اكيد بتشوفوا اعلاناتهم
لحد قبل ما ادخل الموقع وانا متخيلة ان دي اعلانات القناة نفسها
مكنتش اعرف ان دول :-
" شباب اتجمعوا وفكروا و اشتغلوا لدينكم ودينا"
بجد مكنتش متخيلة ان ورا الاعلانات دي افراد همهم خدمة دينهم و توعية غيرهم
اعلاناتهم مؤثرة جدا
( للي بيحس طبعا او اقدر اقول اللي ربنا عايزهم يحسوا مش اللي ربنا قال عليهم " بل ران علي قلوبهم"- الله يعافينا)
بجد
الله يجازيهم خيرا علي مجهودهم و تعبهم و من قبل علي نيتهم و يجعله في ميزان حسناتهم
دي ناس تفرح
كان في ناس بيجتمعوا في اماكن متفرقة يناقشوا موضوع القدوة .. و كتير كانوا بينتهوا لان الزمن دا مفيش قدوة خلاص واللي بيشوفوه الاجيال الجديدة مجرد نماذج سيئة و فين و فين لما يدوروا في القديم علي ما يقدروا يطلعوا قدوة
( بتكلم علي الزمن دا مهو اكيد معدمناش نماذج كويسة يحتذي بيها - ناس مشيوا علي خطي الحبيب صلي الله عليه وسلم و عرفوا طريقهم و سكتهم و حاولوا ينوروا الطريق لغيرهم )
لا اب ولا ام هينفعوا قدوة طول ما ولادهم شايفنهم بيقولوا حاجة وبيعملوا حاجة تانية - هيسقطوا من نظرهم
اب بيقول لابنه متسرقش وهو مرتشي
ام بتقول لبنتها متكذبيش وهي بتكذب علي ابوها
دول ابسط امثلة و الاسوء كتير بما يفوق الحصر
الحلو في الشباب دول انهم عرفوا يوصلوا صوتهم براهم
و مش بس كده دا وصل للعالم كله من خلال مادة اعلانية بتتفرض علي الكل في وسط ما هما بيكونوا متابعين حاجة علي القناة دي
وفي مقابل دا تلاقي نفس القناة بتذيع بعدها اعلانات لشباب اسوء قدوة و اتفه مما يمكن و اخرها كلمة *استرجل*
هما اه محتاجين يسترجلوا صحيح بس عمره ما كان بالاكل ولا بالشرب
محتاجين يتعلموا يبقوا رجالة ازاي بعقلهم و تصرفاتهم مش لمجرد شربهم بيرة و جريهم ورا البنات ( اوك بلاش بيرة نقول ماء شعير - من غير كحول ... كده كويس؟ ) بردة النتيجة واحدة اعلانات منفرة
انا بيتهيالي بردة لو كنت شاب كنت هبصلها انها تافهه جدا كمحتوي وفكرة بغض النظر عن كونها اعلانات لمشروب زي دا ولا حتي لو بيعلنوا عن اي سلعة تانية
احييهم علي الدعوة بتاعة " استرجل " بس دي متتسماش رجولة
لو عايزين يتفرجوا علي الرجولة دي ممكن يستنوا الاعلان اللي بعدهم هيشفوها دا ان كان لهم قلوب يبصرون بها
كلام مثالي شوية؟؟
دي ابسط حاجة تتقال
بس ارجع واقول اللي ربنا مش عايزه عمره ما هيحس باي كلام من دا مهما اتقاله
" انك لا تهدي من احببت ولكن الله يهدي من يشاء "
الله الهادي وهو المستعان علي ما يصفون
هناك 7 تعليقات:
اذيك ياحبيبتى يارب تكونى بخير
تعرفى انى كنت مفكرة ان القناة هى اللى عملاه وكنت مستغربة ان اللى بتعرضوا مايدلش على انها تعمل اعلان ذى ده بس كنت فرحانة بيها واقول المهم انها بتعمل حاجة حلوة حتى لو كانت صغيرة
ربنا يبارك فى كل من ساهم فى توصيله للناس
اما عن الاعلانات الاخرى فحسبى الله ونعم الوكيل لان شبابنا مش ناقص
الحمد لله علي كل حال
كل قضاء الله خير ان شاء الله
وانا كنت متخيلة انها من عندهم و قولت لما محترمين كده بيذيعوا ساعات حاجات مش محترمة ليه بس طلعوا من بتوع كله بتمنه يعني الشباب دول بيدفعوا اجر الاعلانات زي اي اعلانات تانية
الفرق الوحيد ان الاجر هنا لا يضيع " فإن الله لا يضيع اجر من احسن عملا "
ربنا يكرمهم ويجازيهم خيرا
ايه اللي بيحصل في الاعلانات دي انا الحمد لله مقاطعه التليفزيون كفايه ضغط يبنتي
وفي الاخر هقولك
" انك لا تهدي من احببت ولكن الله يهدي من يشاء "
تحياتي
مولان
انا بسمعه مش بشوفه ببقي فاتحاه صوت وانا بشتغل بليل فانتبهت عليهم كام مرة و بنسي افتح الموقع .. اول مرة النهاردة كنت بدور اتلهي في اي حاجة ..
افتحي الموقع اتفرجي علي الفيديو اللي فيه علي الشمال هيعجبك اوي
بجد فكره محترم و مقنع جدا
ولعلها ذكري تنفع ..
الله الهادي
ربنا يهدى ويردنا الى دينه ردا جميلا
ويهدى شباب وبنات المسلمين
تحياتى لحضرتك
كنتي قافلاها و دورت عليها لحد ما اتفتحت
:)
المستنصر بالله
اللهم آمين .. ربنا عنده العفو
________________
عاقلة علي ارض الجنون :)
معلش ظروف كده وكنت مستنية الأذن :)
نورتونا
إرسال تعليق