حمد الله علي سلامة الحجاج
المسلمين
المقبولين
مغفوري الذنوب بإذن الله :)
وعلي رأسهم اخ عزيز وابو شاب نونو حبيب لقلبي ،
الباشمهندس ابو حازم صاحب مدونة هكذا علمني سيدنا محمد صلي الله عليه وسلم
واخ أخر طيب وابن حلال طهر فؤادك
علي الاقل دول اللي الواحد اتطمن انهم رجعوا الحمد لله بالسلامة
يارب يتقبل منهم
وينولهالنا يا رب يارب يارب حجة قبل الموت يا رب
ويعيد علينا الايام دي و الطاعات دي و الخير اللي يتحس بالقلب في ايام بجد كلها بركة وسلام .. سبحان الله
اللهم تقبل طاعات المسلمين جميعا
يوم وقفة عرفات من التليفزيون و له رهبة و سلام .. سبحان الله
امال اللي شهدوه هناك كان احساسهم ايه ؟؟
السؤال دا للحجيج اللي راحوا ورجعوا
بالتفصيل الممل وبكل اللي حصل باه
مليش دعوة :)
انتم الاتنين كرماء كفاية ان شاء الله و هتنولوني مرادي :)
حمد الله علي سلامتكم جميعا
*******
وظهر اخيرا الباشمهندس صاحب مدونة The eng
حمد الله علي سلامتك يا حاج
و عقبالنا يارب
هناك 40 تعليقًا:
هنيالهم وعقبالى انا بقى كفاينى كده .. وعقبالك وربنا يتقبل من ايجى وطهر فؤادك شباب ربنا أكرمهم .
عقبالك يا اليس ... والحمد لله اللى ايجى وطهر فؤدك خلوكى نورتى مدونتك .. صباحك كله خير وامل وحب لله وفى الله يا بنتى الغاليه .
عمك مدحت
:) هنكتب لاعز من كده يعني :)
انا بس كنت عايزة اتطمن علي رجوعهم بالسلامة الاول وبعدين ادبسهم الاتنين :) :)
فيهم واحد متوقع التدبيسة دي و مش هيعرف يزوغ ان شاء الله :)
عقبالنا جميعا يارب
يا سلام كده لو تخيلت معايا
كل الناس اللي تعرفهم وبتحبهم
اتجمعوا في حتة واحدة
تبقي مش عارف تكلم مين ولا مين وتسلم علي مين و تفرح بمين ولا مين :)
و الفرحة الكبري باه لو كانت التجميعة دي لحج
دا احنا يبقي نازل علينا رضا من ربنا محدش شاف زيه :)
يارب يجمعنا دايما علي خير
سلملي علي اللي عندك كلهم :)
السلام عليكم ورحمة الله وبركاته
انا جيييييييييييييت
وعليكم السلام ورحمة الله وبركاته
نورت يا حاج :)
حسك في الدنيا دايما .. مجبتلناش حاجة معاك يعني D:
عقبال المسلمين كلهم يارب
و عقبالك و عقبالى
حمدلله على سلامتهم جميعا
وحج مبرور وذنب مغفور
كل سنة وحضرتك طيبة
وعقبالنا جميعا باذن الله
تحياتى
واحدة مفروسة
يا رب عقبالنا يارب يارب
جميعا يارب ان شاء الله :)
همس الاحباب
الله يسلمك و يرزقنا بيها ان شاء الله جميعا يارب
وانت طيب واسرتك والمسلمين جميعا بخير
متجمعين علي خير يارب دايما
عقبالنا يارب ان شاء الله السنة الجاية ونكون صحبة ياحبيبتى:)
وحمدالله على سلامة الحجاج:)
موناليزا
يا رب يا رب يا رب
قدر الله وما شاء فعل .. لعله خير :)
ربنا يجمعنا دايما بالخير وفي الخير ويجعلنا صحبة صالحة لبعض :)
يا رب تكوني انتي كويسة :)
وحشتيني باه :)
الابنة الحبيبة اليس
اولا كل سنة وانتى طيبة
وسامحينى على انها جت متاخرة
والحمد لله على رجوع الحجاج
وربنا يكتبها لك ياحبيبتى
ونكون كلنا صحبة هناك العام القادم
باذن الله
تحياتى
أم مالك :)
كل سنة وحضرتك دايما بخير و في احسن صحة وعافية و ربنا يطمنا عليكي ان شاء الله :)
ربنا يكتبهالنا جميعا يارب ويرزقنا بيها يارب
ان شاء الله تكوني بخير يا رب
نورتي واسعدتيني
الحمدلله على سلامتهم..
و حج مبرور وذنب مغفور و سعي متقبل مشكور..
و الله ينولها لكل من يسألها..
و يارب يارب انا السنة الجاية هناك مع خواتي زي ما وعدتهم..
و انتي كمان :)
الحمد لله على سلامة الحجاج وربنا يتقبل منهم ويرزقنا النعمه دي ونوقف الموقف ده على عرفات يا رب وكل واحد مشتهي العباده دي وانت يا اليس وعم مدحت متقولش انا بقى كفاياني كده قول يا رب انت كريم والطمع بربنا كويس يا رب هبني زيارة بيتك ولا تحرمنا اللهم امين اللهم امين كان منظرهم يجنن شيء يخلي القلب يطير من مكانه عمري ما اتمنيت الحج زي السنه دي يا رب يا رب ادعولي بده ربنا يبارك فيكم سلام
راشد
الله يسلمك ويردك لاهلك سالم غانم ان شاء الله :) ب A+ هه ولن نقبل بأقل منها ان شاء الله يا باشمهندس :)
ويارب توفي وعدك ويكرمنا ربنا جميعا بزيارة بيته الحرام و استكمال اركان الاسلام بفريضة الحج ويعينا عليها يارب
"وانتي كمان" اعتبر دا وعد واطمع يعني D:
ربنا يجازيك خير يا راشد ونفرح بيك ان شاء الله
انا البدر
ربنا يسلمك ويسلم المسلمين جميعا من كل سوء يارب
ويا رب يتقبل منك دعائك ويرزقنا الوقفة دي بإذن الله وهو القادر علي ذلك
حلو دعائك اوي .. الهبة من الله وهو المنعم الوهاب .. يا رب هبتك ونعمتك بفضلك وكرمك يا الله
عندي احساس اني اعرفك او انت تعرفنا .. والله اعلم
ولو لأ .. فكلامك حساه انه طالع من حد قريب .. علي كل الاحوال ربنا عالم بالحال وغني عن السؤال وعارفينه كريم و ان شاء الله كل شيء بأوان ..
ولعله خير بردة :)
نورتونا
السلام عليكم ورحمة الله وبركاته
ابنتى اليس اولا انا بشكرك جداا (جعلتينى مشهورا ) ثانيا يا ابنتى أنا البدر انا يا بنتى بقول كفايانى كده.. لانه فى حديث يقول حجوا قبل أن لاتحجوا.... عشان كده بقول كفيانى كده يعنى ارجو من الله ان يهبنى الحج فلم يعد فى العمر الكثير وهو علام الغيوب ولا تعلم نفس ماذا تكسب غدا ولا تدرى بأى أرض تموت بتمنى ان يكرمنى بحج بيته واتمنى تلك اللحظه التى اقف فيها بين يدى سيدنا رسول الله وان كنت رغم عدم ذهابى للحج او العمره لا اتخيل انى استطيع ان اعملها واقف فى مقامه الكريم ... شكرا لك يا انا البدر وانا شخصيا اخالف بنتى اليس واعتقد بانك ابنه فاضله تفضلين المتابعه من بعيد اكرمك الله بكل خير .... نورتينا
عمك مدحت
وعليكم السلام ورحمة الله و بركاته
ان شاء الله نروح كلنا كده جماعة يا رب .. حلو اوي احساس انك تبقي متواجد مع ناس بتحبهم وبس من غير لا شرط ولا قيد .. بتحبهم و مش عندك اهداف ولا مبررات ولا بتفكر في الحاجات دي اصلا
انا مش عارفة باه متلخبطونيش كده .. انا بس حاسة ان الطريقة دي اعرفها بس مش مبين واحد ولا واحدة .. بس عموما مش غريب :)
انا يا اليس بنت وحابه اتابع قراءة المدونات انت متعرفنيش بس اتمنى تقبلي وجودي وتعليقي وانت يا عم مدحت ربنا يخليك ويبارك بعمرك ونتقابل انا وانت على عرفه يا رب يكتبها لكل مشتهي وربنا يديك الصحه والعافيه والبركه انا فعلا حابه اتابع من بعيد
انا البدر
نورتي :)
حللتي اهلا ونزلتي سهلا :)
حمدالله على سلامة جميع حجاج بيت الله الحرام
وتقبل الله منهم
ووعدنا كما وعدهم
فتلك أمنية كل مؤمن
نسأل الله أن لا يحرم منها أحدا
وكل عام وأنتم بخير
الله يسلمك يا أحمد
عقبالنا جميعا ان شاء الله
ربنا يتقبل دعائك و دعائنا و يرزقنا من فضله الواسع اوي
يارب
الا هو احساسك ايه وانت واقف قدام البحر كده وعارف ان الناحية التانية لو كنت طويل كتير كده ونظرك قوي اوي كده كنت بصيت شفت الكعبة :) ؟؟
يا الله اعتقد لو أن نظرى قوى مع انى لبس نظاره من حوالى 36 سنه يعنى حتى لو همسك منظار واقدر من خلاله اشوف الكعبه او مسجد الرسول ومع انى كنت قسم أدبى ومعرفش فى الاجاهات .... اعتقد انى كنت هفضل مكانى متحركش منه وبمناسبة الاقوال المأثوره اخى يعيش من 29 سنه هناك يقول بمجرد ان احس بأنشراح فى صدرى أعرف انى قد قاربت على الوصول الى المدينه المنوره يارب يوعدنا يارب .
عمك مدحت
يا بخته
يارب يوعدنا زيارته ياااااااارب
ومتكلمنيش انا علي ضعف النظر الله يخليك .. خلينا مستورين :) :)
اللهم لك الحمد علي نعمك كلها
وبردة يا بخته ويا بخت علي محمد اللي اصلا من ابناء المدينة ويقدر يروح يزوره كل يوم (لو علي هيقرأ الكلام دا .. انا بنق عليك :) انا بحسدك بس :) علي انك من طيبة الطيبة)
وبردة يا رب اوعدنا يارب
السلام عليكم ورحمة الله وبركاتة ,,
يالله يالله يالله الكلام الجميل الطيب دة مكتوب لينا ربنا يكرمك يارب ياليس وكل من هنئنا بالحجة وعقبالكوا يارب ونكون صحبة خير بأذن الله لاننا الحمد الله احبة فى الله واجتمعنا فى الخير دايما الحمد الله وربنا رزقنا بصحبة صالحة زيكوا وبارك الله فيكواااااااااا ... وانا يااختى الكريمة وفيت بالوع د اهو وتانى يوم ماجيت كتبت موضوع وصور وفديو وربنا اكرمنى بلقطات فديو مع ان شحن الموبيل كان على طول قليل بس حبيت اسجل اللحظات العظيمة دى وربنا اكرمنى وسجلتها وان شاء الله اخى ايجى يكمل الموضوع وانا معاة برضوا وربنا كريم بأذن الله .
وعليكم السلام ورحمة الله وبركاته
منور يا حاج
اه يعني هيتكتب لأعز منكم يعني :)
ربنا يديم المعروف .. دا كفاية انكم انعم الله عليكم من فضله وخصكم من بين عباده انكم تكملوا فروض الاسلام :)
انت عملت الواجب مش بذمة اوي صحيح بس اهو الفيديو يشفعلك بردة :) اصله فرحني اوي اوي
ربنا يكرمك يا محمد و يباركلك في اهل بيتك وكل حالك
اما بخصوص اخوك ايجي فهو عامل بيات شتوي :) معذور حبة صغيرين بردة علشان شغله بس بردة يعني .. ادينا مستنيين الفرج اهو :)
عقبال كل سنة يارب و دايما متجمعين علي خير يارب :)
السلام عليكم ورحمة الله وبركاتةة
اخبارة اية ياغالية
انا زودت صورتين على الموضوع ابقى شفيهم ان شاء الله ومش حرمك من حاجة اهو ياختى ..:)
- اما عن الحملة الجديدة ابقى شفيها وقوليلى رأيك وتشاركينا فيها بأذن الله عارفك سباقة فى الخير
كل سنة وانتى طيبة ياأليس
يارب تكونى بخير حبيبتى ,,
اللهم ارزقنا حج بيتك الحرام
في عامنا هذا وفي كل عام :)
يااارب متقوليش عمى غطس فين .. انا موجود وانتى يا بنتى ربنا اعلم زى ما بيقول الشاعر ( مصر التى بخاطرى وفى دمى ) ربنا يكرمك بس بتابعك من مكان تانى من مدونة ايجى ربنا يكرمك ويكرمنا جميعا بصحبة ابوحازم وطهر فؤادك يارب صحبه طيبه صحيح ممكن كل واحد يروح بطريقه معينه لكن نجتمع هناك تصدقينى يا بنتى لوقلتلك انى بتمنى ده ولن اخفى عليكى سراا اذا قلت لك انى بحاول اشترى فيزه حره بيقولوا بحوالى 10 الاف واستنى هناك لغاية موسم الحج بفكر اعملها قبل رمضان بس ادعيلى مافيش حد ينصب عليه لحسن عمك شاطر اوووى .
عمك مدحت
يا سبحان الله تصورى ما أخدتش بالى من صورة سيرين غير دلوقتى اللهم ما صلى على النبى دى كبرت اهيه وبقيت زى القمر
ربنا يحميها ويحرسها ياااارب .
عمك مدحت
يا رب ربنا يكتبها ليا ولكل من احب ويكتبها لكل من يحب زيارة بيته الكريم
ربنا يتقبل
اللهم امين
فقط كتاب الله وسنة سيدنا محمد عليه الصلاة والسلام هيه الدليل يا اليس ..ولا يوجد لهما اى بديل من البشر .
أن شاء الله خير 9 أيام مختفيه عن مدونتك ليه ؟؟؟؟
السلام عليكم ورحمة الله وبركاته
معلش علي التأخير في الرد بس كنت مخطوفة لظروف خارجة عن ارادتي من اكتر من اسبوع .. معذرة
طهر فؤادك
الله يسعد قلبك يا محمد ويباركلك في اهل بيتك .. تسلم :)
لجين
نورتي و حمد الله علي سلامتك و ان شاء الله دايما منورانا يارب :)
كل سنة وانتي واسرتك واهلك والمسلمين جميعا بخير يارب
أقصوصة
الله يتقبل منا جميعا
كل سنة وانتي واسرتك والمسلمين جميعا بخير :)
عم مدحت
كتر الف خيرك علي السؤال
و انت عارف لو بايدي كنت رديت عليك في نفس لحظة التعليق
انا ساعات كنت بقرأه علي الموبيل في السسريع كده بس بيقع مني نص اللي مكتوب .. فيزا ايه دي؟؟ يعني كده هتبقي موجود وجود غير شرعي؟؟ لو كده يبقي لازم تطمئن الاول لشرعية الحركة دي يعني مينفعش تروح تبتغي رضا الله بأداء فرضة عن طريق ارتكاب اثم اخر او اي نوع من تغير الحقيقة .. انا معرفش ومش بفتي .. بس لازم تسأل ويطمئن قلبك للموضوع دا
وكمان تتأكد ان الحركة دي حقيقة مش نصب والله اعلم
اما بخصوص الانسة النونو دي .. مشفتهاش والله من يوم ما صورتها الصورة دي :( :( :( ولا لاحقة اروحلهم :(
الظروف ملخبطة ورا بعضها .. ربنا يهونها
ام عبد الرحمن
كل سنة وانتي طيبة يارب وابنك واسرتك والمسلمين جميعا بخير
ربنا يرزقنا الطاعة دي وغيرها ويزيدنا من فضله
عم مدحت تاني
مفهمتش انا حكاية الدليل دي كانت ردا علي ايه او غالبا انا لسه دماغي مش متزنة من جراء الي اتعمل فيا الاسبوع اللي فات .. معذرة بجد
كل عام وانتم جميعا بخير وفي احسن حال :)
بنتى الغاليه ... سنه هجريه أن شاء الله كلها خير عليكى وعلى كل المسلمين يارب ويهدى كل مسلم الى سواء السبيل ... بصى يا بنتى الفيزا الحره او التأشيره دى تكون لدخول المملكه المفروض بغرض العمل وبما أن عمك كبر طبعا مش هيدور على عمل ولكن اللى هايحصل بس عشان يكون بقائى شرعى فى المملكه وفيه كفيل وكل حاجه بس بيسيبنى براحتى ومعايا جواز السفر بتاعى وطبعا هيكون غرضى الاساسى منها البقاء هناك لاداء فريضة الحج طبعا ولاقامه هتكون مع اخى فى المدينه المنوره ده اذا وفقنى الله هيه حكايه طويله كده يارب اكون عرفت اوصلها ليكى.... اما موضوع الدليل فدى حكايه ان شاء الله لما تكونى فاضيه من شغلك هبقى اقولها ليكى .
كل سنه وانتى طيبه يا بنتى .. وخدى بالك من نفسك وشغلك وربنا يكرمك ويحميكى ويصونك من كل سؤ آمين يارب .
عمك مدحت
كل سنة وانتم جميعا بخير يارب
مفهمتش اوي الصراحة لاني لسه دماغي مش مظبوطة.. بس يعني هتروح تعمل ايه هناك غير انك هتستني الحج؟ولا هتسافر قبل الموسم علي طول ولا ايه .. ابقي فسرلي
وموضوع الدليل دا ابقي اقفشني الصبح بدري :):) من قبل 8 كده هتلاقيني كلي آذان صاغية ان شاء الله وربنا يجعله خير ان شاء الله
اخد بالي من نفسي ..حاضر ..بس من شغلي ..وصيه هو يرحمني :):)
سلملي علي الاسرة جميعها و دايما بخير ان شاءالله
شاركونى ياأحبائى فى حملة " اكفلة وهيدخلك الجنة " ,,,
اخبار بنتى الطيبه ايه ايه يارب تكونى كده زى ما عرفتك شعلة نشاط فى شغلك وربنا معاكى وجنبك دايما يارب .
عرفتى موضوع ( الدليل ) اللى قلتلك عليه ... اللى أقصده هو العنوان الجديد اللى حطيتيه على البوست .. يارب يا بنتى يحميكى ويصونك على فكره بكتب التعليق وكلهم بيسلموا عليكى ومحمد لسه داخل من الشغل وطبعا شغال حكايات عن تعب الشغل والتعامل مع العمال والفنيين فى الشركه .
عمك مدحت
طهر فؤادك
افوقلك بس يا محمد ولي مداخلة في الموضوع دا :)
عم مدحت
فهمت حكاية الدليل دي بس مجاتش في بالي كده لما قلت عليها... بس دا مش عنوان لهنا انا كتبتها في صدر الصفحة يعني :)
ربنا يدلنا جميعا علي الخير يارب ويهدينا اليه
معلش انا تركيزي نازل في الحضيض من كتر الضغط والشدة .. ادعيلي ربنا يعدي الايام دي علي خير ويصلح حالنا وسلملي عليهم كلهم وخلي محمد يشد حيله ..كلنا بنشوف كتير لاجل لقمة العيش :) ربنا يوسع عليه وعلينا وعلي المسلمين جميعا
إرسال تعليق