غريبة يا دنيا
الممنوع فيكي مرغوب
المرغوب فيكي كتير بيكون مكروه في جوة القلب
حب السيطرة ماليكي
اكون المتحكم
لمجرد الإحساس اني مش ممنوع
مش علشان عايز أعمل الحاجة دي
انما بس أكون مش ممنوع عنها
السعي وراء هدف ما
لذة السعي ذاتها تفوق فرحة الوصول للهدف
الاستمتاع بالحياة علشان توصل للجنة
ولا محاربة الدنيا بردة للوصول للجنة
ما في اللي عايشها كده
وفي اللي بيجاهدها كده
الدنيا زائلة زائفة ملعونة دار شقاء وابتلاء عند كتير من الناس
ولكنها حلوة وجميلة وممتعة و مفرحة و تستاهل كل لحظة فيها تتعاش عند ناس تانية
الدنيا جواها خير وشر
وبرغم طغيان شرها علي خيرها
في اللي بيستمتع بشرها و يتمني دوامه
وفي اللي بيكره خيرها علي غيره وبيتمني زواله
في اللي مهما علي فيها شأنه شايف نفسه تحت جدا
وفي اللي في الاصل منخفض الشأن و مقتنع تماما انه عالي علو السحاب في السما
بين القنوع والمتخاذل
بين الجاهل والمتعالي
وقفنا
ووقف تفكيرنا
نمشي مع مين وهيودينا فين
مهما بلغت آثامنا و ذنوبنا وخطايانا
بيفضل صوت جوانا بيقول انه يمكن يتصلح حالنا
كل اما نمسك في رؤية لحد ونقول هو دا
انا عايز من دا
عايز منه فيا
شوية و نكتشف انه عادي مش مختلف
يمكن حتي في أخر التقييم خيره اد شره وإن طغي خيره علي السطح
حيرتنا الدنيا دي
نعيشها و عينا علي هدف بعدها
ولا نجاهدها تتعبنا ونتعب فيها وبردة عينا علي هدف بعدها
بنشوف النموذجين و غيرهم نماذج كتيرة
بس مين يقدر يقول دا أصح من دا
حيرتيني يا دنيا
هناك 18 تعليقًا:
وحشتينى اليس
ازاى تتحيرى وانتى اليس والدنيا وحالها وناسها من اعجب العجايب
حاولى تستفتى قلبك وتتمسكى بالحلول الوسطى
وما تشغليش بالك كتير لانك هتوهى وتتحيرى وبعد التوهة والحيرة هتتضايقى وتحزنى
انار الله بصيرتك
تحيتى
ما انا منطقتش واتكلمت الا بعد حيرة طويلة جدا جدا جدا جدا لعل وعسي الاقي دليل !!
الحلول الوسطي بقت بالنسبة لي زي الحبل اللي بلفه حولين رقبتي بايدي .. مش مريحة لاني بسمع طرفين وبشوف نقيضين والوسط بينهم هو اللي بيحيرني .. هل هو فعلا المفروض يكون كده دا الوسط ولا احسن ولا اشد ولا ايه !!
ما علينا .. ربنا يهدي
:) ازيك انتي وازي البنات وماما :)
ربنا يهدينا للي فيه الخير يارب و يصلح فساد قلوبنا احوالنا جميعا يارب :)
نورتيني بعد غيبة :)
طول ماانت متحيرة ورافضة الحلول الوسطى
على اد ماانت تعبانة
بس متهيألى تبقى كده صغيرة
صغيرة بمعناها الايجابى أنقى ...بريئة اكتر
كل ماتلاقى نفسك انحزت ناحية الحلول الوسطى اللى بتخنقك يبقى انت كبرت والدنيا هى اللى كسبت الجولة دى معاك
دى اخر نظرية ماشية بيها دلوقت مع انى مش متأكده من صحتها
الناس فاكرة مدونتك يااليس وبتدخلها
بس افتكريها انت :)
يارب تكونى بخير :)
زى ما قالتلك العرابيه الاصيله الناس مش فاكره مدونتك وبس دى فى ناس ما عرفتش يعنى ايه مدونه غير منك انتى هتفضل مدونتك دايما مرجع فى حاجات كتير .. وصدقينى مش مجاملة دى حقيقه فعلا حتى اللى بيكون مضايق اووى ممكن يلاقى فيها حاجات ترسم الابتسامه على وشه.. و كل سنه وانتى طيبه (وياريحين للنبى الغالى عقبالكم وعقبالى) فاكره البوست اللى كان عنوانه كده تقريبا ربنا يكرمك بكل خير .
طيب انت رحت فين ؟
الحلول الوسطي بقت بالنسبة لي زي الحبل اللي بلفه حولين رقبتي بايدي .. مش مريحة لاني بسمع طرفين وبشوف نقيضين والوسط بينهم هو اللي بيحيرني .. هل هو فعلا المفروض يكون كده دا الوسط ولا احسن ولا اشد ولا ايه !!
جميل جدا التشبيه ده ..
يارب يحقق لك كل أمانيك .. اللي تسعدك وترضيه
:)
واحشاني جداً جداً .جداً .
ياريت ياأليس تطمنينى عليك بأى طريقة تناسبك
كل سنة وانت طيبة وبخير
والسنة الجاية نكون فى الحج ان شاء الله
نفسى قوى تتأخرى فى الرد وبعدين تقولى لى انك كنت بتحجى
بس حاسة ان لو ده حصل كان زمانك قلتى
يارب تكونى بالف خير
لا أستطيع أن يأتى العيد بدون أن أقول لك كل سنة وانتى طيبه وبخير ... ويشهد الله فى هذه الايام الكبيرة أن الاعمال بالنيات ولا يمكن أن اكون قد قصدت يوم قول شئ وفعل شئ آ خر ربنا يكرمك .
t3rfe wala esmo seefelden yzal tayar fholnda ?
kalmena ala
micanno10@yahoo.com
han2ololek 7agat kter ano
to Heba
واضح انك تعرفى عربى كويس وأقول لك (حسبى الله ونعم الوكيل )وارجو ان تسمح الاستاذه اليس بنشر الرساله حتى تقرئيها .
فات شهرين ... لعله خير
طمنينا عليكي
الى الاخت هبة مشكورة على غباوتك مع كامل الاحترام للاستاذ اليس المدونة ولكن فاض الكيل توتة توتة فرغت الحدوتة
يا أليس جبي عنك الحيره
وأستخيري الله
فهو الأعلم بالأصلح والأفضل لكي
وياريت متطوليش الغياب عن هنا كتير
ونطمن عليكي دايما
خالص تحياتي
مش كفاية ؟ :)
طيب انت وحشتينى وكتاباتك والمناقشات وطلتك عليا فى المدونة وفيس بوك
وكل مااشوف صورتك اقول هترجع وتظهر تانى
سيبيها براحتها وهترجع لوحدها
انا ماوحشتكيش مش كده ؟
ربنا يسامحك :)
مش كفاية ؟ :)
طيب انت وحشتينى وكتاباتك والمناقشات وطلتك عليا فى المدونة وفيس بوك
وكل مااشوف صورتك اقول هترجع وتظهر تانى
سيبيها براحتها وهترجع لوحدها
انا ماوحشتكيش مش كده ؟
ربنا يسامحك :)
السلام عليكم ورحمة الله وبركاتة
اخبارك اية
طمنينا عنك
يبدو جيدا ، وأحب قراءة بلوق ، أضفته إلى المفضلة ؛)
أكملت بعض النقاط الجيدة هناك. قمت بالبحث عن موضوع وجدت أن غالبية الأشخاص الذين سيكون لديهم نفس الرأي مع بلوق الخاص بك.
إرسال تعليق