السلام عليكم ورحمه الله حبيت برضو اكون اول المشاركين اسجل حضور ومتابعة من جديد حاضرين يافندم ) الا صحيح قولى لى !!! النفس والهوى والدنيا والشيطان هما فعلا اعداء الانسان ؟ الله الله على الناس الى بوستات فى الزحمه دى )
اللهم امين ربنا يهدينا ويصلح حالنا ويغفر لينا كل خطاينا وذنوبناويرحمنا برحمة من عنده لا نشقى من بعدها ابدا اللهم امين لكل المسلمين ... بالمناسبة يا اليس النفس المطمئنة دى مش حاجة حلوة اوى زى ما الناس فاكرة لانها للاسف نوع من انواع الانفس برضو!!! وممكن تسوح صاحبها لو سلم ليها وطاوعها !!! متستغربيش سمعت زماااان اوى فى درس لاحد اولياء الله الصالحين (الصوفية) كان بيتكلم فيه عن موضوع الانفس ده والحديث فيه يطول اووى ومن انواعها بالترتيب وخطورتها على الانسان ( النفس الامارة بالسوء ثم اللوامة ثم النفس الملهمة ثم المطمئنة ثم الراضية ثم المرضية ثم النفس التى ليس للشيطان عليها سطان او الاقرب للكمال ) وكل واحدة من دول ليها خصائص وليها شغل مع الانسان وكان محور الدرس ان علينا نجاهد بالعبادة والتقرب الى الله فى محاولة الوصول للنفس المطمئنة والى ربنا بيكرمه بالمنحة دى الباقى بيكون خطاب الهى للنفس المطمئنة بالرجوع الله عز وجل (فى الدنيا وليس بعد المنية) والدخول فى عباده المخلصين والله اعلم بالحقيقة والصواب .
اسف اعتقد ان الذاكرة خانتنى المرة دى والنفس الاكثر خطورة على الانسان هى الملهمة (لما تبديه لصاحبها من الهام وإيحاء) وليست المطمئنة والحمد لله انى تذكرت ولا اخجل من الاعتراف بخطئى والنسيان وهذا افضل عند الله من توصيل معلومة خاطئة. اعلم ان ليس كل ما يعرف يقال وليس كل تفسير او رمز موجه بالخطاب لكل الناس ولكن قد افلح ان صدق
الى فهمتمة من الدرس وقتها والله اعلم بالصواب انها النفس صاحبة الالهام.. يعنى بتلهم صاحبها بالشىء او الحدث ( السيناريو قبل وقوعه بقليل ) باى شكل من انواع الالهام سواء فى حلم او يقظة او او.. ودى خطورتها طبعا وخصوصا لو الانسان ده قريب من ربنا اوى بالعبادة المفروضه والاجتهاد بالذكر وساعتها بيفكر نفسه ولى من اولياء الله .. وفعلا ممكن تودية فى سكه تانية خالص غير سكة ربنا وتقريبا كدة ياليس معظم المذاهب الصوفية متفقين فى الفكر ده وبرضو الله اعلم بالحقيقه والصواب
يمكن اكون فهمت حاجة بس اللي فهمته مريحنيش كتفكير .. ربنا يهدينا جميعا للحق فهو احق ان يتبع
بس علي كلامك كده الملهمة دي بدل ما بتطلع قدام خطوة و تبقي مطمئنة وراضية ممكن ترجع العن من الامارة بالسوء .. صحيح وقعة الملتزم اكبر الف مرة من وقعة اللاهي بس مش حاسة التصنيفة دي والله تعالي اعلي واعلم
اه ممكن ترجع فعلا وليه لا لو الواحد بعد سكه الحق او سلم ليها ؟؟ بالعكس دى اكبر فرصه لشوشو بيه علشان يلحق زباينة ) ربنا سبحانة وتعالى بيقول فى كتابة العزيز بسم الله الرحمن الحيم ونفس وما سواها فالهما فجورها وتقواها صدق الله العظيم سالت نفسى كتير ازاى بتم عملية الالهام للنفس دى ؟ طبعا معرفش . ومعتقدش حد عندو اجابة مفيدة فى دى المهم ان الالهام بيتم ربنا ينجينا من شرور انفسنا ومما لا نستوعبه بعقولنا
معتقدش ان فيه حاجة العن من النفس الامارة بالسوء لان صاحبها بيعمل الغلط وهو فخور بيه وبيتباهى كمان. بتبقى طبقة سودا على القلب غشاوة والعياذ بالله يعنى ليها علامات واعراض كده على صاحبها ومن شغلها ان تلاقى الشخص ده بيتباهى باعماله السودا وهعمل كذا فى فلان وانا هوريه وانا هعرف ازاى اربيه ووو...
__________________
" يمكن اكون فهمت حاجة بس اللي فهمته مريحنيش كتفكير "
ساعات كتير بيبقى فيه تفكير منطقى ومريح بس سضيع صاحبه لو صدق نفسه حتى لو كان منطقى يعنى مثلا مثلا مبدء الشك المنهجى عند ديكارت او الى سموه (الكوجيتو) او انا اشك اذن انا موجود .. لانه شك مبنى على تجربة عقلية. لما قال ( الشك في الحياة الشعورية: إننا كثيرا ما ننام و نحلم و نعتد اننا في الحقيقة و لكنا نستيقظ و نجده حلما فما أدرانا أننا ليس نحلم الآن؟ )
انا اسف لو كان كلامى ملخبطك شوية او فية شىء من الغموض والغرابة بالنسبة لك ومحتاج الرد لاحقا بعد البحث والتفكير .. مالوش لزوم انتى اولى بوقتك عموما فكر السادة الصوفية منهج ومنطق وموجود. وايضا فكر الفلسفة الانجليزية القديم منطق وبرضو موجود وبالمناسة محدش فى الكون ده عاجبة فكر الى مختلف معاه فى المذهب والفكر والعقيدة على مر العصور لان زى ما بيقولو كل واحد دماغه مريحاه.. ومتشغليش بالك لاننا بمنتهىالبساطة ( نحن قوم وسطاء )
الاعتذار بدون داعي .. كل ما في الامر اني مكنتش موجودة علشان ارد بس.. مش اكتر من كده
عموما اعتقد والله اعلي واعلم ان اللي بتتكلم عليها دي نفس انعم الله عليها فتجبرت عليه .. لما اداها و فتحها عليها .. طغت وافتكرت انها بتاخد حقها ونصيبها من الدنيا و بيطلع منها ناس كتير اوي في الزمن دا .. اد ما فاهماك وفهمت التفسير .. الملهمة دي ماشية ورا شيطانها وممكن تمشي جيوش وراها .. نعوذ بالله منها
اما الامارة بالسوء .. فكلنا جوانا منها ولو حتي كتفكير مش تنفيذ للفعل اللي بتوسوس بيه .. التحكم في الوسوسة دي اللي بتفرق من حد للتاني .. بس بردة في ناس من اللي علي الارض غلبوا الشيطان في شره .. ربنا يكفينا شرهم ويهدينا واياهم
في ناس ربنا بينعم عليها ببصيرة المؤمن الذي يري بنور الله .. يرشدهم للحق فين .. يبعتلهم رسائل تحذيريه .. يبعتلهم اللي يخدمهم و يوسع عليهم من فضله .. بس بما انه سبحانه خلقنا درجات ومتفاوتين .. في ناس بتقدر تقرأ الرسائل دي وفي اللي بيفشلوا في الاختبار ..
يمكن كلامي ملوش معني اوي بس كلمة ملهمة دي حيرتني بجد وعلي كل حال نسأل الله ان يرنا الحق حقا ويرزقنا اتباعه ويكفينا شرور انفسنا وسيئات اعمالنا
الاعتذار بدون داعي .. وبعد كده هتتاخرى على هتاخر عليكى فى الرد سهلة وبسيطة هى )
عموما كلامك ليه لزمة ونص كمان وكلمة ملهمة دى حيرتنا كلنامش انتى وبس لانها حاجة كده عاملة زى مفترق الطرق على سكة سفر وفعلا شطانها رهيب لانها اخر فرصة لابليس على الانسان والى ربنا بيكرمه ويعيطيه الصبر على الدنيا واختبارتها بيكون طريقة النفس المطمئنة وباقى كلامك كله سليم..مع تعليق بسيط كده على قد فهمى والله اعلم برضو _____
" في ناس ربنا بينعم عليها ببصيرة المؤمن الذي يري بنور الله .. "
قوله الحق وله الملك ( ارجعى الى ربك راضية مرضية فأدخلى فى عبادى ).. بالأمر على النفس من خالقها والعبد الالهى قدانعم الله عليه ببصيرة كما تفضلتى ليرى ويسمع بنور الله ...
" اما الامارة بالسوء .. فكلنا جوانا منها ولو حتي كتفكير مش تنفيذ للفعل اللي بتوسوس بيه .. التحكم في الوسوسة دي اللي بتفرق من حد للتاني "
تقصدى من نفس للتانية مش من حد للتان الامارة شغلتها الشر والتباهى بيه وبس ( غشااااوه ) .. اما التحكم فى الوسوسة دى شغله النفس اللوامه لانها بتشتغل مع صاحبها ثلاث شغلات الحرامى والقاضى والمحامى يعنى صاحبها بعد الوسوسه يغلط ويلوم نفسه ويعاقبها احيانا وبعدين المحامى جواه يشتغل ويبرئها باعزار وحجج ويرجع يغلط تان ويلوم نفسه تان .. على ما اعتقد دى شغلتها
________
ودلوقتى بقى خلينا فى المفيد .. فيه سوالين : انتم شغالين فى البصل ؟ لان جالى تلفن كده امبارح حد بيسال عليه والشغله دى مش بتاعتى تان سؤال سمعتى عن الاعتمادالبنكى بالمرابحه فى بلد المتسورد؟ او تعرفى عملاء فى الخليج شغالين مع بنوك بالنظام ده؟
كتر خيرك يا طيبة ميرسى على زوقك بجد ولو انه يعنى كلام منقول ومش جديد واعتقد كل الناس عارفه بس بجد كلك زوق اما عن الينك فاحب اقولك انى شغال بكل سرعتى بقالى اكتر من 3 ايام متواصل (فىالقالب طبعا ) ومحضر مقالات كتير اوى .. مش احنا اتفقنا؟ الى معطلنى بجد انى مينفعش اكون لى فىاللغة الى بيتكتب بيها القوالب وبعض امور البرمجه للمواقه واشتغل على قالب بلوجر جاهز او مجانى ده يبقى حتى عيب على )))
عموما انا خلصت من ساعتين كده شغل فى القالب اخيرا وحرمت احشر نفسى فى حاجه عاوزة تركيز تاان
هشتغل يا اليس حاضر هقوم اعمل لى كوباية شاى حلوة وارجع اكمل علشان تشجيعك الحلو ده ولو يعنى كنت اتمنى تساعدينى
ردا علي المفيد اولا اه اشتغلنا فيه بس اوتسورس مش انتاجنا و كان كام تجربة كده مش حاجة اساسية يعني .. بس مقولتش مطلوب لفين؟؟علشان المواصفة بتفرق كتير
ايه حكاية الاعتماد البنكي دي باه .. انا مفهمتش جملتك علشان اعرف دا اللي اعرفه ولا لا ..فهمني حكايته ايه دا
اما عن الخليج .. فأجارك الله .. كلهم كده بضاعة امانة الا يعني فيما ندر !! و بصراحة حكاية الامانة بتقفل في الاخر لان السوق المحلي هنا بيجيب ايرادات احسن منهم بحدود معينة
وطبعا كده مجاوبتش علي اي سؤال ليك وانا اللي سألتك :)
اما عن المساعدة فانت ما شاء الله عليك مش محتاجها لان عندك كتير ربنا يزيدك .. ان شاء الله تبقي حاجة كويسة و تنفع بيها ويجعلها في ميزان حسناتك شاور بس انت ايه نوع المساعدة !
ماشى يا ستى اولا وقبل ما ارد على المفيد الاول بالمفيد التان احب اقولك ان المساعده مش للحاجة وبس ايد لوحدها متسقفش زى ما المثل قال يعنى بدايه نجاح مشوار الف خطوة واحده بنيه مباردة وعزم علىالتنفيذ ومن غير مشاورة يا ستى ماهى دى مدونتك برضو والى ربنا يقدرك عليه اعمليه من عارف دلوقتى احنا اتنين بعد سنة ممكن تكون جروب حقيقى او عملى لان فعلا مرتب لشويه خطوات كده عاوزة شويه صبر مع مشاوير وترتيبات رسمة وتلفونات و دعاية و ... ( لمجموعه عمل مش شخص واحد). الله مش احنا اتفقنا قبل كده لينا كلام وقاعدة طويلة فىالموضوع ده لما يجى وقتها ؟ انا بس محبش اسبق الاحداث او اتكلم وخلاص
____
" اما عن الخليج .. فأجارك الله .. كلهم كده بضاعة امانة "
لا لااا لااا بطلنا خلاص القصه دى من زمان يعنى المعاملة مع البشر دى بقت قطعى مش عمولة مهما كانت المغريات والظروف فى الاسواق عندهم امال انا بقيت على قدى اوى وطيران بس ليه ؟ كفايه خلينى اعرف احافظ على اخر مليمين فاضلين معاااى ليطرو هما كمان *)
_____
" ايه حكاية الاعتماد البنكي دي باه .. "
ده نوع من الانواع للاعتمادات المستندية الموجودة فى البنوك الاسلامية بيدخل فيها مع المستورد بالمرابحه فىالبضاعه .. كنت سمعت عنه بس معنديش معلومات كفايه لسه او صورة واضحة فحبيت اسالك
____
اما البصل مفهوم طبعا انه بيفرق رايح على فين وبقرشه ولا مقروش وبالمناسبة اعرف مكانه وناسه فى قليوب بس مبقتش شغلتى ومش عاوز اقعد الوش وانا لوحدى كده مبقاش فى نفس بجد اما عن التلفون الى جالى ده فكان اوانا نايم ومش مركز وصاحبته قعدت تلف وتدور فى الكلام وانا مبحبش الى يقعد يقررنى ) روحت قولت لها هكلمك بعدين وكملت نوم فقولت اسالك لو انتم شغالين فيه ده عميل محروق
مفيش حد منهم بياخد قطعي الا لو عن طريق مصدر تاني .. يعني من المطار .. غير كده كلهم امانة الا ساعات في دبي بس زي ما قلتلك قبل كده دبي مقفولة علي ناسها
اما عن الاعتماد المستندي دا .. بنوك اسلامية؟ بصراحة مش عارفاها دي وتقريبا شكلها مش معروفة اوي .. انت ادري باه .. انا متعاملاتش اي حاجة مع الدول العربية باعتماد مستندي الا في شتلات مثلا و اعتمادات مستندية عادية مشفتش اللي بالمرابحة دا .. هحاول اسال لو لقيت حد يعرفه
عميل محروق ؟ بعد اعادة تفكير .. مش متدخلالهم في حاجة :( زي ما اتفقنا كل واحد دماغه مريحاه و الشغلانة دي مليانة جمايل بدون داعي حتي .. فكرتني بحد من ايران كانت هتموت علي ثوم .. وتقولي بجيبه من الصين بس عايزة زيادة .. قلتلها احنا بناكل الصيني دا .. رحمة الله علي الثوم المصري!!
نلم من بعض ؟ هى جمعية هههههه ان شاء الله ليها حل عندى وهو انك تحطى فى دماغك وانت بتتعاملى معاى ان نيتى سالكة وخالصه معاكى لوجه الله ده احسن حل يخلى الواحد يريح ويرتاح صدقين
وماليش دعوة انا بمشاكل الناس التانية )
_________
ايران وبنجلادش ليهم اقبال على البصل والثوم المصرى على سمعت وباقى كتلة شرق اسيا .. بس يمكن الايرانية دى مكنتش تعرف اسعار الثوم المصرى مقارنة بالصينى كسعر وعبوة ومقاسات مرسومة رسم فى التعبية ) اه بالمناسبة كنت اسمع برضو ان ميناء بندر عباس - احيانا بيكون مقفول او فيه مشاكل او حاجه زى كده لتكون تايهة دى ).. عموما فى دى بالتحديد بقى انتى ادرى منى بحكم شغلك .. وانا بجمع وبنزل دلوقتى موسوعه روابط من ويكيبديا فيها وصلات معلومات عن كل موانى العالم للافادة بالمعلومات والى من يهمه الامر ...
________
" عميل محروق ؟ بعد اعادة تفكير .. مش متدخلالهم في حاجة :( زي ما اتفقنا كل واحد دماغه مريحاه و الشغلانة دي مليانة جمايل بدون داعي حتي "
وبعد اعادة تفكير كمان ) ماشى عميل محروق دى اقصد بيها محروق لى انا يعنى لو انتو اصحاب زرعه هتعرفو ازاى تشيلو بضاعه بالشكل الى يريحة ويكسبكم برضو اما انا مقدرش على كده فى البصل لانى هنزل اجمعه من السوق
اما بقى حكاية تتدخلى لهم دى فلو حصل وتم سواءفى البصل او الثوم او غيرها فكده انتى ليكى عموله شرعية فى الحالة دى وده حق ربنا مش شغلانه جمايل بدون داعى يعنى زى ما بتقولى
يعنى الجمايل هنا لحد واحد بس ( لنفسك ) لـ اليس وعلشان خاطر نفسك والى متاكد برضو انها هتردها لى فى يوم من الايام لو ربنا قدرها وعرفت راجعى حسابتك فى النقطى دى ياريت
انا مش بفكر في النوايا لانها في القلوب والله وحده يعلم السر وما اخفي :)
الايرانية دي جت في وقت في ازمة ثوم فعلا وعندها طلبات كتيرة ومقاسات عملاقة متعرفش ان مقاسات المصري قزمة جنب الصيني و معندناش اصلا .. انا سألتلها بس طلع مفيش السنة دي انتاج كويس و اه كان ميناء الوصول بندر عباس .. دي كانت عايزة 50 الف طن .. مش حاجة سهلة يعني.. بس فهمت انها بتاخد كل حاجة من كل حتة و بتوديها لاوروبا و كانت عايزة تشيلني صلصة :) ناقصاها اصلها ..
البصل مش زرعنا .. يعني اللي هتعمله انت هيعمله المهندس بتاع الاوتسورس هنا .. و كان قصدي مش هتدخلهم فعلا مش علشان جمايل .. انا قصدت هما في احيانا بياخدوا زرعة ناس جمايل .. شغلانة ملهاش اول من اخر كده وكلها مصالح منفدة في بعضها عموما انت معرفتنيش ولا فهمتني زي ما قلت انت من شوية عمولة ايه اللي هاخدها منهم بس هو انا عارفة اخد حقي الطبيعي عن شغلي اما اجيبلهم شغل بعمولة ..
اما عن رد الجميل .. فمن غير جمايل ولا حاجة انا لو اعرف اعملك حاجة هعملها من غير ما ادور علي رد
عزيزي حواديت مع ان المفروض مردش هنا عليك بس اهي جات هنا لاني متابع اصلاً هنا يمكن متابع من غير تعليقات بس لقيت اني اقدر افيدك وافيد اليس في الموضوع اللي بتسأل عنه وهو موضوع الاعتماد بالمرابحة وانا هرد عليك هنا في قدر علمي من اصحابي اللي بيشتغلوا في النوع ده من البنوك وعلى قد معرفتي بالمجال ده واغلب الكلام ده منقول من مواقع وانا قريته قبل كده لما بحثت لاني مهتم بموضوع الاعتمادات المستندية لانها من صميم عملي ويارب افيدكم في الموضوع ده اولاً البنوك الاسلامة تعتمد بعض الطرق للاعتمادات المستندية 1- الاعتماد بالوكالة 2- الاعتمادات بالمرابحة (وأظن دي اللي تقصدها ) 3- الاعتمادات بالمضاربة 4- اعتمادات المشاركة 5- اعتمادات التصدير بالنسبة الاعتمادات المرابحة يتم تطبيق هذا الاعتماد في حالة عدم قدرة العميل على السداد بالكامل (العميل = المستورد) وحينئذ يحتاج إلى تمويل كامل من البنك لشراء مستلزماته وفي عدة شروط لهذا الاعتماد 1- يجب أن يطلب العميل التمويل من البنك بأسلوب اعتماد المرابحة قبل فتح الاعتماد باسمه، وقبل أن يبرم عقد البيع الأصلي مع البائع المصدر. 2- يصدر العميل وعدا بالشراء للبنك في بداية التعامل، يقوم البنك على أساسه بالاتصال بالبائع لاجراء عملية استيراد السلعة وتملكها. 3- يجب أن يكون التعاقد لشراء السلعة من البائع مع البنك نفسه، كما يشترط أن يتم فتح الاعتماد باسم البنك لأنه هو المشتري من البائع وليس العميل . 4- يجب أن تم ابرام عقد بيع المرابحة بين البنك والعميل الواعد بالشراء بعد وصول السلعة وتسلم المستندات من قبل البنك . 5- يجوز قيام البنك بتظهير مستندات الشحن للعميل المشتري بالمرابحة لكي يتمكن من تسلم السلعة . 6- لا يجوز للبنك أن يطالب العميل الواعد بالشراء بدفع عمولة عن فتح الاعتماد في حالة اعتماد المرابحة القائم على الأمانة، لأن البنك يفتح الاعتماد لصالحه بصفته المشتري للسلعة . ولكن يمكن للبنك إضافة التكاليف الفعلية المتعلقة بفتح الاعتماد إلى جملة المصروفات، كما يمكنه تحميل المشتري عمولة فتح الاعتماد من خلال ادراجها في التكلفة إذا تم فتح الاعتماد لدى بنك آخر ( يقصد بالشرط هنا انه لا يجوز ان يدفع العميل مصاريف فتح الاعتماد تحت هذا البند أبداً ولن يمكن للبنك اضافة هذه تحت بند المصاريف الكلية متضمنة اياه . وعلى ذلك أخي العزيز حواديت تكون الشروط العملية لاتخاذ مثل هذا النوع من الاعتمادات المستندية هو أ) يبدي العميل رغبته في استيراد سلعة من الخارج محددا أوصافها ومبينا ما لديه من عروض حولها، ويتقدم بوعد لشرائها من البنك بالمرابحة بعد أن يتملكها البنك . ب)يدرس البنك طلب العميل، وبعد الموافقة وتحديد شروط التعامل، يقوم بشراء السلعة من البائع ويتفق معه على شروط الاعتماد . ج)يصدر البنك اعتماد مستندي لصالح البائع ويبلغه به مباشرة أو عن طريق بنك مراسل حسب ما يتم الاتفاق عليه . د)يسلم البائع السلعة إلى ربان السفينة، الذي يسلمه وثائق الشحن . هـ)يسلم البائع المستندات ووثائق الشحن إلى البنك الذي يدفع له ثمن سلعته بعد التحقق من تطابق المستندات مع شروط الاعتماد. و) يبرم البنك عقد بيع المرابحة مع العميل الواعد بالشراء طبقا لما اتفق عليه في وثيقة الوعد . ويظهر للعميل المشتري مستندات الشحن . ز)يسلم المشتري المستندات إلى وكيل شركة الملاحة في ميناء الوصول الذي يسلمه السلعة . ح) يقوم المشتري بسداد ثمن السلعة التي اشتراها بالمرابحة في الآجال المتفق عليها . ارفقت لك لنك لصورة توضح هذه العملية وأرجو ان اكون قد قدرت ان اساعدك واساعد امة الله فيما ترغبون في فمهمه وشكرا http://img242.imagevenue.com/loc113/th_48808_7025270017253925_9439205756712080_106486504767683636__122_113lo.jpg
الاعتمادات المستندية عموما بانواعها دمها تقيل جدااااا لما تكون انت اللي بتنفذ شروطها .. بجد خنيقة :) والحمد لله انها مش الطريقة المعتادة في العملية التصديرية الحمد لله .. يعني حاليا لا يتم اللجوء اليها الا في بعض الحالات الشاذة و شغلها بيبقي سخيف علشان تظبط كل حاجة زي شروط البنك.
اشكرك علي الافادة جدا و كنت افضل ان حضرتك متكونش غير معرف .. بس عموما شرفت و ان شاء الله انا كده نويت أسال حد في الاستيراد عليها و يمكن اطلع بمعلومة اضافيه!
اولاالشكر كل الشكر لك لاهتمامك وتقديرك ومحاولة افادة غيرك ومن حولك بمعلومات ربما تكون مفيدة له فى مجال عملة وخصوصا وانى من المهتمين جدا (على الاقل من الجانب النظرى) بالاعتمادات المستندية واعتمادات الجهوز او يطلق عليه UCP600 فى ضوء التعديلات الجديدة .. واعتقد بما ان ده مجال حضرتك كما تقول فاكيد هنستفاد من خبرتك والمعلومات الى عند حضرتك
واعتزر عن جعل الردود والتعليقات عندى فى المدونة للمسجلين فقط واروجو اعطائى العزر فى ذلك
ويارب ما تكون حضرتك الشخص الى متابع عندى قاعدة البيانات الخاصة بالموردين والشركات وبيحاول يدخل عليها بالفايرفوكس وبالتحديد فى تاريخ 24 يناير ويوم 25 يناير لانك ذكرت انك متابعنا بدون تعليق )
عموما خير ان شاء الله وقبل الدخول فىاى تفاصيل عملية للموضوع لى الشرف انى اتعرف على حضرتك الاول وتساهم معانا فى حلقة بحث تكون مثمرة وعملية باذن الله كل منا فى مجاله
اما بخصوص سؤالى للدكتورة اليس عن البنوك الاسلامية والاعتماد بالمرابحة .. فبعد الشكر والتحية لك على مجهد وتسبيقك بالخير فانا كنت اقصد بسؤالى تحديدا لها عن عملاء فى الخليج او غيره تتعامل فعليا مع هذة البنوك بمثل هذةالانواع من المعاملات .. والسبب اخى الكريم فى هذا التحديد هو ما تفضلت انت بذكره من نقاط قد اطلعت عليها انا من قبل فى موضوعات مشابه على النت واكثر ما يزعجنى جدا جدا فيها هو استخدام عبارات غير محددة مثل يجوز وما شابه ذلك تعطى للبنك صلاحيات فى الوقت واتخاذ القرار او سلطة تفويض اعلى له بصفته الممول للاعتماد مما لا ياتى ذلك ابدا فى مصلحة المستورد ويجعله متردد او غير قادر على اتخاذ قرار فتح الاعتماد لتخوفة من الشروط البنكية والعنصر الزمنى فيها خاصة فى بعض المجالات مثل التى نعمل فيها.
وكنت اود من سؤالى هذا هو ان ارى بنفسى نموذج حاضر لمثل هذة المعاملات البنكية (وليس الشروط) مع عميل او عملاء مستوردين . وكيف تمت الاجراءات ومع اى بنك او فرع وماهو الوقت الازم لذلك لانى اعمل ان دورة الاعتماد المستندى فى حد ذاتها قد تسغرق متوسط وقت شهر تقريبا وهذا لايصلح فى معظم الحالات ارجو ان اكون وفقت فى توصيل وجه نظرى من السؤال وجزاك الله كل خير ويعدنا التعرف على شخصكم الكريم
هي سخافة الاعتماد المستندي واضح انها واحدة في كل انواعه و بردة تحكمات البنوك فينا بردة واحدة.
اول مرة زمان اتحط في موقف كنا فيه هنصدر و العميل طلب اعتماد مستندي و بالصدفة اول تجربة لي معاه كانت علي بيانات فيها غلطة في الحروف و طبعا مكنتش اتخيل انك لازم تفضل تغلط نفس الغلط في كل المستندات والا البنك هيوقفها!!!
" هي سخافة الاعتماد المستندي واضح انها واحدة في كل انواعه و بردة تحكمات البنوك فينا بردة واحدة."
____
لا معلش هنا الموضوع مختلف شووية
يعنى السخافة هتكون فى الاول بس لغاية ما البنك يمضى ويفتح الاعتماد باسمه
انما الباقى اعتقد انه هيكون مختلف عن الاعتماد العادى بكتير لان طبعا البنك معندوش اى استعداد يخسر فلوسة مهما كانت الضمانات الى واخدها على المستورد . لانه فىالحالة دى هنا فاتح الاعتماد باسمة هو وبما انه هو الى هيكون لاعب بيانات فى الحالة دى يعنى هو البنك الفاتح والبنك المبلغ للاعتماد عنده مصدر ثقة فى الفاتح بالاخص فى نقاط التزوير والتلاعب علىالمستندات الخاصة بالاعتماد (مينفعش طبعا فى الحاله دى لانه مش شخص اعتبارى او شركة )
فاعتقد ان الامور هتمشى بتسيلات اكتر هو الخوف كلو بس فى العنصر الزمنى للموافقات فىالاول والشروط البنكية نفسها واستخدام عبارة غير محددة مع المستورد وتمتاز بصيغة المرونة القانونية فى مصلحة البنك طبعا
عموما خير ان شاء الله انا بحاول استفسر اليومين دول من صديق لى برة اىالنظام عندهم . طالما لسه مظهرتش حالة قدام عنينا اتعالمت بالنظام ده )
اخي في الله حواديت واختي امة الله بالنسبة لموضوع الاعتماد المستندي في البنوك الاسلامية في الخليج عامة مبقاش في كثرة للبنوك الاسلامية زي الاول في الخليج وغالباً اللي بيتعاملوا بالطريقة دي الكوايتة والسعوديين بس باقي الدول بتتعامل مع بنوك عادية وفي الاغلب الخلايجة عندهم قدرة على السداد والغطاء المالي العالي واغلب الشركات هناك فيها الموضوع ده فمش بيحتاجوا قصة المرابحة دي بالنسبة لجزئية ان البنوك بتتحكم وفي كلام تحت يجوز ولا يجوز وهكذا طبيعة الحال في جميع البنوك والهيئات بل وقوانين الدول لازم تلاقي مجال للتلاعب بالالفاظ لان مفيش قانون كامل لان القانون الوحيد اللي كامل هو القانون الالهي كل قوانين البشر بتحمل العديد من الصيغ تحت العديد من المسميات وبالنسبة لموضوع الاعتمادات المستندية لو في اي حاجة اقدر افيدك بيها او افيد اختي امة الله انا تحت امركم وجزانا الله واياكم كل الخير
طيب ما هى دى اساس المشكلة امال احنا بندور على الاعتماد ليه من الاساس ؟ وليه بنحاول نقدم اكبر تسهيلات ممكنة للمستورد ؟ ويتعامل مع بنوك ايه فى بلده ؟ اكيد لمحاوله توفير المضانات لفلوسه وفلوسنا وبعدين روسيا وبنوك اسلامية؟؟ طيب ورينى السكة ويبقى كتر الف خيرك ومن كلام فى عموله اهووو )))
هو من ناحية فية حاجة تقدر تساعد فيها فاكيد فيه ولو كنت متابع كلامنا من كام يوم كده هتلاقهيا بداية اقتراح مقدم وورشة عمل خاصة لكل المهتمين بالمجال ده وكل الى عاوز يشارك بنية خالصة لوجه الله حتى تعم الفايدة والمصلحة وميفضلش المجال ده مقفول على الكبار وبس ..
اما بعد يسعدنا بجد انا تسجل وتشارك معانا فى ورشة العمل دى او حلقة بحث او تحت اى مسمى مش مهم ايه هو المهم النتايج الفلية الى نوصل ليها فى الاخر لو ربنا اراد
امام بخصوص الاعتمادات المستندية واعتمادات الجهوز فكان نفسى بجد اعمل قسم خاص ليها يناقش كل الاجراءات من النواحى القانونية والنظرية البحتة وايضا من النواحى التطبيقة والمعاملات القائمة فعليا مع البنوك . وايه هو افضل الموجود حاليا فى اسواق المعاملات المالية بعد بنك تنمية الصادرات وتسهيلاته الى بيقدمها لعملائه الى للاسف الواحد بيكتشف انها للكبار فقط فى للاخر )
اما بعد .. فيه نقاط تانية اهم بعد وضع الاساسيات وهى عرض وكشف محاولات التلاعب بالمستندات واعتمادات الجهوز .. وسابدء بنفسى فى القريب العاجل باذن الله كخطوة ثانية بعد اتمام الخطوة الاولةالسابق ذكرها سابدء فى عرض حالة عملية للتلاعب والتحايل على اوارق الاعتماد قد تمت فليا لدراستها والاستفادة منها وكفية تجنب الوقوع ما وقع فيه ما قبلنا هذا على حد معلوماتى المتواضعة ان وفقنى الله عز وجل لذلك
وارجو الا اكون قد اثقلت عليك
همسة فى اذنك اخى الكريم : انتظر تسجيل بيانات بفارغ الصبر
يبقى احنا كدة معملناش اى حاجة يا اليس وهنفضل نلف فى حلقة مفرغة دائمأ
خليكى فكرة دايما ان مخاوف المتسورد من فتح اعتماد مستندى كلها تقريبأ حوالين نقطة واحدة وبس وهى ان المصدر ممكن ينفذ الاعتماد من حيث الشكل الظاهرى للاعتماد فقط من حيث المواصفة السعر الكمية ميعاد الشحن وما نص عليه فى بنود الاعتماد (ظاهريا طبعا دون الاهتمام بالجودة كمقياس راق)
وانت اكيد طبعا على دراية بنقط التلاعب الى مفيش اكتر منها فى موضوع الجودة دى والشهادات
وخاصة فى بدايه التعامل مع اى مصدر. والاكثر صعوبة د الاهم طبعا لما تكون السلعة كمجال الحاصلات الزراعية
وكده هنفضل نلف فى حلقة مفرغه لغايه ما طرف من الاتنين يضحى هو الاول ويقايس باحتمال الجزء الاكبر من المخاطر هو
اظن كده الامور وضحت دلوقتى انا بدور ليه على الاعتماد بالمرابحة كبديل يشجع المستورد علىاتخاذ القرار
عايز روسيا خد فلوسك كاش و تكشف عليها كمان انها فلوس حقيقية مش مزورة
مش بقولك كده علشان انت مش من المصدرين الكبار اللي يعرفوا يجيبوا حقهم .. لا خالص
من اكبر مصدر في مصر لاصغر واحد جرب يتنصب عليه في روسيا
و بجد موضوع زكايب الفلوس دي بتحصل فعلا ايا كان المبلغ اد ايه .. يحط فلوسه علي الترابيزة الاول وبعدين نتفاهم
والاعتمادات من عندهم كمان زي ما قلت بتتزور
دا اللي فكرني بشركة ضمان الصادرات و كان اصل سؤالي عن معرفتك بيها او لا لانها تقريبا جديدة و طلع من بعدها كذا حد حتي من شركات التأمين العادية بقوا بيشتغلوا نفس الشغلانة .. بقت شغلة من لا شغلة له تقريبا
المهم
الشركة دي بتقدملها كل البيانات اللي بتطلبها عن العميل المزمع التعامل معاه وهما بدورهم بيعملوا تحريات عن العميل دا والله طلع محترم وله اسم ووزن ومركز مالي يضمن حقك ... كان بها وقالولك اوك كمل طلع نصاب وملوش في الشغل السليم .. يبقي كتر خيرهم انهم عرفوك
لو طلع محترم و هما وافقوا عليه بيعملولك تأمين علي مبلغ الشحنة بناءا علي مستندات الشحن و الفاتورة و يأمنوا علي الفاتورة مقابل دفع قيمة 5% من الفاتورة لحسابهم .. وفي المقابل هما يتعهدوا بسداد 80% من قيمة الفاتورة في حالة عجز العميل عن السداد
وطبعا ليهم ضمانات بياخدوها و بتسهلهم الاستعلام عن العميل برة .. بس بتبقي مشكلة في حاجة .. انهم بيشترطوا موافقة العميل علي عمل الاستعلام عنه .. و في ناس ممكن ترفض.
ارجو ان الفكرة تكون وضحت كده و متكونش لسه مصر اني بتعامل بالقاعدة الرابعة .. كل الحكاية انك ما شاء الله معلوماتك كتيرة و وغالبا كل دا بردة تعرفه
وانا كمان والله ما كنت يهزر وساعات بكتب لك وبقول المعلومة وانا جواى متاكد ومقتنع يا اليس انك عندك فكرة عنها وصدقينى متفتكريش ان ده تضيع وقت انك تقولى لى او اقولك معلومة مش جديده اوى . لو المعلومة فيها حرف واحد زيادة فايدة للى هيستقبلها وخير وثواب لصاحبها . اما عن ذكر المبدىء الرابع فده سببه انك بتقولى
" تعرف شركة ضمان الصادرات؟ علشان مرغيش كتير وتطلع عارفها "
وفيها ايه يعنى لو طلعت عارفها ؟ تقصدى تقولى منحرقش كهربا على الفاضى يعنى )
ماشى يا اليس انا فعلا كده زى ما قولت عارفها ومعاى تلفونهم كمان بس بجد اضفتى لى بكلامك ده جزء جديد على معلوماتى مكنتش اعرفه وهو انى كنت فاكر النسبة 2% فقط مش النسبة العاليه دى على الفاتورة . تان حاجة حكاية الاشتراط على العميل انهم يستعلمو عنو مكنتش اعرف حكايةالشرط هنا دى الى اعرفه انهم بيستعلمو عنو وخلاص
وبما ان بقى موضوع تامين مخاطر الصادرات اتفتح واتحول الكلام من الاعتمادات المستندية بالمرابحة(مع العلم ان مينفعش يكون فيه تزوير لانه باسم البنك) الى تامين مخاطر الصادرات فاسمحى لى اضيف على المعلومات الى قولتيها حاجة حتى لو عرفها
مش تامين مخاطر الصادرات بس وشركات التامين العادية الى بتقدم الخدمات دى فيه كمان بنك تنمية الصادرات ومبيساتذنش علشان يستعلم عن العميل وده طبعا بصفته بنك يعنى وغير الاستعلام الكامل عن القوايم المالية للعميل وتغطية كافه مخاطر الصادارت بيقدم خدمات تانية اوسع واشمل منها مثلا تامين مخاطر البضاعه وبيعها فى بلد العميل نفسه. ده الى المفروض البنك بيقوله عن معاملاتة التجارية يعنى ليه مفهوم اشمل شويه بس للاسف زى ما زكرت فى مشركتى الى قبلها ان الخدمات دى فىالغالب بترسى على الكبار فقط ولما كت بسال الاستاذ غير معروف عن مميزات ومزايا البنوك فىالاعتمادات لان ده بيقدم خدمة سحب مبلغ كبير او حصة مصرف من مبلغ الاعتماد المفتوح للمصدر قبل التنفيذ ومن خدماته ايضا فى الحاله دى انه يقدر يحمى ويغطى المصدر لو احتاج لخطاب ضمان محلى وهكذا بس للاسف كلو كلام على ورق وده كانت محور اسالتى بحكم معرفته اكتر منا بالاعتماد والشكل الفعلى الى بتم بيها وايه هوالاحسن يارب حتى لو كلامى مفهوش جديد متكونيش مليتى وزهقتى ومعتبره تحصيل حاصل وشكرا
انا كنت بكتب ال 5% وانا مستغرباها .. معلش كنت مركزة في حاجة تانية .. بس ال 80 % دي اكيد يعني متوهتش لسه وموضوع الاستئذان دا حتي لو مش بيستأذن فالعميل كده ولا كده هيعرف ويبقي المنظر العام مش ولابد .. يعني الافضل يتقاله من قبلها ان دا نوع من انواع التأمين الطبيعي مش انك بتخونه وخايف منه
اما عن اني قلت لو تعرف او متعرفش .. فدا كان سببه انك لو عارف ممكن توجه مجهودك لحاجة تانية طالما عارف المعلومة .. ومش بخل ولا حبس علم .. دا لو كان ينفع نسميه علم اصلا
وموضوع تزور الاعتماد دا بيحصل فعلا وخصوصا في بنوك روسية
هو الاعتماد ايه غير بنك بتفتح فيه وبنك برة بيأكدلك وممكن بنك تالت هو الاصلي اللي اختاره برة العميل .. ساعات بينخدع البنك و دي بجد حصلت و في ناس اتضرت بسبب زي دا.. بردة لجهل او قلة خبرة او اي سبب .. النتيجة واحدة .. تعددت الطرق والخسارة واحدة
والله ما ظن يا بنت الحلال انا بس كنت بعلق على اسلوب ها تعرف ولا علشان منرغيش حتى انا رديت عليها بضحك وتهريج عادى يعنى . انتى الى قفشتى ولقيتك بقولى لى انا بتكلم بجد وفعلا مش ظن وحش ولا حاجة ولو كان عندى اى شك لحظة انك بتستخدمى المبدء ده فى حياتك ابقى غلطان لو استنيت من وراكى اى معلومات والدليل واضح قدامك اهو اننا بنفضل نتكلم بالساعات الطويله مع انك لا انتى فاضية ولا انا فاضى .)
واكبر دليل على كلامى انه حتى لو احنا الاتنين نعرف نفس المعلومةموضوع الـ 2% ده ادينا بنفكر بعض ومش وقت ضايع ولا حاجه ولا احنا فى سباق علشان ندخل على الى بعده بالعكس على مهلنا اوى وكل مرة هنتكلم فيها فى معلومة احنا الاتنين عرفينها هتلاقى فيه جديد لو حتى حرف واحد وحتى لو الجديد ده مش لينا هتلاقى طرف تالت داخل والجديد بقى ليه هو وممكن يضيف لنا الجديد هو شىء تان او نقط اضافيه خلى بالك طويل وافتكرى اننا قاعدين القاعدة دى بمزاجنا ولو هو مش علم ولا حاجه مكنتيش حضرتى فيه دراسات او على الاقل المصدر وبتاع الفول مش هتلاقىالفرق بينهم كتير )
طب تصدقى وتامنى بالله مانمتش من امبارح من ساعت مارجعت يعنى من المطار على الجهاز وقاعد بتكلم معاكى وكلى تركيز حتى لو مفيش جديد زى مابتقولى من وجه نظرك.يمكن انا كمان بحب المجال اوى
اما بقى بخصوص الاعتماد وروسيا فسيبك من رووسا خالص وخلينا فىالاعتماد . تقريبا كده انا الى عندى جديد المرة دى بعد ما سمعتك بتشرحى الاعتماد والتلاعب الى كنت اقصده كان فى نقاط تانية منها على سبيل المثال رقم المركب الناقلة مثلا او الرحلة لو كانت وهمية وازى فريق الشؤن القانونيه بيدرس الحالات دى وكتحليل ويتجنب الوقع فيها اوعدك هيكون ده البوستالى جاى تقبلى تحياتى واحترامى وسلامى
كلو خير باذن الله وبداية طيبة برضو اننا نتكلم فى مشاكل الاعتمادات شوية انا حذفت الحاجة الى عملت مشكلة هناك وياريت بجد تشرفى انتى على المدونة زى ما بقولك كده تبقى دى اكبر خدمة لى فعلا
عزيزي حواديت انا تقدر تناديني شادو وانا محاسب في شركة بس بنتعامل في الاستيراد كتير يعن انا الطرف التاني في القصة انتوا المصدرين وانا المستورد فعشان كده انا شايف الوشالتاني للعملة اللي حضرتك مش شايفه وبالنسبة لقصة الاعتمادات المستندية انا شايف انك جاي على البنوك اوي في موضوع ان اغلب التسهيلات بتعطى للكبار هي مش مسألة كبار وصغار هي مسألة ثقة وقدرة على السداد يعني انت كمصدر صغير لغاية دلوقتي مفيش ثقة اوي في قوايمك المالية ولا في قدرتك المالية على السداد ولا عندك تغطية من حسن السمعة وما شابه بس مع الوقت ومع كثرة تعاملك في الموضوع هتلاقي في ثقةاكثر بس قسم الائتمان في اي بنك بيقلق من اي عميل جديد وبيتحرى عنه وعلى قد قدر الثقة بيبدأوا يدوا تسهيلات وده حاصل في جميع مناهج الحياة مش في البنوك بس لازم تكسب ثقتي عشان اتعامل معاك بحرية اكثر وكده
بعد اذن صاحبة المدونة لتان مرةالنهاردة الى احنا ضيوف عندها برضو )
الاخ شادو اهلا وسهلا بيك كاخ وصديق ومش اذا كنت انت حضرتك الاستاذ غير معلوم الى كان بيتكلم معانا من شوية ولا عموما شرفنا اشتراكك معانا فى الموضوع . وبحكم طبيعه عملك كمحاسب فى شركة استيراد او كما وضحت الصورة بالطرف التان للعملة فعلا كلامك سليم جدا كلما زادت الثقة كلما زادت درجة الائتمان ومبالغ المعاملة ولكن كلامى لم يختص بالبنوك بصفة عامة وكان محدد على بنك تنمية الصادرات المصرية والخدمات التى يقدمها للمصدرين والفرق ما بين خدمات البنك المنشورة عنه والخدمات الفعلية التى فعلا يقوم بها لعملاءه وما ذكرته انه للاسف يقدم معظم هذة الخدمات لكبار المصدرين تحديدا ولم اكن مخطاء او متحاملا عليه فى هذا. وحكمى وقرارى هذا اتخذته بعد مكالمة هاتفية دارت ما بينى وبين مدير الائتمان للينك على هاتفهالشخصى مع العلم انك كما تفضلت بالذكر اننا وجهين مختلفين لعملة واحدة.فحالى هو عكس حال المستورد فى المعامله البنكيه هنا ومع العلم ايضا ان بنك تنمية الصادر هو مخصص فىالانشاء لتنمية الصادرات ومساعدة صغار المصدر وليس الفئة المستهدفة عملاؤ مصنفين درجة اولى لديه هما كما كبار المصدرين وكان رد مدير الائتمان واضح جدا وصريح انى كمصدر اقدر استفاد من مركز نظم معلومات البنك فقط وفى اضيق الحدود يتم صرف جزء بسيط من مبلغ الائتمان فى حاله اذا كان الاعتماد معزز وضد المستنادات اما خطابات الضمان المحلية فدى بقى مش للغلابة خالص ) فضحكت وكان ردى بمنتهى الهدوء عليه اظاهر انى فهمت اسم البنك غلط .)) تحياتى لمرورك الكريم
هو فعلاً أخ حواديت اسم البنك غلط لاني اول مرةاتعاملت في ورق الشركة هنا فوجئت بأن اغلب الاعتمادات مفتوحة الأجل لاننا بنستورد من مركزنا الرئيسي بره وهنا بياخد اسم جديد حاجة اسمه نماذج 11 ودي بتعتمد من وزارة التجارة الخارجية وحالياً بقا اسمها نموذج 4 وبنك تنيمة الصادرات كل قصته في الموضوع هنا انه يشتغل منبه لما يجي وقت سداد الفاتورة يبعتلنا اخطار ان في مبالغ كذا وكذا من نماذج كذا وكذا لسمه مفتوحة ويرجي اصدار الامر بالتحويل وطالما فرعنا الرئيسي مبيضغطش عليهم بيسيبونا براحتنا والفرق كمان في ان البلوك مش بيحصل في نفس وقت استلام ورق الشحنة يعني لما بستلم اوراق الشحنة عن طريق البنك البنك مش بيعمل بلوك على المبلغ المفروض اني ادفعه عشان اسدد الفاتورة بيدفع وقت ما انا اقله ادفع ووزارة التجارة الخارجية بتضمن القصة كلها عشان سمعة مصرنا الحبيبة :) يارت تكون فهمت حاجة من النكش ده كله
يا استاذ شادو انا فعلا معرفش ايه هى اجراءات المستورد فىالدفع لانى فعلا مفكرتش اى نوع من انواع اجراءات الاستيراد فى مصر وكان اهتمامى بفتح الاعتماد من برة والمدة المتطلبة ليه فى الوقت من البنك الفاتح الى البنك المبلغ وان فيه بنك او طرف معزز واعتقد برة النماذج والاجراءات واسمائها تفرق وتختلف كتير عن وعموما ادينا بنتعلم من حضرت بس للاسف فعلا معنديش اى معلومات او اجابة اقدر ارد بيها عن اجراءات هنا يعنى اهتمام بالاعتماد هو الكشف عليه ان كان سليم كمستند فعلا ولا والبيانات الى فيه صحيحة وقابلة للتنفيذ والكشف عليها انما عن اسم النموذج 11 ونموذج 13 س مثلا فاكيد معرفش .. سامحنى فى دى
مش خبير قوي وانتي عارفة سبب اهتمامي بالموضوع على قد حالي لسه تاتا تاتا الفرق اني عندي واقع ببص فيه مش نظري وبس وربنا يخليكي وتعلمينا كمان وكمان ونقدر نستفاد ونفيد الاخ الغالي حواديت
السلام عليكم ، أنا سعيد جدًا لأنني حصلت على قرضي من هذه الشركة الجيدة بعد أن حاولت عدة مرات مع شركة أخرى ولكن دون جدوى ، ثم رأيت إعلانات Tracy Finance ، فهي موثوقة ، وسعر الفائدة عليها في متناول الجميع ، إذا إذا كنت مهتمًا بأي نوع من القروض ، يرجى التواصل معهم عبر البريد الإلكتروني :( info@tracyfinancefirm.com) أو whatsapp: +918448747044
هناك 61 تعليقًا:
السلام عليكم ورحمه الله
حبيت برضو اكون اول المشاركين
اسجل حضور ومتابعة من جديد
حاضرين يافندم )
الا صحيح قولى لى !!! النفس والهوى والدنيا والشيطان هما فعلا اعداء الانسان ؟
الله الله على الناس الى بوستات فى الزحمه دى )
أولا وحشتييييييينى جدا من هنا لغاية عندك:)
ثانيا: متفقة معاكِ جدا
ثالثا: انا بحب أقرأ الادعية اللى بتضعيها فى اول الصفحة وبتفكرينى بها بجد:)
حواديت
وعليكم السلام ورحمة الله وبركاته
النفس والهوي والدنيا والشيطان .. اعوذ بالله منهم جميعا وخصوصا النفس .. ربنا يكفينا شرهم بجد
ربنا يرزقنا نفوسا مطمئنة ويهدينا
موناليزا
وانتي كمان ولو اني مقصرة انا عارفة بس انتي دايما سباقة بالخير :)
الحمد لله انك متفقة مع رأيي .. وبهذه المناسبة السعيدة .. خلي بالك منك كويس بردة:)
وبخصوص الادعية ربنا يجازي من يرسلها لي خيرا.. دايما بتيجي في وقتها :)
اللهم امين
ربنا يهدينا ويصلح حالنا ويغفر لينا كل خطاينا وذنوبناويرحمنا برحمة من عنده لا نشقى من بعدها ابدا اللهم امين لكل المسلمين ...
بالمناسبة يا اليس النفس المطمئنة دى مش حاجة حلوة اوى زى ما الناس فاكرة لانها للاسف نوع من انواع الانفس برضو!!!
وممكن تسوح صاحبها لو سلم ليها وطاوعها !!! متستغربيش
سمعت زماااان اوى فى درس لاحد اولياء الله الصالحين (الصوفية) كان بيتكلم فيه عن موضوع الانفس ده والحديث فيه يطول اووى ومن انواعها بالترتيب وخطورتها على الانسان ( النفس الامارة بالسوء ثم اللوامة ثم النفس الملهمة ثم المطمئنة ثم الراضية ثم المرضية ثم النفس التى ليس للشيطان عليها سطان او الاقرب للكمال ) وكل واحدة من دول ليها خصائص وليها شغل مع الانسان وكان محور الدرس ان علينا نجاهد بالعبادة والتقرب الى الله فى محاولة الوصول للنفس المطمئنة والى ربنا بيكرمه بالمنحة دى الباقى بيكون خطاب الهى للنفس المطمئنة بالرجوع الله عز وجل (فى الدنيا وليس بعد المنية) والدخول فى عباده المخلصين والله اعلم بالحقيقة والصواب .
اسف اعتقد ان الذاكرة خانتنى المرة دى والنفس الاكثر خطورة على الانسان هى الملهمة (لما تبديه لصاحبها من الهام وإيحاء) وليست المطمئنة والحمد لله انى تذكرت ولا اخجل من الاعتراف بخطئى والنسيان وهذا افضل عند الله من توصيل معلومة خاطئة.
اعلم ان ليس كل ما يعرف يقال وليس كل تفسير او رمز موجه بالخطاب لكل الناس ولكن قد افلح ان صدق
مش عارفة استوعب الملهمة دي
ممكن تفهمني اكتر؟
الى فهمتمة من الدرس وقتها والله اعلم بالصواب انها النفس صاحبة الالهام..
يعنى بتلهم صاحبها بالشىء او الحدث ( السيناريو قبل وقوعه بقليل ) باى شكل من انواع الالهام سواء فى حلم او يقظة او او.. ودى خطورتها طبعا وخصوصا لو الانسان ده قريب من ربنا اوى بالعبادة المفروضه والاجتهاد بالذكر وساعتها بيفكر نفسه ولى من اولياء الله .. وفعلا ممكن تودية فى سكه تانية خالص غير سكة ربنا
وتقريبا كدة ياليس معظم المذاهب الصوفية متفقين فى الفكر ده وبرضو الله اعلم بالحقيقه والصواب
يمكن اكون فهمت حاجة بس اللي فهمته مريحنيش كتفكير .. ربنا يهدينا جميعا للحق فهو احق ان يتبع
بس علي كلامك كده الملهمة دي بدل ما بتطلع قدام خطوة و تبقي مطمئنة وراضية ممكن ترجع العن من الامارة بالسوء .. صحيح وقعة الملتزم اكبر الف مرة من وقعة اللاهي بس مش حاسة التصنيفة دي والله تعالي اعلي واعلم
متشكرة علي الاضافة علي كل حال . جزاك الله خيرا
اه ممكن ترجع فعلا وليه لا لو الواحد بعد سكه الحق او سلم ليها ؟؟
بالعكس دى اكبر فرصه لشوشو بيه علشان يلحق زباينة )
ربنا سبحانة وتعالى بيقول فى كتابة العزيز بسم الله الرحمن الحيم ونفس وما سواها فالهما فجورها وتقواها صدق الله العظيم
سالت نفسى كتير ازاى بتم عملية الالهام للنفس دى ؟ طبعا معرفش . ومعتقدش حد عندو اجابة مفيدة فى دى المهم ان الالهام بيتم
ربنا ينجينا من شرور انفسنا ومما لا نستوعبه بعقولنا
" ممكن ترجع العن من الامارة بالسوء .. "
معتقدش ان فيه حاجة العن من النفس الامارة بالسوء لان صاحبها بيعمل الغلط وهو فخور بيه وبيتباهى كمان. بتبقى طبقة سودا على القلب غشاوة والعياذ بالله يعنى ليها علامات واعراض كده على صاحبها ومن شغلها ان تلاقى الشخص ده بيتباهى باعماله السودا وهعمل كذا فى فلان وانا هوريه وانا هعرف ازاى اربيه ووو...
__________________
" يمكن اكون فهمت حاجة بس اللي فهمته مريحنيش كتفكير "
ساعات كتير بيبقى فيه تفكير منطقى ومريح بس سضيع صاحبه لو صدق نفسه حتى لو كان منطقى
يعنى مثلا مثلا مبدء الشك المنهجى عند ديكارت او الى سموه (الكوجيتو) او انا اشك اذن انا موجود .. لانه شك مبنى على تجربة عقلية. لما قال ( الشك في الحياة الشعورية:
إننا كثيرا ما ننام و نحلم و نعتد اننا في الحقيقة
و لكنا نستيقظ و نجده حلما فما أدرانا أننا ليس نحلم الآن؟ )
ويارب ما تكونى توهتى منى )
هرجع للرد لاحقا ان شاء الله علشان مش هقدر مردش
انا اسف لو كان كلامى ملخبطك شوية او فية شىء من الغموض والغرابة بالنسبة لك ومحتاج الرد لاحقا بعد البحث والتفكير .. مالوش لزوم انتى اولى بوقتك
عموما فكر السادة الصوفية منهج ومنطق وموجود. وايضا فكر الفلسفة الانجليزية القديم منطق وبرضو موجود وبالمناسة محدش فى الكون ده عاجبة فكر الى مختلف معاه فى المذهب والفكر والعقيدة على مر العصور لان زى ما بيقولو كل واحد دماغه مريحاه.. ومتشغليش بالك لاننا بمنتهىالبساطة ( نحن قوم وسطاء )
تقبلى مرورى اختى الكريمة حبيت بس اطمن عليكى وارغى معاكى حبيتين..)
السلام عليكم ورحمة الله وبركاته
الاعتذار بدون داعي .. كل ما في الامر اني مكنتش موجودة علشان ارد بس.. مش اكتر من كده
عموما
اعتقد والله اعلي واعلم ان اللي بتتكلم عليها دي نفس انعم الله عليها فتجبرت عليه .. لما اداها و فتحها عليها .. طغت وافتكرت انها بتاخد حقها ونصيبها من الدنيا و بيطلع منها ناس كتير اوي في الزمن دا .. اد ما فاهماك وفهمت التفسير .. الملهمة دي ماشية ورا شيطانها وممكن تمشي جيوش وراها .. نعوذ بالله منها
اما الامارة بالسوء .. فكلنا جوانا منها ولو حتي كتفكير مش تنفيذ للفعل اللي بتوسوس بيه .. التحكم في الوسوسة دي اللي بتفرق من حد للتاني .. بس بردة في ناس من اللي علي الارض غلبوا الشيطان في شره .. ربنا يكفينا شرهم ويهدينا واياهم
في ناس ربنا بينعم عليها ببصيرة المؤمن الذي يري بنور الله .. يرشدهم للحق فين .. يبعتلهم رسائل تحذيريه .. يبعتلهم اللي يخدمهم و يوسع عليهم من فضله .. بس بما انه سبحانه خلقنا درجات ومتفاوتين .. في ناس بتقدر تقرأ الرسائل دي وفي اللي بيفشلوا في الاختبار ..
يمكن كلامي ملوش معني اوي بس كلمة ملهمة دي حيرتني بجد وعلي كل حال نسأل الله ان يرنا الحق حقا ويرزقنا اتباعه ويكفينا شرور انفسنا وسيئات اعمالنا
ومعذرة علي تأخير الرد
موضوع معوقات التصدير حلو اوي .. بس ابقي صلح لينك التعليق :)
وعليكم السلام ورحمة الله وبركاته
الاعتذار بدون داعي .. وبعد كده هتتاخرى على هتاخر عليكى فى الرد سهلة وبسيطة هى )
عموما
كلامك ليه لزمة ونص كمان وكلمة ملهمة دى حيرتنا كلنامش انتى وبس لانها حاجة كده عاملة زى مفترق الطرق على سكة سفر وفعلا شطانها رهيب لانها اخر فرصة لابليس على الانسان والى ربنا بيكرمه ويعيطيه الصبر على الدنيا واختبارتها بيكون طريقة النفس المطمئنة وباقى كلامك كله سليم..مع تعليق بسيط كده على قد فهمى والله اعلم برضو
_____
" في ناس ربنا بينعم عليها ببصيرة المؤمن الذي يري بنور الله .. "
قوله الحق وله الملك ( ارجعى الى ربك راضية مرضية فأدخلى فى عبادى )..
بالأمر على النفس من خالقها والعبد الالهى قدانعم الله عليه ببصيرة كما تفضلتى ليرى ويسمع بنور الله ...
" اما الامارة بالسوء .. فكلنا جوانا منها ولو حتي كتفكير مش تنفيذ للفعل اللي بتوسوس بيه .. التحكم في الوسوسة دي اللي بتفرق من حد للتاني "
تقصدى من نفس للتانية مش من حد للتان الامارة شغلتها الشر والتباهى بيه وبس ( غشااااوه ) .. اما التحكم فى الوسوسة دى شغله النفس اللوامه لانها بتشتغل مع صاحبها ثلاث شغلات الحرامى والقاضى والمحامى يعنى صاحبها بعد الوسوسه يغلط ويلوم نفسه ويعاقبها احيانا وبعدين المحامى جواه يشتغل ويبرئها باعزار وحجج ويرجع يغلط تان ويلوم نفسه تان .. على ما اعتقد دى شغلتها
________
ودلوقتى بقى خلينا فى المفيد .. فيه سوالين :
انتم شغالين فى البصل ؟ لان جالى تلفن كده امبارح حد بيسال عليه والشغله دى مش بتاعتى
تان سؤال سمعتى عن الاعتمادالبنكى بالمرابحه فى بلد المتسورد؟ او تعرفى عملاء فى الخليج شغالين مع بنوك بالنظام ده؟
" موضوع معوقات التصدير حلو اوي .. بس ابقي صلح لينك التعليق :) "
______
كتر خيرك يا طيبة ميرسى على زوقك بجد
ولو انه يعنى كلام منقول ومش جديد واعتقد كل الناس عارفه بس بجد كلك زوق اما عن الينك فاحب اقولك انى شغال بكل سرعتى بقالى اكتر من 3 ايام متواصل (فىالقالب طبعا ) ومحضر مقالات كتير اوى .. مش احنا اتفقنا؟
الى معطلنى بجد انى مينفعش اكون لى فىاللغة الى بيتكتب بيها القوالب وبعض امور البرمجه للمواقه واشتغل على قالب بلوجر جاهز او مجانى ده يبقى حتى عيب على )))
عموما انا خلصت من ساعتين كده شغل فى القالب اخيرا وحرمت احشر نفسى فى حاجه عاوزة تركيز تاان
هشتغل يا اليس حاضر هقوم اعمل لى كوباية شاى حلوة وارجع اكمل علشان تشجيعك الحلو ده ولو يعنى كنت اتمنى تساعدينى
الله المستعان
ردا علي المفيد اولا
اه اشتغلنا فيه بس اوتسورس مش انتاجنا و كان كام تجربة كده مش حاجة اساسية يعني .. بس مقولتش مطلوب لفين؟؟علشان المواصفة بتفرق كتير
ايه حكاية الاعتماد البنكي دي باه .. انا مفهمتش جملتك علشان اعرف دا اللي اعرفه ولا لا ..فهمني حكايته ايه دا
اما عن الخليج .. فأجارك الله .. كلهم كده بضاعة امانة الا يعني فيما ندر !! و بصراحة حكاية الامانة بتقفل في الاخر لان السوق المحلي هنا بيجيب ايرادات احسن منهم بحدود معينة
وطبعا كده مجاوبتش علي اي سؤال ليك وانا اللي سألتك :)
اما عن المساعدة فانت ما شاء الله عليك مش محتاجها لان عندك كتير ربنا يزيدك .. ان شاء الله تبقي حاجة كويسة و تنفع بيها ويجعلها في ميزان حسناتك
شاور بس انت ايه نوع المساعدة !
ههههههههه
تصدقى مش عارف اتفاهم معاكى رديتى لى السؤال باتنين )
ماشى يا ستى اولا وقبل ما ارد على المفيد الاول بالمفيد التان احب اقولك ان المساعده مش للحاجة وبس
ايد لوحدها متسقفش زى ما المثل قال
يعنى بدايه نجاح مشوار الف خطوة واحده بنيه مباردة وعزم علىالتنفيذ ومن غير مشاورة يا ستى ماهى دى مدونتك برضو والى ربنا يقدرك عليه اعمليه من عارف دلوقتى احنا اتنين بعد سنة ممكن تكون جروب حقيقى او عملى لان فعلا مرتب لشويه خطوات كده عاوزة شويه صبر مع مشاوير وترتيبات رسمة وتلفونات و دعاية و ... ( لمجموعه عمل مش شخص واحد). الله مش احنا اتفقنا قبل كده لينا كلام وقاعدة طويلة فىالموضوع ده لما يجى وقتها ؟ انا بس محبش اسبق الاحداث او اتكلم وخلاص
____
" اما عن الخليج .. فأجارك الله .. كلهم كده بضاعة امانة "
لا لااا لااا بطلنا خلاص القصه دى من زمان يعنى المعاملة مع البشر دى بقت قطعى مش عمولة مهما كانت المغريات والظروف فى الاسواق عندهم امال انا بقيت على قدى اوى وطيران بس ليه ؟
كفايه خلينى اعرف احافظ على اخر مليمين فاضلين معاااى ليطرو هما كمان *)
_____
" ايه حكاية الاعتماد البنكي دي باه .. "
ده نوع من الانواع للاعتمادات المستندية الموجودة فى البنوك الاسلامية بيدخل فيها مع المستورد بالمرابحه فىالبضاعه .. كنت سمعت عنه بس معنديش معلومات كفايه لسه او صورة واضحة فحبيت اسالك
____
اما البصل مفهوم طبعا انه بيفرق رايح على فين وبقرشه ولا مقروش وبالمناسبة اعرف مكانه وناسه فى قليوب
بس مبقتش شغلتى ومش عاوز اقعد الوش وانا لوحدى كده مبقاش فى نفس بجد
اما عن التلفون الى جالى ده فكان اوانا نايم ومش مركز وصاحبته قعدت تلف وتدور فى الكلام وانا مبحبش الى يقعد يقررنى ) روحت قولت لها هكلمك بعدين وكملت نوم
فقولت اسالك لو انتم شغالين فيه ده عميل محروق
المفيد التاني : ربنا المستعان ان شاء الله
المفيد الاولاني
مفيش حد منهم بياخد قطعي الا لو عن طريق مصدر تاني .. يعني من المطار .. غير كده كلهم امانة الا ساعات في دبي بس زي ما قلتلك قبل كده دبي مقفولة علي ناسها
اما عن الاعتماد المستندي دا .. بنوك اسلامية؟ بصراحة مش عارفاها دي وتقريبا شكلها مش معروفة اوي .. انت ادري باه .. انا متعاملاتش اي حاجة مع الدول العربية باعتماد مستندي الا في شتلات مثلا و اعتمادات مستندية عادية مشفتش اللي بالمرابحة دا .. هحاول اسال لو لقيت حد يعرفه
عميل محروق ؟
بعد اعادة تفكير .. مش متدخلالهم في حاجة :( زي ما اتفقنا كل واحد دماغه مريحاه و الشغلانة دي مليانة جمايل بدون داعي حتي ..
فكرتني بحد من ايران كانت هتموت علي ثوم .. وتقولي بجيبه من الصين بس عايزة زيادة .. قلتلها احنا بناكل الصيني دا .. رحمة الله علي الثوم المصري!!
اه بالمناسبة
التفاهم معايا دا شكله مش مشكلتك انت لوحدك
بقت شكوي جماعية !!
لموا من بعض و شوفولها حل باه
نلم من بعض ؟ هى جمعية هههههه
ان شاء الله ليها حل عندى وهو انك تحطى فى دماغك وانت بتتعاملى معاى ان نيتى سالكة وخالصه معاكى لوجه الله ده احسن حل يخلى الواحد يريح ويرتاح صدقين
وماليش دعوة انا بمشاكل الناس التانية )
_________
ايران وبنجلادش ليهم اقبال على البصل والثوم المصرى على سمعت وباقى كتلة شرق اسيا .. بس يمكن الايرانية دى مكنتش تعرف اسعار الثوم المصرى مقارنة بالصينى كسعر وعبوة ومقاسات مرسومة رسم فى التعبية )
اه بالمناسبة كنت اسمع برضو ان ميناء بندر عباس - احيانا بيكون مقفول او فيه مشاكل او حاجه زى كده لتكون تايهة دى ).. عموما فى دى بالتحديد بقى انتى ادرى منى بحكم شغلك .. وانا بجمع وبنزل دلوقتى موسوعه روابط من ويكيبديا فيها وصلات معلومات عن كل موانى العالم للافادة بالمعلومات والى من يهمه الامر ...
________
" عميل محروق ؟
بعد اعادة تفكير .. مش متدخلالهم في حاجة :( زي ما اتفقنا كل واحد دماغه مريحاه و الشغلانة دي مليانة جمايل بدون داعي حتي "
وبعد اعادة تفكير كمان ) ماشى عميل محروق دى اقصد بيها محروق لى انا يعنى لو انتو اصحاب زرعه هتعرفو ازاى تشيلو بضاعه بالشكل الى يريحة ويكسبكم برضو اما انا مقدرش على كده فى البصل لانى هنزل اجمعه من السوق
اما بقى حكاية تتدخلى لهم دى فلو حصل وتم سواءفى البصل او الثوم او غيرها فكده انتى ليكى عموله شرعية فى الحالة دى وده حق ربنا مش شغلانه جمايل بدون داعى يعنى زى ما بتقولى
يعنى الجمايل هنا لحد واحد بس ( لنفسك )
لـ اليس
وعلشان خاطر نفسك والى متاكد برضو انها هتردها لى فى يوم من الايام لو ربنا قدرها وعرفت
راجعى حسابتك فى النقطى دى ياريت
احلى جمله بجد
خلى بالك منك
لأن محدش هاياخد باله منك
انا مش بفكر في النوايا لانها في القلوب والله وحده يعلم السر وما اخفي :)
الايرانية دي جت في وقت في ازمة ثوم فعلا وعندها طلبات كتيرة ومقاسات عملاقة متعرفش ان مقاسات المصري قزمة جنب الصيني و معندناش اصلا .. انا سألتلها بس طلع مفيش السنة دي انتاج كويس و اه كان ميناء الوصول بندر عباس .. دي كانت عايزة 50 الف طن .. مش حاجة سهلة يعني.. بس فهمت انها بتاخد كل حاجة من كل حتة و بتوديها لاوروبا و كانت عايزة تشيلني صلصة :) ناقصاها اصلها ..
البصل مش زرعنا .. يعني اللي هتعمله انت هيعمله المهندس بتاع الاوتسورس هنا .. و كان قصدي مش هتدخلهم فعلا مش علشان جمايل .. انا قصدت هما في احيانا بياخدوا زرعة ناس جمايل .. شغلانة ملهاش اول من اخر كده وكلها مصالح منفدة في بعضها
عموما انت معرفتنيش ولا فهمتني زي ما قلت انت من شوية
عمولة ايه اللي هاخدها منهم بس
هو انا عارفة اخد حقي الطبيعي عن شغلي اما اجيبلهم شغل بعمولة ..
اما عن رد الجميل .. فمن غير جمايل ولا حاجة انا لو اعرف اعملك حاجة هعملها من غير ما ادور علي رد
دكتور عمرو
انت كده فهمت قصدي بالظبط
تاخد بالك منك علشان محدش هياخد باله منك
بس المهم تكون انت تهمك علشان تعرف تاخد بالك منك :)
لا ياستى مش لاعب بقى )
متلعبش ..
اشتغل :)
ههههههه
ماشى يا دكتورة ادينى بسمع الكلام اهو وقاعد بشتغل ى(بالأمر) ومن غير كتر كلام )
بجد يسعدنى جدا انك تكونى اول التعليقات فى المدونة دى شرف للمدونة قبل ما يكون لصاحبها. اما الرد فاسمحى لى بس هاخره كام ساعه كده ومش تخليص حق وربنا )
عزيزي حواديت مع ان المفروض مردش هنا عليك بس اهي جات هنا لاني متابع اصلاً هنا يمكن متابع من غير تعليقات بس لقيت اني اقدر افيدك وافيد اليس في الموضوع اللي بتسأل عنه وهو موضوع الاعتماد بالمرابحة وانا هرد عليك هنا في قدر علمي من اصحابي اللي بيشتغلوا في النوع ده من البنوك وعلى قد معرفتي بالمجال ده واغلب الكلام ده منقول من مواقع وانا قريته قبل كده لما بحثت لاني مهتم بموضوع الاعتمادات المستندية لانها من صميم عملي ويارب افيدكم في الموضوع ده
اولاً البنوك الاسلامة تعتمد بعض الطرق للاعتمادات المستندية
1- الاعتماد بالوكالة
2- الاعتمادات بالمرابحة (وأظن دي اللي تقصدها )
3- الاعتمادات بالمضاربة
4- اعتمادات المشاركة
5- اعتمادات التصدير
بالنسبة الاعتمادات المرابحة يتم تطبيق هذا الاعتماد في حالة عدم قدرة العميل على السداد بالكامل (العميل = المستورد) وحينئذ يحتاج إلى تمويل كامل من البنك لشراء مستلزماته
وفي عدة شروط لهذا الاعتماد
1- يجب أن يطلب العميل التمويل من البنك بأسلوب اعتماد المرابحة قبل فتح الاعتماد باسمه، وقبل أن يبرم عقد البيع الأصلي مع البائع المصدر.
2- يصدر العميل وعدا بالشراء للبنك في بداية التعامل، يقوم البنك على أساسه بالاتصال بالبائع لاجراء عملية استيراد السلعة وتملكها.
3- يجب أن يكون التعاقد لشراء السلعة من البائع مع البنك نفسه، كما يشترط أن يتم فتح الاعتماد باسم البنك لأنه هو المشتري من البائع وليس العميل .
4- يجب أن تم ابرام عقد بيع المرابحة بين البنك والعميل الواعد بالشراء بعد وصول السلعة وتسلم المستندات من قبل البنك .
5- يجوز قيام البنك بتظهير مستندات الشحن للعميل المشتري بالمرابحة لكي يتمكن من تسلم السلعة .
6- لا يجوز للبنك أن يطالب العميل الواعد بالشراء بدفع عمولة عن فتح الاعتماد في حالة اعتماد المرابحة القائم على الأمانة، لأن البنك يفتح الاعتماد لصالحه بصفته المشتري للسلعة . ولكن يمكن للبنك إضافة التكاليف الفعلية المتعلقة بفتح الاعتماد إلى جملة المصروفات، كما يمكنه تحميل المشتري عمولة فتح الاعتماد من خلال ادراجها في التكلفة إذا تم فتح الاعتماد لدى بنك آخر ( يقصد بالشرط هنا انه لا يجوز ان يدفع العميل مصاريف فتح الاعتماد تحت هذا البند أبداً ولن يمكن للبنك اضافة هذه تحت بند المصاريف الكلية متضمنة اياه .
وعلى ذلك أخي العزيز حواديت تكون الشروط العملية لاتخاذ مثل هذا النوع من الاعتمادات المستندية هو
أ) يبدي العميل رغبته في استيراد سلعة من الخارج محددا أوصافها ومبينا ما لديه من عروض حولها، ويتقدم بوعد لشرائها من البنك بالمرابحة بعد أن يتملكها البنك .
ب)يدرس البنك طلب العميل، وبعد الموافقة وتحديد شروط التعامل، يقوم بشراء السلعة من البائع ويتفق معه على شروط الاعتماد .
ج)يصدر البنك اعتماد مستندي لصالح البائع ويبلغه به مباشرة أو عن طريق بنك مراسل حسب ما يتم الاتفاق عليه .
د)يسلم البائع السلعة إلى ربان السفينة، الذي يسلمه وثائق الشحن .
هـ)يسلم البائع المستندات ووثائق الشحن إلى البنك الذي يدفع له ثمن سلعته بعد التحقق من تطابق المستندات مع شروط الاعتماد.
و) يبرم البنك عقد بيع المرابحة مع العميل الواعد بالشراء طبقا لما اتفق عليه في وثيقة الوعد . ويظهر للعميل المشتري مستندات الشحن .
ز)يسلم المشتري المستندات إلى وكيل شركة الملاحة في ميناء الوصول الذي يسلمه السلعة .
ح) يقوم المشتري بسداد ثمن السلعة التي اشتراها بالمرابحة في الآجال المتفق عليها .
ارفقت لك لنك لصورة توضح هذه العملية وأرجو ان اكون قد قدرت ان اساعدك واساعد امة الله فيما ترغبون في فمهمه وشكرا
http://img242.imagevenue.com/loc113/th_48808_7025270017253925_9439205756712080_106486504767683636__122_113lo.jpg
غير معرف
جزاك الله خيرا علي المعلومة
الاعتمادات المستندية عموما بانواعها دمها تقيل جدااااا لما تكون انت اللي بتنفذ شروطها .. بجد خنيقة :) والحمد لله انها مش الطريقة المعتادة في العملية التصديرية الحمد لله .. يعني حاليا لا يتم اللجوء اليها الا في بعض الحالات الشاذة و شغلها بيبقي سخيف علشان تظبط كل حاجة زي شروط البنك.
اشكرك علي الافادة جدا و كنت افضل ان حضرتك متكونش غير معرف .. بس عموما شرفت و ان شاء الله انا كده نويت أسال حد في الاستيراد عليها و يمكن اطلع بمعلومة اضافيه!
جزاك الله خيرا
السلام عليكم ورحمة الله
بعد اذن صاحبة المدونة طبعا الى احنا ضيوفها
السيد الاستاذ/ غير معروف
اولاالشكر كل الشكر لك لاهتمامك وتقديرك ومحاولة افادة غيرك ومن حولك بمعلومات ربما تكون مفيدة له فى مجال عملة وخصوصا وانى من المهتمين جدا (على الاقل من الجانب النظرى) بالاعتمادات المستندية واعتمادات الجهوز
او يطلق عليه UCP600 فى ضوء التعديلات الجديدة .. واعتقد بما ان ده مجال حضرتك كما تقول فاكيد هنستفاد من خبرتك والمعلومات الى عند حضرتك
واعتزر عن جعل الردود والتعليقات عندى فى المدونة للمسجلين فقط واروجو اعطائى العزر فى ذلك
ويارب ما تكون حضرتك الشخص الى متابع عندى قاعدة البيانات الخاصة بالموردين والشركات وبيحاول يدخل عليها بالفايرفوكس وبالتحديد فى تاريخ 24 يناير ويوم 25 يناير لانك ذكرت انك متابعنا بدون تعليق )
عموما خير ان شاء الله
وقبل الدخول فىاى تفاصيل عملية للموضوع لى الشرف انى اتعرف على حضرتك الاول وتساهم معانا فى حلقة بحث تكون مثمرة وعملية باذن الله كل منا فى مجاله
اما بخصوص سؤالى للدكتورة اليس عن البنوك الاسلامية والاعتماد بالمرابحة .. فبعد الشكر والتحية لك على مجهد وتسبيقك بالخير فانا كنت اقصد بسؤالى تحديدا لها عن عملاء فى الخليج او غيره تتعامل فعليا مع هذة البنوك بمثل هذةالانواع من المعاملات ..
والسبب اخى الكريم فى هذا التحديد هو ما تفضلت انت بذكره من نقاط قد اطلعت عليها انا من قبل فى موضوعات مشابه على النت واكثر ما يزعجنى جدا جدا فيها هو استخدام عبارات غير محددة مثل يجوز وما شابه ذلك تعطى للبنك صلاحيات فى الوقت واتخاذ القرار او سلطة تفويض اعلى له بصفته الممول للاعتماد
مما لا ياتى ذلك ابدا فى مصلحة المستورد ويجعله متردد او غير قادر على اتخاذ قرار فتح الاعتماد لتخوفة من الشروط البنكية والعنصر الزمنى فيها خاصة فى بعض المجالات مثل التى نعمل فيها.
وكنت اود من سؤالى هذا هو ان ارى بنفسى نموذج حاضر لمثل هذة المعاملات البنكية (وليس الشروط) مع عميل او عملاء مستوردين . وكيف تمت الاجراءات ومع اى بنك او فرع وماهو الوقت الازم لذلك لانى اعمل ان دورة الاعتماد المستندى فى حد ذاتها قد تسغرق متوسط وقت شهر تقريبا وهذا لايصلح فى معظم الحالات
ارجو ان اكون وفقت فى توصيل وجه نظرى من السؤال وجزاك الله كل خير ويعدنا التعرف على شخصكم الكريم
هي سخافة الاعتماد المستندي واضح انها واحدة في كل انواعه و بردة تحكمات البنوك فينا بردة واحدة.
اول مرة زمان اتحط في موقف كنا فيه هنصدر و العميل طلب اعتماد مستندي و بالصدفة اول تجربة لي معاه كانت علي بيانات فيها غلطة في الحروف و طبعا مكنتش اتخيل انك لازم تفضل تغلط نفس الغلط في كل المستندات والا البنك هيوقفها!!!
اللي يعيش ياما يشوف.....
" هي سخافة الاعتماد المستندي واضح انها واحدة في كل انواعه و بردة تحكمات البنوك فينا بردة واحدة."
____
لا معلش هنا الموضوع مختلف شووية
يعنى السخافة هتكون فى الاول بس لغاية ما البنك يمضى ويفتح الاعتماد باسمه
انما الباقى اعتقد انه هيكون مختلف عن الاعتماد العادى بكتير لان طبعا البنك معندوش اى استعداد يخسر فلوسة مهما كانت الضمانات الى واخدها على المستورد . لانه فىالحالة دى هنا فاتح الاعتماد باسمة هو
وبما انه هو الى هيكون لاعب بيانات فى الحالة دى يعنى هو البنك الفاتح
والبنك المبلغ للاعتماد عنده مصدر ثقة فى الفاتح بالاخص فى نقاط التزوير والتلاعب علىالمستندات الخاصة بالاعتماد
(مينفعش طبعا فى الحاله دى لانه مش شخص اعتبارى او شركة )
فاعتقد ان الامور هتمشى بتسيلات اكتر هو الخوف كلو بس فى العنصر الزمنى للموافقات فىالاول والشروط البنكية نفسها واستخدام عبارة غير محددة مع المستورد وتمتاز بصيغة المرونة القانونية فى مصلحة البنك طبعا
عموما خير ان شاء الله انا بحاول استفسر اليومين دول من صديق لى برة اىالنظام عندهم . طالما لسه مظهرتش حالة قدام عنينا اتعالمت بالنظام ده )
لو ظبطت معاك دي
متروحش دول عربية .. عليك وعلي الشقيقة روسيا .. بتاخد اي حاجة وكل حاجة .. بس المشكلة الكبري تضمن فلوسك ازاي وهي مليئة بالنصابين والشركات الوهمية!!
ربنا معاك.
اخي في الله حواديت واختي امة الله بالنسبة لموضوع الاعتماد المستندي في البنوك الاسلامية في الخليج عامة مبقاش في كثرة للبنوك الاسلامية زي الاول في الخليج وغالباً اللي بيتعاملوا بالطريقة دي الكوايتة والسعوديين بس باقي الدول بتتعامل مع بنوك عادية وفي الاغلب الخلايجة عندهم قدرة على السداد والغطاء المالي العالي واغلب الشركات هناك فيها الموضوع ده فمش بيحتاجوا قصة المرابحة دي بالنسبة لجزئية ان البنوك بتتحكم وفي كلام تحت يجوز ولا يجوز وهكذا طبيعة الحال في جميع البنوك والهيئات بل وقوانين الدول لازم تلاقي مجال للتلاعب بالالفاظ لان مفيش قانون كامل لان القانون الوحيد اللي كامل هو القانون الالهي كل قوانين البشر بتحمل العديد من الصيغ تحت العديد من المسميات وبالنسبة لموضوع الاعتمادات المستندية لو في اي حاجة اقدر افيدك بيها او افيد اختي امة الله انا تحت امركم وجزانا الله واياكم كل الخير
" بس المشكلة الكبري تضمن فلوسك ازاي وهي مليئة بالنصابين والشركات الوهمية!! "
______
طيب ما هى دى اساس المشكلة
امال احنا بندور على الاعتماد ليه من الاساس ؟
وليه بنحاول نقدم اكبر تسهيلات ممكنة للمستورد ؟ ويتعامل مع بنوك ايه فى بلده ؟
اكيد لمحاوله توفير المضانات لفلوسه وفلوسنا
وبعدين روسيا وبنوك اسلامية؟؟
طيب ورينى السكة ويبقى كتر الف خيرك ومن كلام فى عموله اهووو )))
لا طبعا لم اقصد روسيا وبنوك اسلامية
اقصد روسيا والاعتمادات عموما بكافة اشكالها
روسيا واسلامية ازاي يعني
غير معرف
بردة جزاك الله خيرا :) و ربنا يجعل مساعدتك ونيتك الطيبة في ميزان حسناتك ان شاء الله
اخى الفاضل الى نفسى اعرف هو مين بجد )
حياك الله واشكرك على سرعةالاهتمام والرد
هو من ناحية فية حاجة تقدر تساعد فيها فاكيد فيه ولو كنت متابع كلامنا من كام يوم كده هتلاقهيا بداية اقتراح مقدم وورشة عمل خاصة لكل المهتمين بالمجال ده وكل الى عاوز يشارك بنية خالصة لوجه الله حتى تعم الفايدة والمصلحة وميفضلش المجال ده مقفول على الكبار وبس ..
اما بعد يسعدنا بجد انا تسجل وتشارك معانا فى ورشة العمل دى او حلقة بحث او تحت اى مسمى مش مهم ايه هو المهم النتايج الفلية الى نوصل ليها فى الاخر لو ربنا اراد
امام بخصوص الاعتمادات المستندية واعتمادات الجهوز فكان نفسى بجد اعمل قسم خاص ليها يناقش كل الاجراءات من النواحى القانونية والنظرية البحتة وايضا من النواحى التطبيقة والمعاملات القائمة فعليا مع البنوك .
وايه هو افضل الموجود حاليا فى اسواق المعاملات المالية بعد بنك تنمية الصادرات وتسهيلاته الى بيقدمها لعملائه الى للاسف الواحد بيكتشف انها للكبار فقط فى للاخر )
اما بعد ..
فيه نقاط تانية اهم بعد وضع الاساسيات وهى عرض وكشف محاولات التلاعب بالمستندات واعتمادات الجهوز .. وسابدء بنفسى فى القريب العاجل باذن الله كخطوة ثانية بعد اتمام الخطوة الاولةالسابق ذكرها سابدء فى عرض حالة عملية للتلاعب والتحايل على اوارق الاعتماد قد تمت فليا لدراستها والاستفادة منها وكفية تجنب الوقوع ما وقع فيه ما قبلنا
هذا على حد معلوماتى المتواضعة ان وفقنى الله عز وجل لذلك
وارجو الا اكون قد اثقلت عليك
همسة فى اذنك اخى الكريم :
انتظر تسجيل بيانات بفارغ الصبر
تعرف شركة ضمان الصادرات؟ علشان مرغيش كتير وتطلع عارفها
" اقصد روسيا والاعتمادات عموما بكافة اشكالها "
___
يبقى احنا كدة معملناش اى حاجة يا اليس وهنفضل نلف فى حلقة مفرغة دائمأ
خليكى فكرة دايما ان مخاوف المتسورد من فتح اعتماد مستندى كلها تقريبأ حوالين نقطة واحدة وبس وهى ان المصدر ممكن ينفذ الاعتماد من حيث الشكل الظاهرى للاعتماد فقط من حيث المواصفة السعر الكمية ميعاد الشحن وما نص عليه فى بنود الاعتماد (ظاهريا طبعا دون الاهتمام بالجودة كمقياس راق)
وانت اكيد طبعا على دراية بنقط التلاعب الى مفيش اكتر منها فى موضوع الجودة دى والشهادات
وخاصة فى بدايه التعامل مع اى مصدر. والاكثر صعوبة د الاهم طبعا لما تكون السلعة كمجال الحاصلات الزراعية
وكده هنفضل نلف فى حلقة مفرغه لغايه ما طرف من الاتنين يضحى هو الاول ويقايس باحتمال الجزء الاكبر من المخاطر هو
اظن كده الامور وضحت دلوقتى انا بدور ليه على الاعتماد بالمرابحة كبديل يشجع المستورد علىاتخاذ القرار
ههههههه
حتى لو اعرفها عاوزك تقولى الى عندك وبلاش حكاية استخدام المبدء الرابع دى فى المعلومات طالما احنا بنفيد ونستفيد كمعلومات
مكنتش بهزر انا علي فكرة
عايز روسيا خد فلوسك كاش و تكشف عليها كمان انها فلوس حقيقية مش مزورة
مش بقولك كده علشان انت مش من المصدرين الكبار اللي يعرفوا يجيبوا حقهم .. لا خالص
من اكبر مصدر في مصر لاصغر واحد جرب يتنصب عليه في روسيا
و بجد موضوع زكايب الفلوس دي بتحصل فعلا
ايا كان المبلغ اد ايه .. يحط فلوسه علي الترابيزة الاول وبعدين نتفاهم
والاعتمادات من عندهم كمان زي ما قلت بتتزور
دا اللي فكرني بشركة ضمان الصادرات و كان اصل سؤالي عن معرفتك بيها او لا لانها تقريبا جديدة و طلع من بعدها كذا حد حتي من شركات التأمين العادية بقوا بيشتغلوا نفس الشغلانة .. بقت شغلة من لا شغلة له تقريبا
المهم
الشركة دي بتقدملها كل البيانات اللي بتطلبها عن العميل المزمع التعامل معاه
وهما بدورهم بيعملوا تحريات عن العميل دا
والله طلع محترم وله اسم ووزن ومركز مالي يضمن حقك ... كان بها وقالولك اوك كمل
طلع نصاب وملوش في الشغل السليم .. يبقي كتر خيرهم انهم عرفوك
لو طلع محترم و هما وافقوا عليه
بيعملولك تأمين علي مبلغ الشحنة بناءا علي مستندات الشحن و الفاتورة و يأمنوا علي الفاتورة مقابل دفع قيمة 5% من الفاتورة لحسابهم .. وفي المقابل هما يتعهدوا بسداد 80% من قيمة الفاتورة في حالة عجز العميل عن السداد
وطبعا ليهم ضمانات بياخدوها و بتسهلهم الاستعلام عن العميل برة .. بس بتبقي مشكلة في حاجة .. انهم بيشترطوا موافقة العميل علي عمل الاستعلام عنه .. و في ناس ممكن ترفض.
ارجو ان الفكرة تكون وضحت كده و متكونش لسه مصر اني بتعامل بالقاعدة الرابعة .. كل الحكاية انك ما شاء الله معلوماتك كتيرة و وغالبا كل دا بردة تعرفه
وانا كمان والله ما كنت يهزر
وساعات بكتب لك وبقول المعلومة وانا جواى متاكد ومقتنع يا اليس انك عندك فكرة عنها وصدقينى متفتكريش ان ده تضيع وقت انك تقولى لى او اقولك معلومة مش جديده اوى . لو المعلومة فيها حرف واحد زيادة فايدة للى هيستقبلها وخير وثواب لصاحبها .
اما عن ذكر المبدىء الرابع فده سببه انك بتقولى
" تعرف شركة ضمان الصادرات؟ علشان مرغيش كتير وتطلع عارفها "
وفيها ايه يعنى لو طلعت عارفها ؟ تقصدى تقولى منحرقش كهربا على الفاضى يعنى )
ماشى يا اليس
انا فعلا كده زى ما قولت عارفها ومعاى تلفونهم كمان بس بجد اضفتى لى بكلامك ده جزء جديد على معلوماتى مكنتش اعرفه وهو انى كنت فاكر النسبة 2% فقط مش النسبة العاليه دى على الفاتورة . تان حاجة حكاية الاشتراط على العميل انهم يستعلمو عنو مكنتش اعرف حكايةالشرط هنا دى الى اعرفه انهم بيستعلمو عنو وخلاص
وبما ان بقى موضوع تامين مخاطر الصادرات اتفتح واتحول الكلام من الاعتمادات المستندية بالمرابحة(مع العلم ان مينفعش يكون فيه تزوير لانه باسم البنك) الى تامين مخاطر الصادرات فاسمحى لى اضيف على المعلومات الى قولتيها حاجة حتى لو عرفها
مش تامين مخاطر الصادرات بس وشركات التامين العادية الى بتقدم الخدمات دى فيه كمان بنك تنمية الصادرات ومبيساتذنش علشان يستعلم عن العميل وده طبعا بصفته بنك يعنى وغير الاستعلام الكامل عن القوايم المالية للعميل وتغطية كافه مخاطر الصادارت بيقدم خدمات تانية اوسع واشمل منها مثلا تامين مخاطر البضاعه وبيعها فى بلد العميل نفسه. ده الى المفروض البنك بيقوله عن معاملاتة التجارية يعنى ليه مفهوم اشمل شويه بس للاسف زى ما زكرت فى مشركتى الى قبلها ان الخدمات دى فىالغالب بترسى على الكبار فقط
ولما كت بسال الاستاذ غير معروف عن مميزات ومزايا البنوك فىالاعتمادات لان ده بيقدم خدمة سحب مبلغ كبير او حصة مصرف من مبلغ الاعتماد المفتوح للمصدر قبل التنفيذ ومن خدماته ايضا فى الحاله دى انه يقدر يحمى ويغطى المصدر لو احتاج لخطاب ضمان محلى وهكذا
بس للاسف كلو كلام على ورق وده كانت محور اسالتى بحكم معرفته اكتر منا بالاعتماد والشكل الفعلى الى بتم بيها وايه هوالاحسن
يارب حتى لو كلامى مفهوش جديد متكونيش مليتى وزهقتى ومعتبره تحصيل حاصل وشكرا
معذرة
انت صح
هي 2%
انا كنت بكتب ال 5% وانا مستغرباها .. معلش كنت مركزة في حاجة تانية .. بس ال 80 % دي اكيد يعني متوهتش لسه
وموضوع الاستئذان دا حتي لو مش بيستأذن فالعميل كده ولا كده هيعرف ويبقي المنظر العام مش ولابد .. يعني الافضل يتقاله من قبلها ان دا نوع من انواع التأمين الطبيعي مش انك بتخونه وخايف منه
اما عن اني قلت لو تعرف او متعرفش .. فدا كان سببه انك لو عارف ممكن توجه مجهودك لحاجة تانية طالما عارف المعلومة .. ومش بخل ولا حبس علم .. دا لو كان ينفع نسميه علم اصلا
وموضوع تزور الاعتماد دا بيحصل فعلا وخصوصا في بنوك روسية
هو الاعتماد ايه غير بنك بتفتح فيه وبنك برة بيأكدلك وممكن بنك تالت هو الاصلي اللي اختاره برة العميل .. ساعات بينخدع البنك و دي بجد حصلت و في ناس اتضرت بسبب زي دا.. بردة لجهل او قلة خبرة او اي سبب .. النتيجة واحدة .. تعددت الطرق والخسارة واحدة
لا مليت ولا زهقت بس بلاش ظن .. ان بعض الظن اثم
والله ما ظن يا بنت الحلال انا بس كنت بعلق على اسلوب ها تعرف ولا علشان منرغيش حتى انا رديت عليها بضحك وتهريج عادى يعنى . انتى الى قفشتى ولقيتك بقولى لى انا بتكلم بجد وفعلا مش ظن وحش ولا حاجة ولو كان عندى اى شك لحظة انك بتستخدمى المبدء ده فى حياتك ابقى غلطان لو استنيت من وراكى اى معلومات والدليل واضح قدامك اهو اننا بنفضل نتكلم بالساعات الطويله مع انك لا انتى فاضية ولا انا فاضى .)
واكبر دليل على كلامى انه حتى لو احنا الاتنين نعرف نفس المعلومةموضوع الـ 2% ده ادينا بنفكر بعض ومش وقت ضايع ولا حاجه ولا احنا فى سباق علشان ندخل على الى بعده بالعكس على مهلنا اوى وكل مرة هنتكلم فيها فى معلومة احنا الاتنين عرفينها هتلاقى فيه جديد لو حتى حرف واحد وحتى لو الجديد ده مش لينا هتلاقى طرف تالت داخل والجديد بقى ليه هو وممكن يضيف لنا الجديد هو شىء تان او نقط اضافيه
خلى بالك طويل وافتكرى اننا قاعدين القاعدة دى بمزاجنا ولو هو مش علم ولا حاجه مكنتيش حضرتى فيه دراسات
او على الاقل المصدر وبتاع الفول مش هتلاقىالفرق بينهم كتير )
طب تصدقى وتامنى بالله مانمتش من امبارح من ساعت مارجعت يعنى من المطار على الجهاز وقاعد بتكلم معاكى وكلى تركيز حتى لو مفيش جديد زى مابتقولى من وجه نظرك.يمكن انا كمان بحب المجال اوى
اما بقى بخصوص الاعتماد وروسيا فسيبك من رووسا خالص وخلينا فىالاعتماد . تقريبا كده انا الى عندى جديد المرة دى بعد ما سمعتك بتشرحى الاعتماد والتلاعب الى كنت اقصده كان فى نقاط تانية منها على سبيل المثال رقم المركب الناقلة مثلا او الرحلة لو كانت وهمية وازى فريق الشؤن القانونيه بيدرس الحالات دى وكتحليل ويتجنب الوقع فيها
اوعدك هيكون ده البوستالى جاى
تقبلى تحياتى واحترامى وسلامى
ربنا يجعله بفايدة ان شاء الله
متركزش علي شرحي للاعتماد علشان انا مكنتش اقصد اشرحه وشكل الكلام طالع مش مفهوم...
كلو خير باذن الله وبداية طيبة برضو اننا نتكلم فى مشاكل الاعتمادات شوية
انا حذفت الحاجة الى عملت مشكلة هناك وياريت بجد تشرفى انتى على المدونة زى ما بقولك كده تبقى دى اكبر خدمة لى فعلا
عزيزي حواديت انا تقدر تناديني شادو وانا محاسب في شركة بس بنتعامل في الاستيراد كتير يعن انا الطرف التاني في القصة انتوا المصدرين وانا المستورد فعشان كده انا شايف الوشالتاني للعملة اللي حضرتك مش شايفه وبالنسبة لقصة الاعتمادات المستندية انا شايف انك جاي على البنوك اوي في موضوع ان اغلب التسهيلات بتعطى للكبار هي مش مسألة كبار وصغار هي مسألة ثقة وقدرة على السداد يعني انت كمصدر صغير لغاية دلوقتي مفيش ثقة اوي في قوايمك المالية ولا في قدرتك المالية على السداد ولا عندك تغطية من حسن السمعة وما شابه بس مع الوقت ومع كثرة تعاملك في الموضوع هتلاقي في ثقةاكثر بس قسم الائتمان في اي بنك بيقلق من اي عميل جديد وبيتحرى عنه وعلى قد قدر الثقة بيبدأوا يدوا تسهيلات وده حاصل في جميع مناهج الحياة مش في البنوك بس لازم تكسب ثقتي عشان اتعامل معاك بحرية اكثر وكده
بعد اذن صاحبة المدونة لتان مرةالنهاردة الى احنا ضيوف عندها برضو )
الاخ شادو اهلا وسهلا بيك كاخ وصديق ومش اذا كنت انت حضرتك الاستاذ غير معلوم الى كان بيتكلم معانا من شوية ولا عموما شرفنا اشتراكك معانا فى الموضوع . وبحكم طبيعه عملك كمحاسب فى شركة استيراد او كما وضحت الصورة بالطرف التان للعملة فعلا كلامك سليم جدا كلما زادت الثقة كلما زادت درجة الائتمان ومبالغ المعاملة ولكن
كلامى لم يختص بالبنوك بصفة عامة وكان محدد على بنك تنمية الصادرات المصرية والخدمات التى يقدمها للمصدرين والفرق ما بين خدمات البنك المنشورة عنه والخدمات الفعلية التى فعلا يقوم بها لعملاءه وما ذكرته انه للاسف يقدم معظم هذة الخدمات لكبار المصدرين تحديدا ولم اكن مخطاء او متحاملا عليه فى هذا. وحكمى وقرارى هذا اتخذته بعد مكالمة هاتفية دارت ما بينى وبين مدير الائتمان للينك على هاتفهالشخصى مع العلم انك كما تفضلت بالذكر اننا وجهين مختلفين لعملة واحدة.فحالى هو عكس حال المستورد فى المعامله البنكيه هنا
ومع العلم ايضا ان بنك تنمية الصادر هو مخصص فىالانشاء لتنمية الصادرات ومساعدة صغار المصدر وليس الفئة المستهدفة عملاؤ مصنفين درجة اولى لديه هما كما كبار المصدرين وكان رد مدير الائتمان واضح جدا وصريح انى كمصدر اقدر استفاد من مركز نظم معلومات البنك فقط وفى اضيق الحدود يتم صرف جزء بسيط من مبلغ الائتمان فى حاله اذا كان الاعتماد معزز وضد المستنادات اما خطابات الضمان المحلية فدى بقى مش للغلابة خالص )
فضحكت وكان ردى بمنتهى الهدوء عليه اظاهر انى فهمت اسم البنك غلط .))
تحياتى لمرورك الكريم
Shadow :)
ربنا يعزك ويوسع عليك يارب و يرضيك :)
وتفضل معرف كده دايما :)
حواديت
بلاش موضوع الحذف دا علشان محصلش حاجة .. انا بس اللي مش بعرف اوصل المعلومة كويس
وعموما البيت بيتكم :)
هو فعلاً أخ حواديت اسم البنك غلط لاني اول مرةاتعاملت في ورق الشركة هنا فوجئت بأن اغلب الاعتمادات مفتوحة الأجل لاننا بنستورد من مركزنا الرئيسي بره وهنا بياخد اسم جديد حاجة اسمه نماذج 11 ودي بتعتمد من وزارة التجارة الخارجية وحالياً بقا اسمها نموذج 4 وبنك تنيمة الصادرات كل قصته في الموضوع هنا انه يشتغل منبه لما يجي وقت سداد الفاتورة يبعتلنا اخطار ان في مبالغ كذا وكذا من نماذج كذا وكذا لسمه مفتوحة ويرجي اصدار الامر بالتحويل وطالما فرعنا الرئيسي مبيضغطش عليهم بيسيبونا براحتنا والفرق كمان في ان البلوك مش بيحصل في نفس وقت استلام ورق الشحنة يعني لما بستلم اوراق الشحنة عن طريق البنك البنك مش بيعمل بلوك على المبلغ المفروض اني ادفعه عشان اسدد الفاتورة بيدفع وقت ما انا اقله ادفع ووزارة التجارة الخارجية بتضمن القصة كلها عشان سمعة مصرنا الحبيبة :) يارت تكون فهمت حاجة من النكش ده كله
ربنا يخليكي يا اختي ويبارك فيكي واديني بتعلم منكم حاجة تفيدني وانت عارفة الباقي بقا وبعد اذنك على زي ما قال حواديت :)
والله يا اخ شادو الحاجةالوحيدة الى فهمتها ومن اول مرة هى مصر الحبيبة )
دى الحاجة الى لازم نفهما كلنا من اول مرة ))
تحياتى واحترامى وتقدريرى
توقعت كده برضه عشان انا الوجه التاني اللي انت مش بتشوفه انا المستورد فمتعرفش اجراءاتي ايه وطرقي ايه في الدفع ولا يهمك يا استاذ حواديت ربنا يوفقك للي فيع الخير يارب
يا استاذ شادو انا فعلا معرفش ايه هى اجراءات المستورد فىالدفع
لانى فعلا مفكرتش اى نوع من انواع اجراءات الاستيراد فى مصر
وكان اهتمامى بفتح الاعتماد من برة والمدة المتطلبة ليه فى الوقت من البنك الفاتح الى البنك المبلغ وان فيه بنك او طرف معزز
واعتقد برة النماذج والاجراءات واسمائها تفرق وتختلف كتير عن وعموما ادينا بنتعلم من حضرت بس للاسف فعلا معنديش اى معلومات او اجابة اقدر ارد بيها عن اجراءات هنا
يعنى اهتمام بالاعتماد هو الكشف عليه ان كان سليم كمستند فعلا ولا والبيانات الى فيه صحيحة وقابلة للتنفيذ والكشف عليها انما عن اسم النموذج 11 ونموذج 13 س مثلا فاكيد معرفش .. سامحنى فى دى
السلام عليكم ورحمة الله وبركاته
بكرة تحتاجها لما يبقي عندك اللي يخصك انت مش شغل الغير وتحتاج تستورد مواد تعبئة و خامات و بذور ومهمات متنوعة
قريب ان شاء الله
واهو الخبير منور عندنا :) والاستشارة بتمن دعوة بظهر الغيب :)
بسيطة خالص اهي :)
مش خبير قوي وانتي عارفة سبب اهتمامي بالموضوع على قد حالي لسه تاتا تاتا الفرق اني عندي واقع ببص فيه مش نظري وبس وربنا يخليكي وتعلمينا كمان وكمان ونقدر نستفاد ونفيد الاخ الغالي حواديت
مشوار الالف ميل يبدأ برغبة وخطوة وارادة ..
وطلب العلم ميسر ان شاء الله لمن يريده
ربنا يزيدك من فضله ويرزقك علما نافعا
:)
نورت ومنور وهتنور دايما :)
السلام عليكم ، أنا سعيد جدًا لأنني حصلت على قرضي من هذه الشركة الجيدة بعد أن حاولت عدة مرات مع شركة أخرى ولكن دون جدوى ، ثم رأيت إعلانات Tracy Finance ، فهي موثوقة ، وسعر الفائدة عليها في متناول الجميع ، إذا إذا كنت مهتمًا بأي نوع من القروض ، يرجى التواصل معهم عبر البريد الإلكتروني :( info@tracyfinancefirm.com) أو whatsapp: +918448747044
هنا
إرسال تعليق