بفكرني خامس :(

عن ‏ ‏أبي الدرداء ‏ ‏

عن النبي ‏ ‏صلى الله عليه وسلم ‏

‏قال: "‏ ‏من أعطي حظه من الرفق فقد أعطي حظه من الخير

ومن حرم حظه من الرفق فقد حرم حظه من الخير " ‏..

(ااخرجه احمد )

و قال صلي الله عليه وسلم :

( إن الله رفيق يحب الرفق ,

ويعطي على الرفق ما لا يعطي على العنف ,

وما لا يعطي على سواه )

وقال صلي الله عليه و سلم :

( لا يكون الرفق في شيء إلا زانه ,

ولا ينزع من شيء إلا شانه )

بلا تعليق

الا قوله صلي الله عليه وسلم

"ارحموا من في الارض يرحمكم من في السماء "

2 x طب + ة = كتير

مش شرط يكون فقير او يتيم او مشرد علشان يحس نفس احساسه

بس ممكن احساسه دا يتقلب 180 درجة مئوية

لو لقي حد يطبطب عليه

مش مهم حتي يقوله مالك

كفاية يطبطب عليه

تفرق اوي

بس يلاقي ..

اذا لقيت حد محتاجك تطبطب عليه

متبخلش بيها

يمكن بعد شوية تقول يا ريتني عملتها..

وفر علي نفسك نظرة لوم ولا دمعة تشوفها في عنيه

دا كان كل اللي يهمه تعمله

بس تطبطب عليه

و لو بنية صدقه حتي

بفكرني رابع :)

السلام عليكم ورحمة الله وبركاته

المرة دي بفكرني بحاجة مهمة اوي

خصوصا في الزمن دا

الزمن اللي الكل استباح لنفسه انه يضحك علي كله

الجملة دي ممكن يتعمل فيها مواضيع كتيرة اوي

بس علي الاقل هاخد القشرة الخارجية و هقول لنفسي

بفكرني ب

الهزار

الضحك

التريقة

التهريج

اي شكل FUN

سواء قولا او فعلا

وبفكرني ان الضحك في الاسلام ليه ضوابط

بفكرني ان الهزار في الاسلام ليه شروط

بفكرني ان التريقة في الاسلام منهي عنها

بفكرني ان السخرية في الاسلام غير مباحة

كل دول يتحطوا تحت كلمة واحدة اسهل

وهي كلمة " المزاح "

المزاح في الاسلام ؟؟

ايه اللي جاب الهزار و التهريج للدين !!

هو المفروض الاسلام يهتم بحاجة زي دي ليه يعني ؟؟

دا مجرد هزار بين الناس

للترويح عن انفسهم يعني

لا ضرر فيه

بنضحك و نهزر ونروق بالنا و دماغنا بدل القرف اللي شايفينه طول اليوم

متفقين علي الاقل في الفعل ..

انه بيتعمل دا اللي اكيد

مش هقول ليه قواعد واصول و ضوابط

- ولو ان دي حقيقة -

بس خلينا نفكر روحنا بهدوء

ازاي اضحك واهزر و استمتع بالوقت مع اللي قاعد معاهم

بس من غير ما اكون برتكب اثم او بظلم حد او بسخر من حد

او او او

( و أو دي ملهاش حصر .. )

الاول المزاح دا لما عرفوه قالوا عنه ايه؟

قالوا عنه انه المداعبة و المباسطة (دا لغويا)

ومن ديننا الحنيف نعرفه بانه : ادخال السرور علي قلب مسلم = صدقة = ثواب كبير

قال رسول الله صلي الله عليه وسلم : تبسمك في وجه اخيك صدقة

يعني ممكن نقعد قعدة لطيفة و نتكلم كلام نستمتع بيه و نفرح كلنا و ناخد علي كده ثواب كبير ..

ا

لمشكلة الكبيرة باه ان كل دا مرتبط بحاجة قوية جدا

المزاح لا يكون الا صدقا

فالمسلم لا يكذب

قال صلى الله عليه وسلم : ( ويل للذي يُحدث فيكذب ليُضحك به القوم ويل له ) رواه أبو داود

وقال صلى الله عليه وسلم محذراً من هذا المسلك الخطير الذي اعتاده البعض : ( إن الرجل ليتكلم بالكلمة ليُضحك بها جلساءه يهوي بها في النار أبعد من الثريا ) رواه أحمد

في شروط تانية بعد انه ميكونش فيه اي كذب ( المسلم لا يكذب )

- هل ينفع تستهزء بدينك علشان تضحكلك ضحكتين ؟؟؟

قال الله تعالى : ( ولئن سألتهم ليقولن إنما كنا نخوض ونلعب قل أبالله وآياته ورسوله كنتم تستهزئون – لا تعتذروا قد كفرتم بعد إيمانكم ) التوبة/65-66 ،

قال ابن تيمية رحمه الله : ( الاستهزاء بالله وآياته ورسوله كفر يكفر به صاحبه بعد إيمانه )

وكذلك الاستهزاء ببعض السنن ، ومما انتشر كالاستهزاء باللحية أو الحجاب ، أو بتقصير الثوب أو غيرها

في رايي باه اسوء حاجة دارجة في الشكل دا علي لسان الناس لما يحبوا يوصفوا واحد ولا واحدة ..

يقولوا دول من بتوع "قال الله وقال الرسول "

دي فعلا مصيبة

هو لما يكون حد بيستشهد في كلامه بكلام الله و رسوله يصبح مصدر للسخرية ؟؟؟

دا طبعا غير النكت اللي علي الحج ويوم القيامة و علي الرسل والامثال اللي مليااااااااانة غلطانة و آثام كبيرة محدش بياخد باله منها

زي رزق الهبل علي ... ( والرازق هو الله )

وربنا عرفوه بالعقل

( نفسي اعرف انهي عقل؟؟ مهو الكفار عندهم عقول نابغه انما ربنا لم يأذن لهم بالهداية !!

بقي انهي عقل ؟؟ اللي اؤمن به ان ربنا فطرنا علي الاسلام

فطرنا علي الاحساس بيه و عبوديته و هدانا اليه

و حتي بعد خلقنا طلب مننا نطلبها منه "استهدوني اهدكم " ..

و ساب غيرنا يتلطموا في الدنيا شوية قبل ما يعرفوه و غيرهم حرمهم انهم يعرفوه ..

"ان الله يهدي من يشاء" و" يضل الله من يشاء" )

- اسوء انواع الهزار دا اللي بتكون عن طريق الترويع .. و التخويف .. الخضة .. المفاجأة

ليها اشكال كتيرة ..

ارهاب الانسان و التاني يقف يتفرج عليه و يضحك

عن أبي ليلى قال : ( حدثنا أصحاب محمد صلى الله عليه وسلم أنهم كانوا يسيرون مع النبي صلى الله عليه وسلم ، فنام رجل منهم فانطلق بعضهم إلى حبل فأخذه ففزع ، فقال رسول الله عليه وسلم : ( لا يحل لمسلم أن يروع مسلماً ) رواه أبو داود .

- السخرية باه .. اسوء و أضل سبيلا

في حديث النبي صلى الله عليه وسلم : ( ذكرك أخاك بما يكره ) رواه مسلم

وفي نهى الله عز وجل عن السخرية، فقال تعالى : ( يا أيها الذين آمنوا لا يسخر قوم من قوم عسى أن يكونوا خيراً منهم ولا نساء من نساء عسى أن يكن خيراً منهن ولا تلمزوا أنفسكم ولا تنابزوا بالألقاب بئس الاسم الفسوق بعد الإيمان ) الحجرات/11 ،

قال ابن كثير في تفسيره : ( المراد من ذلك احتقارهم واستصغارهم والاستهزاء بهم ، وهذا حرام ، ويعد من صفات المنافقين )

بفكرني باه بحاجة فعلا تخوف

لما حد يستهزأ من عيب خلقي في حد او يشمت في مصيبة حد او يفرح لضرر وقع علي حد

قال صلى الله عليه وسلم : ( لا تُظهر الشماتة بأخيك فيرحمه الله ويبتليك ) رواه الترمذي .

قال صلى الله عليه وسلم : ( المسلم أخو المسلم لا يظلمه ولا يخذله ولا يحقره ، التقوى ها هنا – ويشير إلى صدره ثلاث مرات – بحسب امرئٍ من الشر أن يحقر أخاه المسلم ، كل المسلم على المسلم حرام ، دمه وماله وعرضه ) رواه مسلم .

مهما كنت كويس و مهما كنت متميز و مهما كنت و كنت .. فيك وفيك

هتلاقي حد اقل منك اكيد و حد احسن منك اكيد ..

علشان ربنا خلقنا مختلفين ..

بس ساوي بيننا في الارزاق

و كل حاجة في الدنيا رزق

وربنا بيدي الارزاق لكل واحد كيفما يشاء سبحانه و تعالي

ممكن تجني ايه من ورا حركات او كلمات او لمزات من دي ؟؟ خناق وزعل و كره احيانا

قال عمر بن عبد العزيز رحمه الله : " اتقوا المزاح ، فإنه حمقة تورث الضغينة "

قال الإمام النووي رحمه الله : " المزاح المنهي عنه هو الذي فيه إفراط ويداوم عليه ، فإنه يورث الضحك وقسوة القلب ، ويشغل عن ذكر الله تعالى : ويؤول في كثير من الأوقات إلى الإيذاء ، ويورث الأحقاد ، ويسقط المهابة والوقار ، فأما من سلم من هذه الأمور فهو المباح الذي كان رسول الله صلى الله عليه وسلم يفعله"

وكمان لو هتمازح او تهزر مع حد لازم تراعي بتعمل كده مع مين ؟؟

وقال سعد بن أبي وقاص : " اقتصر في مزاحك ، فإن الإفراط فيه يُذهب البهاء ، ويجرّئ عليك السفهاء "

قال عمر بن عبد العزيز : ( اتقوا المزاح ، فإنه يذهب المروءة )

يعني الواحد " يحفظ ادبه" زي ما كانوا بيقولوها زمان .. الكبير كبير .. وله احترامه .. وتوقيره ..

و في وصفة نبوية للضحك والهزار

قال صلى الله عليه وسلم : ( لا تكثر الضحك فإن كثرة الضحك تميت القلب ) صحيح الجامع 7312

وقال عمر بن الخطاب رضي الله عنه : ( من كثر ضحكه قلت هيبته ، ومن مزح استُخف به ، ومن أكثر من شيء عُرف به )

لما فكرت فيهم لقيتهم طبعا صح جداااااا

البني ادم اللي بيفضل كل كلامه تهريج و ضحك في الفاضية والمليانة .. بيتهيألي عمره ما هيكون محل تقدير من حد ..

انا كنت عاملة حسابي اجيب امثلة لمزاح النبي مع اصحابه والصحابة مع بعضهم و بعض التابعين .. بس لقيتني طولت .. بس هضرب مثال لكل منهم :

- عن أنس بن مالك رضي الله عنه قال ( إن كان رسول الله صلى الله عليه وسلم ليخالطنا حتى يقول لأخ لي صغير يا عمير ماذا فعل النغير ) رواه البخاري.

و المرأة العجوز التي جاءت تقول له: ادع الله أن يدخلني الجنة، فقال لها: "يا أم فلان، إن الجنة لا يدخلها عجوز"! فبكت المرأة، حيث أخذت الكلام على ظاهره، فأفهمها: أنها حين تدخل الجنة لن تدخلها عجوزًا، بل شابة حسناء. وتلا عليها قول الله تعالى في نساء الجنة: (إنا أنشأناهن إنشاءً، فجعلناهن أبكارًا، عُربًا أترابًا) (الواقعة: 35 - 37، والحديث أخرجه الترمذي

جاء رجل إلى أبي حنيفه فقال له : إذا نزعت ثيابي ودخلت النهر أغتسل فإلى القبله أتوجّه أم إلى غيرها ؟ فقال له : الأفضل أن يكون وجهتك إلى جهة ثيابك لئلا تسرق .

و بيتهيألي حديث ابن عمر رضي الله عنهما .. لخص الحكاية كلها

سُئل ابن عمر رضي الله عنهما : " هل كان أصحاب النبي صلى الله عليه وسلم يضحكون "
قال : نعم ، والإيمان في قلوبهم مثل الجبال .

------------------

ويكتفي بهذا القدر و عذرا للاطالة

ممكن مساعدة اكسبلوررية :(

السلام عليكم ورحمة الله وبركاته

ممكن مساعدة لو حد يعرف يساعدني

الاكسبلورر بيعملي ايرور باشكال مختلفة علي مواقع مختلفة و خصوصا المدونة دي (احتمال معترض اني بكتب ..يمكن)

المهم يعني اني مش عارفة اعمل ابلود لاي حاجة :(

الكلام دا بالدي اس ال

الغريب باه

اني لما ركبت كونكت كارد فودافون .. اتحملت الحاجة هوا

مش عارفة دا مشكلة النت نفسه ولا ايه

وبعدين في بيت و شغل مش نافع نفس الحكاية

حد يعرفلها حل

الايرور اللي بيطلع زي دول

-IG-Analytics is undefined

Error: Access is denied

Error :"undefined" is null or not an object

والبشوات بتوع الاي تي اللي عندي في الشغل افتوا ان دا عيب من الاكسبلورر و التاني قالي دي حاجة نزلت غلط

بس الكونكت كارد حملها

يبقي العيب فين :(

الانتظار

ساعات بنستني حاجات .. نتمني انها تحصل

و ساعات حاجات بتحصل .. لا نجرأ اننا نتمناها

و ساعات قلوب بتقسي وهي مستنية..

وساعات ناس بتستني الساعة اللي لسه مجاتش

يمكن

يمكن

تجيب معاها لحظة سعادة ..

عزت في الزمن دا

الناس ما بين متفائل و متشائم

بس في النهاية كلهم زي الست دي

بيتساووا في انهم بيستنوا

لان اللي بيستنوه لسه محصلش

اللي بيتمني يحصل

واللي بيتمني ميحصلش

والكل منتظر

وكل يغني علي ليلاه

رد الدنيا

كلمة طيبة و فعل مفيهوش أذية لحد

العقل بيقول ان رد الفعل لازم يكون بردة كلمة طيبة و فعل مفيهوش أذية لحد

الحياة الدنيا ليها رأي أخر

قالتلك

اوعي تصدق ان الخير دايما رد فعله خير

اوعي تصدق انك اد ما هتدي هتاخد

صدق بس في عدل ربنا

انه يمهل ولا يهمل

وكما تدين .. تدان

أضحك الله سنك :)

واحد غبي كل الناس بتقول له يا حمار ، فقام في مرة قال لهم

بلاش كلمة حمار دي سموني حاجة تانية

فسموه جحش...

.فراح لمراته فرحان بيقول لها مش الناس خلاص سموني جحش ..

قالت له وهي غضبانة.....

اتنيل ما انت بكره تكبر وتبقي حمار تاني

واحد ندل جيرانه خبطوا عليه بالليل وقالوله ماتشربش مياه من الخزانات لانها ملوثة

دخل ينام فمراته بتسأله فى ايه ؟

قالها مافيش حاجة اشربي مياه و نامى

مره طالبه مشاغبه المدرس اشتكاها للمدير

 المدير بعتلها قال لها "عملتى ايه؟"

 قالتله "ولا حاجه رميت ورده من الشباك"

قال "بس كده؟"

قالتله "اه"

بعد شويه لقى طالبه مدغدغه ومكسره

سالها "ايه الى عمل فيكى كده؟"

قالت له "انا ورده الى اترميت من الشباك"

واحد ماشى ورا وحدة

 قالها الحلوة وراها مشوار

قالتلة لا وراها حمار

واحد مسطول خبط شرطى بالعربية فااتصل 122

و قالهم احب ابلغكم انكم بقيتم 121

واحد سافر امريكا واصحابه نصحوه ياخد معاه 3 زلع مش علشان الاكل الامريكانى مش حلال بس نبهوه يسمى قبل ما ياكل احسن الشيطان ياكل معاه.

اول شهر اكل اول  زلعة بس نسى يسمى،

 تانى شهر برضه نسى يسمى،

ثالث شهر طلع له الشيطان قال  له:"ابوس ايدك سمى، صدرى اتحرق!"

واحد عنده كتكوت مفترس ،

كل ما يدخله قفص الفراخ يروح الكتكوت واكلهم ،

وفي قفص  القرود ياكلهم

 وفي قفص القطط ياكلهم ،

راح راميه في الصحرا .

صعب عليه الكتكوت وراح يشوفه بعد تلات أيام

لقى الكتكوت مرمي عالأرض والنسور بتحوم حواليه ،

الراجل قاله : يا حبيبي إنت مت ؟

 قام الكتكوت وقال له : يخرب بيتك بوظت الكمين

قال لها : يمكن مكنش غني .. ولا عندي عربية ولا فيلا ولا مزرعة ولا شركه ولا  فلوس زي محسن صاحبي

ولكني أعشقك واحبك ..

فضمته ودمعت عيناها وقالت : إن كنت  بتحبني بجد .....

عرفني على محســـــن

عملوا مسابقة لتعجيز الكمبيوتر كل ما حد يسأله سؤال يجاوب عليه فى اقل من دقيقة

جه واحد بلدياتنا حط ورقة فيها السؤال بتاعه

الكمبيوتر اتحرق وطلع دخان

 قالوا له : سؤالك كان ايه

بلدياتنا : جلت له ابو جردان جبل ما يخلف جردان كان اسمه ايه؟

جماعة بيحششوا ...

فجت كبسه...

كل واحد اسـتخبه في شوال

جه الظابط

ضرب الشوال الاول برجله

خرج واحد منهم و اعد يكاكي وعمل نفسه فرخه

 ضرب التاني خرج واعد يدن وعمل نفسه ديك

ضرب التالت مخرجش

ضربه تاني مخرجش

 ضربه جامد المره دي خرج وقال له شوال بطاطس بطاااااااطس انت مابتفهمش

مره كان في اتنين مساطيل قاعدين بيحششوا

فواحد بيقول للتاني انا شايفك اتنين

 فالتاني بيقوله لا انا الي شايفك تلاته

فقلها الاول لا انا الي شايفك اتنين

المهم قاله خلاص احنا نروح لكبير المساطيل

فقال خلاص نروح لكبير المساطيل

فراحوا وعرضوا عليه المشكله.

فقالهم خلاص اصحاب المشكله يقعدوا على جنب والباقي ده كله يروح

واحد سكران فتح التلاجه وبص للجلي ...

وجده بيرتعش ..

قاله : متخفش ..

هاخد عصير

مره واحد مسطول اوى راجع بيتهم الساعه اتنين بليل

فاخته فتحت له الباب

قام ضربها بالقلم على وشها

 طــــــــاخ

 وقالها كنتى فين لحد دلوقتى

ايه الفرق بين الاسبوع وموس الحلاقة والصحراء؟؟؟؟؟؟؟؟؟؟؟؟

الاسبوع فيه حد ،

والموس فيه حدين ،

والصحراء ما فيهاش حد

تايه بيسأل واحد ماشى فى الشارع

 اية اسرع طريق اروح بيه للمستشفى ؟؟

قاله غمض عينك

وعدى الشارع

اتنين مساطيل حبوا يسرقوا عماره

فقالوا لبعض احنا ناخد العمارة بعيد ونسرقها برحتنا ،

فقلعوا الهدوم وقعدوا يزقوا فى العمارة يزقوا ،

جه واحد من وراهم وسرق الهدوم ،

فواحد منهم بص ورا ملقاش الهدوم

 فقال له كفاية كدة احنا بعدنا اوى

واحد ندل فتح مصنع بيبسي

كتب على كل علبة :

رج جيدا قبل الفتح

بلديات فتح محل انابيب غاز ..

فجّر اسطوانتين فى وسط البلد ..

 دعاية

ثعبان نظره ضعيف

يوم ما حب واحده.....

طلعت خرطوم

مره كتكوت معلق سلسله على هيئه اومليت

راح صاحبه ساله ايه الصوره دى

 قاله دى صوره اخويا الشهيد

شرطي صعيدي في الخدمة لقى قرد في الشارع

وداه للضابط المسؤول عنه وقاله : يا باشا انا لقيت قرد أوديه على فين ؟

قال الضابط : على حديقة الحيوانات

غاب الشرطي الصعيدي ساعتين ورجع هو والقرد ،

 الضابط بيسأله ايه الي رجعك ؟

قاله يا باشا وديته على حديقة الحيوانات ،

تحب أخده دلوقتي أفسحه في الملاهي؟

واحدة ست جالها وجع الولادة

اتصلت بامها جت أمها اتصلت بالدكتور ،

الدكتور دخل يولّدها جاب العيل ومسكه من رجليه وضربه صرخ الطفل فاطمئن الدكتور ،

وبص لقي عيل تاني مسكه من رجليه وضربه فصرخ الطفل فاطمئن الدكتور ،

بعد كده الدكتور غسل ايده ومشي ..

الست قالت لامها انا حاسه بحاجة بتتحرك!

كشفت الأم لقيت عيل بيبص

 وبيقول هو الراجل الغِتِت اللي بيضرب العيال مشي ولا لسه

مره دكتور عظام مشى بليل

الكلاب طلعت تجرى وراه

مره دكتور مجانين دخل على العيانين بتوعه العنبر لقاهم معلقين واحد مكان النجفه بيلفوا حوليه وبيغنوا النور جه النور جه

ولقى مجنون قاعد ساكت لوحده

فقله الدكتور انت مش فرحان زييهم بالنور ليه

قاله يادكتور طيب دوول مجانين حد يعمل كده برده

 قاله كويس يعني انت عاقل

قاله طبعا

قاله طيب ليه مش خليتهم ينزلوه

رد عليه المجنون كده برده يا دكتور يعني ننزله ونقعد في الضالمه

مرة واحد غبي ماشى فى الشارع

قال يارب يااااارب احط ايدى في جيبى الاقى 10جنيه يااااارب،

حط ايده في جيبه لاقاه مخروم رجع يدور عليها لتكون وقعت

مرة واحد راح يخطب واحده،

باباها قال له بس البنت لسة بتدرس،

قال له خلاص اجلها في الفسحه

حمار لايعجبه حاله ولا أسمه

فجلس الى صديقه الكلب وقال سأغير أسمى ليصبح سمكة

فقال له جميل ولكن هل تعرف العوم

قال له لا

 فرد عليه : تبقى حمار

أهدى رجل خطيبته ببغاء

وفى اليوم التالى سألها كيف هو الببغاء ؟

 فرددت عليه طعمه اطيب من طعم الدجاج بكتير.

واحد قاعد على قهوة وكل ماتفوت واحدة حلوة يعيط ..

 فسألة زميله بتعيط ليه رغم انها حلوة..؟

قال له انا مش بعيط على دى ..

انا بعيط على اللى فى البيت.

واحد مسطول بيسأل واحد مسطول ثاني: اسم دولة أوروبية لو حطيت على أخر حرف فيها نقطة تصير اسم عالم ذرة

التاني قاله أنا غلب حماري

الأول قاله: الدولة هي قطر ولما تحط نقطة حتصير قطز

أم التاني قاله هو قطز عالم ذرة؟؟؟؟؟

فرد عليه الأول يعني هي قطر دولة أوروبية؟؟؟؟

البوليس عمل كبسة على شوية شمامين

و لفت نظره ان فيهم عيل صغير قوي واخد ركن لواحده وعمال يسحب ,

فقام مقرب منه و سأله: و الشمام الصغير اسمه ايه؟

قام الواد رد عليه و قاله : كنتلوب يا باشا.

واحد قاعد في أمان الله بيقرا الجرنان،

 وفجأة جت مراته وضربته بغطا الحلة فوق دماغه .. ‏طرررررخ!!!

الزوج: "فيه ايه يا بنت الحلال؟ ليه كدا؟؟؟"

الزوجه:"ايه الورقه اللي في جيب بدلتك ومكتوب عليها "سوسو"؟؟"

 الزوج: "يا بنت الحلال، ده ‏أسم الحصان اللى بنشجعه في السباق!"

 الزوجه صدقته وراحت لحالها...

بعد اسبوع،

الزوج قاعد في ‏أمان الله يقرا الجرنان،

 وفجأة جت مراته وضربته بغطا الحلة على راسه !!

 الزوج: "خير يابنت ‏الحلال في ايه تاني؟؟"

 الزوجه:"حصانك على التليفون

واحد و هو بيموت بص لمراته بصه كلها رومانسيه

و قالها : انا لما اترفدت كنتي معايا ،

و لما عييت وقفتي جنبي،

ولما فلست برضوا كنتي معايا ،

و دلوقتى لسا جنبي ،

مسك ايدها بحنيه

و قالها : مش عارف ليه حاسس انك نحس

واحد مشغول اتجوز واحدة مشغولة

خلفوا ولد مش فاضلهم

واحده بلدياتنا قالت لجوزها قولى كلمه حلوه ،

قال لها بسبوسه

قالت له يا اخى قولى كلمه تهزنى ،

قال لها مرجيحه

قالت له قولى كلمه احس فيها انى مراتك

قال لها انتى طالق

مسطول راح المحكمه القاضى بيسأله انت متجوز مين؟

قاله متجوز واحده ست

القاضى:انت بتهرج هو فى حد بيتجوز واحد راجل

المسطول:اه اختى

*******************

يا رب  ترسم بسمة في قلبك

نفسي ابقي أم

وانـكـسـر الطـبـق

أخذت الأم تعد مائدة الطعام للغداء..

تلك المائدة التي يجتمع عليها كل أفراد العائلة

ولا يفوتها أحد منهم أبدًا مهما حصل

أخذت الأم تردد :

هذا طبق أبا وليد..

وهذا طبق وليد ابني الكبير..

وطبقا مروان ومريم توأماي الصغيران..

ثم..

هذا طبقي

اخذ أفراد العائلة يتوافدون على المائدة حتى اكتمل العدد

بدأ أبو وليد: بسم الله .. بالهناء

بدأت أيدي الصغيران تمتد نحو الطعام

بينما وجّه الأب كلمة إلى وليد

ابنه ذو الرابعة عشرة عامًا: ماذا فعلت في المدرسة اليوم يا وليد؟

أرجو ألا يشتكي أحد منك

فلقد تغيرت في تلك الأيام

وبدأت الشكاوى تكثر منك..

ومن أفعالك المستهترة

ثم أردف الأب قائلاً: لقد كنت أظن أنك كبرت

وأستطيع أن اعتمد عليك ..

ولكن..

المهم..

لماذا لا تأكل؟

وأثناء الحديث

كان وليد يطرق بشوكته على الطبق

وكأنه لا يستسيغ الحديث

تدخلت الأم

موجه الحديث لوليد أيضًا: ما هذا الذي ترتديه؟

وما تلك الألوان البشعة؟

ألم اختر لك أمس ما ستلبسه؟

أخذ الطرق يزيد

ويعلو صوته

عاد الأب موجهًا الحديث لأبنه

وهو يمسك بشعره: وما ذاك الذي تضعه على شعرك؟

والطرق في ازدياد

ومازال الأب يقول: وما تلك القصة الغريبة؟

اترك الشوكة

ولا تطرق على الطبق وأنا أكلمك

هنا تهوي يد الفتى على الطبق لتكسره

وينتفض صائحًا: ماذا تريدون مني أنتما الاثنان؟

ألم تكتفيا مني بعد؟

تديرون أموري

وكأنها حياتكما أنتما لا حياتي

افعل.. لا تفعل

خذ ذاك.. دع هذا

حتى ألوان ملابسي تختارونها

وقصة شعري

حيوان أنا أم جماد؟

وتأتي طامتي الكبرى..

اسمي

الذي طالما كرهت أن أنادى به،

لقد جعلتماه جحيمًا لي

قد صرت به حقًا اسم على مسمى وليد،

أنا مجرد وليد

حتى وأن صرت كبيرًا ،

بقيت لكما وليد..

وليد..

وليد

أخذ الفتى يردد اسمه

وهو يتجه إلى غرفته

ليصفع الباب من ورائه

*******

اهتزت كل خلجة في جسد الأب لينظر ناحية الأم

يجدها تنظر إلى باب الغرفة في ذهول

وهي تكتم دمعة تريد الهرب من بين جفونها

لتقول للأب: ما الذي يحدث؟

ماذا فعلنا بوليدنا؟

أطرق الأب رأسه هربًا

*******

لا يا أبا وليد

ليس الوقت وقت الإطراق

ولا الهرب

ويا أيتها الأم الحنون

ليس الوقت وقت البكاء

فمازالت هناك فرصة..

ولكن

يجب أن تسألا نفسيكما

لماذا تطورت الأمور لتصل إلى ذلك الحد المريع؟

أين الخطأ؟

ومن السبب؟

وما العمل؟

يا أيها الأب،

ويا أيتها الأم

المشكلة

ليست في وليدكم - الكبير

ولكن فيكما أنتما ،

فأنتما لم تفهما تلك الفترة الصعبة التي يمر بها ابنكما

أنها المراهقة

وأولى خطوات الحل

تبدأ من هنا

*******

افهما طبيعة مرحلة المراهقة

يمر المراهق بتغيرات رهيبة في تلك المرحلة

ففترة المراهقة تعد بمثابة أرض محايدة للمراهق

فلا هي أرض الطفولة

التي يعرفها

ويجيد التعامل مع مكوناتها

ولا هي أرض الرشد

التي لا يعرف عنها شئ أصلاً

والمراهق غالبًا

ما يكون في وضع

غامض

محيّر

بين الاثنين

لا يعرف مركزه

أو ماهية الأدوار

التي يتحتم عليه القيام بها

والمراهق يتصف في تلك المرحلة بالآتي

عدم الثبوت الانفعالي

فهو يتأرجح بين المتناقضات

حب ،

كره

فرح ،

حزن

حماس ،

فتور

الحساسية الزائدة

نقص الثقة في النفس

ويرجع ذلك

نتيجة لشعوره بالاستقلال

ولكنه لا يستطيع الاستقلال فعليًا

الانفعال الشديد

ناتج عن عدم الثبوت الانفعالي

شدة الحياء

نقص الكفاءة

فهو يرى نفسه راشدا

ولكنه تصرفاته مازالت متشبثة بطفولته

ضغط المجتمع

وهي تلك القيود

التي يظن المراهق أنها تعيق انطلاقه

ستنظر إلي قائلاً: هذا ابني إذًا؟

الآن فهمت تصرفاته،

وعلمت موقع الخلل

ولكن لم تقل لي ما العمل؟

فما حدث قد حدث !!

فما العمل؟

*******

الـتـواصـــل

إذا نظرنا إلى الأجيال في تعاقبها

لرأيناها تتواصل

يقطعها بين الجيل والجيل الآخر

مفصل المراهقة

وهو مفصل فاصل واصل معًا

فاما أن تجيد التواصل

أو

تنقطع الصلة الجيلية بينك وبين ابنك المراهق

فما هي خطوات التواصل الجيد؟
*******

1-اجلس معه

للجلسات أنواع يمكن إجمالها في التالي

المكابرة والعناد

أنا أعلم منك: المعلم

أنت جالس وهو واقف: الفوقية

الخوف والكذب

أنا أقوى منك: المحقق

أنت واقف وهو جالس: التحتية

الاطمئنان والصدق

أنا أحبك: الصديق جالس

ان يدنو كل من الآخر: المعتدلة

أما بالنسبة لمكان الجلسة

فيجب أن يكون

مألوف

-بعيد عن أعين الناس

-يتوافر فيه عاملا الخصوصية والسرية

-يفضل أن يكون خارج المنزل ،

أو في غير مكان حدوث المشكلة

-ويراعى في وقت الجلسة الآتي

ان يكون وقتا مناسبا للطرفين

-أن يكون كافيا

-وقت الصباح أفضل من المساء

*******

2-الرفق واللين

قال صلى الله عليه وسلم: إن الرفق لا يكون في شئ إلا زانه ، ولا ينزع من شئ إلا شانه.. رواه البخاري

*******

3-تحاور معه

شروط الحوار الجيد

أ - الحديث المتبادل

فلا يستأثر طرف بالكلام دون الآخر

لكي يوضح كلا منهما وجهة نظره وأسبابه

ب - تحديد نقاط الحوار والهدف منه

والهدف من الحوار

هو إيجاد حل للمشكلة يرضي الطرفان

وبذلك تكون نقاط الحوار كالآتي :

تعريف المشكلة

-تجريم الموقف أو تبرئته

-العقوبة أو المثوبة -

جـ - لا لا .. نعم نعم

احرص على استخدام أسئلة وعبارات كثيرة

يمكن الجواب عليها بـ: لا..

إذا كان المقصود منع المراهق من فعل شئ معين

أو الجواب عليها يكون بـ: نعم..

إذا كان المقصود دفع المراهق لفعل شئ معين

د - عدم التصيد للأخطاء

لتحرص على عدم المقاطعة

كلما وجدت تناقض في حديث المراهق

لأن ذلك يجعل المراهق يحجم عن المشاركة في الحوار وإدلاء ما عنده..

قد لا تعبر الكلمات 100% عما يجيش بصدر المراهق

هـ - قاموس المراهقين

استعمل تلك المصطلحات باستمرار أثناء كلامك مع المراهق

قل: حسن -

جيد -

ممتاز -

أحسنت -

صادق -

أمين-

مُجد -

ناجح -

ذكي -

منظم -

محترم -

مبدع - مخلص

اجتنب تلك المصطلحات أثناء كلامك مع المراهق

لا تقل:

سيئ -

مشاغب -

كذاب -

لص -

فاشل -

رديء -

غبي -

تافه -

غشاش -

ماكر
*******

4-أحسن الاستماع إليه

من مهارات الاستماع للمراهق

النظر بهدوء إلى عين المراهق، وعدم التحديق به

-الاستماع إليه بالاهتمام المناسب

-الانتباه إلى الإشارات الجسمية:

اليد ، الشفاه

- تقليل المقاطعات بقدر الإمكان

- الانتباه إلى نبرة صوت المتحدث

-وانتبه إلى أن خبراتك كأب تختلف عن خبرات ابنك المراهق

لذا فالبحث عن معنى الكلمة أصدق من التفاعل مع شكلها وحروفها

وإليك أمثلة لبعض الأسئلة التي يمكن أن تسألها حتى تتبين المعنى

هل يمكن أن تضرب لي مثالاً على ما تقصد؟

ماذا تقصد بـ .....؟

كيف تشعر تجاه ما حصل؟

*******

5-اجعل له مجالا للعودة

وذلك بالتشجيع والقبول

في حالة توبة المراهق وتركه الفعل السيئ

يقول تعالى: قُلْ يَا عِبَادِي الًذِينَ أسْرَفُوا عَلَى أنفُسهِم لا تَقْنَطُوا مِنْ رَّحْمَةِ الَّلهِ إنَّ الَّلهَ يَغْفِرُ الذُّنُوبَ جَمِيعًا إنَّهُ هُوَ الغَفُورُ الرَّحِيمُ.. الزمر 35
*******

6-الدعــاء

وعلى ولي الأمر اختيار الأوقات المناسبة ،

أوقات الاستجابة

وأن يدعو بصلاح أبنائه

وليحسن الظن وليثق بالله

*******

قامت الأم لتزيل ما تبقى من الطبق،

ونظرت إليه مبتسمة

يبدو أنك لست وحدك الذي ستلقى في القمامة

ولكن سنلقي معك أفكارنا وطرقنا القديمة أيضًا
لم يجد الأب سوى الابتسام

وقام لغرفة وليد

ليبدأ معه صفحة جديدة

إنها صفحة

شعارها: يبقى الود، ما بقي الحوار

*******

-معــتـز شـاهيـن-
من طـارق فـاروق

((رسالة منقولة))

اعتذر عن طول المنقول

نقلت الرسالة لاني كنت اتمني الاقي حد زي اللي صوت العقل اللي اتكلم في نص الحكاية

كنت اتمناه يوصل لكل اب وام

علشان يقولهم انهم بيهدوا جوه ولادهم اكتر ما بيبنوا

"وذكر فإن الذكري تنفع المؤمنين "

بفكرني تالت :)

الصورة دي لجوزة الطيب Nutmeg

متعارف عليها انها من التوابل و داخلة في وصفات اكل كتيرة جدا ودلوقتي في برامج الطبخ .. منتشرة انتشار كبير اوي

ولو مش تعرفوها او متعاملتوش معاها ..

هتلاقوها داخلة ضمن التوابل المختلفة اللي في مطبخ بيتكم

معتقدش ان في كتير يعرفوا حكم استعمال الثمار دي ...

باختصار شديد قبل ما اجيب كلام علمي واثباتات..

سهل تعملوا بحث عليها و هتلاقوا كلام كتير جدا وحكم استعمالها

اولها ...

هي من المسكرات

"ما اسكر كثيره فقليله حراااااااااام"

واخرها..

ممكن تؤدي الي الوفاة

اللهم بلغت اللهم فاشهد

واليكم التحليل بتفاصيل اكتر

تسمى جوزة الطيب : الجوزة ، الجوزاء ، جوزة بابل

يستحصل على ثمار جوزة الطيب من نبات myristica fragrans ،

وتعتبر هذه الثمار من التوابل الشائعة الاستعمال في أغلب دول العالم ،

وقد استخدمت هذه الثمار لقرون عديدة كمواد مهلوسة في أماكن متعددة من جنوب آسيا,

وتسبب جوزة الطيب بجرعات صغيرة تأثيرا منشطا,

أما إذا أعطيت بجرعات كبيرة (15- 20 جم) فأنها تسبب حدوث الهلوسة.

وأهم المواد الفعالة في جوزة الطيب مركب الميريستسين Myresticin الذي يسبب النشوة والهلوسات اللمسية والبصرية,

ويشبه تأثير هذا المركب تأثير كل من الأمفيتامين والمسكالين.

وقد ذكر بعض المعاصرين أن جوزة الطيب تحتوي على مادة دهنية مائلة للاصفرار تعرف بدهن الطيب ويحتوي هذا الدهن على نحو 4% من مادة مخدرة,

وتأثيرها مماثل لتأثير الحشيش ،

وفي حالة تناول الجرعات الزائدة يصاب المرء بطنين في الاذن /

الامساك الشديد /

اعاقة التبول /

القلق /

التوتر /

وهبوط في الجهاز العصبي المركزي

قد يؤدي إلى الوفاة .

فجوزة الطيب من المواد المسكرة، وتناولها حرام عند عامة الفقهاء، وقد أجاز بعض الفقهاء إدخال قليل منها في البهارات ما دام هذه القليل لم يدخل في حد الإسكار لقلته ، وأكثر الفقهاء على المنع منها مطلقا، للحديث الشريف: ( ما أسكر كثيره فقليله حرام ).

السيدة أُمِّ سَلَمَةَ رضي الله عنها قالت: نهى رسول اللَّهِ صلى الله عليه وسلم عن كل مُسْكِرٍ وَمُفَتِّرٍ. رواه أبو داود (3686) بسند حسنه الحافظ في الفتح 10/44 وصححه المناوي في التيسير بشرح الجامع الصغير 2/475

والمفتر ما يورث الفتور والخدر في الجسم.

وعن جَابِرِ بن عبد اللَّهِ رضي الله عنهما قال : قال رسول اللَّهِ صلى الله عليه وسلم (ما أَسْكَرَ كَثِيرُهُ فَقَلِيلُهُ حَرَامٌ) رواه أحمد (14744) وأبو داود (3681)

وعن سعد بن أبي وقاص رضي الله عنه عن النبي صلى الله عليه وسلم قال (أنهاكم عن قليل ما أسكر كثيره) رواه النسائي (5608) وأبو يعلى (694) وصححه ابن حبان (5370)

عن النُّعْمَانِ بن بَشِيرٍ رضي الله عنه قال سمعت رَسُولَ اللَّهِ صلى الله عليه وسلم يقول (إِنَّ الْحَلَالَ بَيِّنٌ وَإِنَّ الْحَرَامَ بَيِّنٌ وَبَيْنَهُمَا مُشْتَبِهَاتٌ لَا يَعْلَمُهُنَّ كَثِيرٌ من الناس فَمَنْ اتَّقَى الشُّبُهَاتِ اسْتَبْرَأَ لِدِينِهِ وَعِرْضِهِ وَمَنْ وَقَعَ في الشُّبُهَاتِ وَقَعَ في الْحَرَامِ كَالرَّاعِي يَرْعَى حَوْلَ الْحِمَى يُوشِكُ أَنْ يَرْتَعَ فيه ) رواه البخاري (1946) ومسلم (1599)

بَيَنَ القدماء والمعاصرون أن جوزة الطيب من المخدرات التي تؤدي إلى فتور في الأعضاء وتَشَوش في الذهن والقدرات العقلية .

- قال المتأخرون من الشافعية ، والمتأخرون من المالكية ، والمتأخرون من الحنابلة ،والنووي ، وابن دقيق العيد ، والزركشي ، وابن تيمية : جوزة الطيب مسكرة , وأيدهم علماء النبات القدماء .

- قال ابن حجر الهيثمي : إطلاق الإسكار على الجوزة ونحوها المراد منه التخدير , إذ كل مخدر مسكر وليس كل مسكر مخدر .

- وقال الحطاب المالكي ، وابن عابدين الحنفي :الجوزة من المخدرات .

- وعلى ذلك يكون تناول جوزة الطيب حرام واضح .

بدليل : ( أن الرسول صلى الله عليه وسلم نهى عن كل مسكر ومفتر ) .[ أخرجه أبو داود وحسنه الحافظ في الفتح ] .

كما أن الشيخ عطيه صقر يقول: وابن حجر الهيتمي المُتوفَّى سنة 974 هجرية تحدث في كتابه "الزواجر عن اقْتراف الكبائر" في الجزء الأول منه "ص 212" عن الحشيش والأفيون والبنج وجوزة الطيب.........وقال عن جوزة الطيب: عندما حَدَثَ نزاعٌ فيها بين أهل الحَرمين ومصر واختلفت الآراء في حِلِّهَا وَحُرْمَتِهِا طرح هذا السؤال: هل قال أحد من الأئمة أو مقلديهم بتحريم أكل جوزة الطيب؟ ومحصل الجواب، كما صرَّح به شيخ الإسلام ابن دقيق العيد، أنها مُسْكِرة، وبالغ ابن العماد فجعل الحشيشة مَقيسة عَلَيْهَا، وقد وافق المالكية والشافعية والحنابلة على أنها مُسْكِرة فتدخل تحت النص العام "كُلُّ مُسْكِرٍ خَمْرٌ وَكُلُّ خَمْرٍ حَرَامٌ" والحنفية على أنها إما مُسْكِرة وإما مُخدرة. وَكُلُّ ذلك إفْسَاد للعقل، فهي حرام على كل حال انتهى كلام الشيخ عطية.

وفي المواقع الاجنبية نفس الكلام بالاضافة لكلام عن دخولها في اطعمة عديدة و بعض الادوية و حتي معجون الاسنان ..

واليكم هذا المقطع من موقع بيعرف الناس ايه الاطعمة اللي بتعمل دماااااااغ !!!!

Common Foods That Can Actually Get You High

Nutmeg, that piquant brown spice you sprinkle on egg nog, is chock full o' the organic compound myristicin. Eating four to eight teaspoons of ground nutmeg causes mild hallucinations, warmth in the limbs ...

The Downside

... .... dizziness, nausea, cottonmouth, paranoia, difficulty urinating and, the coup de grace

Some users compare the nutmeg "high" to a hellish case of the flu. To make things worse, nutmeg consumption is easily the most inconvenient way to get high--its effects kick in five to six hours after ingestion. That's like having to drink a six-pack at lunch in anticipation of happy hour

اللهم بلغت ،، اللهم فاشهد..