الأحد، 8 سبتمبر، 2013

عبء و راح

لما تعوز تتخلص من كل ذكرياتك لازم تعمل زي ما بيقول الناس تقطع عرق وتسيح دمه
مش المفروض تسيب ديل لاي موضوع منتهي فيه الكلام وملوش رجعه
وعلشان محدش بيتعلم ببلاش .. معملتهاش الا لما اتعلمتها
فات كتير اوي وانا سايبة حاجة معلقة 
ان حد يسال هي ليه معلقة او يعفيني من مسئوليتها 
لحد ما حصلت مشكلة الاستقالة و اكتشفت اني هاخد عبء زائد بدون اي اهتمام من اصحابه !!
و صبرت بعدها شهر واتنين لحد ما الصدفة خلتني ازيح العبء دا بعد ما اتأكدت ان ما حك جلدك الا ظفرك 
فعلا مفيش حد هيسأل علي المية اللي بتنقط من حنفية طول ما صاحب الحنفية سايبها بايظة ومش بيصلحها
وحصل 
وسبحان الله فجأة العبء ظهرله صاحب و مطالب و يادوب كتر خير الدنيا اني ابقي بس منفذ للمطالب!!
بس للأسف بجد .. كان في وخلص .. بطلنا .. شطبنا 
 بجد اول مرة احس في المرحلة دي اني اتاخرت اوي في الموضوع ده .. مكانش لازم يتساب كده طول الفترة دي .. علي الاقل السنة ونص اللي فاتوا !

يلا 


عبء وراح .. راح مش علشان عبء مادي اكتر منه عبء نفسي بفتكره وبيفكرني بنهاية في منتهي السوء لحاجة كانت في منتهي الراحة


اند اوف فضفضة :) 


هناك 4 تعليقات:

غير معرف يقول...

ربنا يريح بالك دايماً وييسرلك امورك وكل بداية وليها نهاية وليس كل الظن حقيقة وليست كل الحقيقة ما ظنناه ربنا ييسرلك كل عسير
مرار العسل

أميرة يقول...

كل حدوتة وليها ظروفها وعلي رأي اللي قال .. نص الحقيقة كذب!

غير معرف يقول...

أزيك يا انتنا المحترمة ... ليكى 6 شهور من أخر مرة كتبتيها .. معرفش ليه بكتب مع انى عارف انك غالبا مش بتدخلى ... يمكن لان المشوار طويل من اسكندرية للصعيد فى القطار وسرحت فى الدنيا وحالها وجات انتى المحترمه على بالى دخلت لقيتك برضوه ما بتدخليش .. ربنا ييسر ليكى كل ما هو خير ... اهيه الواصلات حتى صلاة ضهر الجمعه اللى مفروض هوصل قبلها بساعه لسه على الاقل قدامى ساعه ... دعواتك لاحمد ... ده اذا كنتى لسه فاكراه ؟؟

أميرة يقول...

متشكرة علي السؤال جدا
جزاك الله خيرا
ان شاء الله تكون الاسرة بخير وفي احسن حال

اللهم اني استودعك قلبي فلا تجعل فيه أحدا غيرك

وأستودعك لا إله إلا الله فلقني إياها عند الموت

وأستودعك نفسي فلا تجعلني أخطو خطوة إلا في مرضاتك

وأستودعك كل شيء رزقتني إياه فاحفظه لي من شر خلقك أجمعين

يامن لاتضيع عنده الودائع