاقة بالماديات حتي !!


 وللاسف الشديد
المفتري والمتجبر وقليل الادب هو اللي عارف ياخد حقه وزيادة ... دي الحقيقة اللي عايشينها.

أميرة يقول...

انا شفت "علم التصدير"

Incoterms 2000
جمعتها اه بس عايزين استفاضة كبيييييرة جدا .. انا عندي حاجات كتيرة اوي عليها بس افوق كده واكز و ادلك علي مكانها .... ويا حبذا باه لو مشيناها عربي علشان تكلم الناس اللي بتفهم عربي ومش مستنية تتعقد بالمصطلحات الاجنبية بدون داعي .. (مجرد رأي)

ربنا يجعله في ميزان حسناتك


*ملحوظة كده مش قادرة اسكت عنها .. الاقواس عندك بتتوهني جدا !!
ممكن الخريطة :)

أميرة يقول...

معلش لي تعليق تاني علي ال4 مجموعات

DDU
delivery duty unpaid
هي مكتوب عليها انها paid يعني كده عكس معني المصطلح .. او يمكن مكانها في الجدول تحتها مش فوقها ..

راجل صعيدى يقول...

صباح الخير وقبل النزول لصلاة الضهر ,,,
بجد تقريبا استوعبت جزء كبير فى طبيعة العمل بتاعكم من الprosedores الواجب اتابعها او السجلات او اسلوب وطريقة الشحن المناسبه ومتابعة السلعه المصدره حتى وصولها للعميل ..... مافيش حد منكم عاوز موظف عجوز بس اعتقد انى والله نشيط شويه بس بلاش حكاية المتابعه فى قرية البضائع فى المطار فى الجو التلج ده ؟

أميرة يقول...

جوة مكتب او برة في الطل .. لكل حلقة مآسيها و تعبها .. يا تتاخد علي بعضها مرها ومرارتها .. يا نقول الحمد لله ان ربنا سخر الصبر لناس يستحملوا المرارة دي !!

جمعة مباركة علينا وعلي المسلمين جميعا ان شاء الله

راجل صعيدى يقول...

بقولك أيه أنتى لسه صغيره وربنا يديكى الصحه ويكرمك ويعدين انتى ان شاء الله قدها المهم خدى بالك من نفسك ومتنسيش انك بتحبى الشغل وما شفتكش غبتى غير فى الضروره القصوى ربنا يقويكى .

حـــواديت يقول...

السلام عليكم يا اهل الخير والحب
سامحونى يعنى ان كنت بتاخر شويه فى الرد..

_____

*ملحوظة كده مش قادرة اسكت عنها .. الاقواس عندك بتتوهني جدا !!
ممكن الخريطة :)

هههههه ايه عاوزه الخريطة بتاعت كلامى والاقواس ومش قادره تسكتى عليها كمااان ؟ ماشى يا اميره. يا طيبه يا ست الناس ولا يهمك يادكتوره توهى انتى بس ولا يهمك وانا معاى العنوان هرجعك تان متخافيش
اما بقى لو بتتكلمى بجد فانا باستخدم الاقواس دى لاقتباس الكلام هنا والرد عليه جزء جزء علشان بنتكلم فى حاجات كتير وبرضو مش لاحقين . ولان صندوق التعليقات الخاص بالردود فىالمدونه بيعتبر علامات الاقتباس جزء من لفة الـ html المترجمه فعليا لاوامر واجب عليه تنفذيها غير باقى العلامات الى مكتوبه فى السطر تحت صندوق التعليقات المسموح باستخدامها

وعلى فكره بقى انا كمان بقى عندى *ملحوظة كده مش قادر اسكت عليها انى مبتوهش من الاقواس بتاعتك ))

____________

الاخ الفاضل حضرةالاستاذ:/ مدحت
او العم مدحت كما احببت ان نقول لك

(( مافيش حد منكم عاوز موظف عجوز بس اعتقد انى والله نشيط شويه بس بلاش حكاية المتابعه فى قرية البضائع فى المطار فى الجو التلج ده ؟ ))

عاوز اقول لحضرتك يا باشا مكانك محفوظ بينا وعلى راسنا كمان . وعاوزينك اخ واب فاضل نستفاد من خبرتك وتجاربك فى الحياه وده شرف لينا طبعا. وسامحينى ان كنت بتاخر شويه فى الرد لانى يومى معكوس (عكس يومكم) ويمكن تلتمس لى العزر لما تعرف ان الوقفه فى المطار وشغل الصادر بيبدء من بالليل لغايل الفجر تقريبا او لغايه ما النور يطلع كمان على حسب تساهيل ربنا وحتى لو مش عندى شغل دلوقتى مش عارف ليه كوبايه الشاى فى القهوة هناك ليها طعم تانى كده..

واما عن حكاية المتابعه فى قرية البضائع فى المطار فى الجو التلج ده فدى بقى ملهاش حل صدقنى يعنى تلاقى فى عز التلج والشبوره الفجر (مش البرد وبس) كل انواع الناس الى هناك من مصدرين ومخلصين وموردين وعمال لرص البضاعه وتستيفها فى مكانها المطلوب ومع مختلف اعمارهم -بيشتغلو فى البرد وبكل نشاط وهمه كمان ولازم الشغل يخلص فى الميعاد المحدد كمان والاعزار هنا مرفوضه- دى الشغله الى اختاروها وده اكل عشهم وزى ما قالت اليس تمام (جوة مكتب او برة في الطل .. لكل حلقة مآسيها و تعبها .. يا تتاخد علي بعضها مرها ومرارتها .. يا نقول الحمد لله ان ربنا سخر الصبر لناس يستحملوا المرارة دي !!

عارف يا عم مدحت انت دلوقتى فكرتينى بحكايه كده ولقيتنى بقول لنفسى لو على البرد امره سهل ومقدور عليه وافتكرت تجربه لى الصيف الى فات كنا مأجرين مزرعه مانجو انا وشريك ولقتنى مع كلامك افتكرت ذكريات شهور كان الشغل فيها فى عز الحر القاتل مش البرد ))
وما ادراك يعنى ايه شغل فى وسط الزرع فى الحر مهما وصفت بالكلام والسطور مش هيكون زى الى جرب معانا ساعه واحده بس شغل لدرجه ان الرجاله الى كانو معاى من رجاله الرمان الى بياكلوو بقشره دوووول ) وبرضو كانو بيقعوو منى واحد وراى التان من الحر والى كان يطلع يجرى على بلده ويقووول حقى برقبتى والى كان يقولى لا ياعم انا بتاع رمان انا اه الى جابنى هنا )) مع العلم ياعم مدحت ان الشغل فى مزارع المانجو عاوزه ناس من طبيعه مخصوووص
ولو مكنتش طولت على حضرتك فى الكلام احب ارغى معاك وافضفض بالكلام لانى افتكرت زكريات لى الشغله دى اولها ان طلعت منها بتدوينه فى كراسه خواطرى الشخصيه سمتها ( جررة ثعبان ) .. انا عارف قد ايه الاسم ده ممكن يكون مزعج جدا لاهل المدينةاو الحضر ..حتى الرجاله الى كانو بيقعو منى دول ناس صعايده صح من الى بالك فيهم الى يبقى بايت فى الزرع على نار الكانون لو شاف حاجه بتتحرك تحت ديل جلابيته ميفكرش حتى يحرك رجله ويقولها هشش )).. وافتكرت كمان اول يووم لينا لما السمسار بعتنا لغفير المزرعه علشان نشوفها ونشووف مهرها العادل كام والغفير واقف قدامنا ميت على روحه من الضحك وهو عمال يبص لنا من فوق لتحت ويتريق علينا انا وشريكى علشان لابسين قمصان وبنطلونات ويقول لنا انتو افنديه هو انتو بتوع مانجو يا استاذ ايه الى جابكم هنا بس ؟؟ وبعد ما اشتغلنا مع بعض ولغايه دلوقتى القيه بيرن على الموبايل كل كام يوم ويقولى ربنا يطمنا عليك يا استاذ ومستنيك الموسم الجاى .. سامحنى ان كنت طولت عليك كنت محتاج ارغى وافضفض شوويه

____________

ودلوقتى اسمحو لى بقى انى ابص واقرى الكلام الى مكنتش حاضره وارد عليه بالتفصيل نقطه نقطه لانى بقالى ساعه عمال اقراء فيه مره واتنين بس واضح كده انى صاحى دماغى بتلف على الفاضى وشايف الدنيا لسه بالوان الطيف..))

أميرة يقول...

موضوع لسه صغيرة دا يطول فيه الكلام .. و الحب والكره بردة .. اختصرلك الحكاية في كلمة واحدة .. القرش اللي يدخل يكون عن مجهود اتبذل فعلا .. ارجو من الله انه يكون حلال جه من حلال وراح في حلال ..وبس كده


----------------------------------

حواديت

وعليكم السلام ورحمة الله وبركاته
اعانك الله ويسرلك امرك بفضله

في الاقواس اه بتكلم بجد .. اصلك ساعات بتفتح اقواس بدون ما يتقفلوا او يتقفلوا وملاقيش ليهم فتحة .. اهو بتوه في النص مابينهم ..
ومازلت !!

هو ينفع اسالك سؤال سخيف حبتين؟
انت بتشحن اوروبا؟ لو اه ينفع اعرف بتشحن علي خط ايه ؟ مش مهم تقولي الجهة انا هعرف بس قولي الخط ايه و لو اسرار شغل متقولهاش خلاص .. انا بس كنت عايزة اعرف "الغير" زي حضرتك بيستعمل خطوط ايه الايام دي خصوصا لاوروبا لو مفيهاش سخافة ولو فيها كأنك لم تقرأ السؤال.

حـــواديت يقول...

ياا مغيث يارب
بقالى اكتر من ساعة بتعذب مش عارف انشر التعليق الى كتبته لك رد على الكلام فى تعليق واحد على طول وصندوق التعليقات قافش على فكده هنشره على اكتر من جزء

حـــواديت يقول...

المرة دى انا مركز بالورقة والقلم اهو وعلى قد ما اقدر مش هستخدم الاقواس

الاول لى تعليق على الكلام وتعقيب عليه عاوز اقول كلمة كده بخصوص المدير العربى والمدير الغربى علشان ندى الموضوع ده حقه قبل ما نقفل ملفه وخصوصا انك قولتى معرفش اكون المدير ده بصراحه وهتفشلى حتى لو حاولت ومش هتستحملى حد يدعى عليكى فى يوم وووو

المدير العربى الى ذكره حواديت هو عباره عن مدير ادارى بحت بمعنى ان سلوكه وتصرفاته الشخصيه وراها خبرات ومعتقدات الناس من تجاربهم فى الحياه وكل واحد والبيئة الى جاى منها
على العكس تماما للمدير فىالادارة العليا ( رئيس مجلس الادارة ) او صاحب راس المال نفسه بيكون فى اغلب الامور وراء تصرفاته علم حقيقى من علوم ادارة الاعمال والشركات بشكل تطبيقى وعلمى بحت ده فى حاله الشركات الناجحه وبيكون نموذج ممتاز للمدير الغربى ولانه فى الاخر المنتفع الاول والاخير . وفى الحاله دى تحديدا اسمحى ادعى لك ان ربنا ينولك الكرسى ده بدل ما تقولى يكفيى شره

اما بخصوص علم التصدير و الانكوترميز 2000

وكلامك الى هو انا شفت علم التصدير Incoterms 2000
جمعتها اه بس عايزين استفاضة كبيييييرة جدا .. انا عندي حاجات كتيرة اوي عليها بس افوق كده واكز و ادلك علي مكانها .... ويا حبذا باه لو مشيناها عربي علشان تكلم الناس اللي بتفهم عربي ومش مستنية تتعقد بالمصطلحات الاجنبية بدون داعي .. (مجرد رأي)
ومن غير اى اقواس اهو

تاااابع

حـــواديت يقول...

اولا احب اطمنك وابشرك انه هيكون فيه استفاضه وكبيره جدا بأذن الله يمكن فوق ما انتى تتوقعى كمان ولو عندك حاجات كتيرة زى ما بتقولى فياريت بدل ما استنى لغاية ما تفوقى وتركزى وتدلينى على مكانها ويصبح كل دورى انى مجرد ونش أو شيال ملفات ورفعها على المدونة فيبقى كتر خيرك يعنى لو رفعتيها انتى بنفسك فى مكانها المناسب بأيدك وبأسلوبك فى الكتابة واعتقد ان ده من حقك طالما انتى صاحبة علم ومش مستعجلين احنا.
وتبقى انتى كده كمان ادتينى فرصه اكبر واحسن من الوقت والتفرغ أقدر احمى بيها الملفات دى الحماية المناسبة الى تليق بيها وبمحتواها وده موضوع شرحه يطول اوى فى الثغرات الامنية الموجوده بالمواقع علىالنت وبلغات البرمجة المكتوبه بيها.

ثانيا أن شاء الله هتمشى عربى والكل هيستفاد بأن الله وناس كتير هتفتكرنا بالخير وقتها ومنهم الناس الى تايهين فى السوق نتيجة عدم الدراسة الوافيه لغروع هذا العلم .. واحب اقول كمان ان لى الفخر كل الفخر انى عربى ولسانى عربى مهما كان احوال وظروف مجتمعتنا وبلادنا برضو فخور ان عقلى بيفكر ويترجم بلغة دينى ولكن..
حكاية انها تتعقد بالمصطلحات الاجنبية دى وبدون داعى فمع احترامى الشديد لوجه نظرك يعنى فاسمحى لى هنا انى اختلف معاكى فى الرأى وعندى من الدوافع والاسباب كتير والخاصة بالنقطة دى واهما بأختصار لغايه ما يجى الوقت المناسب للكلام
1- تعرف محركات البحث كـ جوجل مثلا على خارطة الموقع (مش الخريطة بتاعتى انا ها ) وعناكب البحث بيكون باللغة الانجليزة لمحتوى النص للموضوع أفضل واقوى طبعا كملفات مساعدة فى البحث والبرمجة.
2- مصدر ثقة الجمهور نفسه فى المعلومات المقدمة والمنشورة عندك أنها من المصدر الاصلى نفسه على سبيل المثال النسخ الاصلية الخاصة بنشرة التجارة الدوليه بباريس التى اصدرتها مع تاريخ نشرها بلغتها الاصلية (قدر الامكان) .. وبعد كده يجي دورنا احنا فى تعريبها وتفسيرها بالعربية لكل مصطلح باستفاضة شديدة كمان او الاستعانه بالمراجع العربية مع ذكر المصدر وده جزء بسيط من حلقه البحث العلمى الى اتفقنا عليها ده لو مادة علمية بجد يعن مينفعش هنا مبدء خاطبو الناس قدر عقولهم ده..
- 3- اعتقد ان كده هيكون افضل كمان فى ردود الناس والتعليقات الى هنسمعها والتفاعل مع ابعاد الموضوع كمادة علمية بحته يعنى بدل ما نسمع بين ردود الناس مشكور ومأجور ومغرووور فى التعليقات .. هنلاقى محور التفاعل عبارة عن معلومات مفيدة مئكدة المصدرة مش على اهواء الى كاتبها ابدا

اما عن DDU فهى اكيد unpaid طبعا دى مفهاش كلام بس من امته ومن تاريخ كام؟ ده جزء من التعديل الجديد للمصطلحات وطرحه فىالاصدارة الجديدة منها برقم 560 لسنة لسنة 1999 والتى تم العمل بها ودخولها الى حيز النفاذ اعتبارا من يناير سنة 2000 وعلى فكرة ده مش كلام ده موجود فى مرجع الدكتور عبدالقادر عثمان الى بيدرس جزء منه فى دروة اساسيات التصدير للمبتدئين يعن مش غلطه مطبعيه ولا حاجه زى فكرتى. وبناء عليه لاحظى التواريخ الموجدة فى المقارنه دى انها مرتبطة بالسنوات

ملحوظة اخيرة فى الموضوع ده انا لا استخدم اسلوب القص واللصق والنسخ فى البيانات العلمية فى معظم الاحيان وان تم بيكون بعد مراجعتها مرة على الاقل وبكده نقدر كبداية نمشى على خطوات علمية فى كل علوم التصدير وفروعها مش فى الانكوتيرمز وبس
( دى وجهة نظرى المتواضعة وطالما بدينا بقى وشجعتينى شدى حيلك والله المستعان )

تاااااااااااابع

حـــواديت يقول...

اما بقى عن مشاركتك الاخيرة وسؤالك لى عن موضوع الشحن لاوربا ده فلوسمحتى اسحبى كلمت سخيف والكلام ده والحاجة الوحيدةالى تخص اسرار شغلى هو البيانات الخاصه الى يأمنى عليها العميل بتاعى بره وبس ويقولى انها امانه كمان
غير كده اهلا وسهلا بكل الناس فى اى وقت خصوصا فىاكل العيش بالذات لان كلو سلف ودين يا اليس مش بالنصاحة ولا التخبية هى صدقينى كان غيرى اشطر بكتير
المهم والمفيد انا دلوقتى ممعيش شغل لاوربا ولما كان بشحن على اللوفت هانزا طبعا ويمكن قولت لك فى مشاركة قبل كده والمخلص بتاعى نفسه لو تفتكرى موظف قديم فى طيران الاتحاد يعنى بالمختصر لو عندك شغل او مصلحة ومتعطلة على كده وبس الايام دى معنديش اى مشكلة لو عرفتكم عليه ويارب دايما اكون سبب خير للناس الى حوالى

اخيرا انتهى والحمد لله )

حـــواديت يقول...

لاحظى ايضا فى الجدل ان DDU كان فى الاول كتعريف تجارى دولى للاصدارة القديمة عام 1980 كان غير موجود اصلا ثم تواجدد فى الاصدار عام 1990 ثم تعديله فى الاصدارة الجديدة عام 2000

هذا ان لم اكن مخطاء للفهم بما يختص بهذا الجدول وان كان ارجو التصحيح والله المستعان

حـــواديت يقول...

Law 4 Always Say Less than Necessary
__________
اه فعلا الى بيتكلم جد كتير ممكن يخسر كتير .., مش كده برضو

أميرة يقول...

Law #4: always say less than necessary


ماله الكلام الجد كتره من قلته؟؟

مفهمتش

هنا في القانون دا عايز الاخر دايما محتاجلك و دايما عندك حاجة تهمه و يرجعلك فيها .. فانت دايما عامل كنترول عليه لانك بتديله المعلومة بالقطارة و دايما سايبه عطشان ولا تروي ظمأه

مين الصح ومين الغلط ؟؟

الله اعلم !!


-------------------------------

بخصوص المدير العربي

انت طبعا تعلم ان اغلبية شركات تصدير الانتاج الزراعي عائلية او يعني منها فيها كده منفدة علي بعضها .. فتلاقي العليا فيها بتتصرف كانك حاطط ايديك في محفظته!!
اعتقد فهمت انا اقصد ايه

اما كونهم هيفكروا يبقوا زي المدير الاجنبي .. انسي دي بجد .. لو في فعلا قدام عنيك شركة ماشية بالنظام دا دلني عليها واجرك وثوابك عند الله

------------------------------

بخصوص مصطلحات التجارة الدولية :

لا تعد ملزمة فى مجال البيوع التجارية الدولية. ومع ذلك فإنه متى أشار المتعاقدان إليها فى عقودهم ، فإنها تستمد إلزامها فى هذه الحالة من اتفاق الأطراف على تبنيها. ويفضل أطراف التعاقد عادة تبنى هذه القواعد عندما ينتمون إلى دول تتشابه أنظمتها القانونية بقصد توحيد تفسير الاصطلاحات الواردة فى عقودهم.

ويمكن للأطراف أن يشيروا فى عقودهم إلى الأخذ بقواعد الانكوترمز كما هى ، أو يقوموا بتعديل معين يتفقون عليه أو يضيفوا شروط أخرى تتجسد فى قواعد دولية أو وطنية أو صادرة من منظمة أخرى.

** لو انا معرفش ان DDU مفيهاش duty مدفوعة كنت فهمت كده من الجدول حتي لو الشكل الاساسي كان كده في قبل التعديل الاخير ..


=============
"انى مجرد ونش أو شيال ملفات ورفعها على المدونة فيبقى كتر خيرك يعنى لو رفعتيها انتى بنفسك"
ان كان دا فعلا اللي فهمته من كلامي .. فانت فهمت الكلام غلط و مينفعش اقولك كده اصلا وممكن تعتبرني متكلمتش في الموضوع دا خالص

===============

وعلي فكرة لوفتهانزا رفعت علاوة زيادة الوقود علي الخضار ل 2.20 جنية للكيلو بدل 2 جنية من يوم الاثنين 25 يناير

حـــواديت يقول...

حمدلله على السلامه
عودا حميد

Law #4: always say less than necessary

ماله الكلام الجد كتره من قلته؟؟
مفهمتش
هنا في القانون دا عايز الاخر دايما محتاجلك و دايما عندك حاجة تهمه و يرجعلك فيها .. فانت دايما عامل كنترول عليه لانك بتديله المعلومة بالقطارة و دايما سايبه عطشان ولا تروي ظمأه

مين الصح ومين الغلط ؟؟
_____
اه حلوة سياسه اليهود دى على فكره وكنت دايما الاحظ فى معاملتهم كلامك ده انه دايما يحاول يخلى الى قدامه محتاج له او محتاج الى عندو وعلشان كده بيتكلم جد بالقطاره واحيانا كمان لما كنت اتعمد اسال السوال واضح ومباشر جدا القيه يتوهنى او يغير الكلام والموضوع بالعقل علشان مريحكيش
واعتقد المبدءالرابع هنا ترجمته واضحه ( دائما تكلم اقل من المطلوب ) وانتى نفسك قولتى ايه السبب اظن واضحه جدا من الصح ومين الغلط على الاقل من الناحية الانسانية..
على فكرة بقى اكتر حاجة ممكن تخنقنى من الى قدامى المبدء الرابع ده بالتحديد ولما اكلمه فى موضوع يهمه او هو طرف فيه والقيه يرد على بالقطاره زى ما بتقولى علشان مش عاوز يريحنى ساعهتا بهم قد ايه هو حويط
بس عارفه يا اليس النوع ده من الناس انا بسميه ايه؟ الاهبل اللئيم وطبعا ده علشان هو مفترض دايما انه اذكى من الى قدامه او الى قدامه يفضل طول عمره محتاج له وده فىحد ذاته قمه الغباء

حـــواديت يقول...

بخصوص المدير العربي
انت طبعا تعلم ان اغلبية شركات تصدير الانتاج الزراعي عائلية او يعني منها فيها كده منفدة علي بعضها .. فتلاقي العليا فيها بتتصرف كانك حاطط ايديك في محفظته!!
اعتقد فهمت انا اقصد ايه
_________
دى انا حستها وفهمتها من كلامك لما قولتى الواحد يشتغل 18 ساعه فى اليوم وتكون عينيه مكسوره قدام مديره
كنت عاوز ارد اقولك ليييييه؟ هو اشترانى ولا فاتح الشركه دى جوه بيتنا بس لاقيت الكلام واضح ومفهوم فقولت مالوش لزوم
بالمناسبه ولو انى مكنتش احب اقول الكلام ده انا لى حد من اخوات ابوى كده استنى وافه والدى وحاول بطرق كتير يضيق على ظروفى على قد ما عقله سوى له علشان ابقى تحت امره وادور له نوكيله فى مكتبه ده بالفعل اما الكلام فانتى ابنىوانا عاوز اساعد وعاوز مصلحتك (وده برضو نوع من اللئيم الاهبل الى بقولك عليه )
اااااااه امنت بالله
________

اما كونهم هيفكروا يبقوا زي المدير الاجنبي .. انسي دي بجد .. لو في فعلا قدام عنيك شركة ماشية بالنظام دا دلني عليها واجرك وثوابك عند الله

للمره المليون بقولك انتى اولى بنفسك وبالعلم الى عند وهفض اذن عليكى كده لغايه ما تسمعى كلامى فى يوم حتى لو بعد ميت سنة هههه

حـــواديت يقول...

*وعلي فكرة لوفتهانزا رفعت علاوة زيادة الوقود علي الخضار ل 2.20 جنية للكيلو بدل 2 جنية من يوم الاثنين 25 يناير*

كنت فاكر سوالك عن اوربا وبتشحن على ايه دلوقتى ان فيه مصلحه عطلانه عندك على الشحن والاسعار وعلشان كده كان ردى اهلا وسهلا بكل الناس

بالمناسبه اسعار الشحن بكل انواعها ليها ارتباط مباشر باسعار برميل النفط الخام فى العقود المستقبليه الاجله NFA (سعر البرميل تسليم الشهر القادم يعنى غرب تاكسس)
والى بيعرف يقراء الرسومات والمؤشرات الفنيه الداله علىاتجاه الاسعار القادم غالبا ما يكون توقعاته عن اتجاه السوق نحو الصواب فى الفتره المستقبليه القريبه جدا كشهور
والكلام برضو وبهذا المقياس ينطبق الجزء الخاص بالسعر العالمى على بورصه الحبوب والحاصلات فى شيكاغو على ما بسمع يعنى )

حـــواديت يقول...

"انى مجرد ونش أو شيال ملفات ورفعها على المدونة فيبقى كتر خيرك يعنى لو رفعتيها انتى بنفسك"
ان كان دا فعلا اللي فهمته من كلامي .. فانت فهمت الكلام غلط و مينفعش اقولك كده اصلا وممكن تعتبرني متكلمتش في الموضوع دا خالص
_____

معنديش كلام اقوله.. كل الى قدامى دلوقتى استناكى لما تفضى حاضر طالما معندكيش رغبة انك تساعدى برفعها بنفسك مع العلم انك سبب مباشر لتحفيذى لكتابه ورفع الملفات دى ولو انها عندى فى درج المكتب

حـــواديت يقول...

** لو انا معرفش ان DDU مفيهاش duty مدفوعة كنت فهمت كده من الجدول حتي لو الشكل الاساسي كان كده في قبل التعديل الاخير ..
___

مش فاهم قصدك فى النقطة دى بجد؟ تقصدى بمدفوعه دى DDP
انا فعلا متلخبط فى النقطة دى يمكن علشان بعيدة عنى فى السوق شويه ومحصلش انى فكرت فيها عملى قبل كده كدخولها حيز التنفيذ بالنسبه لى يعنى
بس اهو ادينا بنتعلم من الدنيا

أميرة يقول...

متشغلش بالك ب DDU انا كان قصدي الجدول اللي انت كاتبه مكتوب فوقها ان الduty paid
------------------------
انا سالتك عن الناقل الي بتشحن عنده لسبب كان في بالي بس انتهي بما انك بتستخدم الالمانية
وبالصدفةجالي اخطار انها رفعت سعر الوقود فقلت اقولك .. من منطلق الشيء بالشيء يذكر وانك اولي بمعرفة المعلومة دي وخصوصا انها لسه جديدة بس وراد تكون عارفها

------------------------

حكاية الرفع والتحميل والحاجات دي مليش فيها او بصراحة لو لي فيها ولقيت حد يساعدني فيها فعن تجربة معاك .. انا كل اللي قلته انت تعرفه و تعرف اكتر منه بكتير.. و زي ما تقول كده لقيت كلامي ملوش لازمة .. اللي عندي مواد علمية فيها مسئوليات البائع والمشتري ما لهما وما عليهما
من مصادر متنوعة و اللي منها عربي كنت درسته في القانون الدولي من ضمن اتفاقات التجارة المختلفة و مش هيفرق كتير اوي يعني عن المصدر اللي حضرتك بتستعمله

اما عن مصطلحات التجارة ذاتها
مفيش الا اتنين اللي الناس مصرة تتعامل بيهم حتي لو انتهت صلاحيتهم من سنين .. الفوب و
C&F و حتي رافضين يستعملوا لفظ CFR كبديل عنه و اصرار فظيع علي استعماله في البيوع التجارية بالجو وهو اصلا اتعمل للتعاملات البحرية
وان جيت للحق اصلا لا دا ولا دا ينطبق علي تعاملاتنا من اصله
بس تقول ايه ولا تغير ايه ..

و هنرجع تاني لربط الحمار

حـــواديت يقول...

متشغلش بالك ب DDU انا كان قصدي الجدول اللي انت كاتبه مكتوب فوقها ان الduty paid


ههههه والله العظيم ما انا الى كاتبه وحاولت الفت نظرك ان الـ 13 مصطلح بتوع الاتفاقيه اتغيرو من اصدارة لاصداره مع السنوات الى مكوبة ولما نبهتين فتحت الكتبا نفسه لقيتها كتوب بنفس الشكل تمام يعنى سنهة 1980 مكنش مصطلح الـ DDU موجود اصلا فى الانكوتيرمز واول دخوله كمصطلح كان فى الاصدارة عام 1990 ومكتوب فوقيه بايد وفى الاصدارة الاخيرة فقط بتاعت سنه 2000 هى الى بالشكل الى نعرفه لـ DDu
ولما دققت اكتر لقيت كمان ان كان فيه مصطلحات بتستخدم فى 1980 وبعدها اتلغت فى الاصداره الى بعدها ... بس ياستى فحاولت اوصلك الى انا فهمته يمكن اكون فهمت غلط وتصححى لى معلوماتى ادى كل الحكايه ... وعموما احنا شغالين بالنا ليه صحيح؟ ماتخلينا فى الى موجود ومستخدم دلوقتى والله عندك حق برضو مالنا احنا ومال التاريخ مش هيفيد كتير

------------------------
انا سالتك عن الناقل الي بتشحن عنده لسبب كان في بالي بس انتهي بما انك بتستخدم الالمانية
وبالصدفةجالي اخطار انها رفعت سعر الوقود فقلت اقولك .. من منطلق الشيء بالشيء يذكر وانك اولي بمعرفة المعلومة دي وخصوصا انها لسه جديدة بس وراد تكون عارفها


انا عارف طبعا ان فى الشحن والحجز عمرى ماهتكون خبرتى زى خبرتك ياليس دى حاجه ان متاكده منها (ومش عيب على فكره ولا كلام مجامله) بحكم انك بتشحنى اكتر منى للشركه وباكتر من شكل.. انا بس كل الحكايه كنت عاوز اخدم وحتى لو مقولتيش لى ايه الى كان بيدور فى دماغك فيه حاجة جت فى بالى دلوقتى احب اقولها لك
عفوا يعنى تضمنى منين ان الكلام الى وصل لك ده صحيح ؟ او المعلومات دى مؤكدة تمام؟ مانتى عارفه فيه مكاتب بيكونو سماسرة لوكلاء فى نقط معينه مش اكتر وبما انه مش هيعرف يرضكى كمتب فى السعر الى انت عاوزه فمكن يقول للعميل الى قدامه اى سبب مقنع وخلاص.. يعنى تلاقى سعره ممتاز على خطوط معينه وخطوط تانيه...
اقولك الى بيدور فى دماغى دلوقتى هو تلفون صغير هتعمليه وتسالى عن سعر الكيلو على اللوفت هانزا ولو لقيتى الراجل بتاعى ادالك نفس السعر الى سمعتيه عندك يبقى الكام سليم مش هنخسر حاجه برضو . ايه رايك؟؟

حـــواديت يقول...

حكاية الرفع والتحميل والحاجات دي مليش فيها او بصراحة لو لي فيها ولقيت حد يساعدني فيها فعن تجربة معاك .. انا كل اللي قلته انت تعرفه و تعرف اكتر منه بكتير.. و زي ما تقول كده لقيت كلامي ملوش لازمة ..

_________

مش هقولك اكتر من كلامك فوق راسى ياطيبة )
مين عارف يا اليس لو كنا نجحنا فى المدونة دى هيكون بكره فيها ايه او مين هيشارك معانا مع الوقت ؟ يعنى مش موضوع مادة علميه خلاص بصراحه
مش جايز يا بنت الحلال مع الوقت يكون فيها خير لى وليك ؟؟ يعنى تقدرى كده تقولى انى اعتبرتها نوع من السعى على الرزق برضو بس المؤجل الى اجل غير مسمى ,, معلش جايز يكون تفكيرى على قدى شوى سامحينى

أميرة يقول...

ربنا يجعله خير .. ان شاء الله

لجين أبو الدهب يقول...

ده من أثار ضغط الشغل ؟؟ D:

أميرة يقول...

لجين :)

من ناحية ضغط هو ضغط

بس من ناحية شغل ..

دي يا ستي كلمة قالهالي مديري نقلا عن مديره من 30 سنة قالهاله

خلاصتها يعني اربط الحمار مطرح ما يعوز صاحبه حتي لو مفيش حمار .. قوله انك ربطته!!

حـــواديت يقول...

حتى لو مفيش حمار كمان؟؟
واضح كده ان المدير مهتم بالثروة الحيوانيه اكتر من الازم
وهل يعلم هذا المدير ان الحمار (اعزك الله ) له فوايد واستخدمات تانية غبر موضوع الربط ده ؟؟
شكلو كده حافظ من 30 سنة مش فاهم خالص

أميرة يقول...

يعلم اه

بس بعد ال 70 الفوائد دي مبتهمش اوي .. متركزش اوي انت لسه صغير !!

حـــواديت يقول...

مش انا خالص الى مركز مع الحمار وصاحبه فى كلامى بالعكس

بس معلش عندى سؤال مهم
بس بعد ال 70 الفوائد دي مبتهمش اوي
تقصدى بعد السبعين حمار يعنى ؟ )

أميرة يقول...

لا .. اقصد صاحب النصيحة.. الساكت عن الحقوق .. اللي مطبق القاعدة السالف ذكرها .. اللي ان شاء الله سوف يسأل عن الحق الضائع بعلمه

اللي مش عارف .. ربنا يعافيه ويعفو عنه من السؤال

انما اللي عارف .. له رب وله يوم ترد فيه المظالم

حـــواديت يقول...

ههههه ايوه كده ابقى حددى فى الحلقة الجاية الكلام بشكل اوضح
صحيح شر البلية ما يضحك
لاحول ولا قوة الا بالله العلى العظيم
ياليس لما تقفى مضطرة قدام صاحب الحمار ده ابقى افتكرينى وادعى من قلبك وقولى اللهم لا تسلط علينا بذنوبنا من لا يخافك ولا يرحمنا
جربى كلامى فى دى وشوفى مش هتخسرى حاجة ماهو كاس ودايق منه قبلك للاسف
اكيد انتى عارفه انى مركز مع الحاجه الى مضايقكى ووجعاكى اوى كده اما عن الاخوة الاعزاءالى فيهم واحد بيربط اخوه فليذهبو الى الجحيم بحق ماصنعو

بس ملحوظة كده انا لى اعتراض على حكاية قولو انه مربوط دى حتى لو مفيش حمار اصلا ... مينغعش ... مينفعش بجد مهما كان التمن
اصلهم زمان قالو لنا الكدب مش من طبع الرجال. حلو المدير الى يخلينى اكدب وانافق ده لمجرد انى ارضيه لذيذ

حـــواديت يقول...

اه على فكره
كده بقى محتاجين اوى مقالة او بوست منك عن انواع واصناف المدراء من وجه نظر علم الادارة وتصنيفها لانواع المدرين كالمدير الايجابى والسلبى والقيادى والنشيط و...
وعلاقتهم ايضا بالمرؤسين كعلاقات عمل
اعتقد بعد البوست ده هنقدر نميز ونصنف المديرين بشكل تان يخلينا نفهم طبيعة شخصية كلا منهم وهنعرف نتعامل معاهم بشكل احسن الاكيد
يالا يا اليس الى الامام يا طيبة بكل عزم وثقة وقوة وتحدى لاى ظروف )

أميرة يقول...

اللي وصل لسن ال70 فما فوق .. لو هيدور علي مصلحة هتبقي مصلحة ليه .. كده ولا كده اهو بقي تقريبا استشاري ، انما الناس اللي هو بيرأسهم .. اللي عاجبه عاجبه واللي مش عاجبه يشوف غيرها.. هو مش خسران حاجة

الدعاء دا بقوله دايما علشان الحمد لله عندي بدل الحد الواحد كتير .. ربنا يكفينا ويكفيهم شرور انفسهم ويهدي حالنا جميعا يارب


موضوع الحمار دا باه ميفهمهوش الا اللي شاف اللي بحكي عليه :)

الحمد لله علي كل حال

حـــواديت يقول...

بجد شوقتينى اشوفه
بس خايف لاعمل زى اخو صاحبى ده واقفل علينا باب مكتبه بالمفتح ))

أميرة يقول...

وعلي ايه كل دا .. مش مستاهله.. مفيش حد بياخد الا اللي مقسومله .. لا هيقدم دا ولا هيأخر

قلبك ابيض

ساعات لما تلاقي اللي ظالمك بيصيبه حاجة وحشة يصعب عليك بدل ما تشمت فيه وبعد ما تقول اللهم لا شماتة .. تلاقيك بتقول ربنا يسامحه .. مش ضعف .. بس عن يقين ان ربنا لو أذن له بالقصم .. اكيد هيصعب عليك

ربنا يكفينا شر الظالم والظالمين ويهديهم وايانا يا رب

حـــواديت يقول...

غلبتينى بكلامك الحلو ده ومش عارف ارد بجد وده على فكره اكبر دليل ان قلبك ابيض وصافى
عارفه ممكن تكون القصه الى انتى فيها دى مجرد سبب او بدايه سكه علشان تشوفى حالك ومصلحتك يا بنت الحلال يعنى مجرد سبب لبدايه وفىالاخر اقول سبحان مسبب الاسباب

أميرة يقول...

ونعم بالله

:) مهو مش عاجبني اللي بيجيلي من شغل برة .. يعني قرف من قرف مش هتفرق كتير .. القرف اللي تعرف اوله واخره احسن من اللي متعرفهوش خالص :)

حـــواديت يقول...

وبعدين انا كنت هقفل علينا باب المكتب علشان اشرب معاه الشاى فى هدوء ومن غير ازعاج فهمتينى غلط )

أميرة يقول...

تقدر تقعد مع حد في هدوء كده زي ما بتقول وانت مش محترمه او شايفه في صورة مش كويسه؟؟

حـــواديت يقول...

ااااااااه
لتان مرة مش عارف ارد بكلام جد النهارده الظاهر انها تخاريف قبل النوم
اه اقدر يا اليس حتى لو هو فرعون مش لو مش بحترمه وبس وبكل هدوء كمان فى حاله واحده بس لما يكون لى عنده امانه او حاجه عزيزة هستحمله واستحمل غلاسته وكل شر جواه علشان خاطر الحاجه الى عندو دى
بس واضح من كلامك كده والشغل الى بيجى لك وانتى بترفضى ان الشخص ده صعب اوى يطلع من حياتك مهما كان طبيعته
ساعات كتير بنكون اشخاص رفضن كيانها بس اتعودنا عليها ولزم تفضل موجوده فى حياتنا واكبر دليل انك هتزعلى عليه لو جرى له حاجه وعلى فكرة كنت متوقع منك الكلام ده برضو )

أميرة يقول...

لا بردة مش فاهمني

حكاية الشغل دي رزق وقت ما يجي اللي مكتوبلي اكيد ربنا هييسرها ولحد دلوقتي دي مشيئة ربنا وبعدين الحمد لله رب العالمين احسن من غيرنا كتير الحمد لله


انما الحد دا يفرق معايا ؟ لا ميفرقش خالص .. بالعكس .. انا ساعات بسال نفسي بس شوية اسئلة كده ملهاش اجابة.

حـــواديت يقول...

لينا قاعدة طويله اوى مع بعض يا اليس بس مش علشان الاسئلة الى ملهاش اجابة دى لا. تقريبا متوقع الصراع الداخلى الى ممكن يكون موجود جوه انسان فى المواقف دى
هتكون علشان الشغل
(حكاية الشغل دي رزق وقت ما يجي اللي مكتوبلي اكيد ربنا هييسرها )
لسه على رايى وكلامى انتى اولى بنفسك
الا سحيح انتى من شغلك انك تجيبى عملاء؟ يعنى تلى ماركت على النت مثلا من دليل اوربا اوالنجمه او او ... ؟؟؟
تان حاجة لقيتك يعنى معلقتيش خالص على قاعدة البيانات الى انا عملتها؟
ايه مش مستغربة حتى انها ركبت على البلوجر ههههه

أميرة يقول...

logistics
وبس
مليش علاقة بكل دول

شفتها بس اعتقد انك لازم تعملها دعاية بين المهتمين علشان تبقي فيها بيانات فعلا مش مجرد تصميم

ربنا يكرم باللي فيه الخير

حـــواديت يقول...

وهو ده السبب الى بقولك محتاجين نتكلم فى قاعده طويله
اولا البيانات بتتخزن فىمكان تان يا اليس يعنى دى البروفيل بتاع القاعدة بس انما البيانات بتتحول على مكان تان تتشال فيه لانها للهمتمين وبس
اما عن الدعاية فناوى لها علىاسلوب علمى جدا من طرق التجارة الالكترونيه تحت حمله باسم مشروع شارك معنا سوق يمتاز بشفافية البيانات بين الشركات لان فعلا كلنا بقينا محتاجين لكده وتعبنا واجهدنا من الاعلانات الدابه واتصل على رقم كذا وزورنا تجدو ما يسركم والكلام الجامد ده
اما سؤالى عن طبيعه عملك والتلى ماركت فى الدلايل فيعلم الله انى حاجة تختص ليكى انتى يعنى مش هيكون فيها منفعة لى حتى لتكونى فهمتى سؤالى غلط لانى لقيت اتاخرتى فى الرد
يعنى تقدرى تقولى كده عندى فكرى تقدرى تعمليها جنب شغلك مع الوقت لو نجحتى تقدرى ترمى لهم استقالتك بكل ثقة

أميرة يقول...

مش تأخير ولا حاجة بس انا بشتغل وبرد لما اقدر ارد

عموما اللي رايده ربنا خير هيكون ان شاء الله

حـــواديت يقول...

وبنعم بالله يا طيبة
فعلا الى يريده ربنا هو الى هيكون ويتم
كلمه اخيرة عاوز اقولها بس قبل ما اقولك تصبحى على خير لو انا مهتم يا اميرة فعندى سبب واحد بس هو خنقتك الشديدة من مكانك واتمنى متظنيش فى ظن سوء وده برضو الى بيخلينى اقول بدل المرة الف انتى اولى بنفسك .مش عارف صدقينى بس عندى قناعة من جواى بشويه حاجات غريبه كده جايز ربنا يبعت لى الى يخف من على الحمل فى يوم
ارجو ميكونش كلامى ده ازعجك

أميرة يقول...

ربنا يكرمك

فوض امرك لله .. بكرة تتعدل ان شاء الله


انا مش مخنوقة ولا حاجة :)
لعله خير يعني ان شاء الله

طهر فؤادك يقول...

السلام عليكم ورحمة الله وبركاتة ,,,

اخبارك اية يااختى الكريمة

ربنا يكرمك يارب والمسلمين .... واية الحلاوة دى هل انت ضليع فى قواعد اللغة العربية قصدى الانجليزية هههههه ...

- المهم ان الموضوع والبوست جميل وربنا يهدى كل boss اللهم امين والمسلمين

ويكون فية مشورة ويرجعوا لدينهم ويكروا صح ان شاء الله لان المشورة اجمل بس مين يسمع..... :)

أميرة يقول...

وعليكم السلام ورحمة الله وبركاته

يا رب يا محمد

يهدينا ويهديهم للحق و يكفينا شر الظلم والظالمين

ازيك انت وازي الاولاد :)

راجل صعيدى يقول...

السلام عليكم ورحمة الله وبركاته
بصى بقى يا اليس أنا ليه حوالى خمسة أيام بتابع كل كلمه سواء منك أو من الاستاذ حواديت ..... وواضح أن أساس القرف من الشغل تعنت الرؤساء سواء فى اتخاذ القرارات بدون مشوره ( أربط الحمار مطرح ما عاوزه صاحبه )... وهنا عاوز أقولك على حاجه أنا يا بنتى أشتغلت أكثر من 25 سنه ... وتعنت رؤساء العمل فى مصر شئ عادى وطبيعى لدرجة اننا تقريبا بنتوارثه لان الكل بيكون مر بيه وان كان بتختلف درجة التعنت من رئيس لآخر فما بالك يا أبنتى العزيزه بأصحاب رئس المال .
أهم حاجه لفتت نظرى فى كلامك انتى بالذات هو أسلوب تعمد الرئيس أنه يقرف مرؤسه وهنا الخطوره فالتعنت هنا فى المعامله وليس فى قرار يتخذه الرئيس ففى هذه الحاله سيصل المرؤس لدرجه رهيبه من الآم النفسى واللى ممكن تصل الى درجه غير محتمله لدرجة ان يترك الموظف عمله وهو مش عارف حتى هايروح فين ولا هيشتغل ايه .
و أنا هنا عندى تصور معين لمثل هذه الحاله كل قرف الشغل محتمل الا أسلوب المعامله الشخصيه وأعتقد أنك جربتى حسبما فهمت منك كتير من أساليب التعنت الشخصى ... هنا القرار لك وأنا أعتقد أ،ك وصلتى لدرجه كبيره من التحمل وعليه يجب عليكى أتخاذ قرار فعلا مافيش حاجه اسمها اللى تعرفيه أحسن من اللى ماتعرفيهوش وانتى خبرتك بقيت كبيره ومطلوبه وبتقولى أتيحت لك اكثر من فرصه... روحى للشركات دى وناقشيهم وشوفى العقد اللى هايتكتب بيتضمن ايه اللى ليكى وايه اللى عليكى ونفس المستوى الوظيفى اللى انتى فيه او على الاقل أعلى والمرتب المعروض عليكى ومتقوليش المرتب مش مهم لان بداية التنازل حتى لو صغيره بتكون هيه البداية لتنازلات كتير او بالمعنى الموجود فى ال HR( بطاقة وصف الوظيفه متضمنه أهم الواجبات والمسئوليات والمسمى الوظيفى والمقابل المادى لها ). بنتى العزيزه بعد كل المناقشات اللى اصبحت من خلالها اتابع المدونه كحلقة او ورشة عمل مصغره ... انا شخصيا اصبحت على قناعه ذاتيه من خلال مناقشاتك وفهمك لطبيعة عملك وما تقومين بتنفيذه من أعمال, وسنين خبرتك فى مجال اللوجاستيك أنك لابد أن تتخذى قرار ..... وفقك الله لما يحبه ويرضاه.

أميرة يقول...

وعليكم السلام ورحمة الله وبركاته

انا علي فكرة مكنتش احب الكلام يتوجه للسكة دي عموما بس بما ان الكلام اتفهم كده .. انا عايزة اوضح ان وجه اعتراضي علي اي مدير بيخذل الموظف اللي تحته .. بيشوفه مظلوم ومش بيدور يجيبله حقه
واي مدير بيدلع اللي تحته علي حساب زمايله

اي ظالم عموما .. اي ساكت عن حق .. خصوصا في العمل

لانك بتتعب وبتشقي وبتديهم حقهم ولو مش بتديهم بمزاجك بياخدوا منك غصب عنك واضعاف ما بيدولك من حق

يبقي حتي الحق دا ياكلوه عليك ليه يعني؟
استعباد؟
ولا هي الحاجة اللي بتخلي الواحد يصبر ويستحمل؟
ولو صبرت النهاردة .. ايه يضمنلي اصبر بكرة ولا متصرفش تصرف غبي ارجع اندم عليه؟

انا كنت اقصد الموضوع عموما
اما في الخصوص واللي يخص عملي .. فانا لي ظروف خاصة و طبيعة عمل كمان خاصة جدا صعب اي حد يستوعبها او يقدر هي ليه وازاي ماشية كده

وزي ما حضرتك ذكرت كده اللي بيسيب بيسيب لسبب احسن اكيد ولو حتي احسن نفسيا و انا بصراحة ملقيتش السبب اللي يوديني حتة تانية لسه .. مش حبا في هنا ولكن زي ما قلت قرف تعرف اوله واخرة غير اللي متعرفهوش .. وكل مجال عمل وفيه اللي كويس وفيه اللي وحش .. والميزة اللي في العمل الجديد اللي لسه محصلتش عليه .. لسه بدور عليها .. و مش هتبقي مرتب مش علشان انا مش محتاجاه .. لا .. هتبقي مواصفات عمل تانية واكيد من ضمنها المرتب بردة..

عموما

ربنا المستعان علي ما تصفون

وهو اللي كاتب رزق كل واحد من فين واد ايه ورايح فين ولمين :)

ولد تحت الصفر يقول...

ههههههههههههه لا تعليق قال ...لا تعليق


هههههههههههه آه يا كرشي ياللي بتكبر يانا


قال وانا فاكر الدنيا ماشيه عكس أتاريني أنا اللي ماشي عكس ، و كمان لو مش عاجبني أبص ع الناس اللي ماشيه عكس و الاقيهم صح ، انا دماغي قفلت و هنجت ؟؟!


معنى ده ايه فهموني يا رجال الحق و المنطق

معنى اني مجنون في بلد عاقل أو العكس ، و لا الكلام ده مختلف

أنا ضحكت على لا تعليق لكن بصراحة و لغبائي (بهرش في شعري) ما فهمتش المغزى منها

قال و بدل ما اخبي غبائي بقول على الملأ


أنا جاهل و حمار و غبي كمان


حد عايز يعترض



أنا ايدي بتكتب في المدونة بتاعت حضرتك و لا كأنها آلة كاتبه ، مش محتاجه عقل و لا أي حاجة


تسمحيلي أجي أكتب المكواضيع بتاعتي في صندوق المواضيع هنا و انقلها هناك لمدونتي ؟





ألف مبروك لمصر و عقبال 100 سنة ، عيد ميلاد منتخب مصر

أميرة يقول...

ازيك يا محمد :)

مقولتش عامل ايه في الامتحانات؟؟ان شاء الله تكون بتعدي كويس .. ربنا يوفقك

القواعد دي للعاملين فقط:) لما تخلص وتشتغل ان شاء الله ابقي افتكر اني قولتهالك في يوم لانك مليون في المية هتسمعها من حد وقتها !!

وانا عايز اعترض ..عندك مانع :)
البلد لا مجنون ولا عاقل .. اللي جواها منهم كده ومنهم كده .. بس الصراحة بقي صعب شوية تفرق بينهم ..معاك ربنا :)

مفهمتش حكاية الكتابة والنقل.. بس عموما اعمل اللي يريحك ..

وابقي طمنا :)

ولد تحت الصفر يقول...

السلام عليكم لثاني مرة


ده أنا كنت بفكر بصوت عالي ، مش قصدي أي شئ ، كل اللي قصدي ان العبارتين دول بيلاشوا بعض مش كده ؟ ، يعني لو هو ده النظام ، يبقى ايه فايدته لو هو بيلاشي بعضه؟

تعديل العبارة " أنا هاجي أكتب المواضيع هنا في صندوق التعليقات و انقلها عندي

أميرة يقول...

وعليكم السلام ورحمة الله وبركاته

ازيك يا محمد :)

ان شاء الله تكون بخير

انا فهمت قصدك .. بس دا قصدي وقصدك .. انما السوق بيقول حاجة تانية خالص و غصب عنا مضطرين ننزل السوق و نسمع كلام منه .. كونا نسمع الكلام او نعترض دا موضوع اخر خالص :)

تشرف وتنور :)
البيت بيتك :)

اللهم اني استودعك قلبي فلا تجعل فيه أحدا غيرك

وأستودعك لا إله إلا الله فلقني إياها عند الموت

وأستودعك نفسي فلا تجعلني أخطو خطوة إلا في مرضاتك

وأستودعك كل شيء رزقتني إياه فاحفظه لي من شر خلقك أجمعين

يامن لاتضيع عنده الودائع