علاء عبد الفتاح ... ثبات علي حق

التخبط والثورة المستمرة ... بقلم/ علاء عبد الفتاح




مَنْ يگتب الدستور؟ .. بقلم / علاء عبد الفتاح




الحلم أولًا .. بقلم / علاء عبد الفتاح


مع الشهداء ذلك أفضل جدًا .. بقلم / علاء عبد الفتاح






حسبنا الله ونعم الوكيل


اتضامن مع علاء لانه انسان محترم صاحب قضية ومباديء و موقف واضح و ثابت


 ( وبصراحة اول حد في حياتي اشوفه ثابت هذا الثبات في عز الخطر)


اتضامن مع علاء علشان راجل ويستاهل تكريم مش تجريم 


اللهم اقصم الظالمين بالظالمين واخرجنا من بينهم سالمين






كم فقدنا من إنسانية ونجح العسكر وأعوانه من رجال دين-سامحهم الله-في خلق تكوينات خالية من الرحمة تجاه إخوانها في الوطن..كم رأيت من اغبياء فرحوا في مصاب إخوانهم لمجرد وهم انهم الإعلي والأفضل..فقدنا إنسانيتنا وقد أرسل الأنبياء للرحمة و بيان أهمية العدل ورفع الظلم.. ارسلوا إلي الضالين للهداية..وانقطع الوحي وبقيت الرسالة الأهم ان الله لا يرضي بالظلم وان الظالم لن يتجو من عقاب دنيا وآخرة.. عدل الله آت لا محالة.. عدل الله هيرد الظلم ويجبر الكسير ويمجد الشهيد ويطيب الخاطر. بقصم الظالمين جميعا..لن تنفعهم درجاتهم العسكرية ولا أموالهم ولا اطيانهم ولا نفاقهم فالله الحق يعلم ما تخفي الصدور.. ويمكرون ويمكر الله والله خير الماكرين..ويضل الله الظالمين..وما ربك بظلام للعبيد.. سيوفيهم أجورهم..كم أود لو أستطيع تطييب خاطر كل ملكوم ومصاب وجريح..ولكنها ارادة الله ان يرفع درجاتهم و يجتبيهم ربك ويجعلهم أعظم أجرا ان شاء الله......سلمت يداك و ان شاء الله سيري الظالمون أي منقلب ينقلبون .. الحق هيرد لأصحابه مهما طال الزمن

مشهدان و قاموس .... بقلم أهداف سويف

مشهدان وقاموس




عندها حق 
وعندنا دم 
وعندهم مفيش 


ولسه لينا ثأر 
ولسه علينا ظلم


يا مصر لسه عددنا كتير 
لا تيأسي من بأس الغير

مع الشهداء ذلك أفضل .. بقلم / علاء عبد الفتاح

كاتب هذا المقال تم استدعاءه للنيابة العسكرية بتهمة التحريض علي العنف في نفس ذات الاحداث!! "مذبحة ماسبيرو"


مع الشهداء ذلك أفضل جدا



كم فقدنا من إنسانية ونجح العسكر وأعوانه من رجال دين-سامحهم الله-في خلق تكوينات خالية من الرحمة تجاه إخوانها في الوطن..كم رأيت من اغبياء فرحوا في مصاب إخوانهم لمجرد وهم انهم الإعلي والأفضل..فقدنا إنسانيتنا وقد أرسل الأنبياء للرحمة و بيان أهمية العدل ورفع الظلم.. ارسلوا إلي الضالين للهداية..وانقطع الوحي وبقيت الرسالة الأهم ان الله لا يرضي بالظلم وان الظالم لن يتجو من عقاب دنيا وآخرة.. عدل الله آت لا محالة.. عدل الله هيرد الظلم ويجبر الكسير ويمجد الشهيد ويطيب الخاطر. بقصم الظالمين جميعا..لن تنفعهم درجاتهم العسكرية ولا أموالهم ولا اطيانهم ولا نفاقهم فالله الحق يعلم ما تخفي الصدور.. ويمكرون ويمكر الله والله خير الماكرين..ويضل الله الظالمين..وما ربك بظلام للعبيد.. سيوفيهم أجورهم..كم أود لو أستطيع تطييب خاطر كل ملكوم ومصاب وجريح..ولكنها ارادة الله ان يرفع درجاتهم و يجتبيهم ربك ويجعلهم أعظم أجرا ان شاء الله......سلمت يداك و ان شاء الله سيري الظالمون أي منقلب ينقلبون .. الحق هيرد لأصحابه مهما طال الزمن

احتياطي لا قدر الله حصلت

بما ان لو كل حاجة في الدنيا وارد انها تحصل .. فبالأحري ان مصر وهي بلد العجائب ان يكون ذلك هو الوارد حدوثه في كل/أي لحظة !!

رجاءا .....

شير المعلومات التالية سواء لا قدر الله كان الاحتياج اليها في البلدي (النيابة العامة للمدنيين) او في الميري ( النيابة العسكرية للمدنيين غصبن عن مصرواللي يتشددلها) - و قد تم استئذان كاتبها في النقل.

معلومات هامة في حالة القبض عليك من الشرطة العسكرية حالة مشاركتك في احد الاعتصامات او التظهارات السلمية

اولا يجب ان تعلم :

· اوامر الحبس الاحتياطي الصادرة من النيابة العامة يجوز استئنافها.. اما ما يصدر من النيابع العسكرية فلا يجوز استئنافها .

· ليس للنيابة العامة سلطة في حبس المتهم أكثر من اربعة ايام يعرض قبل انتهاء ميعادها علي القاضي ، اما النيابة العسكرية فتستطيع حبس المتهم 45 يوم

· ما تفعله النيابة العامة او العسكرية من تحقيقات بدون وجود محام – فعلا – كما فعلت مع لؤي ، هو خطأ المحامين انفسهم قبل أن يكون خطأ النيابه

· المحامي الذي يترك اسمه ورقم قيده – مجاملة – لوكيل النيابة ليدون بياناته في المحضر فقط دون ان يحضر التحقيقات فعلا ، يرتكب جريمة تزوير معنوي

· يحق للمتهم رفض اجراء أي تحقيقات لحين استدعاء محاميه الشخصي.. وله حرية عدم قبول أي محام غيره وليس لأاحد سلطه فرضه عليه .. وله حق اثبات ذلك .

· يحق لك كمتهم اثبات كافة التجاوزات التي صدرت من القائمين بالقبض عليك ، كما يحق لك توجيه الاتهامات لمن تعدي منهم عليك في محاضر تحقيقات النيابه.

في حالة القبض عليك لا قدر الله :

· حاول ابلاغ من يهمه امرك بسرعة وبأي طريقة.. فالابلاغ يقطع نصف الطريق نحو اخراجك من ما انت فيه

· اثناء التحقيقات لا توقع علي ما لم تقرأه.. ولا تجب علي السؤال الذي لا تفهمه .. وجاوب علي " قد " السؤال فقط .. ويجوز لك الكذب شرعا وقانونا

· اسال المحقق عن كافة التهم المنسوبة اليك .. وما تفصيلاتها تحديدا .. وارفض الاجابة او التوقيع علي المحضر قبل معرفة ذلك .

· قم بانكار كل التهم المنسوبة اليك .. وتستطيع قول كلمة واحدة لتعبر عن انكارك هي : محصلش او معرفش

· لا تخف ولا تخش شيئا فلن تلقي او تواجه غير ما كتبه الله لك .. فقط كن هادئا وشجاعا واستخدم ذكائك في الاجابة علي اسئلة المحقق .

أرقام تهمك :

· في حالة القبض عليك لا قدر الله :

يمكنك طلب المساعدة القانونية بالاتصال بأرقام جبهة الدفاع عن متظاهري مصر 

خليها دايما متسجلة علي موبايلك

012-0624003 / 0152-5472861 / 017-9901180 /0179901081

وإنا لله وإنا إليه راجعون

Sins never die , Sinners do

Forgive , never Forget

Forget what I can never forgive is a bliss

بزيادة كده

ام عجلة الانتاج دي


مهو الطالب بيذاكر قبل الثورة واثناءها و بعدها والدنيا اجازة مطلوب منه يعمل ايه في الاجازة غير ما هو معتاد؟


مهو الموظف بيشتغل قبل الثورة و اثناءها وبعدها والمطحون مطحون و المتهني متنهي ولا عزاء لعدل في اي مكان عمل


مهو صاحب المصنع ولا الشركة شغال او مش شغال ليها سبب .. واللي خلاه يعمل مصنع او شركة هيخليه عارف كويس قيمة الايد الشغالة و ان كان ظالمها هيحاول يديها اقل القليل علشان يمشي الدنيا مع العلم ان الاغلبية منهم ظالمين وواكلين حقوق موظفينهم


مهو الارزقي حاله زي ما هو قبل الثورة و بعدها .. مبيض ميكانيكي مندوب مبيعات اي شغلانة مش ثابت فيها رزق اليوم هي هي 


لا الناس بطلت تاكل وتشرب وتخرج و تتفسح وتنام وتشتغل وتتجوز و تسافر وتروح وتيجي و لا الفقير اتنغنغ من النعيم اللي انعمت عليه بيه الثورة المحروسة بالبنادق والدبابات


لا شفنا العشش بقت سرايات و لا حتي 4 حيطان ولا شفنا الصحرا اخضرت بعد ما اكلتها الكومباوندات 


ام العجلة دي اللي هي واقفة عند مين ف دول باه ؟؟؟؟؟؟؟؟؟


هو مش قوام الشعب المصري موظفين و فلاحين و عمال و طلبة ؟ ولا في فئات اخري من الشعب؟ طبعا بالاضافة الي العواطلية و اصحاب المعاشات وكبار السن


سكان العشوائيات هم هم 
سكان القصور هم هم 


اه و الفلاح حاله كما كان لا شفنا قمح اتزرع و سنابله هفهفت علينا ولا سمعنا انهم هيرجعوا الاراضي المخصصة للزراعة بتاعت الصحراوي وغيرها .. يا دوب هيبقوا ياخدوا فروق اسعار كتر خيرهم


اما وان العجلة دي من ضمن مخلفات العصابة لزوم رفع معدلات التنمية و التضخم و التعداد السكاني المنفجر و الهلس دا بالاضافة لرفع ضغط دم اللي عنده منه اصلا ,, 


اعقلوا يا بشر قبل ما تفضلوا تسفوا في شريط لا بيودي ولا بيجيب


كل اللي طالع علي الناس نبني بنبي نبني 


هو كان اهالينا خلفونا فواعليه ؟؟
ما كل واحد مرمي في مكانه بيجري علي لقمة عيشه و يا ريته عاجب


تطلعلنا المذيعة المحفلطة من دول وتقولك ندي فرصة يا جماعة و العجلة تدوب و البلد بتخرب و الاقتصاد منهار و ياخدها من بقها كل من هب ودب ولا يفهم هي قالت ايه اساسا و الشريط يفضل يسف


يا ريت كل واحد يسال نفسه هو ايه الضرر الواقع عليه هو شخصيا قبل و اثناء وبعد الثورة  و يا حبذا لو غمض عنيه كده و حلم لثواني ممكن كان تبقي مصر دي ازاي لو الثورة دي نجحت بما يرضي الله  ... الثورة مش الترقيعات الاصلاحية 


اما واني تضررت من ساسي لراسي من الهلس الدائر حولينا... فأسال الله العافية وان يتم علينا رمضان بنصر مبين ليحق به الحق و يبطل به كل باطل 


و اللي بيعمل حاجة يتقنها و يعملها بما يرضي الله وان فشلت فهي قضاء الله وقدره ولله الامر من قبل ومن بعد


( حتي الثائر يلتزم باتقان العمل مش بالتشرذم والتفرق والتنكيل بكل من قسم معاه اللقمة كل يوم والتاني)




لا وكله كوم واليوم اللي ما يعلم بيه الا الله اللي ظبط ارسال قناة الفراعين دي و لقيتها (الله يسامحه الحر بيلم بلاوي) .. ايه الاعاجيب دي .. دا غلب اللتاتة والدلالة وام لبانة .. بجد قميء اووووووي .. ربنا يعافينا


سبب الكلام بعد طول سكات اني اتكعبلت في كتيب دعاء المتوفي بعد صلاة العشاء وزعته بنت صغيرة وعلي اول صفحة منه زينة الشباب الشهيد محمد جمال رمضان - 17 سنة .. اتضرب بالنار قدام قسم مشهور ببشاعته يقينا مش سمعة وبس، و علي اللي سمعاه من الست اللي ورايا انه كان بيفادي ست وبنتها من الضرب فاتضرب هو ومات. بقول ورايا لاني من صدمة قراءة اسم (الشهيد) الزمن وقف في فترة ثبات او شلل عن التعبير نهائي. لحد ما ادركت ان كل او اي مواساة تتقال لا هتعوض ولا هتخفف حرقة دم امه في السواد اللي هي عيشاه من بعده


الواحد شايل وساكت ومستحمل بس كده كتير اوووووووووووووي


بزيادة كده

وشها زي قفاها وهي هي

حسبنا الله ونعم الوكيل 

المسلمين قلة حيث تهان قدسية المسجد ببيادات الجيش وبيت الله لا يجار فيه المستجير

المسيحين قلة حيث تحرق كنائسهم والفاعل مخفي بس مغمسة بريحة امن دولة كفتنة طائفية

اللي فاكر دا بعيد  عنه و حصل لشوية عيال ملهمش اهل صيع و لا بلطجية 

ياخد باله كويس اوي علشان دا ان محصلش معاه او مع حد يعرفه النهاردة فيحصل اكيد بكرة 

حسبنا الله ونعم الوكيل

اللهم لاتسلط علينا بذنوبنا من لا يخافك فينا ولا يرحمنا